|
Zadel (H. m., -s) een Stekj Papia opp daut waut jeschräwen es toom waut weeten loten
Zajchraut (H. n., -räda) eene jlikje ooda plaute Disk toom de Ieed enschnieden jrod ea daut Pluachschoa de Ieed opphäft
Zak (H. f., -en) eene Spetz von waut zakjet; eene Tank
zakich (Isw.) met Zaken; soo aus met Zaken; met väle Spetzen
Zakraut (H. n., -räda) een Raut met Tanken ooda Zaken
Zank (H. m., -) een strieden; Zenkjarie; eene Oneenichkjeit tweschen twee Menschen
zanken (schw.T.) sikj oneenich sennen; strieden
zastich (H. f., -s) een Numma, 60; Ordnungszol: 60., zastichste
Zaubarie (H. f., -n) daut aufjäwen met Jeista toom Sachen lenkjen ooda em verut sajen
zaublen (schw.T.) soo aus een Kjint gonen, daut nich jlikj jeit
Zaubra (H. m., -) eena dee sikj met Zaubarie aufjeft; eena dee väajeft Norecht ooda Weisheit von Jeista to haben
zaubren (schw.T.) tobren; met Zaubarie oabeiden
zäwentich (H. f., -s) een Numma, 70; Ordnungszol: zäwentichste
Zebra (H. m., -) een Tia sea soo aus een Pieet met kloa witt un schwoate Striepen nopp un rauf aum Kjarpa
Zeeda (H. m., -) daut Holt von een Zeedaboom
Zeedabaulkjen (H. m., -es) een Baulkjen von Zeedaholt
Zeedaboom (H. m., -beem) eene Sort Beem
Zeedabrat (H. n., -bräda) een Brat von Zeedaholt
Zeedaholt (H. n., -) daut Holt von een Zeedaboom
zeedajewault (Isw.) sea stoakj; soo daut et nich to bräakjen jeit
zeedane (Isw.) von Zeeda
Zeedapost (H. m., -past) een Post ooda Pol von Zeedaholt
Zeich (H. n., -) daut Materiol toom Kjleeda moaken
zeichne (Isw.) von Zeich
Zeichnis (H. n., -en) een vetalen waut eena jeseenen ooda erläft haft
Zeij (H. f., -en) eena dee waut selfst jeseenen haft un doavon vetalt
zeijen (schw.T.) fa waut enstonen waut eena jeseenen haft;
Zeitung (H. f., -en) een Blaut daut pinkjlich om eene jewesse Tiet rutkjemt met Nieichkjeiten ooda Jeschichten dee de Lied jieren läsen
Zekjreet (H. n., -en) Bekjhus; Hieskje; Kloo; Toilet; Bano
Zekund (H. f., -en) een zastichstel (1/60) von eene Minut
Zell (H. f., -en) een sea kjliena Kjarpa; jieda läwendjet daut doa stoawen mott es von Zellen toojestalt
Zelt (H. f., -en) een zeichnet Hus
Zeltdäa (H. f., -ren) de Däa to een Zelt
Zeltdakj (H. f., -en) eene Dakj de jebrukt woat toom een Zelt moaken
Zeltloaga (H. f., -sch) een Loaga wua miere Zelten oppjestalt sent
Zeltmoaka (H. m., -/sch) eena dee Zelten moakt
Zeltstekjel (H. m., -s) een Stekjel toom enne Ieed stäakjen un doa een Strank aunbinjen toom een Zelt faust hoolen
zementen (schw.T.) Forms oppstalen un Zement tooprieren un enne Forms jeeten
zemorjes (Isw.) em Morjen;tiedich em Dach; ver Meddach
zenkisch (Isw.) leicht aunjelajcht toom zanken
zenkjrich (Isw.) aunjelajcht sennen toom een Zank aunfangen
Zent (H. n., -en) een Jeltstekj von Metol jemoakt; een hundatstel (1/100) von een Dola
Zentimeeta (H. m., -) een Mot von lenjd, 1/100 von een Meeta; tweeunhaulf Zentimeeta es ojjefäa een Zoll
Zentrum (H. n., -) eene Städ wua väl Menschen toopkomen, foaken eene Medd von eene Staut
zeowes (Isw.) lot em Dach; no Unkast
Zeremonie (H. f., -n) waut opp een Fast jedonen woat, soo aus een Tauffast ooda eene Bestätjunk
Zerkjel (H. n., -) een Kulla; eene Rund
zerkjlen (schw.T.) em Kraunz gonen ooda foaren
zetren (schw.T.) schedren fa Angst ooda too kolt sennen
zetrent (Isw.) soo aus biem zetren; met zetren
zetrich (Isw.) met tekjren; met zetren; soo aus met zetren
zheiwren (schw.T.) väl un bosich vetalen; de Vetal von een Kjint dee noch nich Wieeda moakt
Zichtarie (H. f., -n) daut aufjäwen met Plaunten ooda Vee vebätren met bloos emma de baste toopbrinjen
Ziejoon (H. m., -a) eena von een besondret Volkj em oosten von Europa, dee sent bekaunt daut dee nich Launt ieejnen un en Woages romreisen un schachren un prachren un vom jereeden läwen
Ziel (H. m., -s) no waut eena iewat; de Städ wua eena han well; daut foadje Enj
zielen (schw.T.) waut opp Ziel nämen
Ziepa (H. m., -sch) de Hoa aum Uagelett
ziepauagich (Isw.) met de Uagen veschleepat un nich gaunz opp
ziepauagich (Isw.) Uagen nich schmock opp un veschleepat
zieprich (Isw.) nich kloa uttomoaken; nich oppjeriemt; scheiwelhaksich
zieren (schw.T.) schmock moaken; utstraumen
Zieropp (H. m., -) flissendjet oba sea dikja Zocka; irjent een flissendjet daut schlajcht to rieren es
Ziffa (H. m., Zifren) een Numma; een Tieekjen von een Toon, huach ooda läach
Ziffablaut (H. n., -bläda) aun eene Klock, daut Blaut met de Nummasch fa de Stunden
Ziffilus (H. f.) eene Krankheit de derch Jeschlajchtsvekjia wieda drajcht
Ziggoa (H. f., -ren) Tobbak en Papia jerolt toom schmieekjen
Zillinda (H. m., -/sch) een sea grootet Rua; een Gauszillinda es oppe Enja too; een Glauszillinda toom opp eene Laump es von kloaret Glaus
zimlich (Isw.) däaje; eenje Moten; nich weinich
zimpel (Isw.) eefach; met nich väl Vestentnis
zinjren (schw.T.) een sea fienet Räsen daut enne Knoakes to feelen es
zinjrich (Isw.) met zinjren; soo aus biem zinjren
Zinkj (H. n., -)eene Sort Metol
Zinniema (H. n., -s) een Jeschaft ooda eene Enrechtunk toom Films wiesen; Cine
ziplen (schw.T.) roaren; hielen
Zippel (H. f., Ziplen) eene Sort Jekjäakjs met runde jreenet Luak enne Städ Bläda un een Baul eene Ieed de eenen sea strenjen Jeschmak haft; irjent een Baul met Frensen; (dim.) Zippelkje, -s
Zippelluak (H. n., -) daut Luak von Ziplen
zipziel (Isw.) sea krakjt
zischen (schw.T.) een Jelud moaken soo aus Loft derch een kjlienet Loch pusten
Zischnikj (H. n., -) eene Wartel von em Goaden met eenen strenjen Jeschmak
Zista (H. f., -tren) een groota Behelta fa Wota
Zitroon (H. f., -en) eene Frucht von een Zitroonenboom, sea soo aus eene Orang oba jäl noch suara
Zoagel (H. m., Zäajel) daut lange Jewaus aun een Tia daut vom Rigjstrank aunjelenjt es, eenje sent sea hoarich
zoagen (schw.T.) duaren; nich Moot haben
zoagent (Isw.) met zoagen; soo aus met zoagen
zoaglen (schw.T.) soo sennen aus een Zoagel; wäm oppe Haken bliewen
zoakren (schw.T.) wäm soajen; wäm beleidjen
Zocka (H. m., -) de witte Kjreemels dee oppen Desch jebrukt woaren toom Äten seet moaken
Zockabeet (H. f., -en) eene Sort witte Beeten dee jetrocken un veoabeit woaren to Zocka
Zockaboom (H. m., -beem) en Canada een Boom met zakje Bläda däm em Farjoa Zockawota ute Baust kjwalt
Zockafabrikj (H. f., -en) eene Fabrikj en dee Zockabeeten ooda Zockarua veoabeit woat to Zocka
Zockakrankheit (H. f., -en) eene Krankheit wua de Mensch tooväl Zocka em Bloot haft
Zockarua (H. n., -) eene Plaunt, soo aus riesen grootet Graus, daut een seeta Staum haft un jebrukt woat toom Zocka moaken
Zockaschoot (H. f., -en) Jekjäakjs; seete Oaftenschooten
Zockastekj (H. n., -a) een Stekj toopjeprastet Zocka
Zodda (H. m., -sch) een derchenaunda von Dräd ooda Hoa
zodren (schw.T.) vezodren; Knoppes kjrieen; Ordninj velieren
zodrich (Isw.) met Zoddasch; soo aus met Zoddasch
zokrich (Isw.) sea seet; met Zocka; vezockat
Zol (H. f., -en) een Numma; eene Mot en Nummasch
Zoll (H. n., -) eene Mot von lenjd; een twalftel (1/12) von een Schoo
Zollbrat (H. n., -bräda) een Brat daut Zoll aunjetieekjent haft toom Sachen mäten un toom jlikje Lienjes molen
Zooten (H. mz.) Launen; Enstalungen; woo eena waut haft
Zopp (H. f., -en) toopjenomne ooda toopjeflajchte Hoa; (dim.) Zopkje, -s
Zopsel (H. n., -) waut seetet, soo aus Zieropp, toom opp Broot schmäaren
Zuben (H. mz.) Kjleeda; vekjleedade Kjleeda; Kodren
Zuch (H. m., Ziej) eene Rieej Woages toopjehoakt, uk soo aus oppe Bon
zultrich (Isw.) vezultat; orriemsch von Hoa
zwakjloos (Isw.) to nuscht goodet to brucken
Zwinj (H. f., -en) Clamp; een Jereetschoft toom Sachen faust toophoolen ooda toopdrekjen
|
