|
Wiet wea jun Läweswajch
No de Melodie „So lang mein Jesus lebt“
Wiet weh jun Läweswajch,
en windijch maunche Tiet.
Derjch Dunkel jintj et Schrett fe Schrett,
junt schien daut Ziel noch wiet.
Wiet weh jun Läweswajch,
en diesta maunche Nacht.
Doch fung jie doa dem rejchtjen Wajch,
dem Jesus äwawacht.
Wiet weh jun Läweswajch,
vol Oppgowe en Flijcht.
Doch Eena weh, dee junt hild,
üt seine Leew en Sejcht.
Wiet weh jun Läweswajch,
vol Liede en vol Freid.
Weil Gottes Haund soo faust junt hilt,
enn Ahm soo sejcha send.
Wiet weh jun Läweswajch,
derjch Lenda wiet en noh.
Doch Eena weh dee met junt jintj,
Gott weh junt emma noh.
Wiet weh jun Läweswajch,
Ahm tje jie gauns vetrüe.
Hee helt junt faust aun Seine Haund,
opp Ahm bloos well wie büe.
|
