|
Wiehnachte
De Tiere diskutierte eumul ewa Wiehnachte.
Seu struete, wout de Haupsache oun Wiehnachte es.
"Na kluor, Gounsebrude", sed de Fuchs, "wout wie Wiehnachte uhne Gounsebrude!"
"Schneu", sed de Iesbua, "veel Schnee!" Enn donn sed`a noch:"Witte Wiehnachte fiere."
De Reu sed:" Etj bruck uba eunen Wiehnachsböum, sonst koun etj nich Wiehnachte fiere."
"Uba nich sö veel Tjerze", jüld de Üel "jemütlich mot et sene. De Stemmung es de Hauptsache!"
"Uba min nijet Tjleut mot man seune", sed de Pfau " Wann etj tjeun nijet Tjleut tjrie, es fe mi tjeun Wiehnachte."
"Enn Schmuck," tjreschte de Hesta, "jida Wiehnachte tjri etj wout: Rinj, ne Brosch oda ne Tjed,
dout es d´t gounz Baste."
"Na, uba d´m Stollen nich vejete", brommd de Bua, "dout es doch de Hauptsache, wann et dem nich jeft
enn oull deu seute Sache, well etj tjeun Wiehnachte."
"Muek ous etj", sed de Dachs, "schlupe, schlupe, dout es dout Wuoere oun Wiehnachte,
mul rechtich ütschlupe!"
"Enn süppe" sed de Ohs, "mul rechtich voll süppe enn dann schlupe", donn schrich´a "Aua",
denn de Esel fied amm eunt üt: "Dü, Ohs, denjst dü nich oun dout Tjind?"
Duo senjt de Ohs beschämt d`m Kop enn sed:
"Dout Tjind, ju dout Tjind, dout Tjind es de Hauptsache."
"Weute de Mensche dout uck?", fruch de Esel.
J. Hildebrand
|
