|
äa (Pron. 3P. nom. ez.mz. poss.) waut see haft, waut äat es [Daut es äa Sän. Daut es äa Kjint.]; waut see haben, waut äat es [Daut es de Mana/Frues/Kjinja äa Liera.]
Äajd (H. f., -en) Jereetschoft toom daut Launt jlikj moaken von Kjlieta un kjliene Rigjes
Äajdakjs (H. f., -en) een natet Tia met hoade Striepen dedwäa äwarem Rigjen
äajden (schw.T.) met eene Äajd schaufen, eene Äajd schlapen
Äajdjelenkj (H. f., -a) een Jelenkj von de Äajd
äaje (Pron. 3P. ez.mz. poss.) waut ar/äant jehieet [De Dochta/Dajchta äa Oafgoot es daut äaje.]
äakjlen (schw.T.) sea jäajenaun sennen, soo daut eenem kolkjat
äakjlich (Isw.) sea jäajenaun; waut eenem kolkjrich moakt
äara (Pron. 3P. nom. m.mz. poss.) dee (m.ez.) waut ar/an jehieet [De Mana äara. De Frues äara.]
äare (Pron. 3P. nom. m.mz. f.ez.mz. poss.) dee (f.ez.mz.) waut ar/an jehieet
äaren (Pron. 3P. obj. m.mz. f.ez. poss.) dee (m.ez. f.ez.mz.) waut an/ar jehieet [De Mana jeewen äaren Leida daut. De Fru muak äaren Sän eenen. De Frulied schekjten äaren Leida.]
äaresjlikjen (Isw.) soo aus see sent
äat (Rel.Pron. 3P. nom. f.ez. poss.) daut (n.ez.) waut ar jehieet [De Fru äat kjemt noch.]
äathaulwen (Pron.+Isw.) wäajen ar; wiels see daut haben mucht, wiels ar daut halpt [De Dokta kjeem om äathaulwen.]
ach (Utdruck) Utdruck em beduaren, em Tiet nämen toom denkjen, em bejaumren
Acht (H. f., -) Respakjt; Wieet hoolen en waut; schazen
acht (Numma) Numma: 8, daut Numma tweschen säwen un näajen; Ordnungszol: achta, achte
achtel (H. n., -s) daut achte poat; daut waut blift wan bie acht woat derchjenomen
Achtelnoot (H. f., -en) eene Noot en Musikj dee een Achtel von dän Wieet von eene volle Noot haft
achten (schw.T.) Wieet talen; no waut oppaussen daut eene weet waut passieet es
achtieen (Numma) Numma 18; Ordnungszol: 18., achtieenda
achtjäwen (st.T.; sp: jäwen acht) acht jäwen, no waut oppaussen om dän Wieet waut to räakjnen
Ädikj (H. m., -) sea suaret Wota, daut woat jebrukt toom Äten moaken un reinmoaken
Adrass (H. f., -en) de Information ooda Eenselheiten, dee eenem sajen wua eena wont ooda läft; Postadrass
Adrassbuak (H. n., -bieekja) een Buak met Adrassen
adrassieren (schw.T.) de Adrass opp eenen Breef schriewen
afens (Isw.) knaup, nich sea
Afrika (H. f.) een Kontinent siedlich von Europa, daut Launt von wua de Näaja komen
Ägipta (H. f., -) een Mensch von Ägipten
Ägipten (H. n.) een Launt em nuadoost von Afrika
ajcht (Isw.) rein, luta, nich vemischt ooda veschwient; onen Drakj
Ajent (H. m., -en) eena de en een Aumt steit en een Jeschaft ooda de Rejierunk toom eenen bedeenen
Aka (H. m., -sch) eene Mot von Launt, 1/640 von eene Miel bie eene Miel, 1.327,7 bie 10 Meeta, 4.356 bie 10 Schoo
Akabua (H. m., -res) een Foarma, eena dee doa akat
Akaflekj (H. n., -a) een Stekj Launt toom akren, eene Stap
Akalaunt (H. n., -) Launt daut toom akren/foarmren to brucken es
Akatiet (H. m., -tieden) Tiet toom akren, seien
Akj (H. f.,-en) de Spetz wua twee Lienjes/Plauten toopkomen
akjich (Isw.) met väl Akjen
Akjpost (H. m., -en) de Post dee enne Akj steit
Akjpuat (H. n., -en) daut Puat daut oppe Akj es
Akjs (H. f., -en) een schoapet Iesa aun eenen Stäl toom Holt ooda aundre Sachen enspoolen/tweischlonen
Akjschaup (H. n., -s) een Schaup daut en eene Akj nenn paust un oppe Schrozinj väaren op es ooda op to moaken es
Akjsteen (H. m., -a) een Steen dee doa wiest wua de Akj es, een Steen dee oppe Akj licht
Akjstekj (H. n., -a) daut Stekj daut oppe Akj es
Akjstenda (H. m., -sch) de Stenda dee oppe Akj steit
Akjstow (H. f., -en) de Stow enne hinjaschte Akj, de Elren äare Schlopstow
Akozje (H. f., -) eene Sort Beem
Akozjeholt (H. n., -) daut Holt von een Akozjeboom
akren (schw.T.) foarmren, Launt beoabeiden
aktiv (Isw.) bewäacht, nich stell hoolen, waut wieda stalen
Alboagen (H. m., -es) daut Jelenkj medden em Oarm tweschen Schulla un Haunt
älendich (Isw.) sea denn; moaga; soo aus vehungat
alf (Numma) Numma: 11, uk alw jesajcht: Klock alw
Alfalfa (H. n., -) eene Sort sea noarhauftet Lankfooda fa Vee
Aluminium (H. n.) leichtet selwanet Metol
alw (Numma) see ‘alf’
am (Pron. 3P. ez. m. obj.) [Ekj jäw am waut]
Ama (H. m., -sch) soo aus een leichtet Tonkje met een Bäajel, toom Wota, Malkj, Jeträajd usw. Droagen; (dim.) Amakje, -s
Amavoll (H. m., -) de Mot dee en een Ama nenjeit
Amen (H. f., -s) daut Schlusswuat to een Jebäd; daut bediet: mucht daut soo woaren
amen (Utdruck) daut latste Wuat em Jebäd, daut bediet: ekj meen daut soo
Amerika (H. n.) Nuad Amerika: een Kontinent nuaden von Sied Amerika, tweschen däm Atlantischen un Pacifischen Ozean, ooda uk tweschen Asien un Europa; Sied Amerika: een Kontinent daut sieden von Nuad Amerika licht, tweschen Afrika un Australien
an (Pron. 3P. mz. Obj. m./f.) [Dit es fa an]
Anabaptist (H. m., -en) een Wiedertäufer, een Mennonit, Anabaptist bediet sikj toom tweeden mol deepen loten, soo aus de ieeschte Mennoniten deeden dee aul aus Kjinja jedeept wieren wast
Anarkjist (H. m., -en) eena dee kjeene Rejierunk haben well un met Jewault jäajen siene Rejierunk schauft
Angel (H. f., -n) Jereetschoft toom anglen/feschen
anglen (schw.T.) met eene Angel waut jriepen/feschen, waut sieekjen to kjrieen oba nich opp eenen direkjten Wajch
Angst (H. f.) Forcht, grootet beduaren [Ekj hab Angst. Ekj enjst mie]
Anka 1) (H. m. –sch) Een schwoaret Jewicht, met een grooten Hoaken, toom von een Boot em Wota loten, om daut et nich wieda schwamt; 2) ankren (schw.T.) een Anka em jebruck nämen, sikj aun waut hoolen ooda faust sennen
ankren (schw.T.) eene Anka utem Schepp loten toom daut hoolen von wieda pusten vom Wint
änlen (schw.T.) äwareen loten; likjnen
änlich (Isw.) meist äwareen; biejlikj soo aus waut aundret
Antiefries (H. m., -) waut eena em Rädiäta nenjitt soo daut dee nich tweifrieren woat
Apetiet (H. f., -) een Velangen haben toom äten
apetietlich (Isw.) scheenschmakjent
Apostel (H. m, -) eena von de twalf Jinja dee met Jesus jinjen en de dree Joa aus hee unjarechten deed
Apostelaumt (H. n., -amta) daut Aumt von een Apostel
Aposteljeschicht (H. f.) de Jeschicht von de Apostel; een Buak en de Bibel, no de vea Evangelien un ver Paulus siene Breew em Nieen Tastament
Apostelzol (H. m., -en) de Apostel toop aus eene Grupp; daut Numma von woo väl Apostel doa wieren
Aprell (H. m.) de vieede Moonat em Joa, de Moonat tweschen Moaz un Mei
ar (Pron. 3P. ez. Obj. f.) [Ekj jäw ar/äa daut]
Araba (H. m., -) een Mensch von Arabien
Arabien (H. f.) daut Launt von de Araba; de Lenda tweschen Israel un Indien
Aranje (H. f., -s) eene Sort Spanden
Ararat (H. m.) een Boajch nuaden von Palestina un Israel, de Boajch wua Noah sien Schepp sikj sad
Arbus (H. f., -en) Rebus, Wotamellon
Ärkliena (H. m., -) Jereetschoft toom de Loft reinmoaken, dee em Moota nenjeit
Ärkondischen (H. m., -) Enrechtunk toom de Loft en eene Stow ooda Foatich kjeel moaken
Armee (H., f. -n) de Maunschoft met Jewäaren met dee Kjrich je-eeft woat
Armeejung (H. m., -es) een Soldot, een Jung dee to de Armee jehieet
Armeeleida (H. m., -/sch) een Leida enne Armee
Arnt (H. f., -en) Waut vom een jeakadet/jeplauntet enjenomen kaun ooda es, de Ennom vom Launt; arnten (schw.T.) de riepe Jeträajd enbrinjen, draschen, combeinen
Arnttiet (H. f. -en) de Tiet wan de Arnt woat enjebrocht, de Hoafst
Artikjel (H. m., -) een Jeschlajchtswuat; een Wuat ver een Hauptwuat, tB: de Maun, daut Hus; een Oppschriewen en eene Zeitunk
Asch (H. f., -en) eene Sort Beem
Äsel (H. m., -s) Burra; een Tia daut oame Menschen enne Städ een Pieet brucken toom rieden un Sachen fieren; Ausch
Äselfalm (H. n., -s) een junga Äsel
Äselkobbel (H. f., -blen) eene see Äsel
ätboa (Isw.) daut jeit to äten; daut es toom äten
Ateen (H. f.) eene Staut en Griechenlaunt, de Hauptstaut
Ateena (H. f., -) eena dee von Ateen kjemt
atelje (Isw.) eenje, waut von dee, nich aule
Äten (H. n., -) daut waut toom äten es
äten (st.T.; ät, atst, at, eet, jejäten) Äten too sikj nämen
Äteskausten (H. m., -tes) een Kausten toom Äten bennen fieren
Äteskoma (H. f., -sch) eene nate Stow toom Äten oppbewoaren
Ätläpel (H. m., -s) een Läpel toom Supp ooda Moos äten; een Läpel dee 15 ml helt
Ätstow (H. f., -en) de Stow wua Moltieden jeweenlich jejäten woaren
Ätwoa (H. f., -ren) Sachen dee toom äten sent
audee (Utdruck) aufscheets Gruss
auf (Präp.) veleicht, woarschienlich; auf- (VT.) wajch, von, oppoat
aufäajden (schw.T.; sp: äajden auf)
aufarnten (schw.T.; sp: arnten auf)
aufbarschten (schw.T.; sp: barschten auf)
aufbestalen (schw.T.; sp: bestalen auf) bestalen daut waut opphieren saul, sajen daut saul opphieren,
aufbieten (st.T.; sp: bieten auf) waut bieten soo daut eena waut em Mul nenn kjricht
Aufbilt (H. f., -a) eene Statu dee no wäm/waut likjent
aufbinjen (st.T.; sp: binjen auf) toobinjen daut doa nich mea toogank to es, toobinjen daut waut dicht es
aufbliewen (st.T.; sp: bliewen auf) wajchbliewen, nich dichtbie gonen
aufbräakjen (st.T.; sp: bräakjen auf) waut bieejen/bräakjen soo daut et gauns frie kjemt [Eenen Aust aufbräakjen]
aufbrennen (schw.T.; sp: brennen auf) met Fia waut gauns vedoawen ooda vebrennen loten
aufbrieejen (schw.T.; sp: brieejen auf) brieejen, met heetet Wota waut loos ooda wieekj moaken; nich fein to wäm räden, wäm beschnutsen
aufbrinjen (st.T.; sp: brinjen auf) trigj tolen waut eene jeliet ooda schuldich es; waut wieda nämen daut et nich dicht toop es
aufbroklen (schw.T.; sp: broklen auf) en kjliene Stekja von waut loosbräakjen
aufbrucken (schw.T.; sp: brucken auf) waut brucken bat daut nich mea eenen gooden Wieet haft
aufbrutschen (schw.T.; sp: brutschen auf) nich eene goode Oabeit doonen, de Oabeit too bosich un nich krakjt jenuach doonen
aufdachen (schw.T.; sp: dachen auf) met eene Maschien eene Kopie moaken von een Papia ooda Buak
aufdakjen (schw.T.; sp: dakjen auf) opdakjen, eene Dakj von waut rauf nämen, soo daut to seenen es
aufdamen (schw.T.; sp: damen auf) eenen Daum moaken
Aufdank (H. f., -en) de Räd opp een Bejrafnis; aufdanken (schw.T.) de Räd opp een Bejrafnis moaken, begrowen
aufdanken (schw.T.; sp: danken auf) de Räd haben opp een Bejrafnis
aufdaumpen (schw.T.; sp: daumpen auf) met väl Krauft ooda Jeschrech loosfoaren ooda loosgonen, soo aus met de Krauft von een Daump Kjätel
aufdeelen (schw.T.; sp: deelen auf) en Deel moaken en dee jäwen, dee daut traft
Aufdeelunk (H. f., -ngen) een Poat, daut waut aufjedeelt es; een Deel
aufdinjen (schw.T.; sp: dinjen auf) vesieekjen dän Pries läaja to kjrieen
aufdreien (schw.T.; sp: dreien auf) too dreien, eenen Kron too moaken
Aufdrekja (H. m., -sch) aun eene Flint, daut waut däm Schoss moakt
aufdrekjen (schw.T.; sp: drekjen auf) met eene Maschien eene Kopie moaken, aufdachen; wan eena twee Sachen, eent opp daut aundre haft, un dan met waut schoapet opp daut drekjt, soo daut en daut unjaschte nenjedrekjt woat; opp een Loch ooda een Schlauch nopp drekjen soo daut nuscht rut kjemt; eene Flint scheeten moaken, met een Camara een Bilt moaken
aufdrieejen (schw.T.; sp: drieejen auf) met een drieejet Kodda waut nautet weschen soo daut et drieech woat, waut loten enne Loft drieejen
aufdriewen (st.T.; sp: driewen auf) soont doonen, daut een Bäbe ver de Jeburt stoaft un to Welt kjemt
aufdroagen (st.T.; sp: droagen auf) wajchdroagen, wieda droagen
aufenjsten (schw.T.; sp: enjsten auf) wajchenjsten
auferren (schw.T.; sp: erren auf) Fäla moaken, dän gooden Wajch/ne goode Lia veloten un orrajcht doonen
auffäajen (schw.T.; sp: fäajen auf)
Auffaul (H. m.) waut aufjefollen es, Os, Ort, Drank
auffaulen (st.T.; sp: faulen auf) loos faulen, wajch faulen; nich bie de goode Lia bliewen
Auffiameddel (H. f., -) Meddel daut eenem moakt Stoolgank haben
auffielen (schw.T.; sp: fielen auf)
auffoadjen (schw.T.; sp: foadjen auf) foadich moaken
auffoaren (st.T.; sp: foaren auf) loosfoaren; wajchfoaren
auffoodren (schw.T.; sp: foodren auf) gans jäajen Owent noch eemol Vee Fooda jäwen
auffrieren (st.T.; sp: frieren auf) vefrieren un doaderch auffaulen
auffulen (schw.T.; sp: fulen auf) vefulen un doaderch auffaulen
Aufgank (H. m.) daut waut aufjeit, Ort, Os, Drank
aufgaundren (schw.T.; sp: gaundren auf) auflaupsen, sikj opp eenen orrajchten wajch waut tooieejnen
aufgloowsch (Isw.) von eenen aundren/faulschen Gloowen
aufgnoagen (schw.T.; sp: gnoagen auf) gnoagen daut waut auf kjemt, opp waut hoadet bieten un Bieta doavon kjrieen
aufgnupsen (schw.T.; sp: gnupsen auf) eene Tank äwaschlonen, wan eene Hool nich helt soo aus een Taupen ooda een Knubbel
aufgonen (st.T.; sp: gonen auf) loosgonen, wajchgonen, velieren
Aufgonst (H. f., -) wäm waut nich jennen; stoakj jleewen eena sull uk daut/soont haben aus een aundra haft
Aufgott (H. m., Aufjetta) eene Sach dee aunjebät woat, oba nich een Gott es
aufgrosen (schw.T.; sp: grosen auf) Weid loten veschwinjen von too väl grosen, von too väl Vee doa nopp loten
Aufgrunt (H. m., Aufjrind) een sea deepet steilet Eewa wua entlich nich rauf to gonen es
Aufguss (H. m.) waut aufjegoten woat, Drank
aufhaken (schw.T.; sp: haken auf) met eene Akjs ooda Biel waut loos ooda auf moaken
aufhaupsen (schw.T.; sp: haupsen auf) haustich waut vom Läpel haupsen ooda em Mul nämen
aufhäwlen (schw.T.; sp: häwlen auf) met eenen Häwel waut kjlanda ooda denna moaken, ooda paussen moaken; ‘Hieena behäwlen’: opp eenen strenjen Wajch wäm lieren daut hee nich soo driest/hunjsch es
aufheiwen (schw.T.; sp: heiwen auf) met eene Sans Graus schnieden; met schlonen, soo aus met eene Wipp, Akjs ooda Biel waut auf moaken
aufhenjen (st.T.; sp: henjen auf) 1) raufhenjen, nich mea met enjenomen; 2) wan waut nich woaren kaun, buta daut von waut daut aufhenjt ieescht/uk passieren deit
aufhenjich (Isw.) von waut aufhenjen, met waut vebungen sennen, daut uk mott em Betracht jenomen
aufhoaden (schw.T.; sp: hoaden auf) hoat woaren von Enstalunk wäajen waut ooda wäm
aufhoakjen (schw.T.; sp: hoakjen auf) wajch nämen met hoakjen
Aufhoakjsel (H. f., -s) waut toopjehoakjt es
aufhocken (schw.T.; sp: hocken auf) uteneen saten en een aundret Hock, oppoat moaken
aufholen (schw.T.; sp: holen auf) wäm opp Enj von eene Reis bie eene Station trafen un wieda fieren
aufhoolen (st.T.; sp: hoolen auf) waut von waut wajch hoolen, nich loten dichtbie komen; een Kjint opp eenen Topp hoolen
aufjäwen (st.T.; sp: jäwen auf) enne Post lajen daut et kaun wajch jeschekjt woaren; endeelen, uk soo aus Oafgoot
aufjebrieecht (Isw.) aufjehoat; väl goodjenuach sennen
aufjeeten (st.T.; sp: jeeten auf) een Poat von waut utjeeten ooda en een aundret Dinkj nenjeeten
aufjenstich (Isw.) aufgonst haben, sea waut wenschen waut eena nich haben kaun
aufjleppen (schw.T.; sp: jleppen auf) haustich Grunt velieren; wajch faulen wiels sikj daut nich mea helt, aufgnupsen, wajchrutschen
aufjoagen (st.T.; sp: joagen auf) bosich un stoakj wieda foaren
aufkeiwen (schw.T.; sp: keiwen auf) aufbieten
aufkjarten (schw.T.; sp: kjarten auf) kjarta moaken, waut wajchnämen om daut kjarta to moaken
aufkjeelen (schw.T.; sp: kjeelen auf) Hett velieren, kolda woaren
aufkjeepen (st.T.; sp: kjeepen auf) waut von wäm kjeepen
aufkjienen (schw.T.; sp: kjienen auf) Kjiensels aufmoaken
aufkjikjen (schw.T.; sp: kjikjen auf) waut goot beseenen, soo daut eena daut uk woat kjennen doonen ooda nomoaken
aufkjniepen (st.T.; sp: kjniepen auf) toopkjniepen daut nuscht mea rutkjemt
aufkjniewlen (schw.T.; sp: kjniewlen auf) soo aus met een stompet Massa Stekja auf moaken/schnieden
aufkloppen (schw.T.; sp: kloppen auf) kloppen ooda leicht schlonen soo daut waut aufkjemt
aufklunjen (schw.T.; sp: klunjen auf) nopp staupen daut waut aufkjemt
aufknaupen (schw.T.; sp: knaupen auf) sea spoaren; weinich brucken
aufkoaken (schw.T.; sp: koaken auf) koaken soo daut Bieta ooda Jeschmak aufkomen
aufkomen (st.T.; sp: komen auf) looskomen, loosloten
aufkoppen (schw.T.; sp: koppen auf) dän Kopp auf moaken, soo aus Heena met een Biel aufkoppen
aufkrauzen (schw.T.; sp: krauzen auf) met krauzen waut (Foaw) auf kjrieen
aufkussen (schw.T.; sp: kussen auf) bäta kussen; bäta moaken met een Kuss
aufkwoakjsen (schw.T.; sp: kjwoakjsen auf) aufschwienen, eene schlajchte Oabeit moaken, aufbrutschen
aufladren (schw.T.; sp: ladren auf) daut Lada von een Tia nämen
Auflaja (H. m., -sch) een Blaut ooda Stenjel met woont eena eene fresche Plaunt aunfangen kaun; een Sän
auflajen (st.T.; sp: lajen auf) waut to sied lajen, waut opphieren, eenen Oabeida gonen loten
auflaschen (schw.T.; sp: laschen auf) waut jeschräwnet verublen soo daut et nich mea to läsen es, Kjried von eene Tofel aufweschen, met een Gumm daut auflaschen waut met eene Bliesteft jeschräwen es
aufläsen (st.T.; sp: läsen auf) jewesse utläsen; bloos de baste nämen
auflaupsen (schw.T.; sp: laupsen auf) wäm orrajcht loten aum korten Enj to hoolen kjrieen, met Lest waut von wäm kjrieen; beschumlen
aufleenen (schw.T.; sp: leenen auf) von eene Oabeit met Loon auflajen
aufleesen (schw.T.; sp: leesen auf) eenem siene Städ ennämen soo daut dee sikj reiwen kaun
aufleewren (schw.T.; sp: leewren auf) aufjäwen, handroagen, waut wua han droagen un daut doa loten
aufleiden (schw.T.; sp: leiden auf) Ranen moaken toom Wota moaken aufranen; wäm von eene Lia wajch stieren
auflekjen (schw.T.; sp: lekjen auf) waut lekjen daut doa waut aufkjemt
auflenkjen (schw.T.; sp: lenkjen auf) von eene Iedee/Lia/Jedanken wajch leiden
auflocken (schw.T.; sp: locken auf) met Lest auflenkjen ooda aufleiden
aufloden (schw.T.; sp: loden auf) vom Woagen/Lod waut raufnämen
aufloten (schw.T.; sp: loten auf) dän Pries läaja saten; wäm loten utem Foatich krupen
aufluaren (schw.T.; sp: luaren auf) bat waut jewesset wachten ooda luaren
aufmäten (st.T.; sp: mäten auf) waut bemäten, seenen woo lank/groot waut es en Mot
aufmoagren (schw.T.; sp: moagaren auf) moagara woaren, Wicht velieren soo aus een Mensch
aufmoaken (st.T.; sp: moaken auf) waut opphieren, waut soo moaken daut et opphieet, eenen Kontrakt foadich moaken
aufmolen (schw.T.; sp: molen auf) opp een dennet Papia molen waut doarunja to seenen es
aufmukren (schw.T.; sp: mukren auf) aufmoagren, denna woaren, Wicht velieren derch too weinich äten
aufmurkjsen (schw.T.; sp: murkjsen auf) onen Jefeel waut doot moaken
Aufnäma (H. m., -sch) eena dee Bilda nemt ooda aufnemt; een Jereetschoft toom Bilda aufnämen, een Camara
aufnämen (st.T.; sp: nämen auf) 1) Wicht velieren, aufmoagren 2) met een Camara een Bilt moaken; 3) Hoot vom Kopp nämen
aufoabeiden (schw.T.; sp: oabeiden auf) fa wäm schaufen un soo Schult betolen; soo oabeiden daut eena Wicht velist
aufpaussen (schw.T.; sp: paussen auf) bat eene goode/rajchte Tiet wachten, plonen waut to eene goode Tiet doonen
aufplekjen (schw.T.; sp: plekjen auf) von eenen Boom Frucht nämen ooda plekjen
aufplostren (schw.T.; sp: plostren auf) en Flekja von eene Waunt ooda Bän auf faulen, soo aus Foaw ooda veschmäadet
aufprachren (schw.T.; sp: prachren auf) om Vezeiunk froagen, wäm sajen daut eenem waut leet es, om Entschuldjunk froagen
aufproowen (schw.T.; sp: proowen auf) utproowen, seenen auf waut jeit; seenen woo väl daut kaun; seenen woo väl schwoaret een Mensch nämen woat
aufräajnen (schw.T.; sp: räajnen auf) vom Räajen auf wauschen, met Räajen rein wauschen
aufräakjnen (schw.T.; sp: räakjnen auf) biem Räakjnen, een Numma von een aundret auftrakjen
aufräden (schw.T.; sp: räden auf) wäm äwaräden daut hee waut nich doonen/jleewen saul
aufrajchnen (schw.T.; sp: rajchnen auf) Rach eewen om wäm trigj to tolen
aufrakren (schw.T.; sp: rakren auf) derch sea oabeiden sikj enne Grunt brinjen
aufranen (schw.T.; sp: ranen auf) rauf un ut ranen, soo aus Wota ooda uk de Fada aun eene Klock; eenem kaun uk de Tiet aufranen fa waut jewesset
aufrauspen (schw.T.; sp: rauspen auf) met rauspen waut auf moaken
aufreisen (schw.T.; sp: reisen auf) loosfoaren, sikj opp eene Reis bejäwen
aufriemen (schw.T.; sp: riemen auf) rauf nämen un oppriemen, soo aus een Desch ooda uk eene Stap
aufrieten (st.T.; sp: rieten auf) auf moaken met rieten, tweirieten; een Enj moaken
Aufrietskalenda (H. m., -sch) een Kalenda aun däm eena jieda Dach daut Blaut fa däm Dach aufritt, jeweenlich es daut een Blaut met waut scheene Jedanken un een Spruch fa däm Dach
aufriewen (st.T.; sp: riewen auf) riewen/schieren bat waut aufkjemt, blank riewen, auflaschen
aufroden (schw.T.; sp: roden auf) tooräden waut nich to doonen; Rot jäwen waut nich to doonen
aufrollen (schw.T.; sp: rollen auf) utrollen, waut von eene Roll rauf nämen, Jäajendeel von opprollen
aufropen (schw.T.; sp: ropen auf) mete Henj daut bowaschte rauf nämen
aufrublen (schw.T.; sp: rublen auf) rublen ooda schieren soo daut et verubbelde Stekja auf komen,
aufsajen (st.T.; sp: sajen auf) sajen daut eena waut opphieet; wäm met Wieed beschämen
Aufsat (H. f., -en) daut Poat unja de Schoosol daut unja de Hak kjemt; daut aun eene Schoo, waut de Hak een bät hecha moakt
aufsaten (schw.T.; sp: saten auf) wäm een läajret Aumt jäwen, ooda een Aumt wajchnämen
Aufsauz (H. m., -en) eene Kaunt oppe Flua wua de Flua een bät hecha woat
aufschäaren (schw.T.; sp: schäaren auf) Woll ooda Hoa kol auf schnieden
aufschalen (schw.T.; sp: schalen auf) eene Schal auf moaken ooda aufschnieden
aufschapen (schw.T.; sp: schapen auf) met een Schapkje ooda Läpel daut bowaschte oppschapen
aufschaufen (schw.T.; schaufen auf) een Tia dootmoaken, opphieren met waut haben
aufschazen (schw.T.; sp: schazen auf) bestemmen woo väl waut wieet es
aufschedden (schw.T.; sp: schedden auf) loten rauf rutschen
aufschedren (schw.T.; sp: schedren auf) schedren ooda tekjren daut waut auf kjemt
aufscheeden (schw.T.; sp: scheeden auf) Aufscheet nämen, waut eena sajcht verem wajchgonen
Aufscheet (H. m., -d) een Utenaundagonen, waut jesajcht woat biem utenaunda gonen
aufscheeten (st.T.; sp: scheeten auf) eenen Schoss met eene Flint nämen
Aufscheetsgruss (H. m., -jrisse) een Jlekjwensch ooda Säajen biem utenaunda gonen
Aufscheetsmol (H. n., -tieden) eene Moltiet verem utenaunda gonen; de latste Moltiet
Aufscheetsräd (H. f., -en) eene Räd biem ooda verem utenaunda gonen
aufschekjen (schw.T.; sp: schekjen auf) waut en de Post ooda met wäm wajch schekjen
aufschitzen (schw.T.; sp: schitzen auf) too schitzen, eene Schitz ver een Loch saten
aufschlapen (schw.T.; sp: schlapen auf) wajch schlapen, wieda schlapen
aufschliepen (schw.T.; sp: schliepen auf) met eene Schliep waut wajch moaken ooda schoap moaken
aufschlonen (st.T.; sp: schlonen auf) met schlonen ooda een Stuks waut auf moaken
Aufschluss (H. m.) Schluss, een Opphieren
aufschluten (st.T.; sp: schluten auf) een Enj moaken von een Toopkomen
aufschluwen (st.T.; sp: schluwen auf; schluw, schlifst, schlift; schloof, schloowen, aufjeschlowen) auf trakjen, soo aus Kjleeda; Schluwen wajchnämen
aufschmaunten (schw.T.; sp: schmaunten auf) dän Schmaunt aufschapen ooda loten aufranen
aufschmelten (schw.T.; sp: schmelten auf) waut soo woam moaken daut waut jeschmolten aufkjemt
Aufschnett (H. m., -en) een Poat von een Schriewen, soo aus een poa Varzh ute Bibel
aufschnieden (st.T.; sp: schnieden auf) kjarta schnieden, met een Massa ooda Schea auf moaken
aufschnutzen (schw.T.; sp: schnutzen auf) groff behaundlen, bewiesen daut waut nich waut jeräakjent es
aufschobben (schw.T.; sp: schobben auf) eenem sien Kjarpa jäajen waut rublen daut waut auf kjemt
aufschossich (Isw.) boajauf, rauf, von huach bat läaja
aufschräden (schw.T.; sp: schräden auf) wajch schräden; bosich wajchgonen; talen wooväl Schräd waut es
Aufschreft (H. f., -en) daut waut aufjeschräwen es, waut jeschräwnet
aufschriewen (st.T.; sp: schriewen auf) dol schriewen soo aus daut opp eene aundre Städ es
aufschropen (schw.T.; sp: schropen auf) met eenen Schropa waut auf moaken
Aufschrozinj (H. f., -en) daut waut schroz es ooda schroz aufjemoakt es
aufschruwen (st.T.; sp: schruwen auf) tooschruwen
Aufschu (H. m.) waut eenem jäajenaun es, soont waut soo schlajcht es daut eena doa nich aun denkjen well ooda von räden well
aufschumen (schw.T.; sp: schumen auf) Schum rauf nämen
aufschuwen (st.T.; sp: schuwen auf) wieda schuwen, rauf schuwen, oppschuwen, nich Veauntwuatunk nämen
aufschwienen (schw.T.; sp: schwienen auf) prost eene Oabeit doonen, soo daut väle Sachen nich krakjt jeworden sent
Aufsecht (H. f., -en) daut opp waut enne tookunft jeräakjent es, een Plon
aufsecht (Isw.) mootwellens, jeplont waut doonen [met aufsecht]
aufseenen (st.T.; sp: seenen auf) nodoonen waut eene jeseenen haft, lieren derch seenen; aufkjikjen
aufsenjen (schw.T.; sp: senjen auf) auf schwälen; aufbrennen
aufsetten (st.T.; sp: setten auf) von een Woagen ooda Foatich ute Sett krupen un aufstieen; aufluaren, soo aus Tiet en eene Strof
aufsieen (schw.T.; sp: sieen auf) met eene Sie stekja un flekja ut waut flissendjet rut nämen
aufsoagen (schw. T.; sp.: soagen auf) gauns derch soagen, kjarta moaken met eene Soag
aufsondren (schw.T.; sp: sondren auf) uteneen spoolen, sikj von waut trigj trakjen, wäm tosied saten
Aufsondrunk (H. f., -ngen) de Erfoarunk von waut aufsondren; eene Spoolunk en eene Grupp
aufspeelen (schw.T.; sp: speelen auf) rein moaken met leicht em Wota ducken ooda Wota loten äwaranen
aufspetzen (schw.T.; sp: spetzen auf) spetz woaren, spetz moaken
aufstäakjen (st.T.; sp: stäakjen auf) met eene Forkj ooda Scheffel waut aufschnieden ooda loos moaken
aufstankren (schw.T.; sp: stankren auf) met de Been soo väl bewäajen daut dee nich bedakjt bliewen
aufstaumen (schw.T.; sp: staumen auf) von eenen jewessen Staum komen
Aufstaumunk (H. f., -ngen) de Jeschicht von wua eena/waut kjemt, de Häakunft
aufsteeten (st.T.; sp: steeten auf) aufschlonen, loos komen von steeten
aufsteewen (st.T.; sp: steewen auf) von Wint wajch joagen, wajch steewen
aufstemmen (schw.T.; sp: stemmen auf) waut bestemmen met Stemmen talen, eenen Entschluss foten derch Stemmen talen
aufstenjlen (schw.T.; sp: stenjel auf) Stenjels aufmoaken
aufstieen (st.T.; sp: stieen auf; stie, stichst, sticht, stieech, stieejen, aufjestäajen) von waut rauf staupen
aufstoaken (st.T.; sp: stoaken auf) met de Forkj aufloden
aufstoawen (schw.T.; sp: stoawen auf) utstoawen, weinja woaren wiels miere stoawen
aufstonen (st.T.; sp: stonen auf) to sied stonen, nich gauns aun daut von waut daut aufsteit
aufstreepen (schw.T.; sp: streepen auf) aus eene foadje Schal rauf trakjen, uttrakjen
aufstrikjen (schw.T.; sp: strikjen auf) utstrikjen; met een Strikja waut utweschen
auftalen (schw.T.; sp: talen auf) eent nom aundren talen, seenen krakjt wooväl doa sent
auftanken (schw.T.; sp: tanken auf) groff loos gonen, lud veloten
auftieekjnen (schw.T.; sp: tieekjnen auf) kloa sennen, Utbunt sennen, kloa moaken
auftienen (schw.T.; sp: tienen auf) eenen Tun rom moaken
auftolen (schw.T.; sp: tolen auf) Schult betolen, eene Tolinj moaken, de latste Tolinj moaken
aufträden (schw.T.; sp: träden auf) een Aumt oppjäwen, rauf staupen soo aus von een Pult
auftrakjen (st.T.; sp: trakj auf) uttrakjen, Kjleeda aufnämen; biem Räakjnen een Numma von een aundret
auftranen (schw.T.; sp: tranen auf) loos moaken derch tranen
Auftrett (H. m., -s) Bekjhus; Zekjreet; Hieskje
auftuschen (schw.T.; sp:tuschen auf) auf wakjslen, eenem aundren siene Städ ennämen, omzajcht eene Oabeit doonen
aufwäajen (st.T.; sp: wäajen auf) de Wicht von waut mäten, soo aus met eene Wichtschol ooda een Bäsma
aufwäaren (schw.T.; sp: wäaren auf) waut/wäm wajch hoolen waut/dee eenem jefäadlich es
aufwakjslen (schw.T.; sp: wakjslen auf) auftuschen, omzajcht waut doonen
Aufwakjslunk (H. f., -ngen) eene Veendrunk; een Reiwen von waut eena jedonen haft
aufwanen (schw.T.; sp: wanen auf) nich jewant moaken, opphieren met waut eena jewant es
aufwarjen (schw.T.; sp: warjen auf) met warjen doot moaken ooda en Jefoa saten, faust romem Hauls drekjen
aufwauschen (st.T.; sp: wauschen auf) rein wauschen, auf moaken met wauschen
aufwekjlen (schw.T.; sp: wekjlen auf) aufrollen, wan een Kluen kjlanda woat wiels de Baunt rauf kjemt
aufweschen (schw.T.; sp: weschen auf) veweschen, wajch nämen ooda onkloa moaken derch weschen
aufwiesen (st.T.; sp: wiesen auf) to seenen oppmoakjsom sennen
Auger (H. m., -s) Jereetschoft toom Jeträajd scheflen ooda wieda saten
August (H. m.) de achte Moonat em Joa, de Moonat tweschen Juli un Septamba
aul (Isw.) wan de Tiet/Mot voll es [Daut es aul voll. Hee kjemt aul.]
aul- (VT.) aules; nuscht utloten
aula (Pron.) kjeena utjeloten
aulabaste (Isw.) gauns baste, gauns scheenste, nuscht es bäta
aulahaunt (Isw.) veschiednet, bunt, miere Sorten
aulahechste (Isw.) gauns hechste, nuscht es hecha
aulaheilichste (Isw.) gauns heilichste, nuscht es heilja
aulajratste (Isw.) gauns jratste, nuscht es jrata
aulatoop (Isw.) aus eent, tojlikj
aulatrusta (Isw.) gauns tru, nuscht es dolla to vetruen
aulawäajen (Isw.) kjeene Städ es utjeloten
auldäachlich (Isw.) jieda Dach, soo to sajen jieda Dach
auldoagsch (Isw.) soo aus aum Auldach, soo aus jeweenlich, nich besonda schmock; soo aus aule Doag buta Sindach
aule (Isw.) nuscht/kjeene utjeloten, [aule Menschen]; (Pron.) [doa kjemt aules, komen aula]
aulebeid (Isw.) beid (betoonent daut nich eena utblift)
auledach (Isw.) jieda Dach
auleen (Isw.) nich met eenem aundren toop, eenseln
aulemaun (Pron.) jieda eena, aula, kjeena utjeloten
aulemol (Isw.) onbedinjt, onen Froag, selfstvestentlich
aulenthaulwen (Isw.) onen Fäl, opp jieda Faul, emma
aulentiet (Isw.) emma, to irjent eene Tiet
aulestoop (Isw.) toopjenomen, em Gaunzen, nich poatwies
Aulfenbeen (H. m) daut Huarn von een Eelefaunt
auljemeen (Isw.) jeweenlich, derchwajch
auljeweenlich (Isw.) jeweenlich, derchschnetlich
auljewoa (Isw.) onen aunjemalt
auljewoa (Isw.) opp auljewoa: jewoacht; nich väasechtich
Aulpenkjreita (H. f., -) eene Sort Medizien dee eena bool wua kjeepen kaun
aulsoo (Isw.) wiels waut verhäa jesajcht ooda jeworden es
Aultenheim (H. f., -s) een Heim fa ellaschwake Menschen
Aultoa (H. m., -ren) een oppjeklozta Desch, veleicht von Steen, opp däm Opfa jebrocht woat
aultomol (Isw.) em gaunzen jenomen; aules toop
aulwada (Isw.) soo aus ea (wiest daut et schod es ooda nich met jeräakjent wia)
Aulweet (H. m., -en) eena dee sikj utjeft aules to weeten, eena dee soo rät aus wan hee om weet oba doch nich väl weet
aum (Präp. toopjebrocht) aun däm
Aumbolt (H. m., -es) een schwoaret grootet Iesa daut aus een kjliena Desch jebrukt woat toom waut kloppen/utkloppen
Aumpel (H. f., -s) Lichta opp eene Akj von Gaussen, dee väasajen, wäa daut rajcht haft toom foaren
aumplen (schw.T.) sea bewäacht sennen onen daut et to vestonen es waut daut Ziel es
Aumt (H. f., Amta) eene besondre Veauntwuatunk, soo aus een Eltesta ooda Präsident
Aumtslied (H. f. mz.) Menschen dee jieda een Aumt haben, dee jieda eene Veauntwuatunk haben aus Leida
aun (Präp.; VT.) gauns dichtbie soo daut et aunschieet ooda faust es [een Bild ooda Foaw aun de Waunt]; von Tiet: donn [aun dän Dach]; von elektrischet Jereetschoft: em Gank sennen [daut Licht, de Moota es aun]
Auna (H. f.) een Mejales ooda Fruesnomen
Aunbäda (H. m., -) eena de bäden deit, eena dee wäm aunbäden deit
aunbäden (schw.T.; sp: bäden aun) bäden to wäm
aunbädent (Isw.) em Jebäd, soo aus em Jebäd
aunbaken (schw.T.; sp: baken aun) met Liem ooda waut liemjet twee Sachen moaken aun een aunda bliewen, faust aun waut woaren wiels daut too heet jeworden es ooda too bakrich es,
aunbalen (schw.T.; sp: balen aun) waut de Hunt deit, wan dee aun waut framdet kjemt un sien haustjet Jelud moakt
aunbeeden (st.T.; sp: beeden aun) väaschlonen waut eena wellich es to doonen
aunbelangen (schw.T.) to waut jewesset jehieren
aunbelkjen (schw.T.; sp: belkjen aun) to wäm lud räden ooda schrieen, aunbloaren
aunbieten (st.T.; sp: bieten aun) enbieten, daut ieeschte mol aufbieten
aunbinjen (st.T.; sp: binjen aun) faust moaken met een Strank ooda Baunt
aunbloaren (schw.T.; sp: bloaren aun) aunbelkjen, ommaklich lud aunräden
aunbräakjen (st.T.; sp: bräakjen aun) dän ieeschten Bruch moaken
aunbrellen (schw.T.; sp: brellen aun) too lud aunräden, aunbelkjen
aunbrennen (schw.T.; sp: brennen aun) vedorwen woaren von too väl Hett, aunbaken von too väl Hett; wan eenem sien Plon nich goot utkjemt, das es am daut aunjebrent
aunbuen (schw.T.; sp: buen aun) waut jebudet jrata moaken met mea doa naun buen
Aundacht (H. f., -en) eene Kjoakj, een Toopkomen toom jeistliche Sachen bedenkjen
aundajchtich (Isw.) soo aus en eene Aundacht ooda Kjoakj, ieevoll,
aundasch (Isw.) nich soo aus aundre, jeweenlich ooda ea, butajeweenlich
aundathaulw (Isw.) eent un een haulwet
aundatmol (Isw.) noch emol oba nich dit mol
aundatwäajen (Isw.) nich hia oba opp eene aundre Städ
Aundeel (H. n., -) een Poat von waut
aundenkjen (st.T.; sp: denkjen aun) em Denkj haben, en Iea hoolen
Aundenkjplauz (H. m., -plaza) eene Städ ooda een Plauz dee enjerecht es toom aun waut besondret to denkjen
Aundenkjsteen (H. m., -a) een Steen, veleicht met nenjehakte Schreft, dee eenem aun waut besondret denkjen halpt
Aundenkjzadel (H. m., -s) een Zadel dän eena brukt toom waut em denkj hoolen
aundieden (schw.T.; sp: dieden aun) wuaropp han wiesen
Aundiedunk (H. f., -ngen) daut met waut eena opp waut besondret hanwiest
aundoonen (st.T.; sp: doonen aun) to wäm waut doonen waut dee nich jleicht
aundre (Isw.) nich dise oba doch wäa
aundreien (schw.T.; sp: dreien aun) aum dreien moaken, met Lest wäm waut jäwen ooda vekjeepen
aundremol (Isw.) nich dit mol oba noch wada
aune (Präp. toopjebrocht) aun de
aunenaunda (Isw.) toop, soo daut see toopschieren ooda eent no daut aundre sent
aunerkjanen (schw.T.) wiesen daut eena wäm kjant; wiesen daut eena waut waut wieet räakjent
Aunerkjanunk (H. f., -ngen) oppmoakjsom moaken opp dän Wieet von waut
Aunfajchtunk (H. f., -ngen) een Aunfaul, eene Erfoarunk dee eenem (sea) baudat
aunfangen (st.T.; sp: fangen aun) eenen Aunfank moaken, de ieeschte Stoopen nämen
aunfangs (Isw.) aum Aunfank von waut
Aunfank (H. m.) daut gauns ieeschte Poat von eene Erfoarunk ooda waut langet
Aunfankstiet (H. f., -den) de Tiet wan Dinja aunfangen
Aunfaul (H. m., -s) eene Aunfajchtunk, de Aunfank von eene schwoare Erfoarunk
aunfeichten (schw.T.; sp: feichten aun) leicht naut moaken, klaum moaken
Aunfenja (H. m., -) eena dee aum Aunfank es, eena dee noch nich väl weet
aunfenkjlich (Isw.) toom Aunfank
Aunfiera (H. m., -) Leida; eena dee waut aunfangt
aunfoaren (st.T.; sp: foaren aun) aun waut naun foaren; wua stell hoolen un met wäm räden
aunfoten (st.T.; sp: foten aun) aunschieren, enne Haunt nämen,
aunfräten (st.T.; sp: fräten aun) daut ieeschte von waut fräten; too väl äten
aunfrieen (schw.T.) toop komen derch Befriearie; [aunjefriedet Frintschoft]
Aunfroag (H. f., -en) eene Nofroag; aunlangen; met eene Froag no wäm gonen
aunfroagen (st.T.; sp: froagen aun) met eenen Framden Kontakt moaken
aunfulen (schw.T.) aunfangen to fulen; von Frucht, aunfangen schlajcht to woaren
aunglotzen (schw.T.; sp: glotzen aun) offeschämt sea no waut kjikjen; aunglupen
aunglupen (schw.T.; sp: glupen aun) offeschämt sea no waut kjikjen, aunglotzen
aungnoagen (schw.T.; sp: gnoagen aun) aunfangen to gnoagen; enbieten
Aungonen (H. n., -) Aunfaul
aungonen (st.T.; sp: gonen aun) waut butajeweeneljet fa sikj em Gank kjrieen, sikj waut kjeepen
aunhaben (st.T.; sp: haben aun) waut aus Kjleeda droagen; waut aunjetrocken haben
aunhaunt (Isw.) hia, nu jrod, enne Haunt
aunhäwen (st.T.; sp: häwen aun) aunfangen waut to häwen; opphäwen
Aunhenja (H. m., -) dee/daut waut aunhenjen deit, eena dee sikj to wäm ooda eene Lia helt
aunhenjen (st.T.; sp: henjen aun) aun waut henjen; eene Lia nogonen
Aunhenjsel (H. n., -s) daut waut aunhenjt, dee wäa aun wäm/waut aunhenjt
aunhetten (schw.T.; sp: hetten aun) aunfangen to hetten, opphetten
aunhieren (schw.T.; sp: hieren aun) toohieren, toohorchen delenjd hieren, no horchen
aunhoaken (schw.T.; sp: hoaken aun) enhoaken, met eenen Hoaken faust moaken
aunholen (schw.T.; sp: holen aun) fausta moaken, bosja waut doonen [De Wint holt aun]
aunhoolen (st.T.; sp: hoolen aun) noch lenja droagen aus Kjleeda; biehoolen; stell hoolen; opphieren
aunhoolent (Isw.) bestendich, nich met waut opphieren; bie waut stell hoolen
aunhorchen (schw.T.; sp: horchen aun) toohorchen; delenjd hieren
aunieejnen (schw.T.; sp: ieejnen aun) tooieejnen; daut fa sikj nämen
aunjäwen (st.T.; sp: jäwen aun) malden; een kjlien bät von waut weeten loten
Aunjebott (H. n., -s) waut eenem jeboden woat, waut eena beeden deit,
Aunjedenkj (H. n.) een Jedanken ooda eena Sach, dee eenem aun waut denkjen halpt
Aunjedenkjsteen (H. m., -a) Aundenkjsteen, een Steen dee eenem aun waut besondret denkjen halpt
Aunjehieeja (H. f., -je) Frintschoft, dee waut eenem/waut aunjehieet
aunjehieren (schw.T.; sp: jehieren aun) to waut/wäm jehieren
aunjenäm (Isw./Isw.) maklich, toom pauss
Aunjewanheit (H. f., -en) waut eena sikj aunjewant haft, waut eene meist onen tweemol denkjen deit wiels daut soo bekaunt es
aunjriepen (st.T.; sp: jriepen aun) haustich faust hoolen, tB eenen Jäajna, fipsen
aunkjäden (schw.T.; sp: kjäden aun) met Kjäden faust moaken
aunkjikjen (schw.T.; sp:kjikjen aun) beseenen, naun kjikjen
aunkjleeden (schw.T.; sp: kjleeden aun) Kjleeda ooda soowaut auntrakjen
aunkjleewen (schw.T.; sp: kjleewen aun) aunbaken; met Liem faust moaken
aunkjneppen (schw.T.; sp: kjneppen aun) kort wäajen waut spazieren, kort met wäm spazieren, een Teema aunfangen
aunkloppen (schw.T.; sp: kloppen aun) aunputren
aunklopren (schw.T.; sp: klopren aun) aunputren, aunkloppen
aunknoaren (schw.T.; sp: knoaren aun) aunhetten; sea aunlajen
aunkomen (st.T.; sp: komen aun) bat aum Ziel komen
aunkroagen (schw.T.; sp: kroagen aun) enloden, Moot moaken
aunlajen (st.T.; sp: lajen aun) mea Holt/Brenstoff opp een Fia lajen
aunlangen (schw.T.; sp: langen aun) aunfroagen, no waut froagen
aunleiden (schw.T.; sp: leiden aun) veropp gonen, aunwiesen, een Leida sennen
aunlenjen (schw.T.; sp: lenjen aun) lenja moaken, entwäda Tiet ooda Mot
aunliemen (schw.T.; sp: liemen aun) met Liem ooda waut bakajet twee Sachen toop liemen, dee moaken eent aun daut aundre baken
Aunligjen (H. n., -) eene jewesse wichtje Sach
aunligjen (st.T.; sp: ligjen aun) beligjen, nich oppjäwen
aunmalden (schw.T.; sp: malden aun) sikj malden, sikj aunjäwen
aunmoaken (st.T.; sp: moaken aun) faust moaken, toopkoplen
aunnämen (st.T.; sp: nämen aun) stonen loten aus goot jenuach, wellich hannämen
aunnaten (schw.T.; sp: naten aun) naut moaken
aunneeden (schw.T.; sp: needen aun) met Needen faust moaken
aunneien (schw.T.; sp: neien aun) met Notel un Drot ooda ne Neimaschien faust moaken
aunnoaglen (schw.T.; sp: noaglen aun) met Näajel faust moaken
aunnuzhlen (schw.T.; sp: nuzhlen aun) sikj waut sea wieekjet ooda makeljet nodren
aunordnen (schw.T.; sp: ordnen aun) velangen; jesazlich velangen
aunpaussen (schw.T.; sp: paussen aun) 1) waut Kjleeda proowen auf de paussen, auf dee toom pauss sent; 2) Veendrungen moaken soo daut waut leichta ooda mäajlich es
aunpinjlen (schw.T.; sp: pinjlen aun) väl Kjleeda aun- un äwatrakjen, sikj sea woam auntrakjen
aunplaunten (schw.T.; sp: plaunten aun) Sot ooda ne Stud/Plaunt ensaten, waut plaunten doaropp daut et met de Tiet waut wieetvollet jeft
aunputren (schw.T.; sp: putren aun) aunkloppen, soo aus aun eene Däa ooda Fensta
aunräajen (schw.T.; sp: räajen aun) oppräajen, aunfangen opptoräajen
aunräakjnen (schw.T.; sp: räakjnen aun) wieetvoll hoolen; bieräakjnen
aunräden (schw.T.; sp: räden aun) to wäm räden, aunfangen to wäm to räden
Aunrädsform (H. f., -en) de Form von een Nomen ooda Hauptwuat daut eena brukt toom dän aunräden; tB Oom Isaak
aunrechten (schw.T.; sp: rechten aun) Leida sennen to een Onheil; aunfangen
aunreeden (schw.T.; sp: reeden aun) reed moaken, soo aus een Toopkomen
aunreizen (schw.T.; sp: reizen aun) wäm oppräajen, sikj selfst loten oppräajen
aunrieten (st.T.; sp: rieten aun) met Macht ooda Lest waut sient moaken
aunroopen (schw.T.; sp: roopen aun) bie Foon/Telefoon met wäm kontakt moaken; lud aunräden
Aunsaja (H. m., -) eena dee waut aunsajcht; een Bekauntmoaka
aunsajen (st.T.; sp: sajen aun) bekaunt moaken, aunjäwen
aunsaten (schw.T.; sp: saten aun) 1) aunbrennen, unjen em Gropen aunbaken wan daut too heet es ooda nich jerieet woat; 2) aunfangen, een Aunfank moaken; 3) sikj sea bemieejen, aunstrenjen; 4) sikj bedrinkjen
aunschaufen (schw.T.; sp: schauft sikj daut aun) eene Sach fa sikj besorjen, to Wäaj brinjen, kjeepen
aunscheeten (st.T.; sp: scheeten aun) met eene Flint waut scheeten oba nich doot moaken
aunschienen (st.T.; sp: schienen aun) eenen Endruck jäwen onen daut et gauns kloa es
aunschieren (schw.T.; sp: schieren aun) befeelen, soo väl toopkomen daut et to feelen es
aunschlonen (st.T.) een Zadel opphenjen toom waut bekaunt jäwen [aunjeschloagen]
aunschluten (st.T.; sp: schluten aun) sikj met eene Grupp ooda Lia veeenjen, sikj veauntwuatlich moaken met wäm ooda eene Grupp
aunschluwen (st.T.; sp: schluwen aun; schluw, schlifst, schlift, schloof, schloowen, aunjeschlowen) von Kjleeda, waut loos äwanämen
aunschmäaren (schw.T.; sp: schmäaren aun) sikj opp waut veloten daut nich soo utkjemt aus jeplont
aunschmeichlen (schw.T.; sp: schmeichlen aun) met Lest sikj soo to wäm vehoolen, daut dee saul eenen gooden Endruck von eenem kjrieen
aunschnalen (schw.T.; sp: schnalen aun) met Schnalen waut faust moaken
aunschnieden (st.T.; sp: schnieden aun) dän ieeschten Schnett en waut moaken; aunfangen to schnieden
aunschrieen (schw.T.; sp: schrieen aun) mootwellens opp waut/wäm schrieen, ut Veläajenheit ooda beduaren lud wäm aunräden
aunschriewen (st.T.; sp: schriewen aun) dolschriewen, oppschriewen soo daut doa oppwies es
aunschruwen (st.T.; sp: schruwen aun) faust moaken met Schruwen
aunschwalen (schw.T.; sp: schwalen aun) oppschwalen, dikj woaren derch eene Enzindunk ooda Krankheit
aunschweessen (schw.T.; sp: schweessen aun) waut faust moaken derch schweessen
aunseenen (st.T.; sp: seenen aun) bekjikjen, beuagen, beoobachten
Aunsiedla (H. m., -/sch) eena dee fresch aunsiedelt
aunsiedlen (schw.T.; sp: siedelt aun) wua hantrakjen, eene Städ fa sikj besorjen un daut Tus moaken
Aunsiedlunk (H. f., -ngen) eene Siedlunk, eene Jäajent wua eene Grupp aunsiedelt ooda hantrakjen deit
aunspalden (schw.T.; sp: spalden aun) met eene ooda miere Notlen waut toopmoaken; eene Spald aunmoaken
aunspaunen (schw.T.; sp: spaunen aun) reed moaken toom foaren, soo aus Pieed de Sälen opplajen un dän Woagen aunspaunen toom foaren
aunspetzen (schw.T.) spetz moaken; eene schoape Spetz moaken
aunspieen (schw.T.; sp: spieen aun) metem Mul waut Spie opp waut/eenem schmieten
aunspornen (schw.T.; sp: spornen aun) wäm mootich to waut moaken
aunstalen (schw.T.; sp: stalen aun) een Toopkomen plonen un werkjlich moaken
Aunstault (H. f., -en) een Jebied ooda Jeschaft wua eena Behaundlunk kjrieen kaun fa Sachen dee däm schoden
aunsteeten (st.T.; sp: steeten aun) naunsteeten, toopsteeten
Aunstefta (H. m., -) eene dee waut aunfangt ooda aunsteften deit, dee wäa eene Sach (nich een Dinkj) em schwunk kjricht
aunstekjen (schw.T.; sp: stekjen aun) waut en Fia brinjen; eene Krankheit von eenem nom aundren wieda jäwen; Stekja toop saten un toopneien
aunstekjendet (Isw.) soont waut aunstekjen deit, soont waut wieda drajcht
aunstemmen (schw.T.; sp: stemmen aun) eene Stemm jäwen toom een Leet ooda Jesank aunfangen, een Leet aunfangen to sinjen
aunstendich (Isw.) aunjenäm, nich prost loten,
aunstendich (Isw.) von sikj oppfieren: jescheit; nich prost ooda offeschämt
aunstieen (st.T.; sp: stieen aun) nopp komen, äwadäl komen
aunstonen (st.T.; sp: stonen aun) een jefaulen aun waut haben, waut jleichen
Aunstoos (H. m., -) eene Beleidjunk, waut onverhofs schwoaret
Aunstoot (H. m.) Aunfaul, Epilepsie
aunstrenjen (schw.T.; sp: strenjen aun) sea schaufen, sikj meed moaken, sikj sea bemieejen
aunstrikjen (schw.T.; sp: strikjen aun) een Strich moaken toom waut auntieekjnen; foawen
auntaksen (schw.T.; sp: taksen aun) soo aus een Voagel ooda eene Han äten deit, met een Schnowel waut aunbieten
auntieekjnen (schw.T.; sp: tieekjnen aun) een Tieekjen moaken opp waut, soo daut eena daut näakjste mol weet waut eena tieekjnen wull
auntolen (schw.T.; sp: tolen aun) een Poat von waut betolen
Auntolinj (H. f., -jen) een Poat von waut betolen, de ieeschte Tolinj toom faust saten daut eena daut kjeepen well
auntovestonen (Isw.) leet eenem waut soo vestonen
auntrafen (st.T.; sp: trafen aun) waut bejäajnen, toofallich waut seenen ooda bie waut sennen
auntrakjen (st.T.; sp: trakjen waut aun) en een Hamd, Kjleet, Schoo ooda soo waut nenn krupen, sikj kjleeden
Auntrakjsel (H. n., -s) waut eena sikj auntrakjen kaun
auntsied (Isw.) to Sied, nich medden mank
auntuksen (schw.T. sp.: tuksen daut aun) waut haustich aunschieren un fuaz toch loten, een Tuks jäwen,
Auntwuat (H. f., -en) waut eena to eene Froag sajcht
auntwuaten (schw.T.; ) eene Auntwuat jäwen, daut sajen waut eene Froag velangt, [see kaun goot auntwuaten]
Aunveleewda (H. m., -de) dee, däm eena haft lieet waut räakjnen; dee, woona eena es goot jeworden
Aunvetruen (H. n., -) sikj opp waut veloten
aunvetruen (schw.T.; sp: vetru am daut aun) opp waut/wäm veloten, jleewen daut dee daut kaun/woat [Wie haben am daut aunvetrut]
aunwanden (schw.T.; sp: Hee wand daut aun) em jebruck nämen soo aus een Wuat ooda eene Lia
aunwanen (schw.T.; sp: wanen aun) to mood moaken, jewant woaren [Hee haft sikj daut aunjewant]
aunwartlen (schw.T.; sp: wartlen aun) langsom äwa Tiet sikj aun waut faust woaren; Wartlen schmieten wua doa kjeene wieren
aunwaussen (st.T.; sp: waussen naun) groot woaren, oppwaussen, daut Kjinjaje auflajen
aunwiesen (st.T.; sp: wies daut aun) een Biespel moaken, waut aus een Väabilt jäwen ooda wiesen
aunwitten (schw.T.; sp: witten aun) met Kaulkj bestrikjen; witt moaken
aunwoawen (schw.T. sp.: woawen aun) waut sien ieejnet moaken,
Aunzol (H. f.) eene Zol von Menschen, miere, eenje
Aupel (H. m., Apel) de runde sauftje Frucht von een Aupelboom
Aupelboom (H. m., -beem) een Boom dee Apel drajcht
Aupelkoos (H. f., -en) de Frucht von eenen Aupelkoosenboom
Aupelkuak (H. f., -en) eene Kuak en Fat jebrot dee Apelstekja em Dieech haft
Aupelmoos (H. f.) Moos met Apelstekja doabennen
Aupelsauft (H. f.) Sauft von Apel
Aupelschal (H. f., -en) de Schal von een Aupel
Aupelsien (H. f., -en) Frucht von eenen Aupelsienenboom
aus (Konj.) to de selwje Tiet [hee kjeem aus daut foadich wia]; biejlikj soo, meist äwareen, soo groot aus, soo lang aus
Ausch (H. f.) daut waut äwablift wan waut utjebrent es; Äsel
Auschbehelta (H. f., -sch) een Dinkj toom Ausch hoolen ooda droagen, Auschkjiep, Äselkjiep
Auschkjiep (H. f., -en) Auschbehelta, eene Kjiep fa Ausch, Äselkjiep
Auschklompen (H. m., -es) een Klompen Ausch
Auss (H. f., -en) eene Wal; eene runde Stang dee met daut Raut toop dreit
Aust (H. m., Asta) een Oarm von eenen Boom
Austma (H. n.) eene Krankheit en dee eena schlajcht odmen kaun wan jewesse Sachen enjeodemt woaren, wiels de Lungen beschädicht sent
automatikj (Isw.) eene Sort Transmischen, daut von selfst von een Jia no daut aundre jeit
automatisch (Isw.) von selfst; veselfst; onen doa waut aun doonen
äwa (Präp. VT.) bedakjen [De Wolkjen trocken äwa. See spreed daut äwarem Desch.]; äwa waut von eene Sied bat de aundre [Daut koakt äwa. Hee bekjt sikj äwa]; opp een Teema [Äwa dise Sach sent wie ons kloa. Well wie ons nich äwa daut strieden.]; vebie ooda foadich sennen aus Tiet [De Tiet es äwa. School es äwa.]
äwaäten (st.T.) too väl äten; mea äten aus goot fa eenem es
äwaaunstrenjen (schw.T.) too sea aunstrenjen; too sea schaufen; kjwälen
äwabekjen (schw.T.; sp: bekjen äwa) dolbekjen; rauf langen; äwabieejen
äwabieejen (st.T.; sp: bieejen äwa) äwabekjen; sikj bieejen
äwabinjen (st.T.; sp: binjen äwa) waut äwa waut binjen
Äwabliefsel (H. n., -s) daut waut äwajebläwen es
äwabliewen (st.T.; sp: bliewen äwa) mea aus jenuach sennen; nich jebrukt woaren wiels doa too väl es
äwabroden (schw.T.; sp: broden äwa) daut eene Paun loten soo heet woaren daut et äwakoakt un äwarant; toom tweedemol reeden ooda broden
äwabrostich (Isw.) met de Brost no veren jeschowen; brow; ekjich; baussich
äwabuaren (schw.T.; sp: buaren äwa) vedeenen; mea fa eene Oabeit kjrieen aus eenem daut jekost haft
äwadach (Isw.) bie dach; em Dach; nich de Nacht
äwadakjen (schw.T.; sp: dakjen äwa) eene Dakj, ooda soo waut, äwa waut moaken/dakjen
äwadäl (Isw.) opp un rom; äwahäa; to seenen; nich trigj jetrocken ooda vestoaken
äwadäm (Isw.) en dee Tiet; en de Tiet aus waut wort
äwadoonen (st.T.) too sea waut doonen; äwa aunstrenjen; Schoden kjrieen von too sea schaufen/waut doonen
äwadreessich (Isw.) toom meed woaren; äwadräwen; too väl velangent; too aunspaunent
äwadreien (schw.T.; sp: drieen äwa) opp eene aundre Sied dreien; aum dreien kjrieen, soo aus een Moota
äwadriest (Isw.) too driest; vewoacht
äwadriewen (st.T.) sajen daut waut jrata ooda mea ooda hecha es, aus daut werkjlich es
äwaducken (schw.T.; sp: ducken äwa) een Kaunkje ooda eene Tonn soo wiet ducken daut doa waut rut rant
äwadunklen (schw.T.; sp: dunklen äwa) met Wolkjen betrakjen; dunkel ooda diesta woaren wäajen Wolkjen, waut aundret enne Loft ooda een Monenvedunklen
äwaellat (Isw.) sea oolt jeworden
äwafaulen (st.T.) omfaulen; met Jewault waut/wäm enne Macht nämen
äwafellen (schw.T.) too väl en waut nenjeeten; soo väl nenjeeten daut et äwarant
äwafieren (schw.T.; sp: fieren äwa) von eene Städ no de aundre fieren [See fieeden daut äwa de Jrens]; wäm kjrieen daut hee aun eene Sach jleeft [Hee wort von eenen Errliera äwafieet]
äwaflissich (Isw.) toom äwajen; too väl
äwafoaren (st.T.; foaren äwa) eene Strakj foaren [hee es daut en eene Stund äwajefoaren?]; äwa waut foaren [Hee fua äwa dän Schlauch.]
äwafoawen (st.T.; sp: foawen äwa) met Foaw bedakjen/bestrikjen
äwafodren (schw.T.) too väl von wäm ooda waut velangen
äwafräten (st.T.) too väl fräten; mea fräten aus waut good fa däm es
äwagnupsen (schw.T.; sp: gnupsen äwa) eene Tank äwaschlonen ooda utloten; eene Hool nich hoolen kjennen
äwagoa (Isw.) too goa; too lang jekoakt ooda jebakt; mäa
äwagonen (st.T.; sp: gonen äwa) äwakoaken, äwabrudlen, äwabruzhen; eene Strakj gonen [Hee jinkj daut jieda Dach äwa.]; waut aunnämen [Woo woat daut äwagonen]
äwahäa (Isw.) äwadäl; bejeistat
Äwahank (H. m., -s) daut waut äwahenkjt ooda äwastakjt
Äwahaunt (H. f., -) Macht äwa waut haben; de stoakjra ooda stoakjsta; Macht haben derch stoakja sennen, mea om waut weeten, een hechret Aumt haben ooda soo waut
äwahaupt (Isw.) besondasch; sea; goanich daut Jäajendeel
äwahenjen (st.T.; sp: henjen äwa) von waut rauf henjen; äwa waut ligjen; äwa waut henjen
äwahetten (schw.T.) too sea hetten
äwaholen (schw.T.; sp: holen äwa) eenem dee ver die es nokomen; een Kjint äware Schoot nämen aus toom priejlen
äwahoolen (st.T.; sp: hoolen äwa) eena helt waut äwa wan eenem waut äwajebläwen es; mea aus jenuach haben [Ekj hab dise Stekja äwajehoolen.]
äwahupsen (schw.T.; sp: hupsen äwa) äwasprinjen; sikj äwa waut äwaschmieten un oppe Feet bliewen
äwajäwen (st.T.) wäm eene Veauntwuatunk jäwen
Äwaje (H. mz.) dee/daut waut noch es; waut jebläwen es
äwajeeten (st.T.; sp: jeeten äwa) opp waut nopp jeeten; nich väasechtich sennen un loten waut äwaschelpsen
äwajens (Isw.) em aundren Faul; aundasch beseenen
Äwajewicht (H. n., -) de jratre Wicht; too väl Wicht
äwajoagen (schw.T.) een Tia too sea joagen ooda äwa-aunstrenjen
äwakjikjen (schw.T.; sp: kjikjen äwa) waut beseenen toom daut aufschazen
äwakjriez (Isw.) eent äwa daut aundre; dedwäa
äwakoaken (schw.T.; sp: koaken äwa) soo sea koaken daut et äwarant
äwakomen (st.T.; sp: komen äwa) äwastonen; derch moaken; foadich moaken
äwakopp (Isw.) äwajedreit sennen; wan daut waut jeweenlich bowen es, unjen es, un waut jeweenlich unjen es, bowen es
Äwalaj (H. f., -) Vestentnis; Vemieejen waut derch to denkjen un waut vestonen to ranen
äwalajen (st.T.; sp: lajen äwa) nodenkjen; sikj väastalen waut daut meenen woat
äwalangen (schw.T.; sp: langen äwa)
äwaläwen (schw.v) derch jemoakt; eena es waut derch un läft noch;
äwaleewren (schw.T.; sp: leewren äwa) waut no wäm brinjen; äwajäwen
Äwalei (H. n.) daut waut too väl es; daut waut nich jebrukt kaun woaren
äwaloten (st.T.; sp: loten äwa) wäm eene Veauntwuatunk äwajäwen
äwalud (Isw.) to hieren; met Stemm waut sajen
äwameed (Isw.) too meed; soo meed daut hee nich goot mea kaun
Äwamoot (H. m.) too mootich sennen un sikj too väl woagen ooda toovetruen
äwamootich (Isw.) sikj mea äwanämen aus eena utfieren kaun
Äwamorgen (H. n., -) de Dach no Morjen; de tweeda Dach von vondoag
Äwamot (H. f., -en) mea aus jewenscht; too väl
äwanacht (Isw.) enne Nacht; derche Nacht
äwanachten (schw.T.) äwanacht bliewen; wua to Nacht bliewen
Äwanämen (H. n., -) Veauntwuatunk fa een Projekjt; Plon
äwanämen (st.T.; sp: nämen äwa) Veauntwuatunk fa waut nämen; een Leida fa waut woaren
äwanäment (Isw.) mootich, wellich, brow; wellich waut nieet ooda mea doonen
äwanatieedlich (Isw.) aundasch aus enne Natua väakjemt
äwanaunda, äwarenaunda (Isw.) eent opp daut aundre
äwaoabeiden (schw.T.) soo sea oabeiden daut eena Schoden doabie litt
äwapenslen (schw.T.; sp: penslen äwa) eene Oabeit nich goot jenuach doonen
äwaräakjnen (schw.T.; sp: räakjnen äwa) noräakjnen; derch räakjnen; plonen; sikj väastalen woo waut utkomen kunn
äwaräden (schw.T.) äwafieren; beräden; wäm kjrieen daut hee aun eene Sach jleeft [De Liera haft am kunt äwaräden.]
äwaranen (schw.T.; sp: ranen äwa) äwaschwamen; soo väl Wota, ooda aundret flissendjet, sennen, daut et bowen rut ooda äwa rant; eene Strakj ranen
äwaraul (Isw.) aulawäajen
äwarauschen (schw.T.) (Chaco) vefieren
äwarauschent (Isw.) toom vefieren
Äwarauschunk (H. f., -ngen) een vefieren; een Väafaul soo aus eena daut nich jedocht ooda jeplont haud
äware (präp.+Jsw.) äwa de
äwareen (Isw.) soo aus waut aundret; biejlikj soo aus waut aundret; waut sikj likjent
äwareenmoaken (st.T.; sp: moaken äwareen) aufprachren; om Vezeiunk bedden; een äwareenet Vestentnis fa waut kjrieen [See wieren sikj oneenich, oba nu haben see äwareen jemoakt]
äwarem (präp.+Jsw.) äwa däm
äwarenaunda, äwanaunda (Isw.) eent äwa daut aundre
äwarenj (Isw.) steil; [Hee kaun nu auleen äwarenj setten.]
äwaressen (schw.T.; sp: ressen äwa) äware Schoot lajen, soo aus toom priejlen
äwarieekjen (schw.T.) wäm waut jäwen (Chaco)
äwariep (Isw.) too riep; mäa
äwariepen (schw.T.; sp: riepen äwa) too lang riepen un too riep ooda äwariep woaren
äwarigj (Isw.) nom Rigjen han; äwaroasch
äwaroasch (Isw.) nom Rigjen han; en de jäajenjesade Rechtunk von jeweenlich
Äwarock (H. m., -rakj) een Wanikj daut bat äware Kjneeen rieekjt; een woama Rock toom äware Kjleeda auntrakjen
äwarut (Isw.) besondasch; derchut; sechalich
Äwasata (H. m., -sch) eena dee von eene Sproak enne aundre äwasat; Dolmetscha
äwasaten (schw.T.) waut en eene Sproak hieren ooda läsen, un dan en eena aundre Sproak wadajäwen
äwaschedden (schw.T.; sp: schedden äwa)
äwaschlonen (st.T.; sp: schlonen äwa) waut utloten
äwaschmieten (st.T.) eenen Väaschlach nich aunnämen; eene Lia/Aunjewanheit nich mea biehoolen
äwaschnaupen (schw.T.) too väl drinkjen; sikj too faust aun eene Lia hoolen
Äwaschoo (H. f., -) eene gumne Schoo toom äwa de jeweenelje Schoo droagen om dee von Nauts un Schnee to bewoaren
äwaschorren (schw.T.; sp: schorren äwa) utrutschen, soo aus Bunj ooda Dinja
Äwaschoss (H. m., -en) daut waut too väl es; daut waut mea aus needich es; too wiet jeschmäten
äwaschossich (Isw.) mea aus needich; too väl
äwaschräden (schw.T.; sp: schräden äwa) eene Mot aufschazen met Schräd talen; bosich wua hangonen
Äwaschreft (H. f., -en) een Tietel; waut bowen oppem Blaut steit, veleicht met groote Buakstowen
äwaschroz (Isw.) nich delenjd ooda dedwäa oba von eene Akj bat de aundre
Äwaschult (H. m., -en) dee wäa äwa de Darpsschulten steit
äwaschwamen (st.T.; sp: schwamen äwa) äwaranen; met Wota bedakjen; Huachwota
Äwaschwamunk (H. f., -ngen (H. f., -)
Äwasecht (H. f., -en) Veauntwuatunk äwa waut
Äwasechta (H. m., -sch) eena dee Veauntwuatunk äwa aundre Oabeida haft
äwaseenen (schw.T.) nich seenen; vejäten [Hee haud daut äwaseenen, daut et soo lot wia.]
äwasied (Isw.) tosied; äwa eene Sied
äwasiedlen (schw.T.; sp: siedlen äwa) Städ velajen; no eene aundre Jäajent trakjen
äwaspreeden (schw.T.; sp: spreeden äwa) bedakjen; eene Spreed äwa waut moaken
äwasprinjen (st.T.; sp: sprinjen äwa) äwahupsen
äwasteeten (st.T.; sp: steeten äwa) waut auntuksen ooda aunsteeten soo daut et äwafelt
äwastelpen (schw.T.; sp: stelpen äwa) omstelpen; äwakopp dreien [De Woagen stelpt om.]
äwastieen (st.T.; sp: stieen äwa; stie, stichst, sticht, stieech, stieejen, äwajstäajen) eene groote Staup äwa waut moaken; väasechtich sennen daut eena nich opp waut noppsticht
äwastonen (schw.T.) derch moaken [Dee School haft hee äwastonen.]
äwastrakjen (schw.T.; sp: strakjen äwa) äwaressen; äwaren Schoot nämen, soo aus toom priejlen
äwastreien (schw.T.; sp: streien äwa) waut opp waut streien
äwastrikjen (schw.T.; sp: strikjen äwa) haujen; foawen
äwatojoa (Isw.) twee Joa trigj; daut Joa ver latst Joa
äwaträden (schw.T.) een Jesaz bräakjen; too wiet met waut gonen; nich jehuarsom sennen
Äwaträdunk (H. f., -ngen) orrajcht doonen; too wiet met waut gonen; nich jehuarsom sennen
äwatrakjen (st.T.; sp: trakjen äwa) een Kjleet äwa een aundret trakjen; een Wanikj/Jake auntrakjen
Äwatrakjsel (H. n., -s) waut eena sikj äwatrakjt
äwatsied (Isw.) to Sied; äwa eene Sied; wajch von [Hee schmeet daut äwatsied.] foadich met waut sennen [Daut hab wie äwatsied.]
äwawarjen (schw.T.) too sea aunstrenjen; too väl von waut/wäm velangen, soo aus eenen Bolten daut Jewinj vedoawen
äwawaussen (st.T.; sp: waussen äwa) gaunz bewausssen; soo groot waussen, daut et waut gaunz bedakjt
Äwawicht (H. f., -en) de Mot von woo väl too schwoa waut es; too väl Wicht haben; daut waut too väl Wicht es
Äwawindunk (H. f., -ngen) waut derch moaken; waut äwakomen
äwawintren (schw.T.) derchem Winta bliewen; derchem Winta uthoolen
äwent, äwinjs (Isw.) werkjlich; krakjt
äwrich (Isw.) om waut besorcht sennen; een Metfeelen haben
|
