|
wäa (Froagwuat) woona; woon Mensch
wäaemma (Isw.) irjentwäa; eendoont wäa
Wäafaul (H. m., -falen) en Gramatikj, de Ajent ooda daut von waut de Räd es; Nominitiv
wäaflichtich (Isw.) en soon ella ooda soon Staunt sennen daut eena kunn enne Armee nenjenomen woaren
wäajen (Isw.) wiel; wiels
wäajen (st.T., wäaj, wajchst, wajcht, wuach, wuagen, jewoagen) de Wicht von waut mäten met eene Wichtschol
Wäajmeista (H. m., -sch) de Baus bie de Wichtschol
Wäakj (H. f., -en) säwen Doag; von Sindach bat Sinowent
wäakjelank (Isw.) Wäakjen opp eemol; Wäakjen en eent
Wäakjenj (H. n., -a) Sinowent un Sindach
wäaloos (Isw.) onen sikj wäaren
Wäaloosichkjeit (H. f., -en) de Lia von nich toom Kjrich gonen un sikj nich met Jewault veteidjen
wäaren (schw.T.) sikj bemieejen Schoden wajch to hoolen; vesieekjen de Macht von däm wajch to nämen, dee eenem well Schoden doonen
wäarent (Isw.) to de selwje Tiet
wachten (schw.T.) luaren; Tiet nämen
Wachttorm (H. m., -/s) een Torm opp däm eena steit un oppaust, soo aus fa Stäla ooda Fiend
Wäd (H. f., -en) een Aust von een Wiedenboom
Wada (H. n., -) de Toostaunt von woo woam, windich ooda räajnisch daut buten es
wada (Isw.) noch eemol
wadaholen (schw.T.) toom tweeden mol sajen
wadaholent (Isw.) emma wada
Wadaholunk (H. f., -ngen) waut noch eemol sajen ooda noch eemol doonen
wadajäwen (st.T.; sp: jäwen wada) trigjäwen
wadajebuaren (Isw.) met eene niee Jesennunk; soo aus met eene niee Jesennunk
Wadakeiwa (H. m., -sch) een Tia daut bosich äten kaun wan doa Fooda es, un dan lota daut trigj em Mul nemt un keift
wadakeiwen (schw.T.; sp: keiwen wada) von Vee, wan dee Graus fräten un dan lota daut trigj enne Frät kjrieen toom daut dolla vekeiwen
wadakomen (st.T.; sp: komen wada) noch eemol komen
wadalich (Isw.) jäajenaun; oppscheislich
Wadaschaul (H. m., -en) eenem siene ieejne Wieed hieren wan de von eene Waunt ooda een Boajch trigjschaulen
wadaschaulen (schw.T.) trigj schaulen
Wadaschien (H. f.) de Sied vom Jebied wua de Sonn woamt un de Wint stell es; daut trigj schienen von eene blanke ooda dache Waunt ooda Städ
wadaseenen (st.T.; sp: seenen wada) noch eemol seenen
wadaspanstich (Isw.) ojjehuarsom; jäajenaun
wadaspieejlen (schw.T.; sp: spieejlen wada) trigj spieejlen
wadaspräakjen (st.T.) em Jäajensauz von waut stonen
Wadastaunt (H. m., -stend) daut waut jäajen daut es, aun daut eene schauft; daut waut eenem em Stich es
wadastonen (st.T.) jäajen eene Lia stonen
Wadawellen (H. m., -) Wadastaunt; nich wellich sennen; nich metoabeiden
waden (schw.T.) Jelt doafäa beeden daut eena bäta weet aus de aundre
Wadkaumf (H. m., -kjamf) soo waut aus een Rees toom seenen wäa daut bosichste es
waglen (schw.T.) han un trigj von eene Sied no de aundre schoklen
waglich (Isw.) schoklich; soo aus met waglen
Wajch (H. m., Wäaj) een Stich; een oppjebuda Stich fa Foatieja toom foaren; een Plon ooda eene Rieej von Dinja dee jedonen motten toom een Ziel rieekjen
wajch (Isw.) en de Rechtunk von hia no eene aundre Städ
wajchäwa (Isw.) tietäwa; dän gaunzen Wajch
wajchbliewen (st.T.; sp: bliewen wajch) nich wua hankomen
wajchblosen (schw.T.; sp: blosen wajch) wajch pusten
wajchbräakjen (st.T.; sp: bräakjen wajch) loosbräakjen
wajchbrinjen (st.T.; sp: brinjen wajch) wieda brinjen; wajchnämen
wajchdreien (schw.T.; sp: dreien wajch) wieda dreien; eenem siene Rechtunk endren
wajchdroagen (st.T.; sp: droagen wajch) wieda droagen
wajchenjsten (schw.T.; sp: enjsten wajch) wajchgrulen; Angst moaken soo daut see wajchranen
wajchfäajen (schw.T.; sp: fäajen wajch) met eenen Bassem waut wieda fäajen
wajchfaulen (st.T.; sp: faulen wajch) auffaulen
wajchfieren (schw.T.; sp: fieren wajch) met eene Woagen, ooda soowaut, no eene aundre Städ fieren
wajchflieejen (st.T.; sp: flieejen wajch) soo aus Väajel wiedagonen, ooda met däm Wint wajchjenomen woaren
wajchfoaren (st.T.; sp: foaren wajch) met eenen Woagen ooda Foatich sikj vonne Städ moaken; wiedafoaren
wajchfräten (st.T.; sp: fräten wajch) oppfräten; vefräten; vekomen
wajchgonen (st.T.; sp: gonen wajch) no eene aundre Städ gonen
wajchgrulen (schw.T.; sp: grulen wajch) wajchenjsten
wajchhenjen (st.T.; sp: henjen wajch) soo opphenjen daut et nich leicht to seenen ooda to finjen es
wajchholen (schw.T.; sp: holen wajch) wajchnämen
wajchhoolen (st.T.; sp: hoolen wajch) soo hoolen daut dee aundra daut nich kjrieen kaun
wajchhupsen (schw.T.; sp: hupsen wajch) wajchsprinjen; wieda hupsen
wajchjäwen (schw.T.; sp: jäwen wajch) wiedajäwen; derch jäwen looswoaren
wajchjeeten (st.T.; sp: jeeten wajch) vejeeten; utjeeten
wajchjoagen (st.T.; sp: joagen wajch) veenjsten; vejoagen
wajchkjikjen (schw.T.; sp: kjikjen wajch) no eene aundre Städ kjikjen
wajchkleiwen (schw.T.; sp: kleiwen wajch) wajchkrauzen; looskleiwen
wajchkomen (st.T.; sp: komen wajch) velieren; nich mea unja Oppsecht sennen
wajchlajen (st.T.; sp: lajen wajch) toom oppbewoaren wua hanlajen
wajchleiden (schw.T.; sp: leiden wajch) no eene aundre Städ leiden
wajchlocken (schw.T.; sp: locken wajch) enjankren toom wiedagonen
Wajchmeista (H. m., -sch) een Maun, dee de Äwasecht äwa de Wäaj oppe Kolonie haft
wajchmoaken (st.T.; sp: moaken wajch) waut moaken daut et nich to seenen es, ooda nich mea doa es
wajchnämen (st.T.; sp: nämen wajch) wiedanämen; no eene aundre Städ nämen
wajchnäwlen (schw.T.; sp: näwlen wajch) en eene Stoff Wolkj wajchfoaren
wajchpaken (schw.T.; sp: paken wajch) enpaken; sikj vonne Städ moaken
wajchpusten (schw.T.; sp: pusten wajch) wajchblosen; vom Wint veschwinjen
wajchranen (schw.T.; sp: ranen wajch) bosich wajchgonen
wajchriemen (schw.T.; sp: riemen wajch) oppriemen; wajchnämen
wajchrieten (st.T.; sp: rieten wajch) wieda trakjen
wajchroopen (schw.T.; sp: roopen wajch) wajch kroagen
wajchrutschen (schw.T.; sp: rutschen wajch) utrutschen; wiedarutschen
wajchsaten (schw.T.; sp: saten wajch) wajchstalen; tosied saten
wajchschälen (schw.T.; sp: schälen wajch) wiedaschälen
wajchschaufen (schw.T.; sp: schaufen wajch) wajchmoaken
wajchschechren (schw.T.; sp: schechren wajch) wajchenjsten; wajchjoagen
wajchscheeten (st.T.; sp: scheeten wajch) aun waut naun scheeten soo daut et veschwinjt
wajchschekjen (schw.T.; sp: schekjen wajch) met wäm metschekjen; velangen daut wäa wieda jeit
wajchschenkjen (st.T.; sp: schenkjen wajch) veschenkjen; wajchjäwen
wajchschieren (schw.T.; sp: schieren wajch) aufschieren
wajchschlapen (schw.T.; sp: schlapen wajch) tosied schlapen
wajchschliepen (schw.T.; sp: schliepen wajch) aufschliepen
wajchschliesren (schw.T.; sp: schliesren wajch) aufschliesren
wajchschlikjen (schw.T.; sp: schlikjen wajch) wiedaschlikjen; wajchgonen soo daut aundre daut nich enwoaren
wajchschmieten (st.T.; sp: schmieten wajch) veschmieten
wajchschnieden (st.T.; sp: schnieden wajch) loos schnieden
wajchschuwen (st.T.; sp: schuwen wajch) aufschuwen; wiedaschuwen
wajchsprinjen (st.T.; sp: sprinjen wajch) wajch hupsen
wajchstalen (schw.T.; sp: stalen wajch) wajchsaten; tosied stalen
wajchsteeten (st.T.; sp: steeten wajch) aufsteeten; vesteeten
wajchstieren (schw.T.; sp: stieren wajch) en eene aundre Rechtunk stieren
wajchstoawen (st.T.; sp: stoawen wajch) utstoawen
Wajchta (H. m., -) eena dee doa woakt; eena dee oppaussen saul daut nuscht schlemmet woat
wajchtrakjen (st.T.; sp: trakjen wajch) wieda trakjen
wajchwaundren (schw.T.; sp: waundren wajch) vebeislen; vebiestren
wajchwauschen (st.T.; sp: wauschen wajch) vewauschen; aufwauschen
wajchweschen (schw.T.; sp: weschen wajch) veweschen; aufweschen
Wajchwiesa (H. m., -/sch) Seins ooda Tieekjens aune Kaunt vom Wajch toom halpen dän rajchten Wajch finjen
wajchwiesen (st.T.; sp: wiesen wajch) wiesen woo eena saul wajchgonen
waka (Isw.) bie Besennunk; nich schleeprich; äwadäl
wakjen (schw.T.) oppwakjen; vom Schlop oppjoagen
Wakjklock (H. f., -en) eene Klock dee entostalen jeit soo daut dee kjlinjat wan eena oppwakjen saul
Wakjsel (H. f., -) een Veendren; daut kjliene Jelt waut eena en een Haundel trigjkjricht wan eena met eenen grooten Zadel betolen
wakjslen (schw.T.) endren; entuschen
waklen (schw.T.) han un trigj schoklen biem gonen, soo aus eene Ent
waklich (Isw.) met han un trigj schoklen
Wal (H. f., -en) eene runde Stang von een Raut no daut aundre en een Jereetschoft ooda Maschien; een Rigjen von Wota, soo aus wan de Wint daut Wota oppjejoacht haft
wälen (schw.T.) Stemmen auflajen un talen en eene Wol
walich (Isw.) met Walen; soo aus Walen
walkj (Isw.) schlaup; nojeloten
walkje (Isw.) eenje; een poa; wienich
walkjen (schw.T.) walkj woaren; vewalkjen; Krauft velieren
wäm (Froagwuat obj.) wäa
Wämfaul (H. m., -falen) en Gramatikj, daut Hauptwuat fa däm de bedeent woat
wäms (Froagwuat obj. jehierent) wäm sient
wan (Konj.) wanea; en woonen Faul; waut mott ieescht
wanden (schw.T.) dreien; no wäm rechten
wanea (Froagwuat) woone Tiet
wanen (schw.T.) jewant woaren
Wanikj (H. n., -s) Waums; eene Jake toom äwatrakjen; een leichta Äwarock
Wanilla (H. f., -) een Wota met eenen sea strenjen Jeschmak toom mank Äten nämen
wankelmootich (Isw.) nich entschieden; eemol soo un eemol soo äwa eene Sach denkjen
wanken (schw.T.) gonen; tofoot gonen
wankende (Isw.) dee waut wanken; soo aus dee dee doa wankt
warjen (schw.T.) wäm soo faust romem Hauls foten daut dee nich jenuach Loft kjricht; sea aun waut schuwen daut nich jäwen well
Wartel (H. f., -n) daut poat von eene Plaunt daut enne Ieed es
Warteleelj (H. f., -en) eene Eelj de ut eene besondre Wartel jedrekjt woat
wartlen (schw.T.) Wartlen schmieten
Wäs (H. f.) Weid; Grauslaunt; Ieed daut von Graus derchjewossen es
Wäsel (H. m., -s) een willet Tia, een bät denna aus ne jeweenelje Kaut
Wast (H. f., -en) een Hamd ooda Wanikj onen Meiwen
Wast Resarw (H. f.) eene Jäajent en Manitoba Canada, wasten vom Red Riefa; de Jäajent rom Winkjla un Altona
wasten (Isw.) eene Rechtunk, jäajenäwa von oosten
Wastjrens (H. f., -en) de Jrens aun de wastne Sied
wastlich (Isw.) nom wasten
Wastpuat (H. n., -s) daut Puat ooda Hakj aun de wastne Sied
Wastwint (H. m., -wind) een Wint dee vom Wasten blost
Wätatonn (H. f., -en) eene Tonn met koldet Wota biem Schwienschlachten toom de Läwa, Nieren usw utwätren
waten (schw.T.) een Massa opp een Watsteen schieren toom schoapen
Wätfru (H. f., -es) eene Fru dee äa Maun jestorwen es un nich wada befriet es
Wätmaun (H. m., -mana) een Maun däm siene Fru jestorwen es un nich wada befriet es
Watsteen (H. m., -a) een Steen opp däm eena een Massa strikjen kaun toom schoapen
Waudikj (H. f.) daut Wota daut aufjeit von Botta ooda Kjees moaken
Waulfesch (H. m., -) een sea groota Fesch de äare Junge läwendich jebuaren woaren un von de Mutta Malkj kjrieen
Waulnät (H. f., -en) eene Sort Nät dee foaken jejäten woaren bie de Heljedoag
Waulz (H., f., -en) Jereetschoft toom de Ieed oppe Stap paken
waulzen (schw.T.) met eene Waulz de loose Ieed paken
Waums (H. n., -en) Wanikj; waut toom äwatrakjen
waumsen (schw.T.) schlonen; priejlen
Waumskje (H. f., -) eene Sort Kjniepasch dee Kjleeda vefräten
Waun (H. f., -en) een groote Bett, soo aus toom bennen boden
Waundel (H. m., -) eenem siene Läwensoat; woo eena sikj oppfieet
waundlen (schw.T.) läwen; oppfieren
Waundra (H. m., -/sch) eena dee doa waundat ooda opp eene Waundrunk es
waundren (schw.T.) von eene Städ no de aundre gonen
Waundrunk (H. f., -ngen) een omtrakjen, jeweenlich von eene Grupp, von eene Jäajent no eene aundre, soo aus von Mexico no Belize
Waunt (H. f., Wenj) eene Sied von een Jebied ooda von eene Stow
Waunttofel (H. f., -flen) eene groote Tofel aune Waunt aun dee de Liera soo schrift daut aule Schiela daut läsen kjennen
Wausch (H. f., -) de Kjleeda dee opp eemol jewoschen woaren; Kjleeda
Wauscha (H. m., -sch) eene Wauschmaschien; eene Maschien toom Kjleeda ooda uk aundret wauschen
Wauschbenkj (H. f., -en)
Wauschbett (H. f., -en) eene Bett ooda eene groote Komm toom Kjleeda ooda uk Jekjäakjs wauschen
wauschen (st.T., wausch, wosch, woschen, jewoschen) met Wota waut rein moaken
Wauschkjlama (H. m., -sch) een Kjlama met däm de Wausch aune Wauschlien jekjlamt woat
Wauschkodda (H. n., -dren) een Kodda toom waut wauschen; Oppwauschkodda
Wauschkomm (H. f., -en) eene Komm toom Teetich wauschen
Wauschkorf (H. m., -kjarw) een Korf toom Wausch no de Lien droagen un vonne Lien holen
Wauschlien (H. f., -en) eene Lien, soo aus een denna Strank ooda een Drot, dee jebrukt woat toom Wausch opphenjen toom drieejen
Wauschmaschien (H. f., -en) eene Maschien toom Kjleeda wauschen; eene Stuckmaschien
Wauschstow (H. f., -en) de Stow wua jewoschen woat ooda wua Enrechtunk es toom wauschen
Wauschwota (H. n., -) daut Wota toom wauschen, ooda von wauschen
Wauss (H. n.) eene Sort dikjet Eelj waut nich verant, soont aus jebrukt woat toom Taulchlichta moaken ooda soo aus daut Wauss em Ua
waussen (st.T., waus, woss, wossen, jewossen) jrata woaren; toonämen; met Wauss beschmäaren
waut (Froagwuat) woon Dinkj
wautemma (Isw.) eendoont waut
Wauten (H. n.) Boomwoll; jekjameldet Boomwoll, soo aus toom en Dakjen enneien
Wäwa (H. m., -sch) eena dee Zeich moakt von Twierem
Wäwaboom (H. m., -beem) een Jestal toom Zeich wäwen
Wäwastool (H. m., -steela) een Jestal toom Zeich wäwen, doa jehieet een Wäwakaum un een Wäwaschepkje too
wäwen (schw.T.) Zeich moaken, soo aus met een Wäwastool
weeden (schw.T.) Krut haken
Weedoag (H. mz.) daut wee doonen; Weedoag kjennen rieten, schnieden, stäakjen, brennen, piesaken ooda een Puls haben
weedoonen (st.T.; sp: doonen wee) Weedoag haben
Weeen (H. mz.) de Weedoag von eene Mutta ea daut Kjint to Welt kjemt
weegaulich (Isw.) bekjemmat, beduat
weelen (schw.T.) verieren; orriemsch moaken
Weemutta (H. f., -mitta) eene Häbame; eene Fru dee bie de Jeburt trajchthalpt
weenichstens (Isw.) oppet weinichste
weens (Isw.) nich weinja aus
Weeräd (H. f., -en) eene Räd en dee de Rädna sajcht woo schwoa waut es
Weescha (H. m., -) een Schlemms; waut waut wee deit
Weest (H. f., -en) een faustet Unjahamd
weeten (st.T.; weet, wist, wisten, jewist) kjanen; bekaunt met waut sennen; jehieet haben
weetenloten (st.T.; sp: loten weeten) bekaunt moaken
weiblich (Isw.) Fruesoatich; soo aus bie Frulied
weiden (schw.T.) grosen; Graus oppe Weid äten
Weidflekj (H. n., -a) Weidstap; Weid; een Flekj wua Vee grosen kaun
Weidlaunt (H. n., -) Launt daut toom weiden to brucken es
Weidplauz (H. m., -plaza) de Städ wua doa Weid es ooda wua Vee grost
Weidstap (H. f., -en) Weidflekj; Weid
weien (schw.T.) to eenen besondren Zwakj hanjäwen
Weifel (H. f., -n) Hauspel aun een Binja ooda Schwoda
weiflen (schw.T.) fleidren; soo aus Zeich em Wint rieren
weinich weinja weinichste (Isw.) nich väl; mau een poa
Weiruak (H. n., -) Materiol daut eenen scheenen, wan uk strenjen, Jeroch aufjeft wan daut schwält, daut woat von Priesta jebrukt toom een besondret Jefeel jäwen bie een Opfa ooda een Fast
weis (Isw.) kluak; derchjedocht
Weisenaumt (H. n., -amta) een Toopschaufen von Mennoniten toom seenen daut de Wätfrues un Weisenkjinja daut äaje kjrieen
Weisenheim (H. n., -s) een Heim fa Weisenkjinja
Weisenkjint (H. n., -nja) een Kjint däm beid Elren jestorwen, ooda wajch, sent
Weisheit (H. f., -en) kluak sennen; väl weeten; Vestentnis, soont aus eene brukt toom sikj met schwoare Sachen vestonen
Weisheitstän (H. f., -en) de achte Tän aun jieda Sied Mul, bowen un unjen, dee jeweenlich mau lot rutkjemt
weislich (Isw.) kluak; derchjedocht
Weitarnt (H. f., -en) de Tiet wan Weit jedrascht woat; de Mot von Weit dee jearnt es ooda woat
Weitkuarn (H. m., -kjieena) een Kuarn Weit; een Sot von Weit; eent von de Kjieena dee en eene riepe Weitoa jewossen es
Weitmäl (H. n.) daut Mäl von Weit jemolt
wekjlen (schw.T.) rollen; opprollen; aufrollen
weljen (schw.T.) wellens to waut sennen; nich jäajenaun sennen
welkom (H. m., -s) een Bejreesunkswuat
Wellen (H. m., -) eenem sien Väanämen; de Plon, dän eena em Kopp haft; Aufsecht
wellen (st.T.; well, west, well, wull, wust, wull, wullen, jewult) em Plon haben; väahaben; (Helpatietwuat) waut em Väanämen haben [ekj well komen]
wellens (Isw.) wellich
wellich (Isw.) wellens; envestonen met to oabeiden
Welt (H. f., -en) dise Ieed; de Toostaunt en de Jemeenschoft en een Launt [de amerikanische Welt]
weltbekaunt (Isw.) sea wiet un breet bekaunt
Weltdeel (H. n., -en) een grootet Flekj Launt soo aus Nuad Amerika, Sied Amerika, Afrika, Europa, Asien un Australien
Weltenj (H. n.) daut Enj von Tiet soo aus wie daut kjanen; de Tiet von daut latste Jerecht
Weltjerecht (H. n.) daut derchseenen un uadeelen von aule Menschen dee jeläft haben
weltlich (Isw.) soo aus enne Welt; nich jewessenhauft; nich soo aus eena de Gloowen haft
wenjen (st.T., wenj, wonk, wongen, jewongen) met een Foatich, de Rechtunk endren en dee daut foat; von wiet auf met de Haunt wiesen eena saul hankomen
Wensch (H. f., -en) daut waut eena sikj wenscht ooda haben mucht; een Spruch, soo aus to Wienachten
wenschen (schw.T.) jankren; sajen waut eenem jankat; sajen woo eena waut haben mucht
weppen (schw.T.) klaupsen, soo aus Schlorren
Wepstang (H. f., -en) Tweeroda; Beisikjel
werkjlich (Isw.) soo; en Woarheit
Werkjlichkjeit (H. f., -en) daut waut werkjlich es; daut waut eene erfoaren haft, waut eena jeseenen un meterläft
werr (Isw.) em Kopp vedreit sennen; nich jlikj denkjen kjennen
Wesch (H. n., -a) een Bonsel soo aus waut Hei ooda Bloomen en eene Haunt toopjefot; (dim.) Weschje, -s
Wescha (H. m., -sch) een Jereetschoft ooda Kodda toom weschen
weschen (schw.T.) schieren; wauschen; veschmäaren; wajchschmäaren
Weschpapia (H. n., -pieren) Papia em Zekjreet
wesren (schw.T.) Plaunten Wota jäwen
Wessajäajent (H. f., -nden) eene Jäajent wua Wota un aundre Mäajlichkjeiten sent toom Stapen wesren
wesse (Isw.) jewesse; eenje; een poa oba nich aundre
wetren (schw.T.) ontofräd sennen; kjwinkjlieren; grumsaujen;
wia (st.T.) vegonenheit von ‘ekj sie’
Wicht (H. f., -) daut waut Materiol schwoa moakt
wichtich (Isw.) väl wieet haben
Wichtichkjeit (H. f., -en) daut waut waut wichtich moakt
Wichtschol (H. f., -en) eene Schol ooda een Jereetschoft toom Wicht mäten
wie (pron.) meazol von ‘ekj’
Wied (H. f., -en) een Wiedenboom; de Breed
wieda (Isw.) un mea
wiedadroagen (st.T.; sp: droagen wieda) no eene aundre Städ droagen; noch lenja droagen
wiedafieren (schw.T.; sp: fieren wieda) no eene aundre Städ fieren waut bat hia jefieet es
wiedafoaren (st.T.; sp: foaren wieda) noch lenja foaren; wajchfoaren
wiedafräten (st.T.; sp: fräten wieda) wajchfräten; lenja fräten
wiedagonen (st.T.; sp: gonen wieda) wajchgonen; noch lenja gonen
wiedahans (Isw.) von nu aun; näakjste mol un jiedatsmol
wiedajäwen (st.T.; sp: jäwen wieda) eenem aundren daut jäwen waut eena jekjräajen haft
wiedakomen (st.T.; sp: komen wieda) nich stelhoolen
wiedaranen (schw.T.; sp: ranen wieda) noch lenja ranen
wiedareisen (schw.T.; sp: reisen wieda) noch lenja reisen; trigjreisen
wiedasaten (schw.T.; sp: saten wieda) opp eene aundre Städ saten
wiedaschlapen (schw.T.; sp: schlapen wieda) tosied schlapen; noch lenja schlapen
wiedastalen (schw.T.; sp: stalen wieda) aum gonen hoolen; opp eene aundre Städ stalen
wiedatrakjen (st.T.; sp: trakjen wieda) wajchtrakjen; Städ velajen
wiedavetalen (schw.T.; sp: vetalen wieda) aundre daut vetalen waut eena jehieet haft
Wiedenboom (H. m., -beem) een Sort Beem met schmaule blanke Bläda
Wieedabuak (H. n., -bieekja) een Buak daut sajcht waut Wieeda meenen
Wieedaschauz (H. m., -schaza) de Mot von Wieed dee eena haft, ooda dee en eene Jeschicht jebrukt woaren
Wieej (H. f., -en) een Kjinjabad opp Jenjlen
wieejen (schw.T.) em Oarm schoklen, soo aus toom een Kjint tofräd stalen; enne Wieej lajen un schoklen
wieekj (Isw.) jäajendeel von ‘hoat’; morsch; molsch; leicht en to drekjen
Wieekjbroot (H. n., -od) wieekjet Broot; eena dee sikj sea leicht beräden lat un nich aun sien Stekj faust helt
wieekjhoatich (Isw.) jenstich; sea om aundre to doonen; mildjäwrich
wieekjlich (Isw.) nich aufjehoat; neiw; fienfeelent
wieekjmalkjsch (Isw.) von eene Koo, sea leicht to malkjen sennen
Wieet (H. m., -s) 1) de Ieejendeema; 2) wooväl eena waut räakjent
wieetloos (Isw.) onen Wieet
Wieetsche (H. f., -s) däm Wieet siene Fru
Wieetshus (H. n., -hiesa) däm Ieejendeema, Wieet, sien Hus
Wieetslied (H. mz.) de Maun un siene Fru dee eene Wirtschoft ieejnen
wieetvoll (Isw.) met Wieet; met väl Wieet
wieharen (schw.T.) daut Jelud von een Pieet moaken
wiel (Isw.) wäajen; to de selwje Tiet
wiels (Isw.) wäajen
Wien (H. m., -) een alkoholischa Drinkj von jejäade Wiendruwen
Wienachten (H. f., -) daut Fast aum un rom dän 25. Dezamba fa Jesus siene Jeburt
Wienachtsboom (H. m., -beem) een Taunenboom utjestraumt to Wienachten
Wienachtsfast (H. n., -) daut Fast to Wienachten
Wienachtsjeschenkj (H. n., -a) een Jeschenkj fa wäm bie Wienachten
Wienachtsmaun (H. m., -mana) de Nätklos; eene dee sikj Nätklos Kjleeda äwatrakjt un romjeit toom Jeschenkja jäwen
Wienachtsowent (H. m., -s) de Owent aum 24. Dezamba; een Owent wua eene Grupp, soo aus eene Sindachschool ooda eene Jemeent, toopkjemt toom een Wienachtsfast hoolen
Wienarnt (H. f., -en) de Tiet wan Wiendruwen jearnt woaren; de Mot von de Arnt von Wiendruwen
Wienbua (H. m., -res) eene Wirtschoft von Wiengoades
Wienbuddel (H. f., -dlen) eene Buddel met Wien
Wiendruw (H. f., -en) de Frucht von eene Wiendruwenrank
Wiendruwenarnt (H. f., -en) de Tiet wan Wiendruwen jearnt woaren; de Mot von de Arnt von Wiendruwen
Wiendruwengoaden (H. m., -des) een Goaden ooda een Flekj wua Wiendruwen aunjeplaunt sent
Wiendruwenhakj (H. f., -en) eene Hakj ooda Schaunz von Wienranken
Wiendruwenplaunt (H. f., -en) eene Wienrank; eene Plaunt de Wiendruwen drajcht
Wiendruwenpras (H. f., -en) eene Wienpras; eene Enrechtunk toom Wiendruwen tweidrekjen un de Sauft saumlen
Wiendruwensauft (H. n.) de Sauft von en Wiendruwen
Wiengoaden (H. m., -des) een Goaden ooda eena Stap von Wienranken
Wiengoadna (H. m., -sch) dee wäa äwa een Wiengoaden aunjestalt es toom dän besorjen
Wienkjala (H. m., -sch) eene kjeele Stow toom Wien oppbewoaren
Wienkuffel (H. n., -s) een Kuffel daut jeieejent es toom Wien drinkjen
Wienpras (H. f., -en) eene Enrechtunk toom Wiendruwen tweidrekjen un de Sauft saumlen
Wienrank (H. f., -en) eene Wiendruwen Plaunt; eene Wienstud
Wienstud (H. f., -en) Wienrank
Wies (H. f., -en) Mellodie; de Wies von een Leet
Wiesa (H. m., -sch) eene Feil ooda Stock dee waut wiest
wiesen (st.T., wies, wees, weesen, jewäsen) wua han tieekjnen; een Biespel moaken
Wiesfinja (H. m., -sch) de väaschta Finja; de ieeschta Finja biesied däm Dumen; Bottalekja [Kjliena Finja, Golt Rinja, Lankhauls, Bottalekja, Luskjekjnekja]
wiet (Isw.) een langet Enj; breet [wiet, wiede, wietste]
wietauf (Isw.) wiet wajch;
wietleftich (Isw.) nich dicht; han un wada
wietsechtich (Isw.) wiet auf kloara seenen aus dichtbie
Wiewaknoppen (H. m., -pes) een Knoppen dee nich sea goot helt
Wikjs (H. f., -en) jekalieedet Wauss toom waut schmock blank moaken ooda wikjsen
wikjsen (schw.T.) met Waus enschmäaren ooda beschmäaren
wilt (Isw.) nich tom; nich jebandicht; sea bewäacht
Wiltfank (H. n., -s) een willet Tia daut eena en eene Faul ooda sest woo jejräpen haft
Wiltnis (H. f., -en) eene Wuste; eene Jäajent wua kjeene Menschen wonen un meist nuscht waust
Wiltschwien (H. n., -) eene wille Sort Schwien
wimren (schw.T.) hekjren; leicht roaren
windich (Isw.) met Wint
Winjel (H. f., -jlen) een Kodda daut een Bäbe rom de Sett omjenomen woat toom Stoolgank un soowaut hoolen
winjsch (Isw.) vedreit; schroz; nich toom paus
winjschen (schw.T.) vedreien ooda schroz moaken; grumsaujen
Winkjel (H. n., -s) eene Akj
Winkjeliesa (H. n., -sch) een Bumeista sien Jereetschoft toom väamäten, väaschriewen, un Winkjels mäten
Winkjeljedriew (H. n., -s) de Enrechtunk toom eene dreiende Wal rom eene Akj leiden
Winkjelmäta (H. m., -sch) een Jereetschoft toom mäten wooväl Grod een Winkjel es; towinkjel es 90 Grod
winkjen (schw.T.) met de Haunt ooda met Jedonten wäm een Tieekjen jäwen
Wint (H. m., -nd) Loft dee sikj rieet
Winta (H. m., -sch) de Joarestiet wan de Doag kort sent un daut Wada kolda aus em Somma
Wintahus (H. n., -hiesa) een Hus wua eene Famielje em Winta wont; een Hus daut eenem jäajen koldet Wada schizt
Wintawada (H. n., -) daut Wada soo aus daut em Winta es
Wintaweit (H. m., -) eene Sort Weit de em Hoafst jeseit woat un em Farjoa fresch oppkjemt
Winthunt (H. m., -nj) een sea lankbeenja Hunt
Wintkjriesel (H. m., -s) een Wirbelwint; een Kjriesel von Wint de langsom äwa de Stapen trakjt
Wintmäl (H. f., -en) een Jereetschoft daut vom Wint dreit; een Jestal met eene Mäl bowen em Wint, soo aus toom Wota pompen ooda Weit molen
Wintmäta (H. m., -) Jereetschoft toom de Jeschwindichkjeit von Wint mäten
Wintpocken (H. mz.) een Kjinja Krankheit met een poa Doag Feeba un säwen Doag wotaje Pocken
wintrich (Isw.) soo aus em Winta
Wintsak (H. m., -j) eena dee sea väl to vetalen haft un foaken een bät äwadrift
Wintschoden (H. f., -) de Schoden von eene windje Tiet
wintstell (Isw.) nich windich; stelle Loft
Wintstoos (H. m., -en) een Stuks von Wint
Wintstorm (H. m., -s) een Storm von Wint; een Wint de Schoden brinjt ooda stift
Wipp (H. f., -en) een schmaula Reemen aum Enj von een Stock, soo aus toom Pieed joagen
wippen (schw.T.) met eene Wipp schlonen
Wirbel (H. m., -s) de Medd von waut waut doa dreit
Wirbelwint (H. m., -) Wintkjriesel
wirblen (schw.T.) peesren; vom Wint enne runt jejoacht
Wirfel (H. m., -s) Kjlats dee eenem jiedatsmol een Numma jäwen, soo aus von 1 bat 6
wirkjen (schw.T.) wan Medizien ooda medizienischa Rot em Kjarpa aunschleit, dan wirkjt dee
wirkjsom (Isw.) oabeitsom; sea opp oabeiden
Wirkjunk (H. f., -ngen) een wirkjen; woo waut aunschleit
Wirtschoft (H. f., -en) eene Buararie; eene Foarm un aul de Oabeit dee doa jedonen woat
Wirtschofta (H. m., -) een Bua; eene dee eene Wirtschoft haft
wirtschoften (schw.T.) buaren; eene Wirtschoft aum ranen hoolen
wirtschoftlich (Isw.) soo aus bie eene Wirtschoft
Wirwoa (H. m., -sch) een Derchenaunda
Wissenschoft (H. f., -en) daut väl lieren; aules waut enne Natua de lieren es
Witbroot (H. n., -od) wittet Broot
witrodlich (Isw.) licht root
witt (Isw.) eene Kalia
wittheet (Isw.) sea heet un jleischent witt
Witz (H. m., -en) een Spos; eene witzje Froag ooda Jeschicht
witzich (Isw.) spuchtich; kluak; leicht reed met ne Auntwuat
Wizha (H. m., -sch) eena dee wizhrich es; eena dee pienich von eent bat daut aundre jeit
wizhrich (Isw.) orruich; sea bewäacht; nich bie de Sach
woa (Isw.) to truen; opp to veloten; soo aus Woarheit
Woagen (H. m., -es) een Krota; eene Doos opp Räda toom Sachen fieren; (dim.) Woachkje, -s
woagen (schw.T.) brow jenuach sennen toom waut doonen
woaken (schw.T.) eenen Wajchta siene Oabeit doonen; no waut oppaussen
Woakj (H. n., -en) Oabeit; daut waut eena deit
Woakjbenkj (H. f., -en) een Desch ooda eene Benkj opp dee eena siene Oabeit moakt
Woakjdesch (H. m., -en) Woakjbenkj; een Desch wua eena siene Oabeit deit
Woakjeldach (H. m., -doag) een Oabeitsdach; irjent een Dach buta Sindach ooda Heljedach
Woakjstow (H. f., -en) eene Stow wua de Oabeit jedonen woat
Woakposten (H. m., -) een Wajchta; eene Städ wua een Wajchta woakt
Woakpuat (H. n., -s) een Puat wua een Wajchta woakt
Woaktorm (H. m., -s) een Torm von wua een Wajchta woakt
woam (Isw.) met weinich Hett; nich kolt, nich heet
woamen (schw.T.) waut woam moaken; nate Hett aun waut saten
woaren (st.T., woa, woascht, woat, Helpatietwuat) met dit Wuat sajcht eena daut eena faust jleeft daut doa waut kjemt ooda eene vesprakjt waut aum komen es [Wie woaren fuaz komen]
woaret (Isw.) soont waut Woarheit es; soont waut soo es
woarhauftich (Isw.) werkjlich
Woarheit (H. f., -en) eene Lia dee soo es, dee nich faulsch es; eene Lia opp dee eena sikj veloten kaun
woarnen (schw.T.) em verut sajen daut Schoden kjemt
woarnent (Isw.) soo aus met eene Woarnunk; met eene Woarnunk
Woarnunk (H. f., -ngen) daut waut eenem woarnt; daut waut eenem fa Schoden bewoaren well
woarschienlich (Isw.) goot mäajlich; eena kaun doaropp räakjnen
Woasaja (H. m., -/sch) eena dee väajeft daut hee sajen kaun waut enne Tookunft woaren woat
woasajen (st.T.) de Oabeit von een Woasaja doonen; sikj opp Jeistakrauft veloten toom em verut sajen waut komen woat
Woat (H. m., -s) dee hee bie de Enten
Woawa (H. m., -/sch) eena dee fa waut woaft; eena dee aundre fa eena Sach intressieren well
Woawel (H. f., -n) een kortet Bratje toom ver eene Däa dreien, soo daut de Däa nich opjeit
woawen (schw.T.) eene Meeninj unjastetten; fa eene Meeninj enstonen
woawlen (schw.T.) dreien soo aus eene Woawel
Wod (H. f., -en) daut fleeschje Poat von daut unjaschte Poat vom Been
Wofel (H. f., -flen) eene lokre Pankuak dee en een Wofeliesa jebakt woat
Wofeliesa (H. n., -sch) een Iesa toom Woflen moaken, daut jeit optodakjen toom Dieech nenschapen un woat dan äwa een Fia jebakt
Wol (H. f., -en) een wälen; een aufstemmen toom wäm eene Oabeit ooda Aumt jäwen
Wolhaunschje (H. f., -) Haunschje dee von Woll jekjnett sent
Woljak (H. f., -en) een jekjnette Jake; een Swetta
Wolkj (H. f., -en) Jäajenden enne Loft wua sooväl Donst es, daut eena doa nich kaun derchkjikjen; daut von wua de Räajen kjemt
Wolkjamel (H. f., -n) Jereetschoft toom Woll vekjamlen
Wolkjenbruch (H. m., -) een butajeweenlich groota ooda hunjscha Räajen
Wolkjenhimmel (H. m., -) de Lofthimmel; de Rum wua de Wolkjen sent
Wolkjenkrauza (H. m., -sch) Skyscraper; een sea huaget Jebied
Wolkjenstenda (H. m., -sch) een sea grootjewosna Mensch
wolkjich (Isw.) bewolkjt; met Wolkjen
Woll (H. f., -) de fiene Hoa dee von een Schop jeschoaren woat un jebrukt woat toom Zeich moaken, Dakjen enfoodren, ooda vekjnetten
wollich (Isw.) soo aus Woll; met Woll
Wolm (H. m., -s) de Tun aun de Sied von eene Brigj
Wolrajcht (H. n., -en) daut Väarajcht en eene Wol to wälen
wonboa (Isw.) soo daut et toom wonen to brucken es
wonen (schw.T.) en een Hus läwen; eene Woninj benutzen
Wonhoff (H. m., -häw) een Hoff wua eene Famielje wont
Wonhus (H. n., -hiesa) Wonjebied; eene Woninj; Hus wua Lied bennen wonen
Woninj (H. f., -en) Wonhus; Wonjebied; daut en waut eena läft un schlapt un at
Wonjebied (H. n., -a) Wonhus; Woninj
Wonjebiet (H. n., -en) eene Jäajent wua Wonhiesa sent
Wonplauz (H. m., -plaza) de Städ wua eena wont
Wonsenn (H. m., -) Errsenn; soont waut nich Senn haft; waut eena sikj soo sea wenscht daut eena doavon rät aus wan daut aul es
wonsennich (Isw.) dwautsch; soo aus een vedreida Senn; nich bie kloare Jedanken
Wonstäd (H. f., -en) een Hoff ooda eene Städ wua eena wont
Wonstow (H. f., -en) de Stow wua de Famielje äwadach daut mieeschte es
woo (Froagwuat) opp waut von een Wajch
wool (Isw.) jesunt; koasch
Woolt (H. m., Welda) eene Jäajent dee met Beem bewossen es
Wooltjebiet (H. n., -en) een Woolt; eene Jäajent wua Woolt es
Wooltkota (H. m., -sch) een willet Tia, meist soo aus eene Kaut
woomäajlich (Isw.) woarschienlich
woon (Froagwuat) ne Froag no eenen besondren enne Grupp
wooväl (Froagwuat) met waut vonne Mot
Wopp (H. f., -en) daut waut aune Howa Stud es enne Städ eene Oa, jieda Kuarn haft een Stenjel soo daut dee nich gaunz aum Staum es
Worm (H. m., Warm) een Tia en daut Jeschekj von eene korte runde Stang, onen Knoakes un enne Ieed romweelt
wormfrosich (Isw.) von Warm vefräten
Worscht (H. f., -) jemolnet Fleesch en Doarm ooda sea denna plastikna Schlauch jeprast
Worschtstoppa (H. m., -sch) Jereetschoft toom Worscht moaken; Jereetschoft toom jemolnet Fleesch en Doarm ooda Luschen nendrekjen
Wos (H. f., -en) een schmocket Glaus toom Bloomen oppstalen ooda bloos jrod soo bewundren
Wota (H. n., -) daut flissendje daut eena jieda Dach brukt toom drinkjen, wauschen un Äten moaken; biem Iespunkt, 0 Grod, frist daut to Ies, un bie 100 Grod koakt daut to Donst
Wotabeila (H. m., -sch) een groota blajchna Behelta fa Wota enne Kjäakj
Wotablos (H. f., -en) eene jestade Plak aune Hut wua sikj Wota jesaumelt haft
wotadicht (Isw.) soo daut et nich Wota nenn ooda rut lat
Wotadinkj (H. n., -nja) Wotakaun; een Jefäs toom Wota hoolen un jeeten
Wotadoop (H. f., -) daut deepen biem to Jemeent komen
Wotadroaga (H. m., -sch) eene däm siene Oabeit es, Wota droagen
Wotafaul (H. f., -en) eene Städ, soo aus en een Riefa, wua daut Wota felt
Wotagort (H. m., -s) een Gort, dän eena ut väasecht en een Boot drajcht, soo daut eena bäta schwamen kaun em Wota
Wotahan (H. f., -heena) een Voagel daut sikj dichtbie Wota opphelt un to äten em Wota finjt
Wotahecht (H. f., -en) de Hecht bat wua Wota en een Borm kjemt; Wotaspieejel
Wotakanol (H. m., -s) een Growen toom Wota veleiden
Wotakaun (H. f., -en) een Wotadinkj; eene Kaun toom Wota hoolen
Wotakjwal (H. f., -en) een Städ wua Wota ute Ieed kjwalt; een Sprinkj
Wotakopp (H. m.) een Jeburtsfäla, derch dän een Kjint eenen sea grooten Kopp voll Wota kjricht
Wotakruck (H. f., -en) eene Kruck toom Wota hoolen
Wotakrut (H. n., -) eene Sort Krut daut em Wota waust
Wotaleitinj (H. f., -en) Ruasch en een Hus toom Wota veleiden; Ruasch enne Ieed toom Wota no Jebieda leiden
Wotaloag (H. n., -en) eene Städ enne Ieed wua eena Wota finjt; de Hecht von daut Wota enne Ieed
Wotaloch (H. n., -lajcha) een Loch eene Ieed toom Wota hoolen, soo aus toom Vee drenkjen
wotaloten (schw.T.) pischen
Wotapiep (H. f., -en) eene Piep ooda een Rua toom Wota veleiden
Wotapuddel (H. m., -s) eene Städ oppe Ieed wua Wota steit
Wotarua (H. f., -sch) Wotapiep; een Rua toom Wota wuahan leiden
Wotaspieejel (H. m., -s) de Hecht wua een Wota steit
Wotastroom (H. m., -streem) ranendet Wota; een Riefa; eene Läacht
Wotastruck (H. n., -) Struck daut em Wota ooda aune Kaunt von een Wota waust
Wotatank (H. f., -en) eene Wota Tonn; een groota Behelta fa Wota
Wotatia (H. n., -tieren) een Tia daut emma ooda seaväl em Wota läft
Wotatroch (H. m., -träaj) een Troch toom Vee Wota jäwen
Wotaväarot (H. m., -) de Mot von Wota dee toom brucken es
Wotawal (H. f., -en) een Rigjen von Wota, soo aus vom Wint oppjejoacht
Wotawoag (H. f., -) Loodiesa
wotren (schw.T.) waut naut moaken ooda met Wota bejeeten, bespretzen
wotrich (Isw.) soo aus Wota; met Wota
wrablen (schw.T.) Kjnettich opmoaken
Wrak (H. n., -) Schunt; Jereetschoft ooda een Jebied en sea proste Ordninj
Wrang (H. f., -en) eene Krenk; eene Stang de jeieejent es toom een Moota ooda Jereetschoft dreien
Wrauntasak (H. m., -j) eena dee nich stelsetten kaun
wrauntren (schw.T.) wriblen; orruich sennen
wrauntrich (Isw.) soo aus eena dee doa wrauntat
Wraut (H. f., -en) een kjlienet oppligjendet Jewaus aune Hut
wrekjen (schw.T.) eenem sien Foot vedreien loten, tB wan eena opp eene Kaunt staupt
wrenjen (schw.T.) wrunschen; nendrenjen
Wrennikje (H. f., -) eene Moltiet von jekoakte Fuppen von Dieech met Gloms doabennen
Wribbelwrips (H. m., -en) een Kjint daut sea bosich von eent bat daut aundre jeit
wribbelwripsich (Isw.) soo aus een Wribbelwrips; wriblich; wrauntrich
wriblen (schw.T.) fien voll von Bewäajungen, soo aus wan väl Menschen toop sent un een jiedra siene ieejne Beschaftjunk haft
wrigjlen (schw.T.) soone Bewäajunk aus tB Warm
wrigjlich (Isw.) met wrigjlen
Wrigla (H. m., -sch) soont waut wrigjelt
Wrinja (H. m., -sch) een Jereetschoft, jeweenlich aun eene Wauschmaschien, toom daut Wota ute Wausch rutwrinjen
wrinjen (schw.T.) en jieda Haunt een Enj von een Kodda un dan met de Henj en jäajenjesade Rechtungen dreien
wripsen (schw.T.) haustich von eent bat daut aundre sennen
wripsich (Isw.) soo aus biem wripsen
wrocken (schw.T.) sea grunsen; onen opphieren schellen
Wruck (H. f., -en) Jekjäakjs, sea soo aus eene Beet, met eenen betren Noschmak
Wrumpel (H. m., -s) een kjliena toopjerolda Baul, soo aus von Dieech ooda Liem
wrumplen (schw.T.) en kjliene Bala rollen, soo aus Dieech ooda Liem
wrumplich (Isw.) jewrumpelt
wrunschen (schw.T.) wrenjen; sikj foaken een bät aundasch trajchtsaten
wua (Froagwuat) opp woone Städ
wuabie (Froagwuat) bie waut
wuaderch (Froagwuat) waut brocht daut rom
wuaemma (Isw.) irjentwua; ekj weet nich wua
wuafäa (Froagwuat) wuaderch; wäajen waut
wuahäa (Froagwuat) woo kjeem daut
wuahan (Froagwuat) no woone Städ
wuajäajen (Froagwuat) jäajen waut
wuamet (Froagwuat) met waut
wuano (Froagwuat) no waut
wuaraun (Froagwuat) aun waut
wuaräwa (Froagwuat) äwa waut
wuarenn (Froagwuat) en waut
wuarom (Froagwuat) wuaderch; wuafäa
wuaronen (Froagwuat) onen waut
wuaropp (Froagwuat) opp waut
wuarut (Froagwuat) ut waut
Wuat (H. n., Wieed/Wieeda) daut waut een Jedanken utsprakjt, soo aus een Nomen von waut, waut doa passieet ooda een Ieejenschoft aunjeft; en Meazol es doa een Unjascheet tweschen Wieed un Wieeda: Wieed sent dee, dee eena emdenkj hoolen well, soo aus eenem siene latste Wieed, oba een deel jeweenelje Wieeda es waut aundret
wuatoo (Froagwuat) to waut
wuaväa (Froagwuat) fa waut
wuavon (Froagwuat) von waut
wuawäajen (Froagwuat) wäajen waut
wuchren (schw.T.) Entras velangen von waut jeliet woat
Wucht (H. f., -en) Macht; Krauft; Schwunk
wuchtich (Isw.) met Wucht; met Krauft
wuklen (schw.T.) kjitlen
Wulf (H. m., Wilw) een willet Tia, een bät soo aus een Hunt
Wund (H. f., -en) een Schoden aum Kjarpa; eene tweinje Städ aune Hut
Wunda (H. n., -sch) soont waut eenem wundat; waut goodet waut eena nich jedocht haud daut et wudd romkomen
wundaboa (Isw.) toom wundren; butajeweenlich; butajeweenlich goot ooda schmock
wundalich (Isw.) butajeweenlich; framd; nich to vestonen
wundascheen (Isw.) sea scheen; toom wundren scheen
wundastraum (Isw.) sea straum; toom wundren straum
Wundatieekjen (H. n., -s) een Wunda daut een Tieekjen es von dämjanjen dee daut mäajlich jemoakt haft
wundaväl (Isw.) toom wundren väl
wundavoll (Isw.) wundaboa; toom wundren
Wundawäaj (H. mz.) de Jeschicht von eenem ooda eene Grupp de miere Wunda derchmoaken
Wundawoakj (H. n., -en) een Wunda
Wundetwierem (H. m., -s) Drot toom eene Wund toopneien
wundren (schw.T.) staunen; tieren; oppfaulent sennen
Wunsch (H. m., -) Wensch; waut eena haben mucht
Wuste (H. f., -n) eene Wiltnis
wutschen (schw.T.) haustich von eene Städ no de aundre komen, soo aus een Kjint
Wutt (H. f., -) groota Oaja; een nich vejäwen
wuttent (Isw.) wuttich
wuttich (Isw.) met Wutt; soo aus met Wutt
|
