|
väa (VT.) verhäa, ver waut, ea, väaren
väabedocht (Isw.) goot jeplont; aun aules jedocht verhäa
Väabeen (H. n., -) daut väaschte Been aun een Tia; Väafoot
väabieejen (st.T.) waut doonen, soo daut een Trubbel, dee doa haud kunt komen, nich kjeem
Väabilt (H. n., -lda) daut waut eena vesieekjt notomoaken
väabräakjen (st.T.; sp: bräakjen väa) väakomen; rutbräakjen
väabrinjen (st.T.; sp: brinjen väa) väadroagen; äwadäl brinjen; rutbrinjen
Väadeel (H. n., -) daut waut eena väatrakjt; daut wäajen waut eena waut väatrakjt
Väadrach (H. m., -dräaj) eene Räd; daut waut eena väadrajcht
väadroagen (st.T.; sp: droagen väa) eene Grupp waut väastalen; eenen Väadrach jäwen
Väaelren (H. mz.) Elren, Grootelren, Uagrootelren usw aula toop; dee von wäm eene häastaumt
Väafaul (H. m., -) daut waut väajekomen es
väafaulen (st.T.; sp: faulen väa) passieren; woaren
Väafoot (H. m., -feet) een Foot aun een Väabeen von een Tia
väagonen (st.T.; sp: gonen väa) passieren; woaren [waut jeit hia väa?]
väahaben (st.T.; sp: haben väa) waut eena deit es sien väahaben
Väahank (H. m., -s) daut waut ver waut henjt; eene Gardien
väahäwen (st.T.; sp: häwen väa) ruthäwen toom oppmoakjsom opp waut moaken; väatrakjen
väahenjen (st.T.; sp: henjen väa) waut opphenjen toom waut bedakjen; eene Gardien ver waut henjen toom schmock loten
Väahoff (H. m., -häw) daut väaschte vom Hoff, jeweenlich vonne Gaus bat daut Wonhus
väahoolen (st.T.; sp: hoolen väa) waut ver waut hoolen; wäm eene Sach sea kloa moaken ooda mostren
Väahut (H. f., -en) de loose Hut aum Jeschlajchtsjlett von een Maunsmensch
väaja, väaje, väajen, väajet (pron.) dee waut jrod ea kjeem; de latsta
väajäwen (st.T.; sp: jäwen väa) Uträd moaken; waut aunjäwen, daut nich de gaunze Woarheit es, ooda de Woarheit vestakjt
väajemol (H. n., -) väaje mol; daut mol ver daut latste
Väajenja (H. m., -) eena dee veropp jeit; een Väavoda; eene dee waut enjeleit haft
Väakaunt (H. f., -en) de väaschte Kaunt
väakeiwen (schw.T.) waut vekeiwen ea eena däm aundren daut jeft, soo aus Keifkje
väakomen (st.T.; sp: komen väa) oppkomen; väaschienen
Väakost (H. f., en) een Schmakjsel aum Desch ver de groote Moltiet oppjedescht woat
väakroagen (schw.T.; sp: kroagen väa) väaroopen; enloden väatokomen
väalajen (st.T.; sp: lajen väa) waut dietlich moaken soo aus toom doafäa ooda doajäajen wälen; präsentieren
väaläsen (st.T.; sp: läsen väa) oppludes läsen soo daut een ooda mea aundre daut hieren
Väaläsunk (H. f., -ngen) een Väaläsen; eene Leksion dee väajeläst woat
väaläwen (schw.T.; sp: läwen väa) een Biespel sennen met sien Läwen
Väaleew (H. f., -en) eene kjliene Stow jrod benna de Butadäa
väalieejen (st.T.; sp: lieejen väa) mootwelles to wäm lieejen
väalowen (schw.T.; sp: lowen väa) sajen daut waut sea goot es
Väaminda (H. m., -) een Gootmaun; eena no däm eena no Rot froagen kaun
väamoaken (st.T.; sp: moaken väa) waut väastalen, waut mea schien haft aus Woarheit
väamolen (schw.T.; sp: molen väa) een Bilt von waut molen soo daut aundre daut Jeschekj seenen kjennen; väamoaken; een bät äwadriewen
Väanämen (H. n., -) waut eena sikj väanemt; waut eena em Senn haft
väanämen (st.T.; sp: nämen väa) sikj fa waut entschluten; sikj to waut eenjen; met wäm unjaräd hoolen
väanämsta (Isw.) met de hechste Iea; met daut hechste Aumt
väaoabeiden (schw.T.) veropp waut Oabeit doonen; waut reedmoaken fa mea Oabeit; plonen
väaprädjen (schw.T.) wäm sea moralisch ooda kjoakjsch waut väahoolen
väapuchen (schw.T.; sp: puchen väa) sea to eenem puchen; waut sea väatrakjen en siene Räd
Väarajcht (H. n., -) eene Jeläajenheit dee eenem väl wieet es; een Veauntwuatunk dee jewesse Iea met sikj brinjt
väaren (Isw., väaren, wieda no väaren, väaschta) aum Aunfank; aun de väaschte Kaunt; daut jäajendeel von hinjen
väarenaun (Isw.) meist väaren; dichtbie väaren
väarenäwa (Isw.) jäajen ooda biesied daut väaschte Enj
Väarenj (H. n., -a) daut väaschte Enj von waut
väaroopen (schw.T.; sp: roopen väa) rutroopen; roopen daut eena saul väakomen
Väarot (H. m., -) waut eena reed haft; waut eena reed moakt, soo aus Äten ooda Fooda toom Winta; de Väastaunt; eene Grupp von Leida
Väarum (H. m., -s) Rum väarenaun; de ieeschte Stow
väarwajch (Isw.) no väaren han; en de Rechtunk wua väaren es
väasajen (st.T.; sp: sajen väa) sajen waut eena von wäm velangt; jebeeden;
väasajrich (Isw.) soo aus eena dee bäta weet aus de aundra
väasaten (schw.T.; sp: saten väa) waut väastalen met däm Senn daut deejanja doa waut met doonen woat
Väasauzfensta (H. n., -tren) een Fensta daut ver een aundret Fensta jesat woat wan daut Wada kolt woat
Väaschien (H. m., -) to seenen; äwadäl komen
väaschienen (st.T.; sp: schienen väa) toom väaschien komen; dolla schienen aus aundre
Väaschinkjen (H. m., -kjes) de Väaschulla von een Schwien
Väaschlach (H. m., -schläaj) waut eena väaschleit; eene aunjejäwde Mäajlichkjeit
väaschlonen (st.T.; sp: schlonen väa) sajen woo eena waut haben well; een Jedanken jäwen, woo waut kunn jedonen woaren
väaschmäaren (schw.T.; sp: schmäaren väa) väalieejen; väamoaken waut nich soo es
Väaschmak (H. m., -) een Schmakjsel ooda een Jeroch von eene Moltiet ver eena sikj saut äten kaun
väaschmieten (st.T.; sp: schmieten väa) beschuldjen; wäm waut em Stich saten
Väaschoss (H. f., -en) Auntolinj; Jelt waut eena em verut kjricht, aus Tiekjen daut et äwaje uk komen woat
Väaschreft (H. f., -en) daut waut eenem väajeschräwen es; de Plon ooda daut Mosta fa eene Oabeit; daut Jesaz
väaschriewen (st.T.; sp: schmieten väa) dolschriewen waut eena von wäm velangt; stenj weetenloten krakjt woo waut jedonen saul
väaschta (Isw.) ieeschta; dee waut gaunz väaren es
Väaschulla (H. m., -/sch) Väaschinkjen; daut Fleesch rom daut väaschte Been von een Tia
väaschuwen (st.T.; sp: schuwen väa) väaschmieten; waut väatrakjen; wäm waut em Stich saten;
Väasecht (H. f., -) een oppaussen; Trubbel väabieejen
väasechtich (Isw.) met oppaussen
väaseenen (st.T.; sp: seenen väa) veauntwuatlich fa waut sennen; veropp plonen
Väasenja (H. m., -) eene de en eene Vesaumlunk de Leeda aunsajcht un aunstemt
Väasilb (H. f., -en) de ieeschte Silb von een Wuat de aun de Gruntform von een Wuat naunjesat es, tB rom-gonen, ve-boden, je-drascht
väasinjen (st.T.; sp: sinjen väa) leiden met een Leet aunfangen un derchsinjen
väaspälen (schw.T.; sp: spälen väa) een Instrument spälen soo daut aundre daut hieren
väaspaunen (schw.T.; sp: spaunen väa) aunspaunen
väastalen (schw.T.; sp: stalen väa) wäm ooda waut bekaunt moaken; väalajen
Väastalunk (H. f., -ngen) waut eena sikj väastalt; waut eena sikj denkjt, wan eena daut noch nich jeseenen ooda erfoaren haft
Väastaunt (H. m., -stend) de Väarot; eene Grupp von Leida
Väastona (H. m., -/sch) een Leida; eena dee em Väastaunt es
väastonen (st.T.; sp: stonen väa) leiden; fa wäm ooda waut enstonen
Väastow (H. f., -en) de väaschte Stow von een Hus; de Stow wua eena von buten nenkjemt
väastrakjen (st.T.; sp: trakjen väa) waut bäta jleichen aus waut aundret
Väatän (H. f., -en) eent von de väaschte Tänen em Mul; eent von de Tänen met dee eena daut Broot aufbitt
Väatieekjen (H. n., -) een Oninj; een Tieekjen daut waut komen woat ooda kaun
väatieekjnen (schw.T.; sp: tieekjnen väa)
väaträden (schw.T.; sp: träden väa) väakomen; oppträden
väatrakjen (st.T.; sp: trakjen väa) bäta jleichen; no waut anglen
Väatus (H. n.) de väaschte Stowen en een Hus, wua daut mieeschte äwadach väajeit
Väavoda (H. m., -sch) een Staumvoda; een Maun von däm eena häastaumt, tB een Uagroosvoda
väawetren (schw.T.; sp: wetren väa) grumsaujen; ontofräd sennen
Väawol (H. f., en) de Prozass von Kandidoten väaschlonen ver eene Wol
Väawuat (H. n., -wieed) een kortet Stekj väaren en een Buak, daut een bät sajcht wuatoo daut Buak deent
Vada (H. m., -sch) eenem sien Onkel ooda Taunte äa Sän
väl (Isw.) miere; een deel
Välfross (H. m., -) eena dee bekaunt es daut hee emma sea väl at
välmol (Isw.) foaken; miere mol
välsiedich (Isw.) met väl Sieden; väl Wäaj to beseenen
välwaut (Isw.) een deel; väl [daut meent nich välwaut]
Välwiewarie (H. f., -n) de Enrechtunk mank eenje Menschen daut een Maun sikj mea aus eene Fru frieen kaun
Varsch (H. m., Varzh) eene Stroof von een Jedicht; een korta Aufschnett enne Bibel, soo aus dee jenummarieet sent
Vaspa (H. n., -sch) eene kjliene Moltiet medden em Nomeddach; een Koffe Bräkj
vea (H. f. –ren) een Numma, 4; Ordnungszol: 4., vieeda
veabeensch (Isw.) met vea Been
veachten (schw.T.) dolranen; weeten loten daut eena waut nich väl Wieet räakjent
veajchtlich (Isw.) soo aus met veachten; met veachten
Veakaunt (H. m., -en) eene Doos; eene Form met vea jlikje Sieden aule Akjen towinkjel
veakauntich (Isw.) met vea Kaunten ooda Sieden
veastemmich (Isw.) met vea veschiedne Stemmen tojlikj, soo aus twee Fruesstemmen un twee Maunsstemmen
veauntwuaten (schw.T.) sikj hieren loten wuarom eena jewesse Sachen jedonen haft, ooda sent jedonen worden; räakjenschoft jäwen
veauntwuatlich (Isw.) soo sennen aus eena dee waut goot rant; Veauntwuatunk haben; soo aus eena dee Veauntwuatunk haft
Veauntwuatunk (H. f., -ngen) daut wuaväa eene veauntwuatlich es; daut waut met Rajcht von eenem velangt es; daut waut eena vesproaken haft to doonen
vebaken (schw.T.) oppbrucken met Sachen baken
vebätren (schw.T.) bäta moaken; waut bäta enrechten
vebaunen (schw.T.) em Baun stalen; velangen daut dee nich jemeenshoft met eenem haben
Vebaununk (H. f., -ngen) wäm ooda eene Grupp moaken no eene aundre Jäajent trakjen aus Strof ooda ut Väasecht daut see nich too stoakj woaren
vebeeden (st.T.) aufsajen; velangen daut waut nich jedonen woat
vebeislen (schw.T.) velieren; nich behoolen wua eena waut jeloten haft
vebetren sikj (schw.T.) betta woaren äwa eene Sach; sikj waut loten jäajenaun woaren
vebettat (Isw.) sea vedrislich äwa waut sennen
vebie (Isw.; VT.) vegonen; wieda jefoaren; nich mea hia sennen, entwäda en reisen ooda Tiet
vebieejen (st.T.) moaken daut waut nich mea jlikj es; moaken daut waut nich mea daut Jeschekj haft aus ea; veknutschen; kromm ooda bulich moaken
vebiefoaren (st.T.; sp: foaren vebie) bat wua foaren un uk wieda foaren
vebiegonen (st.T.; sp: gonen vebie) bat eene Städ komen un wieda gonen von doa
vebiekjennen (st.T.; sp: kjennen vebie) de Mäajlichkjeit ooda Frieheit haben toom vebiegonen
vebiekomen (st.T.; sp: komen vebie) waut loten bat hia komen un uk wieda gonen
vebieloten (schw.T.; sp: loten vebie) waut loten vebiegonen; Rum ooda Frieheit jäwen daut de aundra vebie kaun
vebieranen (schw.T.; sp: ranen vebie) bat wua ranen un uk wieda ranen
vebiereisen (schw.T.; sp: reisen vebie) bat wua reisen un uk wieda
vebiestat (Isw.) soo aus eena dee nich weet wua hee es, ooda woo hee ut waut rut kaun komen
vebiestren sikj (schw.T.) sikj velieren; sikj nich weeten wua eena es, ooda woo eena doavon kaun komen
vebieten (st.T.) 1) enbieten; Lajcha en waut nenbieten, oba nich aufmoaken; 2) äten; een bätje äten
vebinjen (st.T.) toopbinjen; aunbinjen; faustbinjen
vebleffen (schw.T.) sikj sea vefieren; staunen
vebleft (Isw.) je-enjst; veschrocken; vefieet
veblenden (schw.T.; pass.) soo dach sennen daut eena nich goot seenen kaun
veboajcht (Isw.) vestoaken
veboajen (schw.T.) vestäakjen; waut stell hoolen
vebomlen (schw.T.) velieren; velajen
veborjen (Isw.) vestoaken; soo daut et nich to seenen es
vebosen sikj (schw.T.) sikj too sea spooden
vebost (Isw.) too bosich
Vebräakja (H. m., -/sch) eena dee een Vebräakjen begonen haft
vebräakjarisch (Isw.) soo aus een Vebräakja
Vebräakjen (H. n., -) een Vegonen em Jesaz, tB stälen
vebräakjen (st.T.) tweibräakjen; en Stekja bräakjen
vebreeden (schw.T.) breeda woaren; vespreeden; von eene Norecht: breet bekaunt woaren
vebrennen (schw.T.) von Fia vefräten woaren; too heet woaren; Schoden kjrieen von too heet sennen
vebrieejen (schw.T.) de Hut loten too heet woaren; Schoden aun de Hut kjrieen, von too heet woaren
vebrinjen (schw.T.) Tiet brucken; Tiet nämen
vebroaken (Isw.) enjebroaken; tweijebroaken
vebroklen (schw.T.) von selfst ooda met Tiet en fiene Bieta bräakjen
vebrucken (schw.T.) oppbrucken; brucken bat waut twei jeit ooda Wieet velist
vebruddelt (Isw.) gaunz mäa jebrot ooda jekoakt; utjekoakt
vebrudlen (schw.T.) soo lang koaken ooda broden bat et gaunz mäa es
vebrukt (Isw.) oppjebrukt; tweijegonen von brucken; Wieet veloaren haben von väl brucken
vebuaren (schw.T.) velieren
vebuat (Isw.) veloaren
vebuen (schw.T.) oppbrucken biem buen
vebungen (Isw.) met waut to doonen haben; von een Kjint ooda Mensch: eena dee een bät breet es ooda väl Fleesch haft
vebuzhat (Isw.) vezoddat; buzhrich; orriemsch, soo aus Hoa
vebuzhren (schw.T.) von Hoa: orriemsch woaren
vedajchtich (Isw.) twiewelhauft; nich gaunz to truen
vedakjen (schw.T.) priejlen; bestrofen met schlonen
vedäl (Isw.) äwadäl
vedarscht (Isw.) sea darschtich sennen; lieden von nich jenuach to drinkjen haben
vedarschten (schw.T.) lieden von nich jenuach to drinkjen haben
vedaumen (schw.T.) schuldich spräakjen
Vedaumnis (H. f., -en) een vedaumen; een vedaumt sennen; de eewje Hal
vedaumt (Isw.) schuldich sennen
vedäwren (schw.T.) oppknaulen; veschlonen; priejlen
vedeelen (schw.T.) endeelen; utdeelen; aul dee waut jäwen, dee waut traft
Vedeelunk (H. f., -ngen) een Poat; een Deel; een utdeelen; een endeelen
vedeenen (schw.T.) Loon kjrieen; Jehault kjrieen fa jewesse Oabeit
vedeidlen (schw.T.) Tiet veschwenden; Tiet nich to waut goodet brucken
vedeift (Isw.) oppjedeift; jeschmolten
vedeiwen (schw.T.) schmelten; oppdeiwen; utdeiwen; flissendich woaren von woamen
vedemplen (schw.T.) een Jeschmak kjlanda moaken met mea Wota, ooda soowaut, biejeeten
vedenkjen (schw.T.) denkjen daut wäa schuldich aun waut es
vedennen (schw.T.) denna moaken; vedemplen; utklunjen; aufschieren
vedestowieren (schw.T.) vedoawen; enne Grunt brinjen
vedichten (schw.T.) waut dicht moaken
vediestren (schw.T.) waut diesta moaken; waut soo moaken daut et nich uttomoaken es
vedinjen (st.T.) ut kontrakten; Oabeit loten von aundre doonen unja Kontrakt
Vedoawa (H. m., -/sch) dee waut aules vedoaft
Vedoawen (H. n., -) de Prozass von waut vedoawen
vedoawen (st.T., vedoaw, vedorf, vedorwen,) tweimoaken; dän Wieet kjlanda moaken; Schoden to waut doonen
vedoblen (schw.T.) tweemol soo groot moaken
Vedocht (H. f., -) een nich truen; waut ooda wäm vedenkjen; Twiewel
vedoktren (schw.T.) Jelt oppbrucken met Doktarie betolen
vedolmetschen (schw.T.) dolmetschen; äwasaten; dietlich moaken waut waut meent
vedolt (Isw.) sea; secha; jewess (een betoonunks Wuat)
vedonren (schw.T.) bosich Jelt vebrucken; priejlen
vedonsten (schw.T.) en Donst oppgonen; to Donst woaren
vedorren (schw.T.) vewalkjen; vedrieejen ooda schwak woaren von Plaunten ooda uk Jläda aum Kjarpa
vedorwen (Isw.) soo jemoakt daut et nich mea schauft; von een Kjint: vewant, nich belieet
vedorwen (Isw.) twei; onen Wieet sennen; enne Grunt jebrocht sennen
vedraschen (schw.T.) priejlen
vedreien (schw.T.) eene Rieejenfolj endren soo daut de Jeschicht nich to vestonen es; jewesse Eenselheiten endren soo daut de Jeschicht nich to vestonen es
vedreit (Isw.) derchenaunda; Hauls äwa Kopp; nich rajcht enjestalt; too wiet jedreit; vedorwen
vedrekjen (schw.T.) tweidrekjen; Schoden moaken met opp waut drekjen
vedrieejen (schw.T.) drieech woaren; Feichtichkjeit velieren
vedriewen (schw.T.) wajchdriewen; wajchjoagen; dwinjen wajch to gonen
vedrinkjen (st.T.) stoawen von nich Loft kjrieen biem schwamen
vedrislich (Isw.) vestieet; vestalt; eenje moten jäajenaun; nich ontlich un jehuarsom
vedroagen (st.T.) uthoolen
Vedruss (H. m., -) een vedrislich sennen
veducken (schw.T.) Schacht jäwen; priejlen
vedujjen (schw.T.) veschlonen; schlonen; kjielen
vedunklen (schw.T.) dunkel ooda diesta woaren;
veduzt (Isw.) vewillat; vefieet; nich weeten aun waut eena es
Vee (H. mz.) Kjieej; aule Tieren dee oppem Hoff jehoolen woaren
Veedokta (H. m., -sch) eena dee Vee doktat; eena dee Krankheiten mank Vee behaundelt
veeefachen (schw.T.) eefacha moaken; moaken daut waut nich soo komplizieet es
veeenjen (schw.T.) to eent moaken; toopbrinjen; Fräd moaken
Veeenjunk (H. f., -ngen) een eenich woaren; een toopkomen opp toopbliewen
Veefooda (H. n., -) Fooda fa Vee, soont aus Lankfooda un Schroot, Säd ooda Oppmenjsel
Veehäad (H. f., -en) miere Kjieej un Junkvee toop, soo aus opp eene Weid, ooda dee eenem Mensch jehieren
Veehoad (H. m., -s) eena dee Vee heeden deit; eene däm siene Oppgow un Oabeit es no Vee oppaussen daut dee nich opp soont gonen wua see nich sellen
Veehock (H. n., -s) een enjetiendet Hock fa Vee
veellren (schw.T.) ella ooda oolt woaren
veemässich (Isw.) em Stiel von Vee; soo aus Vee
veendren (schw.T.) aundasch moaken
Veendrunk (H. f., -ngen) waut doonen ooda loten woaren daut et nich mea soo es aus et wia; Veendanis
veenjsten (schw.T.) enjsten; angst moaken
Veeweid (H. f., -en) een Weid fa Vee; een Darpsweid; eena Stap wua Vee grosen kaun
vefälen (schw.T.) hinjaloten; nich nokomen
vefaulen (st.T.) utteneen faulen; tweigonen; toopschorren
vefaulschen (schw.T.) waut scheef moaken; onopprechtich sennen
Vefiera (H. m., -) eena dee wäm to waut schlajchtet berät
vefieren (schw.T.) 1) äwarauschen; vewilren; sikj nich weeten wiels waut soo haustich oppjekomen es 2) veleiden
Vefierunk (H. f., -ngen) eene Erfoarunk en dee eena sikj haft beräden loten to waut schlajchtet doonen
veflerren (schw.T.) vetranen; verieten; vekodren
veflichten (schw.T.) Veauntwuatunk fa waut nämen; eene Oabeit opp sikj nämen
veflieejen (st.T.) en veschiedne Rechtungen flieejen, von eene Grupp
vefluchen (schw.T.) flieekjen; wäm schlajchtet wenschen
Vefluchta (H. m., -te) eena dee met eenen Fluch aufjestat woat; eena däm eena nuscht goodet wenscht
vefoaren (st.T.) sienen Wajch velieren biem foaren; enne Grunt foaren; foaren bat et nich mea schauft
Vefolja (H. m., -) eena dee eenem emma wada aunkjemt un eenem vom gooden Wajch raufkjrieen well
vefoljen (schw.T.) nostonen; wäm daut Läwen schwoa moaken wiels hee aundasch denkjt ooda von eene framde Grupp es
Vefoljunk (H. f., -ngen) eene lenjre Tiet en dee Menschen nojestonen woaren fa äaren Gloowen ooda äa Läwens Stiel
vefoodren (schw.T.) oppfoodren; Fooda oppbrucken
vefoten (st.T.) no waut orrajchtet foten; waut orrajchtet nämen ooda wiedasaten
vefräten (st.T.) verostren; vefulen; vekomen; weinja woaren ooda Wieet velieren von rostren, fulen, ooda soowaut
vefrensen (schw.T.) to Frensen woaren; frensich woaren
vefrieren (st.T.) tweifrieren; Schoden kjrieen von too kolt woaren
vefulen (schw.T.) vestocken; vekomen; vepilsen; von Kjniepasch ooda noch kjlandret Läwent vedorwen woaren
vefult (Isw.) vekomen; vepilst; vestokt
vegnurplen (schw.T.) met Gnurpel vewaussen, soo aus en een Jelenkj
vegnuwlen (schw.T.) veschnieden met een stompet Massa
vegolden (schw.T.) met Golt beschlonen
vegonen (st.T.) wajch gonen; opphieren; veheelen; 2) em Jeschlajchtsläwen waut orrajcht doonen
Vegonenheit (H. f., -en) de Tiet dee jewast es
vegoodjen (schw.T.) vejäwen; togood hoolen
vegrowen (st.T.) begrowen; unjaschoawen
vegrulen (schw.T.) veenjsten; grulen; wajchgrulen
vegrunst (Isw.) grunsich; sea kloagen
vehäakjat (Isw.) derchenaunda jemoakt; vepeesat
vehäakjren (schw.T.) vepeesren; derchenaunda moaken; de Ordninj vedoawen
vehaken (schw.T.) tweihaken; met eene Akjs ooda eene Hak waut tweischlonen
vehalpen (st.T.) halpen; trajchthalpen
veharlichen (schw.T.) lowen; harlich moaken; harlich hoolen
veharlicht (Isw.) harlich jemoakt; met harliche Ieejenschoften
vehaundlen (schw.T.) een Haundel derchfieren; een Kontrakt vemedlen
vehaust (Isw.) veoajat; doll
veheelen (schw.T.) heelen; jesunt woaren
veheiwen (schw.T.) schlonen
Veheltnis (H. n., -en) een Toostaunt; soo aus twee toop foadich woaren [daut Veheltnis tweschen Jeschwista]
Veheltniswuat (H. n., -wieda) see: Präposizion
vehetten (schw.T.) oppbrucken biem hetten
Vehia (H. n., -hieren) de Jeläajenheit wua de Vekjläaja un de Vekloagda utjefroacht woaren
vehielen (schw.T.) lang roaren
vehielt (Isw.) soo aus lang jehielt ooda jeroat
vehieren (schw.T.) em Jerecht horchen waut de Kloagen un de Veteidjungen sent
vehindren (schw.T.) hinjren; em Stich sennen
vehoaden (schw.T.) hoat woaren
vehoagelt (Isw.) von Hoagel veschloagen
vehoaglen (schw.T.) vedorwen woaren von Hoagel
veholen (schw.T.) jesunt woaren; Krauft trigjkjrieen; reiwen
vehoolen (st.T.) oppfieren; benämen
vehungat (Isw.) nich jenuach to äten jekjräajen haben
vehungren (schw.T.) nich jenuach to äten kjrieen; lieden von to weinich äten
veieren (schw.T.) Iea jäwen; sea huach wäm räakjnen
Veilkje (H. n., -) eene Sort bennaschte Bloomen
Veitsdaunz (H. m.) eene Krankheit en dee een Mensch väle onneedje Bewäajungen moakt un daut nich beharschen kaun
vejäfs (Isw.) to kjeenen Nutzen; emsonst
vejäten (schw.T.) nich em Denkj hoolen; nich aun waut denkjen kjennen
vejätsom (Isw.) soo aus eena dee vejat
vejäwen (st.T.) vezeien; nich waut jäajen eenem hoolen
Vejäwunk (H. f., -ngen) een vejäwen; daut vejäft sennen
vejeeten (st.T.) utjeeten; äwaschulpsen; kjietren
vejeften (schw.T.) Jeft enjäwen ooda ennämen
vejenkjlich (Isw.) soo daut et nich opp emma blift; soo daut et met de Tiet Wieet velist
vejewaultjen (schw.T.) misbrucken; met Jewault met wäm Schaund driewen
Vejiabaks (H. m., -en) Transmischen; de Enrechtunk aun eene Maschien ooda Foatich daut eena Spied, Jeschwindichkjeit, enstalen kaun
vejlikjen (schw.T.) jäajenäwa trakjen; seenen woo twee Sachen äwareen ooda nich äwareen sent
vejnieejen (schw.T.) Tiet vewielen; sikj waut scheengonen loten
Vejniejen (H. n., -) een scheengonen; een scheena Tiet vedrief
vejoagen (st.T.) wajchjoagen; veschechren
vejratren (schw.T.) jrata moaken
Vejreetrunksglaus (H. n., -jläsa) een Glaus daut waut moakt jrata loten
vejriepen (st.T.) vefoten; orrajcht waut jriepen
vekalieren (schw.T.) Kalia velieren; Kalia endren
vekaulkjen (schw.T.) met Kaulkj veschmäaren; met Kjätelsteen besat woaren
vekjarten (schw.T.) kjarta moaken
Vekjeepa (H. m., -/sch) dee wäa waut vekjaft
vekjeepen (st.T.) fa Jelt wajch jäwen
vekjieet (Isw.) vedreit; äwakopp; nich rajcht jebrukt
vekjielen (schw.T.) veschlonen
vekjillen (schw.T.) eene wankende Krankheit kjrieen
vekjilt (Isw.) met eene wankende Krankheit
vekjitten (schw.T.) met Kjitt veschmäaren
Vekjläaja (H. m., -/sch) dee wäa vekloacht
vekjlakjren (schw.T.) Lakjen velieren
vekjlamen (schw.T.) enkjlamen; vedrekjen
vekjlämen (schw.T.) von een Mensch: too kolt woaren
vekjlandren (schw.T.) kjlanda moaken
Vekjlandrungsform (H. f., -en) en Gramatikj, de Form von een Hauptwuat wan von een kjlienet jerät woat [Hus, Huskje]
vekjleeden (schw.T.) aundre Kjleeda auntrakjen soo daut eena nich jekjant es
vekjleewen (schw.T.) aunbaken; met Liem waut aunbaken
vekjlinjen (st.T.) veschaulen
vekjnäden (schw.T.) kjnäden bat aules äwareen lat
vekjnedren (schw.T.) veknutschen
vekjneeen (schw.T.) kjneeen; opp Kjneees gonen
vekjneppen (schw.T.) vebingen; vezodren; toopzoddren; waut finjen daut wie äwareen haben
vekjräpelt (Isw.) kjräplich; nich stoakj
vekjrapen (schw.T.) daut Enj dikj moaken
vekjräplen (schw.T.) kjräplich woaren
vekjreemlen (schw.T.) en Kjreemels vefaulen; en Kjreemels vebroklen
vekjrellen (schw.T.) de Kaunt ooda Akj von Papia opprollen
vekjremmen (schw.T.) trigj ensikj holen fa Angst ooda Weedoag
vekjrizhlen (schw.T.) fien veknutschen; krus walich woaren, soo aus von too heet woaren
vekjwäakjen (schw.T.) gaunz met Kjwäakj bewaussen
vekjwatschen (schw.T.) vedrekjen
vekjwidren (schw.T.) vekjlakjren; äwaschulpsen
vekleiwen (schw.T.) vekrauzen
vekloagen (schw.T.) sajen daut wäa schuldich es
vekloppen (schw.T.) schlonen; priejlen
veklunjen (schw.T.) tweiklunjen; vedrekjen met noppstaupen
veknoaken (schw.T.) von Gnurpel: hoat woaren
veknuffen (schw.T.) met de Fusten schlonen
veknujjen (schw.T.) vedujjen; dolhoolen un vekjnäden; 2) vedroagen [nich veknujjen]
veknusen (schw.T.) vedroagen; erlauben
veknutschen (schw.T.) toopkjnedren; veschiedne Folden en waut nenmoaken ooda nenkjrieen
vekoaken (schw.T.) soo sea koaken daut et utteneen felt
vekoddat (Isw.) von Zeich: vebrukt, veräten
vekodren (schw.T.) velumpen; Zeich verieten ooda veschieren
vekomen (schw.T.) vefulen; schlajcht woaren
vekrachen (schw.T.) von Jelt: bosich oppbrucken; von junge Menschen: veleewen; plazlich sea enjenomen sennen fa eene Persoon
vekrauzen (schw.T.) met krauzen waut vedoawen
Vekrup (H. f., -) eene Krupunja; eene Städ toom sikj vestäakjen ooda Schutz sieekjen
vekrupen sikj (st.T.) sikj vestäakjen
vekruten (schw.T.) met Krut bewaussen
vekwosen (schw.T.) haustich un nich weis vebrucken
veläajen (Isw.) doljeschloagen; bedrekjt; nich mootich
Veläajenheit (H. f., -en) de Toostaunt von veläajen sennen
Velafnis (H. n., -en) een Fast toom bekauntjäwen daut een Jung un eene Mejal sikj befrieen wellen
veläft (Isw.) utjeläft; Läwens meed
velajen (st.T.) velieren; nich weeten wua eena waut hanjelajcht haft
Velangen (H. n., -) daut waut eena velangt; daut no waut eenem es; daut waut eena haben mucht
velangen (schw.T.) jankren; haben wellen
velaschen (schw.T.) utlaschen; veschmäaren
veläwen (schw.T.) derch läwen; utläwen
velazen (schw.T.) steeten; Schoden moaken
velazt (Isw.) vewunt; met eene Wund ooda Schoden aum Kjarpa
veleewen (schw.T.) groote Leew fa eenem kjrieen
veleicht (Isw.) em twiewel sennen; nich secha; mäajlich sennen
veleichtich (Isw.) soo aus em twiewel sennen; mäajlich sennen
veleiden (schw.T.) dän orrajchten Wajch aunwiesen
velenjd (Isw.) delenjd; de gaunze Lenjd
velenjren (schw.T.) lenja moaken
velenjst (Isw.) velenjd; delenjd
velieejen (schw.T.) vestrieden; met lieejen waut vestrieden
velieren (st.T.) velajen; nich mea haben; vejäten wua waut es
veligjen (st.T.) Schoden ooda Weedoag kjrieen von eenen besondren wajch ligjen
velindren (schw.T.) Lieden ooda Weedoag leichta moaken
veloagen (Isw.) soo aus eena dee emma licht un nich de Woarheit sajcht
veloaren (Isw.) velajcht; nich weeten wua waut jebläwen es vefoaren; sikj nich weeten met eene Sach
velocken (schw.T.) veleiden; betobren; mootwelles wäm dän orrajchten Wajch aunwiesen
veloten (st.T.) wajchgonen; nich mea om waut kjemren; 2) sikj veloten: vetruen haben opp waut; gaunz met waut räakjnen
velumpen (schw.T.) von Kjleeda: vebrucken, vekodren
velumt (Isw.) vekoddat; vefrenst
Velust (H. m., -) eene Erfoarunk en dee eena waut velist ooda veloaren haft
vemachlen (schw.T.) sien Vemieejen bosich un onweis vebrucken
vemäten (st.T.) een Fäla moaken biem mäten
Vemedla (H. m., -) een Meddelmaun; eena dee tweschen twee Menschen ooda twee Gruppen waut vemeddelt
vemedlen (schw.T.) een Medla sennen; eenen Striet oppnämen un schlichten
vemeeden (schw.T.) Oabeit met Loon aunnämen
vemenjen (schw.T.) tooprieren; vemischen
Vemieejen (H. n., -) de gaunza Wieet von eene Wirtschoft; de Wieet von aules waut eena haft
vemieren (schw.T.) mea woaren; too mieren
vemischen (schw.T.) tooprieren
vemissen (schw.T.) sikj no wäm bangen; sikj daut aun wäm ooda waut fälen loten
vemoaken (st.T.) soo aus derch een Tastament vespräakjen
Vemoaksel (H. n., -) daut waut eena wäm vemoakt, ooda oaft
vemoarachten (schw.T.) veschwenden; vemachlen; onweis vebrucken
vemolen (schw.T.) met Jereetschoft Fleesch fien schnieden
vemonen (schw.T.) schellen; mostren; Fäla wiesen
Vemonunk (H. f., -ngen) een vemonen; een denkjenhalpen; een mostren
vemukren (schw.T.) denn woaren; nich jenuach Äten to sikj nämen
vemulen (schw.T.) waut sajen
vemurchlen (schw.T.) vedoawen; derchrieren
vemuzhren (schw.T.) Kalieren loten toopranen; onkloa woaren; veschmäaren
venämen (st.T.) vestonen; kloa hieren
veneeden (schw.T.) met Needen faust moaken
veneien (schw.T.) toop neien; tooneien
venichten (schw.T.) tweimoaken; vedoawen; Wieet vedoawen
Venichtunk (H. f., -ngen) een venichten; een vedoawen
veninftich (Isw.) soo haundlen un denkjen aus de Mensch em derchwajch deit
venoaglen (schw.T.) toonoaglen; met Näajel faust moaken
venullen (schw.T.) eenen Plon ooda Prozass nich loten derchgonen; nich tooloten
Venunft (H. f., -) daut jeweenelje jlikj denkjen; Vestentnis
veoabeiden (schw.T.) oppbrucken bie de Oabeit
veoajren (schw.T.) doll woaren; Vestentnis un Jedult fa waut velieren
veoawen (st.T.) derch een Oafgoot waut kjrieen
veojjlekjen (schw.T.) een Ojjlekj haben; waut haben schroz gonen
veonieren (schw.T.) fa jemeen hoolen
veordnen (schw.T.) en eene Ordninj velangen; Jesazlich velangen
veorreinjen (schw.T.) orrein moaken; schwiensch kjrieen
vepachten (schw.T.) utpachten; fa Pachtjelt eenen aundren loten dien Launt ooda Jereetschoft brucken
vepaken (schw.T.) enpaken; sea goot enpaken
Vepakinj (H. f., -en) een Gasket; daut waut tweschen twee plaute Sieden jeschrowen woat toom daut sea dicht moaken
vepaussen (schw.T.) nich aun Tiet to waut sennen
vepeesren (schw.T.) vestreien; vespunjen; vom Wint vepust woaren
vepekjen (schw.T.) met Pekj veschmäaren
vepekjt (Isw.) sea opp eent; ieejenkoppich
veperren (schw.T.) eenen Plon vedoawen
vepilsen (schw.T.) met Pilskje derchwaussen; vefulen
vepitschen (schw.T.) vewippen; vom Wint veschmäten ooda vepeesat woaren
veplakjen (schw.T.) Kalia velieren, soo aus vonne Sonn
veplaunten (schw.T.) eene Plaunt oppgrowen un opp eene aundre Städ saten; Auflaja enplaunten; junge Plaunten dee em Topp jekjient haben, em Goaden plaunten
veplaupren (schw.T.) pludren waut bäta wia steljebläwen
veplekjen (st.T.) verieten; vefrensen
veplenjren (schw.T.) vejeeten; veschulpsen
veplisat (Isw.) vebrukt; denn jeschieet; veplocken
veplisren (schw.T.) veplekjen; vefrensen
veplostren (schw.T.) aufplostren; en denne Schelwa looskomen
veprachat (Isw.) soo aus een Oama; prost besorcht
veprellen (schw.T.) nich goot besorjen un loten prellich woaren
vepriejlen (schw.T.) priejlen; schachten
vepuaksen (schw.T.) puaksen; vespekjen; tweimoaken met puaksen
vepuckelt (Isw.) met Puckels ooda Knubbels
vepuksen (schw.T.) vespekjen
vepusten (schw.T.) reiwen
ver (präp.) eene Jäajenwuat von
veräajlen (schw.T.) met Bolen ooda Bräda veschluten
veräajnen (schw.T.) too väl Räajen kjrieen; Schoden kjrieen vom Räajen; vesupen
veräakjnen (schw.T.) eenen Fäla moaken biem räakjnen ooda aufmäten un aufschazen
verakjen (schw.T.) von Tieren: stoawen
veranen (schw.T.) soo aus Flissichkjeit utranen; Tiet vegonen loten [de Doag veranen]
Veraunda (H. m., -sch) een Dak aune Sied von een Jebied onen Wenj
Verb (H. n., -en) Tietwuat; een Wuat daut sajcht waut doa passieet
vere (präp. + Jsw.) ver de
verechten (schw.T.) utrechten; beräden; foadich brinjen
Verein (H. f., -s) een Toopkomen; eene Grupp de eenjemoten räajelmässich toopkomen wäajen eene Sach dee an scheenjeit
vereisen (schw.T.) wajch foaren; opp Reisen foaren
vereiwen (schw.T.) reiwen; veholen; vepusten
verekjt (Isw.) schlajcht; nich goot; soo daut et nich auntonämen es
verem (präp. + Jsw.) ver däm
verendach (Isw.) en kloaret Licht; bekaunt
verhäa (Isw.) ver waut; ea; to eene Tiet
verieekjat (Isw.) von too väl Ruak vedorwen
verieescht (Isw.) fa nu; daut ieeschte
veriemen (schw.T.) orriemsch moaken; veprellen
verieren (schw.T.) derchrieren; sikj bewäajen
verieten (st.T.) tweirieten; tranen; veschlerzen
veriewen (st.T.) too sea riewen; vedoawen met riewen
verinjnieren (schw.T.) vedoawen; tweimoaken; soo moaken daut waut nich to brucken es ooda nich to fiksen es
Vermeddach (H. f., -s) de Morjen; de Tiet ver de Meddachmoltiet
veroaren (schw.T.) lang hielen ooda roaren
veroat (Isw.) vehielt; soo aus wan eena lang jeroat haft
veroden (schw.T.) hinjarigjsch eenem waut vedoawen
veroomen (schw.T.) met Room beschmäaren ooda bekjlesten
veroomt (Isw.) met väl Room; soo aus met Room
veropp (Isw.) ver waut; daut ieeschte
veroppgonen (st.T.; sp: gonen veropp) daut ieeschte gonen; leiden
verostren (schw.T.) rostrich woaren; von Rosta vekomen
verublen (schw.T.) wajch rublen; Schoden kjrieen ooda wajch gonen von rublen ooda schieren
verut (Isw.) ea aus waut
verutschen (schw.T.) veschuwen; utrutschen, utschorren
verwoats (Isw.) no väaren han
vesäajlen (schw.T.) met een Säajel veschluten ooda secha moaken
vesajen (st.T.) oppjäwen; tweigonen; opphieren
vesaken (schw.T.) een kjlien bätje toopfaulen; oppem Fondement veschuwen; veschorren
vesaten (schw.T.) veplaunten; vesaken
vesaumlen (schw.T.) toopkomen aus eene Vesaumlunk
Vesaumlunk (H. f., -ngen) een vesaumlen; dee dee sikj vesaumlen ooda toopkomen; dee dee to eene Jemeent jehieren; dee dee toopkomen to Kjoakj
Vesaumlunkshus (H. n., -hiesa) daut Hus wua eene Grupp jeweenlich toopkjemt ooda vesaumelt
veschachren (schw.T.) een Schacha driewen; vetuschen; vekjeepen
veschachten (schw.T.) priejlen
veschämt (Isw.) beschämt; en Schaund
veschapen (schw.T.) Wota enne Steewlen kjrieen wiels daut Wota too deep wia
veschaufen (schw.T.) verechten; mäajlich moaken
veschaulen (schw.T.) veschaulen; loten Wieed onkloa woaren en een grooten Rum
veschechren (schw.T.) vespenkjren; ve-enjsten; wajchjoagen
veschedden (schw.T.) utschedden; en kjeene besondre Ordninj schedden; velieren
veschedren (schw.T.) von schedren tweigonen; von schedren sikj saten un meist jlikj woaren von bowen
vescheeten (st.T.) oppbrucken met scheeten
veschekjen (schw.T.) utschekjen; no de schekjen dee daut jehieet
veschenkjen (st.T.) wajchjäwen
veschieden (Isw.) bunt; eena aundasch aus de aundra
Veschiedenheit (H. f., -en) de Eenselheit en dee waut aundasch ooda veschieden es aus waut aundret
Veschlach (H. m., -) Wirksomkjeit; woo sea waut veschleit
veschlachsom (Isw.) soo daut et väl veschleit; soo daut et wiet rieekjt
veschlapen (schw.T.) wua han saten wua dee nich hanhieren; von de rajchte Städ wajchnämen
Veschlapsdach (H. m., -doag) een Dach, de 31. Oktooba, wua eenje sikj Erlauben aundre äare Sachen to veschlapen aus een Schowanak
veschleepat (Isw.) noch nich gaunz waka von schlopen
veschleepen (schw.T.) met eene Schleep, Ieed, ooda soowaut, vestreien ooda utjlikjen
veschlekjen (schw.T.) vestoppen; en een Rua toostoppen
veschlendren (schw.T.) Tiet oppbrucken met lauzhuarich romgonen
veschlerzen (schw.T.) tweischnieden; Schlerzen nenschnieden ooda rieten
veschliesren (schw.T.) met schliesren veschmieten
veschlinjen (st.T.) bosich oppäten; oppfräten
veschloagen (Isw.) met väl Schläaj; vestat; vewunt
veschloffen (schw.T.) nich aun Tiet waut doonen
veschlonen (st.T.) veschlachsom sennen; tweischlonen
veschlopen (st.T.) lenja schlopen aus waut eena jeplont haud
veschloten (Isw.) met een Schlott vesäajelt; sea to sikj bliewen
veschluaren (schw.T.) Tiet vekwosen; nich aun Tiet fa waut sennen
veschlucken (schw.T.) waut Äten ooda waut toom drinkjen em Loftrua kjrieen
veschluddat (Isw.) soont waut henjt veschedren; vefrensen
veschluten (st.T.) met een Schlott secha moaken daut waut tooblift; waut stelhoolen un veschloten hoolen
veschmäaren (schw.T.) vestrikjen; vepenslen
veschmachten (schw.T.) vehungren; vedarschten
veschmatren (schw.T.) sea fien tweischlonen; sea wuchtich tweischlonen
veschmelten (st.T.) soo heet woaren daut et flissendich woat
veschmieten (st.T.) wajchschmieten wiels dee nich Wieet haben
veschnieden (st.T.) tweischnieden; vedoawen met schnieden
veschnipsen (schw.T.) vedoawen met schnipsen
veschoawen (schw.T.) unjaschoawen; leicht en Ieed begrowen
vescholkjren (schw.T.) vekjietren; velieren von scholkjren
veschoonen (schw.T.) wäm ooda waut schoonen; hoolen von tweigonen ooda Strof kjrieen
veschorren (schw.T.) veschedden; utschedden; veschedren; vekwaksen
veschrakjen (st.T.) vefieren; enjsten
veschrieecht (Isw.) too heet jeworden; von Hett vedorwen sennen
veschrieejen (schw.T.) von Hett vedoawen; Wieet velieren von too heet woaren
veschriewen (st.T.) bie Post bestalen
veschrowen (Isw.) vedreit; vedrislich
veschrumplen (schw.T.) toopkuaken; kjlanda woaren
veschruwen (st.T.) vedreien
Veschuldjunk (H. f., -ngen) een sikj veschuldjen; Schult moaken
veschuljen (schw.T.) Schult opp sikj brinjen
veschumlen (schw.T.) onopprechtich sennen; opp eenen onopprechtjen Wajch waut looswoaren
veschwälen (schw.T.) en Gloot vebrennen, onen Flaumen
veschwenden (st.T.) vemachlen; vekwosen
veschwienen (schw.T.) vebrucken; vekwosen; vedoawen
veschwinjen (st.T.) wajchkomen; velieren
vesechat (Isw.) secha jemoakt
vesechren (schw.T.) secha moaken
Vesechrunk (H. f., -ngen) Enrechtunk toom waut secha moaken; een Haundel en däm de Vekjeepa Jelt vesprakjt wan eena Schoden haft, soo aus aum Foatich, Jebieda ooda uk Jesuntheit
veseenen (schw.T.) eenich woaren; vezeien
Veseenunk (H. f., -ngen) een veseenen; een vezeit woaren
veseepen (schw.T.) vesupen
veseften (schw.T.) vesupen; Schoden haben von too weinich Loft
veselfst (Isw.) von selfst; automatisch
vesenjen (schw.T.) veschrieejen; too loten woaren; Schoden kjrieen von too heet woaren
Vesieekja (H. m., -) eena dee Wäaj sieekjt toom eenem moaken daut Orrajchte doonen
vesieekjen (st.T.) proowen; seenen auf waut schauft ooda jeit
Vesieekjunk (H. f., -ngen) een vesocht woaren; de Erfoarunk wua eena sikj oppmoakt auf eena waut schlajchtet doonen well ooda waut goodet
vesiemen (schw.T.) Tiet veschluaren
Vesiemnis (H. f., -en) daut waut eenem vesiemt; een vesiemt sennen
vesindjen (schw.T.) Sind begonen; Schult opp sikj brinjen
vesinkjen (st.T.) unjagonen
vesklowen (schw.T.) toom Sklow moaken
vesoacht (Isw.) aune Jefeel jestat
vesoagen (schw.T.) soagen; met eene Soag tweimoaken ooda en Stekja moaken
vesoajen (schw.T.) wäm daut Läwen schwoa moaken; wäm teischen;
vesolen (schw.T.) eene niee Sol aun Schoo moaken
vesopen (Isw.) em Wota jestorwen von too weinich Loft
vesorjen (schw.T.) besorjen; doano seenen daut waut reed es
Vesorjunk (H. f., -ngen) daut waut eenem däachlich fält; dän Wajch opp dän eena daut kjricht waut eenem däachlich fält
vespälen (schw.T.) velieren; von een Moota: Krauft velieren
vespatat (Isw.) vespott; toom Spott jebrukt; eenem nich siene Iea jejäft
vespekjen (schw.T.) tweispekjen; vepuaksen
vespelren (schw.T.) en Spella bräakjen
vespenkjren (schw.T.) veschechren; wajchjoagen
vespoaken (schw.T.) daut vedreien von Holt wan daut drieecht
vespoolen (schw.T.) spoolen; tweispoolen
vespos (Isw.) toom Spos; toom lostich sennen
vespotten (schw.T.) eenem nich siene Iea jäwen; Spos von wäm moaken
Vespräakjen (H. n., -) waut eene vesprakjt
vespräakjen (st.T.) sien Wuat jäwen daut eena waut doonen woat
Vespräakjunk (H. f., -ngen) een Vespräakjen; waut eena vesprakjt
vespreeden (schw.T.) vebreeden; breet klunjen; vestreien
vesprenjen (schw.T.) veschechren; veenjsten
vespretzen (schw.T.) loten en Spretzen opp waut faulen
vespunjen (schw.T.) bie Haunt vepeesren
Vestäakja (H. f., -) een Spell fa Kjinja; eena dee sikj vestakjt
vestäakjen (st.T.) em Vestäakj saten; wua handoonen wua aundre daut nich leicht finjen woaren
vestalen (schw.T.) soo enstalen daut et nich to brucken es
vestalt (Isw.) soo enjestalt daut et nich to brucken es; woo eena sikj feelt wan daut nich soo jegonen haft aus eena jedocht haud; een Strich derche Räakjninj haben
vestat (Isw.) veschloagen; vestukst
Vestaunt (H. n., -) daut Denkjvemieejen; wuatoo eena sien Bräajen brukt; daut met waut eena denkjt; waut eena tweschen de Uaren haft
Vestauntkausten (H. m., -tes) de Kopp; de Bräajen
vestaupen (schw.T.) orrajcht staupen
vesteenat (Isw.) soo aus Steen jeworden; sea hoat jeworden
vesteenren (schw.T.) to Steen woaren; sea hoat woaren
vesteeten (st.T.) wajchsteeten; met schlajchte Aufsecht tosied loten
vesteewen (st.T.) vom Wint en Kjreemels vepusten
vestekjen (schw.T.) nich jenuach Loft kjrieen
vestemmen (schw.T.) orrajcht enstemmen
vestendjen (schw.T.) äwareen moaken; to waut eenich woaren; de selwje Meeninj haben
vestentlich (Isw.) soo daut et to vestonen es
Vestentnis (H. f., -) een Vestonen
vestieren (schw.T.) vedoawen; verieren; em Stich sennen von waut
vestimlen (schw.T.) vezoacht moaken ooda woaren; Moot derch waut velieren
Vestimlunk (H. f., -ngen) vewert sennen
vestocken (schw.T.) schlajcht woaren; vefulen; vekomen; stockich woaren
vestommen (schw.T.) stomm woaren; stell woaren
vestonen (st.T.) een Vestentnis fa waut kjrieen; waut loten em Kopp ensinkjen; toseenen kjrieen woo waut schauft ooda es
vestoppen (schw.T.) veschlekjen; toostoppen
Vestorwna (H. m., -ne) eena dee jestorwen es
vestreien (schw.T.) utstreien; velieren met streien
vestrieden (st.T.) jäajen waut strieden; waut nich soo haben
vestuden (schw.T.) enwartlen; Wartlen rutschmieten soo daut et niee Studen jeft
vestukren (schw.T.) tweigonen von stukren
vesuaren (schw.T.) sua woaren; jäaren
vesunken (Isw.) enjesunken; veschwungen
vesupen (st.T.) veseften; stoawen von nich jenuach Loft kjrieen em Wota
Vetal (H. f., -) daut waut vetalt woat; daut waut romjerät woat
vetalen (schw.T.) räden; sajen
Veteidja (H. m., -/sch) een Meddelmaun ooda Ofkot dee eenem eena Sach beräden halpt
veteidjen (schw.T.) Veauntwuatunk auflajen; sajen wuarom Sachen jeworden sent soo aus dee sent
Veteidjunk (H. f., -ngen) Rajchtfoadjunk; daut waut eena sajcht toom sikj rajchtfoadjen
vetiefen (schw.T.) deepa en waut nengonen
vetieft (Isw.) sea met eene Sach ooda Jedanken metjenomen; sikj sea met eene Sach aufjäwen
vetiljen (schw.T.) vedoawen, soo aus Plaunten
Vetrach (H. m., -träaj) Kontrakt; een Haundel
veträden (schw.T.) fa wäm enstonen; en eenem siene Städ sennen un däm siene Oabeit doonen
vetraflich (Isw.) sea; besonda sea; butajeweenlich goot
vetrakjen (st.T.) loten väl Tiet nämen
vetraumplen (schw.T.) vestaupen; veklunjen
vetrimmat (Isw.) von Jebieda un Enrechtungen: veschloagen; vedorwen; vebomt
vetruat (Isw.) vehielt; veroat; vejrämt
Vetruen (H. n., -) sikj opp waut veloten
vetruen (schw.T.) sikj opp waut veloten
vetruensvoll (Isw.) soo daut de gaunz to truen jeit
vetuschen (schw.T.) omtuschen; eent fa een aundret jäwen
vetwiewlen (schw.T.) en Twiewel sikj nich weeten
Vetwiewlunk (H. f., -ngen) waut twiewlen; de Toostaunt von em Twiewel sennen
veuadeelen (schw.T.) sajen daut eena schuldich es
veuasoaken (schw.T.) direkjt waut rombrinjen
vewalkjen (schw.T.) walkj woaren; von Plaunten: nich jenuach Wota kjrieen un schlaup woaren
vewanen (schw.T.) to waut aundret jewant woaren; omwanen
vewäsen (schw.T.) 1) to eene Wäs woaren 2) vefulen; vekomen; vepilsen
Vewaulta (H. m., -/sch) eena dee äwa eene Wirtschoft ooda Jeschaft to jebeeden haft; een Ieejendeema ooda däm sien aunjestalda
vewaulten (schw.T.) vewieeten; äwa waut jebeeden; veauntwuatlich fa waut sennen
vewaundlen (schw.T.) veendren
Vewaundlunk (H. f., -ngen) eene Veendrunk; een von bennen bat buten aundasch woaren
vewaunt (Isw.) em Frintschoft sennen
Vewauntschoft (H. n., -) Frintschoft
vewauschen (st.T.) von wauschen vedoawen
vewaussen (st.T.) Jeschekj velieren von sea waussen
veweelen (schw.T.) vedoawen met weelen; von weelen daut Jeschekj ooda de Ordninj velieren
vewekjlen (schw.T.) oppwekjlen; vebungen woaren
vewenschen (schw.T.) waut wajch wenschen
vewerren (schw.T.) dieslich woaren; vewilren; sikj nich mea weeten
Vewerrunk (H. f., -ngen) vewert sennen; de Toostaunt von vewert sennen; daut waut eenem vewert
veweschen (schw.T.) veschmäaren; wajch weschen
vewieeten (schw.T.) vewaulten; dän Wieet ut waut kjrieen ooda biehoolen
vewielen (schw.T.) vebrucken, soo aus Tiet
vewillat (Isw.) soo aus wilt ooda veenjst jeworden; sikj nich weeten
vewilren (schw.T.) wilt woaren; vewerren
vewippen (schw.T.) met eene Wipp schlonen
vewoaloost (Isw.) nich besorcht; tochjeloten; vekomen
vewoaren (schw.T.) goot no oppaussen; schoonen; vestäakjen
vewrekjen (schw.T.) Schoden em Foot kjrieen von opp däm staupen wan dee vedreit es
vewrumpelt (Isw.) toopjeknutscht
vewunden (schw.T.) eene Wund kjrieen ooda moaken
vewundren (schw.T.) staunen
Vewundrunk (H. f., -ngen) een Wunda; daut waut eenem wundat
Vewustunk (H. f., -ngen) een vewust moaken; eene Wuste
vezaublen (schw.T.) vekjneppen; vezodren; nich eegol opprollen
vezeien (schw.T.) vejäwen; togood hoolen
Vezeiunk (H. f., -ngen) een vezeien; vejäwen
vezieren (schw.T.) schmock moaken; utstraumen
vezoacht (Isw.) onen Moot; bedrekjt
vezoagen (schw.T.) oppjäwen; Moot velieren
vezockat (Isw.) soo aus Zocka hoat jeworden
vezoddat (Isw.) vekjnept; vezultat; nich derchjekjamt
vezodren (schw.T.) loten de Hoa vekjneppen
vezokren (schw.T.) Zocka hoat woaren
vezultat (Isw.) vezoddat
vezultren (schw.T.) vezodren; vekjneppen
vieedel (Isw.) daut vieede Poat
vieetich (H. f., -s) een Numma, 40; Ordnungszol: 40., vieetichsta
vieetieen (H. f., -s) een Numma, 14; Ordnungszol: 14., vieetieenda
Voagel (H. n., Väajel) tweebeensche Tieren met Fadren, de mieeschte von dee kjennen flieejen
Voagelgrul (H. f., -en) Hieezhgrul; een Jestal von aufjedroagde Kjleeda em Goaden toom Väajel aufgrulen
Voagelhus (H. n., -hiesa) een Huskje fa Väajel
Voageljeschrech (H. n., -s) daut Jelud von eene groote Häad Väajel
Voagelnast (H. n., -a) een Nast ooda een Bad daut een Voagel sikj but toom doabennen de Eia lajen un utbrooden
Voagelnat (H. n., -s) een Nat toom Väajel jriepen ooda aufhoolen
Voda (H. m., -sch) Pape; de hee von eenem siene Elren
Vodahus (H. n., -hiesa) daut Hus wua eena oppwaust ooda oppjewossen es
Vodalaunt (H. f., -lenda) daut Launt wua eene kjlien wia un oppwoss
vodalich (Isw.) soo aus een Voda
Vodaschkaunt (H. f., -en) daut Poat von eenem sien Frintschoft von woont eenem sien Voda staumt
volberajchticht (Isw.) met vollet Rajcht
Volboat (H. m., -s/bäata) eenen vollen Boat; een Jesecht von een Maun dee kjeen Poat von sien Boat aufschnitt
volbrinjen (st.T.) foadich moaken
volfräten (st.T.) saut fräten
voljewossen (Isw.) von Frucht ooda Kuarn: jesunt groot jewossen
voljoarich (Isw.) volle Joaren haben
Volkj (H. n., Velkja) eene groote Grupp Menschen dee opp eenen Wajch vebungen sent, soo aus von een Launt staumen, von een Staum von Väaelren komen, ooda eenen Gloowen haben
Volkjsleet (H. n., -leeda) een Leet von woo daut em Volkj jeit, soont aus de junge Menschen foaken sinjen
Volkjsleida (H. m., -/sch) de Leida von een Volkj
Volkjsrejista (H. m., -/sch) eene List von de Menschen dee to een Volkj jehieren
Volkjsstaum (H. m., -stam) eene Vedeelunk von een Volkj, dee waut haben, daut an unja sikj dolla vebinjt, aus waut an met aundre Stam von daut selwje Volkj vebinjt
Volkjsvesaumlunk (H. f., -ngen) eene Vesaumlunk von een Volkj, ooda von de Leida ooda Aunjestalde von een Volkj
volkomen (Isw.) foadich; gaunz doa sennen
voll (Isw.) bat bowen oppjefelt; jäajendeel von ladich
vollens (Isw.) gaunz un goa; äwarut; besondasch
vollopp (Isw.) voll; kaun nich mea nämen
Volmacht (H. f., -) voll berajchticht sennen; aule Macht äwa waut haben
Volmon (H. f., -en) de Tiet enne Moonat wan de Mon runt voll schient
Volmot (H. f., -en) gaunz voll; nuscht trigjehoolen
volpromlen (schw.T.) voll moaken; Sachen wua nenschuwen bat et gaunz voll es
volpusten (schw.T.) oppusten; oppblosen
volstäakjen (st.T.) Sachen wua nenstäakjen bat et gaunz voll es
volstendich (Isw.) met nuscht utjeloten
voltrakjen (st.T.) soo väl Wota oppzoppen aus et hoolen kaun; volsuppen;
volwaussen (st.T.) von Frucht ooda Jeträajd: waussen bat de Frucht runtvoll un scheen es
Volwicht (H. f., -) soo väl Wicht aus daut hoolen kaun; nich beknaupt von waut jesajcht wia
vom (präp. + Jsw.) von däm
von (präp.) wajch [oppoat von], Poat [von daut]; de Aunfank [von doa, von jistren]; wäms [Jereetschoft von …, Kjennich von Enjlaunt]
vondoag (Isw.) dis Dach; de Dach de nu jrod es
vonenaunda (Isw.) met tweschenrum; nich gaunz dicht toop
vonne (präp. + Jsw.) von de
Vorstea (H. m., -/sch) eena dee daut hechste Aumt oppe Kolonie haft
|
