|
Ua (H. f., -ren) eene Klock dee eena aun sikj met drajcht
Ua (H. n., -ren) daut met waut eena hieren kaun
Uabommel (H. m., -s) de unjaschta Bommel vom Ua
uadeelen (schw.T.) een Uadeel jäwen; de Oabeit von een Rechta utfieren; beschuldjen
Uadeelunk (H. f., -ngen) een Uadeel jäwen; een Uadeel
Uag (H. n., -en) daut met waut een kjikjen un seenen kaun
Uagaupel (H. m., -) daut Uag; de Baul em Uag met däm eena seenen kaun
Uagbronen (H. mz.) de Striep Hoa äware Uagen
Uagedokta (H. m., -sch) een Dokta dee eenem eene Brell veschriewen kaun un aun Uagen doktren
Uagelett (H. n., -läd) de Klaup dee äwa daut Uag paust wan eena de Uagen tookjnipt
Uagemot (H. f., -en) een Aufschazen met beseenen, un onen met waut mäten
Uagenblekj (H. m., -) een sea korte Mot von Tiet, soo lang aus eemol de Uagen too un opmoaken
Uagenlicht (H. n., -) waut eena met de Uagen sitt; wäa seenen kaun, haft Uagenlicht
Uagensaulw (H. f., -) Saulw toom Uagen enschmäaren
Uageziepa (H. m., -sch) de Hoa dee ut daut Uagelett waussen
Uagroosmame (H. f., -mitta) eenem siene Grootelren äare Mutta
Uagrootkjint (H. n., -nja) eenem sien Grootkjint sien Kjint
Uagrootsän (H. m., -s) eenem sien Grootsän sien, ooda Grootdochta äa Kjint
Uagrootvoda (H. m., -sch) eenem siene Elren äa Grootvoda
Uagtän (H. f., -en) de dredde Tän vonne Medd Mul, linkjsch uk rajchtsch, unjen uk bowen
Uaken (H. mz.) de Akj unja de Spetz von een Dak; de Bowabän von een Jebied
Uaremoaka (H. m., -/sch) eena dee Uaren trajcht moakt
Uarietinj (H. f., -en) Weedoag enne Uaren
Uarinkj (H. m., -rinj) een Rinkj dee aum Uabommel faust es
Uarkaun (H. m., -s) een Storm met äwa 100 km de Stund Wint un väl Räajen
Uasoak (H. f., -en) de Toostaunt dee waut romjebrocht haft; daut waut direkjt wuatoo biejedroacht haft
Uat (H. m., -) eene Städ [aules es aun Uat un Städ]; de latste Silb en soone Nomes aus Rosenuat, Blumenuat, usw.
Uawauss (H. n., -) daut Wauss daut en eenem sien Ua kjemt
uk (Isw.) un dit doatoo
Ul (H. f., -en) een grootet Voagel, daut jäajat enne Nacht un kaun sea schneiw seenen
Ulespieejel (H. m., -s) eena dee Faksen moakt ooda Schowanak drift
ulkjsen (schw.T.) rom spossen; Schowanak driewen
un (Konj.) uk; beid; aul dise metenjenomen
Universität (H. f., -en) eene School fa Schiela dee doa wellen Dokta, Liera ooda een aundret Aumt lieren
unja (präp.; VT.) läaja aus; waut bowa sikj haben
unjabeeden (st.T.; sp: beeden unja) weinja beeden
Unjabeen (H. n., -) daut Poat vom Been, unja de Kjnee
Unjabekjsen (H. f., -) de Bekjsen dee eena aum Kjarpa drajcht
unjabliewen (st.T.; sp: bliewen unja) nich bowa Wota komen; en waut bennen bliewen
unjabrinjen (st.T.; sp: brinjen unja) nenbrinjen; unja Dak brinjen
unjabuaren (schw.T.; sp: buaren unja) Jelt velieren met de Wirtschoft ooda daut Jeschaft
Unjadak (H. n., -) de Bän; de unjaschte Sied vom Dak
Unjadakj (H. f., -en) eene Dakj opp dee eena licht
unjadon (Isw.) jehuarsom sennen; sikj schekjen loten
unjadrekjen (schw.T.) toosaten; schwoa moaken; tualeiden
unjaducken (schw.T.; sp: ducken unja) bat gaunz unjawota ducken
unjafoaren (st.T.; sp: foaren unja) dolfoaren; äwafoaren
Unjagank (H. m., Unjajenj)een unjagonen
unjagonen (st.T.; sp: gonen unja) rauf gonen bat gaunz unjawota; unjawota gonen; Macht un Kontroll velieren
Unjahamd (H. n., -en) een Hamd daut aum Kjarpa jedroacht woat
Unjahault (H. m., -) Loon; Vedeenst
unjahoolen (st.T.; sp: hoolen unja) unjawota hoolen; wäajen eene jewesse Sach met wäm räden; eene Sach besorjen un en Ordninj hoolen
Unjahoolunk (H. f., -ngen) een unjahoolen; een derchnobren
Unjakaunt (H. f., -en) de unjaschte Kaunt ooda Sied von waut
unjakjrieen (schw.T.; sp: kjrieen unja) dolkjrieen; unjarem Foatich kjrieen
unjakrupen (st.T.; sp: krupen unja) unja waut nunjakrupen; wuahan krupen soo daut eena unja waut es
Unjalepp (H. f., -en) de unjaschte Lepp vom Mul
unjaligjen (st.T.; sp: ligjen unja) unja waut ligjen
unjaloten (st.T.) nich jenuach too doonen; eendoontich äwa waut sennen
Unjamul (H. n., -s) de Kjenn un Kjeewen; de unjaschte Tänen un de Knoaken en däm dee stonen
unjanäat (Isw.) vehungat; too weinich to äten kjrieen
Unjanämen (H. n., -) een Äwanämen; eene Oabeit fa dee eena de Veauntwuatunk haft
unjanämen (st.T.; sp: nämen unja) dolnämen; fausthoolen
unjaordnen (schw.T.) unjastalen; unja wäm siene Jewault komen
Unjaräd (H. f., -en) een Unjarecht en woo eena sikj benämen saul
unjaranen (schw.T.; sp: ranen unja) dolranen; äwa waut foaren
unjare (präp + Jsw.) unja de
Unjarecht (H. m., -) daut waut eena unjarecht ooda jelieet woat toom een Jliet enne Jemeent woaren; daut waut jelieet ooda unjarecht woat, soo aus en eene School ooda opp een Oabeitsplauz
unjarechten (schw.T.) wäm waut lieren; belieren
unjarem (präp + Jsw.) unja däm
unjarenaunda (Isw.) mank; tweschen; vemischt
Unjarock (H. m., -rakj) een Rock dee een Frumensch aum Kjarpa drajcht
unjaschazen (schw.T.) nich jenuach räakjnen; aus billich hoolen
unjaschedden (schw.T.; sp: schedden unja) beschedden; äwaschedden bat waut gaunz bedakjt es
unjascheeden (schw.T.) utläsen; eenen Unjascheet seenen ooda moaken
Unjascheet (H. m., -scheed) daut en waut änelje Sachen sikj unjascheeden ooda bewiesen daut dee nich krakjt äwareen sent
unjaschoawen (schw.T.; sp: schoawen unja) met Ieed bedakjen; veschoawen
Unjaschreft (H. f., -en) eenem sien Nomen jeschräwen aus Bewies daut eena waut jeseenen haft un gootheet
unjaschriewen (st.T.) eenem sien Nomen bie waut schriewen aus bewies daut eena daut jeseenen haft ooda unjastett
unjasieekjen (st.T.) gaunz derchseenen
Unjasieekjunk (H. f., -ngen) een jrintlich noforschen; waut de Dokta deit toom eene Krankheit fauststalen
unjasikj (Isw.) en eene Grupp
Unjaspaun (H. m., -s) de Tiet von Freestikj bat Meddach, ooda von Meddach bat Owentkost
unjaspretzen (schw.T.) impfen; Medizien met eene Notel en een Kjarpa nenlakjen
unjastalen (schw.T.) unjaordnen
unjastetten (schw.T.) methalpen; gootheeten
Unjastettunk (H. f., -ngen) een unjastetten; een metoabeiden ooda gootheeten
unjastonen (schw.T.) secha moaken daut eena eene Sach goot vesteit
unjatrakjen (st.T.; sp: trakjen unja) waut unja de jeweenelje Kjleeda auntrakjen
unjatraumplen (schw.T.) opp waut gonen un staupen; dolklunjen
Unjawausch (H. f., -) de Wausch de eena aum Kjarpa unja de jeweenelje Kjleeda drajcht
unjawaussen (st.T.; sp: waussen unja) bewaussen; vestoaken sennen unja aundret waut äwajewossen es
unjen (Isw.; unjen, läaja, unjaschte) aun unjakaunt; läach
Unkast (H. f., -) de latste groote Moltiet em Dach
Unz (H. n., -) een Mot von Wicht; een sastiendel von een Punt; onjefäa 30 Graum
ut (präp.) von, rut, buten; (VT.) von; wajch; rut; aus Resultat; derch
utasten (schw.T.; sp: asten ut) Asta wajchmoaken; Asta weinja moaken
utäten (st.T.; sp: äten ut) aules oppäten
utbaken (schw.T.; sp: baken ut) eene Waunt met Rollpapia bebaken
utbätren (schw.T.; sp: bätren ut) eene proste Oabeit bäta moaken; mostren
utbeeden (st.T.; sp: beeden ut) aunbeeden
utbeitlen (schw.T.; sp: beitlen ut) uthaken
utbeizen (schw.T.; sp: beizen ut) bat opp daut latste waut looswoaren, soont aus Ojjezeffa
utbilden (schw.T.; sp: bilden ut) utlieren; School foadich moaken
utblajchen (schw.T.; sp: blajchen ut) tolen; sea väl tolen
utblaubren (schw.T.; sp: blaubren ut) mea vetalen aus needich es; soont vetalen daut stell bliewen sull; utpludren
utbleeden (st.T.; sp: bleeden ut) soo väl aus mäajlich, aulet Bloot ut een Schlachtia loten rutranen; too väl Bloot velieren
utblieejen (schw.T.; sp: blieejen ut) opphieren met blieejen; foadich woaren met blieejen
utbliewen (st.T.; sp: bliewen ut) nich aum Plauz sennen; nich komen
utboaren (schw.T.; sp: boaren ut) een Loch jrata boaren
utborjen (schw.T.; sp: borjen ut) utlieen; utpachten
utbotren (schw.T.; sp: botren ut) utschieren; utboaren; tweigonen
utbräakjen (st.T.; sp: bräakjen ut) väakomen, soo aus Utschlach ooda Mauslen; rutbräakjen, soo aus Bräda utem Tun
utbreeden (schw.T.; sp: breeden ut) breeda woaren; utspreeden; vebreeden, soo aus eene Lia
utbrennen (schw.T.; sp: brennen ut) bat opp et latste vebrennen; sea vebrennen
utbroden (schw.T.; sp: broden ut) broden daut et goa woat, ooda daut et Fat vedeift
utbrooden (schw.T.; sp: brooden ut) Eia unja eene Han loten bat daut Kjikjel jeft; sikj Tiet loten toom waut foadich moaken
Utbruch (H. m., -s) Utschlach
utbrucken (schw.T.; sp: brucken ut) brucken bat daut ladich es
utbuaren (schw.T.; sp: buaren ut) nojäwen met buaren
utbucken (schw.T.; sp: bucken ut) no buten han dikja woaren
utbuen (schw.T.; sp: buen ut) foadich buen; von bennen foadich buen
Utbunt (H. m., -s) een Butajeweenelja; eena dee uttieekjent wiels dee aundasch es aus de mieeschte
utdeelen (schw.T.; sp: deelen ut) vedeelen; endeelen; jiedrem eent jäwen
utdeenen (schw.T.; sp: deenen ut) foadich deenen; eenen Deenst foadich moaken
utdenkjen (st.T.; sp: denkjen ut) trajcht jreblen; plonen; väastalen
utdennen (schw.T.; sp: dennen ut) wietleftja woaren ooda moaken
utdonsten (schw.T.; sp: donsten ut) donsten loten bat daut ladich es
utdraschen (schw.T.; sp: draschen ut) foadich moaken met draschen; biem draschen nich Kjieena äwaloten ooda em Stroo loten
utdrekjen (schw.T.; sp: drekjen ut) to Wuat komen; sajen waut eena meent; ut een Dinkj rutdrekjen
utdrekjlich (Isw.) besondasch; em besondren
utdrieejen (schw.T.; sp: drieejen ut) Feichtichkjeit velieren; drieech woaren; gaunz drieech woaren
utdriewen (st.T.; sp: driewen ut) wajchdriewen; wajchjoagen
utdrinkjen (st.T.; sp: drinkjen ut) bat opp daut latste waut drinkjen
utdroagen (st.T.; sp: droagen ut) Sachen, soo aus eene Enlodunk, no de rechtje Städen droagen ooda fieren
Utdruck (H. m., -drikj) eene Saj; woo eena waut sajcht
utducken (schw.T.; sp: ducken ut) met Spodem ooda Forkj soowaut aus Ieetschocken ooda Jalmäaren vonne Ieed loosmoaken
ute (präp + Jsw.) ut de
uteewen (schw.T.; sp: eewen ut) derchfieren; een Schowanak moaken
utem (präp + Jsw.) ut däm
utemwäaj (Isw.) nich em Stich sennen
utenaunda (Isw.) nich toop; wajch von eenaunda
uteneen (Isw.) nich toop; utenaunda
utfäajen (schw.T.; sp: fäajen ut) met een Bassem Mell toopfäajen
utfaulen (st.T.; sp: faulen ut) utkomen; utbliewen, wajchfaulen
utfellen (schw.T.; sp: fellen ut) enfellen; de Froagen opp een Boagen beauntwuaten
utfieren (schw.T.; sp: fieren ut) Sachen no de rechtje Städen fieren
utfilzen (schw.T.; sp: filzen ut) sea mostren; met growe Wieed schellen
utfinjen (st.T.; sp: finjen ut) seenen woo waut es ooda schauft; nosieekjen un erfoaren
utflaumen (schw.T.; sp: flaumen ut) groote Flaumen haben; Flaumen schmieten
utflekjen (schw.T.; sp: flekjen ut) de latste Städen foadich moaken
utflieekjen (schw.T.; sp: flieekjen ut) wäm sea groff aufsajen met Flieekj Wieed
Utfluss (H. m., -) daut waut rutrant
utfoadjen (schw.T.; sp: foadjen ut) von bennen foadich moaken
utfoaren (st.T.; sp: foaren ut) Jleisen foaren soo daut dee deepa woaren; to eene Moltiet no een Restraunt foaren
Utfoat (H. f., -en) eene Reis
utfoodren (schw.T.; sp: foodren ut) noch eene Schicht tweschen moaken, soo aus en een Äwarock
utforschen (schw.T.; sp: forschen ut) utfroagen; no aules froagen
utfräten (st.T.; sp: fräten ut) fräten bat aules wajch es
utfrensen (schw.T.; sp: frensen ut) Frensen velieren soo daut daut Zeich denna un weinja woat
utfroagen (st.T.; sp: froagen ut) aules wäajen eene Sach froagen
utgonen (st.T.; sp: gonen ut) von een Licht ooda Fia: opphieren
utgrowen (st.T.; sp: growen ut) en waut growen toom waut sieekjen un rutkjrieen
uthaken (schw.T.; sp: haken ut) met Akjs ooda Biel daut Struck ooda Beemkjes wajch moaken
uthalpen (st.T.; sp: halpen ut) trajcht halpen; methalpen; sooväl halpen daut dee sikj wada selfst weet
utheelen (schw.T.; sp: heelen ut) veheelen; Jesunt woaren
utheiwen (schw.T.; sp: heiwen ut) jewennen; dolschlonen
uthielen (schw.T.; sp: hielen ut) lang hielen bat eena foadich es
uthoaken (schw.T.; sp: hoaken ut) eenen Hoaken loosmoaken von daut, wua dee enjehoakt es; toophank velieren; nich mea fa waut veauntwuatlich sennen
utholen (schw.T.; sp: holen ut) sea reedmoaken, soo aus toom schmieten; väl Eenselheiten un Omstend bie eene Jeschicht biebrinjen
utholkjren (schw.T.; sp: holkjeren ut) holl moaken; daut Meddelstekj rutschnieden
uthoolen (st.T.; sp: hoolen ut) derchmoaken; nich oppjäwen; bie waut bliewen wan daut uk schwoa es
uthungren (schw.T.; sp: hungren ut) vehungren; hungren; too weinich to äten haben
utjäaren (schw.T.) jäaren loten bat daut opphieet
utjäwen (st.T.; sp: jäwen ut) aufjäwen; aundre jewesse Sachen ooda Norecht jäwen
utjeeten (st.T.; sp: jeeten ut) vejeeten; jeeten; ladich jeeten
utjieren (schw.T.; sp: jieren ut) ut Raunt un Baunt gonen; nich aunstendich bliewen; waut too groff moaken
utjleisen (schw.T.; sp: jleisen ut) vom Wajch raufkomen; de rechtje Jleis velieren
utjlikjen (schw.T.; sp: jlikjen ut) jlikj moaken
utjoawen (schw.T.; sp: joawen ut) reiwet Lada besorjen
utjreblen (schw.T.; sp: jreblen ut) utdenkjen; trajcht jreblen; de Auntwuat to eene Froag kjrieen
utjriesen (schw.T.; sp: jriesen ut) schwiensch woaren, von Räd ooda Jedonten; utjieren
utkjamen (schw.T.; sp: kjamen ut) kjamen bat aule Zoddasch buten sent
utkjeepen (st.T.; sp: kjeepen ut) aules von eene Sach ooda een Jeschaft oppkjeepen
utkjlinkjen (schw.T.; sp: kjlinkjen ut) vonne Kjlinkj looskomen; uthoaken
utkjniepen (st.T.; sp: kjniepen ut) wajchranen wan eena noch waut schuldich es
utkjoawen (schw.T.; sp: kjoawen ut) utholkjsen; utbeitlen
utkjwidren (schw.T.; sp: kjwidren ut) utspeelen; utwauschen, oba nich sea jrintlich
utkleiwen (schw.T.; sp: kleiwen ut) wajchranen von eenem dee noch waut von eenem well; utkjniepen
utkloppen (schw.T.; sp: kloppen ut) leicht schlonen, soo aus toom utsteewen ooda Kjieena vom Staum schlonen
utklunjen (schw.T.; sp: klunjen ut) soo väl wua gonen daut doa een Stich to seenen es; Schoo lang brucken bat de tweigonen
utkomen (st.T.; sp: komen ut) waut daut von waut jeft; woo waut aum Enj ooda met de Tiet lat ooda es
utkromen (schw.T.; sp: kromen ut) aule Sachen ut eene Doos ooda eene Stow nämen un beseenen; aules vetalen von eene Sach dee eena steljehoolen haft
utkuaren (schw.T.; sp: kuaren ut) langsom jesunt woaren, veheelen
utlachen (schw.T.; sp: lachen ut) Spos von wäm moaken; veachten
Utlaj (H. f., -en) eene Erkjläarunk; een dietlich moaken
utlajen (st.T.; sp: lajen ut) dietlich moaken; erkjläaren; rutlajen
utlaschen (schw.T.; sp: laschen ut) auflaschen; waut ut eene Räakjninj rutnämen
utläsen (st.T.; sp: läsen ut) wälen; väatrakjen
Utlaunt (H. n.) een aundret Launt aus ons; een framdet Launt
utläwen (schw.T.; sp: läwen ut) derchläwen; meed woaren von läwen
utleewren (schw.T.; sp: leewren ut) utjäwen; utlieen
utleften (schw.T.; sp: leften ut) fresche Loft nenloten
Utlenda (H. m., -) eena dee vom Utlaunt, ooda von een aundret Launt kjemt
utlendsch (Isw.) soo aus em Utlaunt; em Utlaunt
utlieen (schw.T.; sp: lieen ut) wäm waut loten fa eene Tiet brucken, met de Räakjninj daut et woat trigjejäft woaren; utborjen
utlieren (schw.T.; sp: lieren ut) jenuach äwa eene Sach lieren toom een Aumt ooda eene Oabeit kjrieen ooda vedeenen
utloamen (schw.T.; sp: loamen ut) schellen; mostren
utlossen (schw.T.; sp: lossen ut) derch een Loss trakjen waut wiedajäwen
utloten (st.T.; sp: loten ut) von Plaunten: fresche Kjiensels kjrieen; von Kjleeda: wieda moaken; waut nich metnämen ooda nich met en talen; waut tochloten; woo waut lat
utlusen (schw.T.; sp: lusen ut) aule Lies ut waut rutmoaken; bat opp daut latste waut rein moaken
utmäten (schw.T.; sp: mäten ut) bemäten
utmeeden (schw.T.; sp: meeden ut) uthieren; sikj vemeeden; eene Oabeit aunnämen dee een Loon tolt
utmesten (schw.T.; sp: mesten ut) Mest utem Staul brinjen
utmoaken (st.T.; sp: moaken ut) von Licht ooda Fia: daut doot moaken; sikj bemieejen waut kloa to seenen; utkomen; woo eena met waut foadich woat
utnämen (st.T.; sp: nämen ut) biem Schwien schlachten, daut Schwien opschnieden un en rechtje Stekja moaken
utneien (schw.T.; sp: neien ut) met Notel un kalieejen Drot een Mosta en waut neien
Utneitich (H. n., -) daut waut eena utneit; eene Utneioabeit
utnichtren (schw.T.; sp: nichtren ut) em Vestaunt kloa woaren; von bedrunknen Toostaunt frie woaren
utnoaglen (schw.T.; sp: noaglen ut) bennaschte Wenj met Holt bedakjen un venoaglen
Utnom (H. f., -en) een Utbunt; een Faul dee butajeweenlich es
utnoms (Isw.) butajeweenlich
utnutzen (schw.T.; sp: nutzen ut) waut soo brucken daut eena eenen Jewenn doavon haft; waut vebrucken
utoabeiden (schw.T.; sp: oabeiden ut) utschaufen; opp Vedeenst schaufen; een Probleem derchoabeiden
utoaten (schw.T.) siene Oat velieren; ut Raunt un Baunt staupen
utodmen (schw.T.; sp: odmen ut) Loft ut de Lungen pusten
utpaken (schw.T.; sp: paken ut) Pak opmoaken un Doos ladich moaken; vepakte Sachen opmoaken
utplakjen (schw.T.; sp: plakjen ut) lichta woaren mete Tiet; Kalia velieren
utplindren (schw.T.; sp: plindren ut) bestälen
utpludren (schw.T.; sp: pludren ut) utblaubren; soont vetalen waut doa sull stell bliewen
utpoaschen (schw.T.; sp: poaschen ut) bosich waut utjeeten
utpolstren (schw.T.; sp: polstren ut) een Stow schmock moaken met niee Dakjen, Gardienen ooda soowaut
utpompen (schw.T.; sp: pompen ut) met eene Pomp, Wota ooda soowaut ut een Behelta brinjen
utproowen (schw.T.; sp: proowen ut) vesieekjen auf waut schauft ooda woo daut schauft
utpuaksen (schw.T.; sp: puaksen ut) derchpuaksen; derchdrekjen; met eene schoape Spetz waut rutgrowen
Utpuffrua (H. n., -sch/ren) eksaust Piep; Mofla
utpulen (schw.T.; sp: pulen ut) met de spetz Finjasch ooda noch waut kjlandret, waut kjlienet wua rutmoaken
utpusten (schw.T.; sp: pusten ut) aun eene Flaum pusten soo daut de utjeit; meed woaren; ute Pust jeroden
utputzen (schw.T.; sp: putzen ut) äwadriewen; mea Eenselheiten bie waut brinjen aus doa werkjlich wieren; Jeträajd met eene Putzmäl reinmoaken
uträajnen (schw.T.; sp: räajnen ut) tooväl räajen kjrieen toom eene Arnt seenen
uträakjnen (schw.T.; sp: räakjnen ut) biem räakjnen, eene Auntwuat kjrieen; met Moten waut toomäten ooda plonen
Uträd (H. f., -en) Entschuldjunk; eene Auntwuat dee de Woarheit bescheenicht
uträden (schw.T.; sp: räden ut) aules sajen waut eena äwa eene jewesse Sach to sajen haft
utrakjen (schw.T.; sp: rakjen ut) waut lenja trakjen aus daut wia
utranen (schw.T.; sp: ranen ut) waut aula woaren; aules oppbrucken; nich jenuach haben
utrechten (schw.T.; sp: rechten ut) met beräden eene Sach schlichten, ooda een Plon aum gonen kjrieen
utreeden (schw.T.; sp: reeden ut) reedmoaken; Trubbel moaken
utreiwen (schw.T.; sp: reiwen ut) sikj vereiwen; jenuach reiwen
utretzen (schw.T.; sp: retzen ut) utkleiwen; wajchranen ver eena daut sienje jedonen haft
utrieekjren (schw.T.; sp: rieekjren ut) tooväl Ruak kjrieen toom wua bliewen
utriemen (schw.T.; sp: riemen ut) ladich moaken; Rum moaken
utrieten (st.T.; sp: rieten ut) een Dinkj ut waut aundret rut trakjen, soo aus een Spekja ute Hut ooda eene Jalmäa ute Ieed
utriewen (st.T.; sp: riewen ut) utrublen; met riewen reinmoaken
utroden (schw.T.; sp: roden ut) aules wajchmoaken; jrintlich von waut rein moaken, tB Onkrut utem Goaden, een Lausta ut eenem sien Läwen
Utroop (H. m., -s) een Toopkomen wua Sachen utjeroopt woaren; wua Lied opp Sachen beeden, un wäa daut mieeschte bitt, daut dan kjricht
Utroopa (H. m., -sch) eena de doa utroopt; eena dee opp een Utroop, dän Haundel äwasitt
utroopen (schw.T.; sp: opp eenen Utroop, Sachen utbeeden fa dee, dee doaraun beeden wellen
utrublen (schw.T.; sp: rublen ut) utriewen; met rublen waut frie moaken, soo aus Kjieena von eene Oa ooda eene Plak em Zeich
utsaten (schw.T.; sp: saten ut) wajchranen
utschalen (schw.T.; sp: schalen ut) von bennen eene Schicht rutnämen
utschämen (schw.T.; sp: schämen ut) beschämen
utschapen (schw.T.; sp: schapen ut) ladich schapen
utschaufen (schw.T.; sp: schaufen ut) opp Vedeenst schaufen ooda oabeiden
utschedden (schw.T.; sp: schedden ut) ladich schedden; waut aufschedden
utschedren (schw.T.; sp: schedren ut) met schedren, Stoff ooda soowaut ut waut rutschedren; rein schedren
utschekjen (schw.T.; sp: schekjen ut) enne Post wajchschekjen; sajen wua wäa hangonen saul
utschellen (st.T.; sp: schellen ut) beschämen; mostren; sajen waut eena haft orrajcht jedonen
utschempen (schw.T.; sp: schempen ut) sea schellen, ooda met growe Wieed schellen
utschieren (schw.T.; sp: schieren ut) rein schieren; soo sea schieren daut eene Sach twei jeit
utschieten (st.T.; sp: schieten ut) Stoolgank haben
Utschlach (H. m., -schläaj) eene schlemme Städ aune Hut dee von selfst jekomen es
utschleepen (schw.T.; sp: schleepen ut) met eene Schleep een Loch moaken
utschlopen (st.T.; sp: schlopen ut) utreiwen; jenuach schlopen
Utschluss (H. m., -) de Prozass von eene Jemeent, een Jliet sien Rajcht aus Jliet wajchtonämen
utschluten (st.T.; sp: schluten ut) em Baun saten; wäm eene jewesse Jemeenschoft aufsajen; sikj von eene Jemeenschoft trigjtrakjen
utschluwen (st.T.; sp: schluwen ut) stoakja ranen aus de aundra; waut bosja doonen aus de aundra
utschmäaren (schw.T.; sp: schmäaren ut) von bennen beschmäaren; waut dicht schmäaren von bennen
utschmelten (st.T.; sp: schmelten ut) soo heet moaken daut waut schmelt; too heet moaken toom noch wieda to brucken gonen
utschnieden (st.T.; sp: schnieden ut) een Mosta no schnieden; een hee Tia de Bala aufnämen
utschnuwen (st.T.; sp: schnuwen ut) de Näs rein pusten
utscholen (schw.T.; sp: scholen ut) Schmak velieren äwa Tiet
utschorren (schw.T.; sp: schorren ut) veschorren; veschedden
utschriewen (st.T.; sp: schriewen ut) eene Sach gaunz dolschriewen
utschumen (schw.T.; sp: schumen ut) soo lang schumen daut et von selfst opphieet
utschwäaren (schw.T.; sp: schwäaren ut) soo sea schwäaren daut et kjietat ooda daut een Spekja rutkjemt; opphieren met schwäaren
utschweeten (schw.T.; sp: schweeten ut) waut schwoaret derchmoaken; uthoolen
Utsecht (H. f., -en) woo eena eene Sach sitt ooda vesteit; eene Meeninj äwa eene Sach ooda Froag; eene Enstalunk
utsechtsloos (Isw.) onen Utsecht sennen; proste Utsecht haben
utseepen (schw.T.; sp: seepen ut) veseften; sooväl Wota jäwen daut de nich odmen kaun, ooda daut een Tia utem Loch kjemt
utseien (schw.T.; sp: seien ut) aule Sot veseien
utsenjen (schw.T.; sp: senjen ut) soo heet woaren daut eene Sach nich mea schauft
Utsiedlunk (H. f., -ngen) een Wajchtrakjen von miere Famieljes von eene Jäajent
utsieekjen (st.T.; sp: sieekjen ut) utläsen; wälen
utspälen (schw.T.; sp: spälen ut) soo meed woaren daut eena nich mea kaun; een Spell foadich brinjen
utspaunen (schw.T.; sp: spaunen ut) aule Reemes un Jescherr von een Pieet nämen; besondasch sea bewäajen wiels eena friejeloten es
utspeelen (schw.T.; sp: speelen ut) met Wota beranen loten toom reina moaken; en reinet Wota ducken
utspetzen (schw.T.; sp: spetzen ut) weinja woaren bat nuscht jebläwen es; to eene Spetz komen
utspieen (schw.T.; sp: spieen ut) Kjwiel ooda Äten utem Mul rutpusten
utspräakjen (st.T.; sp: spräakjen ut) räden; waut sajen
utspreeden (schw.T.; sp: spreeden ut) utbreeden; eene denne Schicht von waut moaken; een deel bedakjen
utstäakjen (st.T.; sp: stäakjen ut) wajch ranen
utstalen (schw.T.; sp: stalen ut) oppstalen; hanstalen toom beseenen loten
Utstalunk (H. f., -linj) waut oppstalen soo daut aundre daut seenen kjennen
utsteewen (st.T.; sp: steewen ut) utkloppen toom dän Stoff doa rutmoaken
utstelpen (schw.T.; sp: stelpen ut) omstelpen; loten Sachen ut een Behelta faulen
utstoawen (st.T.; sp: stoawen ut) weinja woaren bat kjeena jebläwen es
utstonen (st.T.; sp: stonen ut) noch schuldich sennen
Utstoppa (H. m., -sch) eena dee Tieren utstopt
utstoppen (schw.T.; sp: stoppen ut) daut Fal von een Tia loten von eenen Utstoppa oppstalen
utstrakjen (schw.T.; sp: strakjen ut) wua hanlangen
utstraumen (schw.T.; sp: straumen ut) schmock moaken
utstreien (schw.T.; sp: streien ut) vestreien; ladich streien; veschedden
utstrikjen (schw.T.; sp: strikjen ut) eene Lienje derch waut jeschräwnet moaken; met eenen Strikja Teetich reinweschen
utstrolen (schw.T.; sp: strolen ut) dachen; aufjäwen
uttieekjnen (schw.T.; sp: tieekjnen ut) auftieekjnen; kloa to seenen sennen
uttolen (schw.T.; sp: tolen ut) foadich moaken met waut betolen
uttooben (schw.T.; sp: tooben ut) sikj meed tooben
uttrakjen (st.T.; sp: trakjen ut) auftrakjen, soo aus Kjleeda; met Tiet vetrakjen
utvekjeepen (st.T.) aules von eene Sach ooda Jeschaft vekjeepen
Utwajch (H. m., -wäaj) eene Oppfoat; een Wajch, ooda Jleisen von een Hoff rauf
utwälen (schw.T.; sp: wälen ut) utläsen; väatrakjen
utwätren (schw.T.; sp: wätren ut) en Wota ligjen loten soo daut een stoakja Jeschmak aufkjemt
utwaundren (schw.T.; sp: waundren ut) utsiedlen; no een aundret Launt trakjen
Utwaundrunk (H. f., -ngen) eene Utsiedlunk; een no een aundret Launt trakjen von eene Famielje ooda eene Jemeenschoft
utwauschen (st.T.; sp: wauschen ut) wauschen; rein wauschen
utwaussen (st.T.; sp: waussen ut) too groot waussen fa eene jewesse Sach ooda Kjleedie
utwendich (Isw.) em Kopp haben; krakjt weeten woo waut es un daut sajen kjennen
utweschen (schw.T.; sp: weschen ut) rein weschen; drieech weschen
utwoakjen (schw.T.; sp: woakjen ut) een Pieet de Heefta reinmoaken
Utwol (H. f., -en) waut wälen von miere Sachen ooda Mäajlichkjeiten
utwrinjen (st.T.; sp: wrinjen ut) Wota ut Zeich rutwrinjen
utzoppen (schw.T.; sp: zoppen ut) met een Kodda, de latste Flissichkjeit wua rutmoaken
uzhent (Isw.) ombedinjt; secha
|
