|
Tschuktscha denjt: „Woo woat doat woare“ ?
Hee haft siene Fruu veloore
Woat sool dee ome Tjidel doone,?
Enne Stoadt von Millieoone
Een Polizist tjemt iwre Goas
Hee woat ahm halpe, doat steht foast
Merkmale? Wull jana weete
Na merkmale von siene Jreeta
Merkmale?“ Duu kaunst vetalle
Oppe Feet hod see Sendale”
Vel meeja fol ahm uk nich en
(Uute Uge uutem Sen)
„Es doat nich een bestje wenig?“
Frajcht dee Polizist entjejen
„Miene sitt t.B. uut
Emma noch ous eene Bruut
See es schlank, haft lange Been
Etj lut see nich jiren aulein
Enn met ehrem blonden Schop
Sitt see uut ous eene Pop“
“Na”, sajcht Tschuktscha nudem schmitje
„Dan lut ons leewa diene sitje“
Peeta Motes
|
