Säaj (H. f., -en) een see Schwien

Säajel (H. n., -s)  1) daut Loaken daut een Schepp opphäft, toom dän Wint loten daut Schepp schlapen; 2) een Tieekjen ooda Stampel, soo aus von een Kjennich

Säajelpost (H. m., -past) de Post oppem Schepp toom de Säajel hoolen

Säajelschepp (H. n., -) eene Schep met Säajlen soo daut et vom Wint jedräwen woat

Säajen (H. m., -jnungen) daut goode daut von Gott kjemt

Säajenkool (H. m., -) eene Sort Onkrut

säajlen (schw.T.) met een Säajelboot foaren; Säajlen brucken toom een Boot wieda brinjen

säajnen (schw.T.) wäm eenen Säajen jäwen

Säakjel (H. n., -s) een schoapet Massa, eenjemol met eenen langen Stäl, toom Graus schnieden

säakjlen (schw.T.) met een Säakjel Graus ooda soowaut schnieden

Sabat (H. m., -en) de säwenda Dach en eene judsche Wäakj, dee es fa Juden heilich

Sabata (H. m., -) eena de Sinnowent aus heilich helt un Sindach fa jeweenelje Oabeit brukt

Säbel (H. m., -s) een Schwieet

Sach (H. f., -en) een Dinkj; een Aungonen; eene Erfoarunk; een Väahaben

sachoatich (Isw.) soo aus een Dinkj; en Gramatikj, de Jeschlajchtsform de nich maunsoatich ooda fruesoatich es

sacht (Isw.) langsom; nich bosich; medassen

Säd (H. f., -) Fooda; Schroot; Oppmenjsel

Saduzäa (H. m., -) eene Partei von Juden to Jesus siene Tiet

Saj  (H. f., -en) een Utdruck; een Sprechwuat; soont waut foaken jesajcht woat, daut nich uzhent gaunz soo es

sajen (st.T., saj, sajchst, sajcht, säd, säden, jesajcht) räden; vetalen; aunjäwen

Sak (H. m., -j) eene groote zeichne Tut, toom Jeträajd ooda aundre Sachen hoolen

Sak (H. m., Sakj) eene Tausch; eene groote Tausch, soo aus toom Jeträajd hoolen

saken (schw.T.) een kjlienet bätje toopfaulen, soo aus een Jebied

Sakvoll (H. m., Sakjvoll) de Mot dee en een Sak nenjeit

Sakzeich (H. n., -) Zeich von een Sak, tB Mälsak; Zeich toom Sakj neien

Säl (H. n., -en) waut een Pieet oppjesat woat biem aunspaunen

Sälejescherr (H. n., -) daut Toobehia to de Sälen

sälen (schw.T.) von een Tia, sikj oppem Rigjen dreien

Samarita (H. m., -) eena von Samarien

Samawoa (H. m., -ren) een Ruscha Teekjätel met een Rua derch de Medd, toom daut Wota opphetten

Samp (H. m., -) een Kondiment von jemolne Sampkjieena, jeweenlich kloa jäl

sampich (Isw.) soo aus Samp; met Samp

Sampkrut (H. n., -) Plaunten de leicht wilt opp Akalaunt waussen, met jäle Bloomen un fienet rundet Sot

Sampkuarn (H. m., -kjieena) daut Sot von Sampkrut

Samuel (H. m., -s) een Junges un Mauns Nomen; dee bediet: Nomen von Gott; twee Bieekja em Oolen Tastament heeten Ieeschte un Tweede Samuel

Sän  (H. f., -en) em Kjarpa de Baunt dee de Muskel met een Knoaken vebinjt ooda een Knoaken met dän aundren

Sän (H. m., -s) Elren äa hee, ooda maunsoatjet, Kjint

Sandal (H. f., -en) leichtet Footich, foaken bloos ne Sol un waut Reemes äwarem Foot; Weratschen

sänich (Isw.) met Sänen; soo aus Sänen

Sans (H. f., -en) een langet Massa aun Jereetschoft toom Jeträajd schnieden

sansen (schw.T.) met eene Sans Graus ooda Jeträajd schnieden

Sara (H. f., -s) een Mejales un Frues Nomen; Susch; dee bediet: Prinzess

Saskatchewan (H. n.) eene Prowinz in Kanada

sass (H. f., -s) een Numma, 6; Ordnungszol: 6., sasta

sastieen (H. f., -s) een Numma, 16; Ordnungszol: 16., sastienda

saten (schw.T.) plaunten; soo aus em Goaden Sot enne Ieed lajen toom waussen

Satschruw (H. f., -en) eene Schruw toom waut enstalen; eene Schruw toom een Raut faust aun eene Wal schruwen

Saubat (H. m., -en) see Sabat; de säwenda Dach enne Wäakj, dän de Juden heilich hoolen

Saubata (H. m., -) eena de Sinnowent aus heilich helt un Sindach fa jeweenelje Oabeit brukt

Sauft (H. f., -) daut Nauts en Frucht, Plaunten, Beem un Bläda; waut eena ut Frucht utdrekjen kaun, toom drinkjen

sauftich (Isw.) met väl Sauft; soo aus Sauft

Saul (H. m., -s) een Junges un Mauns Nomen; dee bediet: jefroacht (daut es von Gott jemeent)

saul (schw.T.; Helpatietwuat) see ‘sellen’

Saulw (H. f., -en) waut eena brukt toom aune Hut un aun Schlemsen Schmäaren

Saulweelj (H. f., -en) een Eelj em Oolen Tastament, dee jebrukt wort toom Menschen ensaulwen to een Aumt ooda toom heilich sennen

saulwen (schw.T.) met Eelj ooda Saulw enschmäaren

Saulwunk (H. f., -ngen) de Prozass ooda de Erfoarunk von enjesaulwen

Saumelplauz (H. m., -plaza) eene Städ toom toopkomen

saumlen (schw.T.) toopnämen; toopkomen

Saumlunk (H. f., -ngen) daut waut jesaumelt es; daut ooda dee waut toopjekomen sent

Saumpfeeba (H. n., -) Malaria;

saundich (Isw.) met Saunt; soo aus Saunt

saunft (Isw.) nat; leis; stell

saunftmootich (Isw.) nat; jeduldich; leis

Saunt (H. m., -) fiene Steena; fienet Graunt

Saunteewa (H. n., -sch) een saundjet Eewa

Sauntpapia (H. n., -pieren) schia Papia; Papia met fienet Saunt aun eene Sied toom Holt schieren

Sauntrigjen (H. m., -jes) een Rigjen ooda een Opprigj von Saunt; een sea langa Humpel Saunt

saut (Isw.) von äten, voll ooda tofräd; von waut doonen, meed ooda nich wellich wieda doonen

sautfräten (st.T.) voll fräten; soo väl fräten daut eena nich mea well

Sauts (H. f., -) eemol; emol; eene Tiet; eemol Desch oppsaten un Lied äten jäwen [wie saden twee Sauts Unkast opp]

Sauz (H. m., Saza) eene Rieej Wieeda dee eenen vollen Jedanken utspräakjen

säwen (H. f., -s) Numma 7; Ordnungszol: 7., säwenda

säwen (schw.T.) met een Säw, Sachen uteneen läsen

säwendoagscha (Isw.) waut 7 Doag dieet

säwenjoascha (Isw.) waut 7 Joa dieet

Säwenstiern (H. n.) eene Grupp von säwen Stierns dee soo doff sent, daut et no een Stiern lat

säwentieen (H. f., -s) een Numma, 17; Ordnungszol: 17., säwentienda

säwenunhaulf (Isw.) 7 ½

Sazunk (H. f., -ngen) Väaschreft; Räajel; Ordninj

Schäamassa (H. n., -sch) een Massa toom Hoa kort aufschnieden

schäaren (schw.T.) een Schop de Woll dicht aum Lada aufschnieden; aule Hoa aufschnieden

Schach (H. n., -) een Spell met 6 veschiedne Kjlaz ooda Mana opp een Schachbrat, dee jieda eenen besondren Wajch trakjen motten

Schacha (H. m., -sch) een Haundel toom sikj waut kjeepen ooda entuschen

Schachbrat (H. n., -bräda) daut Brat met 64 Hockasch opp woont Schach ooda Daumbrat jespält woat

schachren (schw.T.) vesieekjen een Haundel to moaken; eenen Pries beräden toom waut kjeepen

Schacht (H. f., -) Schell; Strof

schachten (schw.T.) schellen; priejlen

Schädel (H. m., -s) Kopp; Koppknoaken

Schafott (H. n., -s) Stoopen vere buta Däa

schaftich (Isw.) jlekjlich; froo; äwanäment

Schajcht (H. f., -en) een ladana Behelta fa een Schwieet; eene ladane Schluw too äwa daut Been

schakanieren (schw.T.) see: schikjanieren

schakjich (Isw.) jemormelde Kalieren, tB aun eene Koo

Schaklits (H. n., -) een bekaunda Schmak en brune Kende un Kuaken

Schal (H. f., -/en) eene Hut; de butascha Raunt von eene Frucht ooda Ieetschock

Schalduak (H. n., -dieekja) Kjleedie toom väabinjen wan eena koakt ooda met Äten schauft

schalen (schw.T.) Schal aufschnieden ooda wajchmoaken

schälen (schw.T.) von Wota, sea ranen, ooda soo sea ranen daut de Ieed metschält

Schälran (H. f., -en) eene Ran toom Wota aufleiden

schämen (schw.T.) schlajcht feelen äwa waut eena jedonen haft

Schän (H. f., -en) de Bon, soo aus fa een Zuch; een kortet Biet von soone Bon dee aus Aunbolt jebrukt woat

Schänebeen (H. n., -) de väaschte Kaunt von daut Unjabeen, wua bloos Hut äwarem Knoaken es

schänen (schw.T.) eenen jebroaknen Knoaken besorjen

schapen (schw.T.) met een Schapkje, een Kuffel ooda soowautl, waut nämen; soowaut aus Wota ooda Jeträajd, met een naten Behelta opphäwen

Schapkje (H. n., -s) een leichta Behelta met eenen Stäl toom Wota ooda aundret schapen

Schaps (H. m., -en) een Jung dee Spos drift; een Schosel

Schäpslied (H. mz.) Lied dee opp een Schepp schaufen

Schata (H. n., -) wieekjet Blott; Derchfaul; Mest

Schatel (H. n., -s) eene kjliene Schiew toom unja een Kuffel; eene kjliene Schiew

Schatelbenkj (H. f., -en) Schaup fa Teetich un Jescherr

schätlich (Isw.) met eenen Schoden; soo daut et een Schoden jeft

Schaubel (H. f., -blen) de Frucht von Schaubel Plaunten, dee woaren jreen ooda uk riep un drieech jebrukt toom Äten moaken

Schaubelflekj (H. n., -a) een Flekj ooda eene Stap met Schaublen

Schaubelsupp (H. f., -en) Supp met Schaublen doabennen

schaubich (Isw.) kjrenkjlich; nich jesunt

schaufen (schw.T.) oabeiden; Oabeit doonen

Schaul (H. m., -) daut Jelud; een Jelud soo aus en eene groote Stow ooda tweschen de Boaj; de Wieed ooda daut Jelud daut eenem trigjkjemt von eene groote Waunt

schaulen (schw.T.) von een Jelud daut von eene Waunt trigj kjemt

Schaulplot (H. f., -en) eene plaute runde Plot von dee eene Maschien Musikj ooda uk Wieed spälen kaun

Schaulta (H. m., -sch) daut Fensta en een Jeschaft bennen wua eena bedeent woat

Schaultjoa (H. n., -ren) een Joa met 366 Doag, met 29 Doag en Feebawoa

Schaund (H. f., -en) waut orrajchtet; daut waut eenem schämt; eene Erfoarunk en dee nich de rechtje Iea jejäft wort

schaundhauft (Isw.) met Schaund; toom schämen

Schaunz (H. f., -en) een Rieej huaget Krut

Schaup (H. n., -s) eene groote heltane Doos met Däaren ooda Schufloden toom Kjleeda doabennen oppbewoaren

Schauten (H. m., -tes) doa wua een Licht nich hanschient wiels waut em Stich steit

Schautenbilt (H. n., -lda) een Bilt daut aun eene Waunt jeschient woat von een besondret Jereetschoft doatoo

Schautendak (H. n., -däakja) een Dak daut nich runtom Wenj haft, toom enne friee Loft em Schauten setten

Schautesied (H. f., -en) de Sied wua de Schauten felt; bie eene Froag es de Schautensied daut waut eenem hinjren wudd von metgonen

Schauz (H. n., Schaza) waut eena sea väl räakjent; eene Persoon dee/däm eena sea väl räakjent

Schauzkoma (H. f., -mren) eene Koma toom Schaza ooda Jelt oppbewoaren, jeweenlich eene kjliene veschlotne Stow

Schaz (H. n., -a) see Schauz

schazen (schw.T.) väl wieet räakjnen; jleichen; dän Wieet von waut jäwen

schazungswieet (Isw.) waut eene jleeft daut waut wieet es

schazungswies (Isw.)

Schea (H. f., -ren) een Jereetschoft toom schnieden, tB Zeich, Papia, uk Blajch; een Jereetschoft von twee Massasch, eent aun daut aundre jewoawelt, toom schnieden

Schebalkje (H. n., -s) een Footbenkjskje

schechren (schw.T.) spenkjren; en enjsten; Heena joagen

Schedd (H. f., -en) een Aunbu; een kjlienet Huskje

scheddakoppen (schw.T.) dän Kopp schedren, soo aus too nä sajen

schedden (schw.T.) waut fienet loten ut een Dinkj rutranen

Scheddinj (H. f., -en) 1) stoakjet Zeich toom Dakjen un Kjesses moaken; 2) Rum em Spikja

schedren (schw.T.) tekjren; flautren

Scheedelschmolt (H. n., -) Schmolt ooda Fat von de Doarm un ennaliche Jläda von Schwien

scheeden (schw.T.) uteneen moaken; spoolen; utenaunda gonen

scheedlen (schw.T.) utenaunda deelen; Schwiensdoarm reinmoaken

Scheedungsbreef (H. m., -breew) een Breef dee daut bestäticht daut twee sikj scheeden

Scheedunk (H. f., -ngen) daut scheeden; eene Erfoarunk von scheeden

scheef (Isw.) schroz; eene Sied läaja aus de aundre; nich jlikj nopp un rauf ooda enjlinjs jlikj

Scheela (H. m., -) woat uk Schiela jesajcht; eena dee no School jeit; eena dee sikj von eenen Liera belieren lat

scheelen (schw.T.) kjriezuagich kjikjen

scheen (Isw.) goot; fein; aunjenäm; uk von goodet Wada

scheengonen (schw.T.; sp: gonen scheen) jleichen; sikj to waut freien;

scheenrikjent (Isw.) met eenen scheenen Jeroch

Scheens (H. n., -ns) goodet; daut waut scheenjeit, scheenschmakjt ooda schmock lat

Scheenschmak (H. m., -) daut scheen schmakjen; daut waut tofräd stalt

scheenschmakjen (schw.T.; sp: schmakjen scheen) eenen gooden Jeschmak haben

Scheepen (H. mz.) de huarnoatje Stekja met dee een Fesch bedakjt es

scheepen (schw.T.) de Scheepen von een Fesch reinmoaken

scheepich (Isw.) plakich; eendrajchtich plakich; met Scheepen; soo aus Scheepen

Scheeskje (H. f., -) de unjaschta Raunt von eenen langen Rock [äa weppen de Scheeskje]

Scheeta (H. m., -sch) eena dee met eene Flint ooda Reifel schitt

scheeten (st.T., scheet, schitst, schitt, schoot, schooten, jeschoten) met eene Flint ooda Scheetiesa Patroonen scheeten

Scheetich (H. n., -) Kugels; Patroonen; waut eena enne Flint nenmoakt toom scheeten

Scheetiesa (H. n., -sch) eene Flint ooda Reifel; Jewäa; Rewolwa

Scheetjewäa (H. n., -ren) Reifel ooda Flint

Scheffelvoll (H. f., -) de Mot dee eene Scheffel helt

scheflen (schw.T.) met eene Scheffel schaufen; met eene Scheffel Jeträajd ooda Schnee ooda soowaut wieda brinjen

Scheft (H. f., -en) eene Wal

scheibich (Isw.) nich goot besorcht, von een Tia; vewossen

Schekj (H. n., -s) een Papia daut fa eene jewesse Somm Jelt utjeschräwen es

Schekjbenjel (H. m., -s) een Jung däm eena schekjt

schekjen (schw.T.) wäm sajen hee saul wuahan gonen; waut enne Post lajen toom aufgonen

schekjlich (Isw.) met een goodet Jeschekj; schmock; goot; aunjenäm;

Schekjsol (H. n., -s) daut waut eenem traft em Läwen

Schell (H. f., -) daut mostren; de Norecht daut eena waut nich goot jedonen haft

schellen (st.T., schell, schull, schullen, jeschullen) mostren; monen; schempen; sajen waut nich goot jenuach es

schelpen (schw.T.) delenjd een Boomstaum ooda een Brat soagen

Schelplelje (H. f., -) eene Bloom, eene Lelje met lange schmaule, Schelpoatje Bläda

schelpren (schw.T.) scholkjren soo daut et äwarant ooda äwaschelpst; soo aus daut Wota en een Ama sikj bewäacht, wan de Ama jedroacht woat

Schelprua (H. n., -) eene Sort Schelp daut aune Kaunt vom Riefa em Wota waust

schelrich (Isw.) soo aus biem schellen; met de Aufsecht von schellen

Schelwa (H. n., -sch) een sea dennet Biet

schelwren (schw.T.) en Schelwa uteneen nämen; Schelwa formen soo aus de frescha Ies opp Wota

schemlich (Isw.) greiw; muzhrich; von Vee un Pieed, nich kloa eene Kalia

schemma (Isw.) em Tweediesta; met weinich ooda prostet Sonnenlicht

schemmarieren (schw.T.) spieejlen soo aus Wota daut nich gauns stell es

Schemmedaun (H. f., -en) Koffa; Sutkäs; een Behelta toom Kjleeda un aundret droagen wan eena reist

Schemmel (H. m., -s) een schemmeljet Pieet ooda Beest; een greiwet ooda jrieswittet Tia

schempen (schw.T.) schellen; mostren

schemren (schw.T.) schemma woaren; daut Licht vegonen biem Sonnenunjagonen

schemrich (Isw.) soo aus schemma

schenden (schw.T.) Schaund moaken

schenkjen (st.T., schenkj, schonk, schonken, jeschonken) jäwen; frie äwarieekjen

Schenn (H. f., -en) een Schua; een Aunbu met een läajet Dak; eene kjlienet Huskje

Schenn (H. n., -) kjliene witte schorwje Bieta dee väle Menschen mank de Hoa haben

schentlich (Isw.) schlajcht; soo aus eene Schaund; sea schlemm

Schepfa (H. m.) dee wäa Sachen moakt, dee wäa aules jemoakt haft

Schepfunk (H. f., -ngen) daut waut jemoakt es

Schepkje (H. n., -s) een kjlienet Schepp; een Stekj enne Neimaschien, wua de unjaschta Twierem bennen es

Schepp (H. n., Schäp) een Boot; een grootet Boot; een Foatich toom opp Wota foaren

Scheppdräaja (H. m., -) de Rigjen ooda Schnied delenjd de Medd unjen aum Schepp

Scheppelkje (H. n., -s) Eia Omdreia;

Schepphar (H. m., -en) de väaschta Aunjestalda opp een Schepp; de Baus ooda Har opp een Schepp

Scheppschruw (H. f., -en) de Schruw ooda Mäl em Wota, dee een Schepp foaren moakt, wan dee jedräwen woat

schermetzlen (schw.T.) bosich vebrucken; weelen un waut sieekjen; nich väl romjäwen

Schetsel (H. n., -s) een Brat, ooda soowaut, toom een Rum derchdeelen

schetzlen (schw.T.) een Schetzel moaken toom een Rum endeelen

schia (Isw.) meist; rein gaunz

schiblen (schw.T.) sikj spooden; een bät Enten oatich gonen

Schicht (H. f., -en) Biespels von eene Schicht: de Foaw aune Waunt, een poa Zoll Jeträajd oppe Flua; een Hamd, een Swetta, un een Wanikj sent jieda eene Schicht oppenaunda

schichtwies (Isw.) en Schichten; soo aus Schichten

Schieepapia (H. n., -papieren) Sauntpapia

Schiela (H. m., -) woat uk Scheela jesajcht; eena dee no School jeit; eena dee sikj von eenen Liera belieren lat

Schien (H. f., -en) 1) de groota Rum opp Enj vom Staul; 2) Glaunz; wadaspieejlen

schienboa (Isw.) soo to seenen; soo aus waut lat

schienen (st.T., schien, scheen, scheenen, jeschänen) dachen; jlensen; schemmarieren

schienent (Isw.) soo aus schienen; met schienen

Schiephonkje (H. n., -s) de ieeschte Hoa von een Bäbe

schiepren (schw.T.) daut Jelud von Väajel ooda kjliene Kjikjel

Schiera (H. m., -sch) waut toom schieren biem wauschen

schieren (schw.T.) glaut rublen, soo aus met Schiapapia; met een Schiera wauschen

Schiet (H. n., -) Stoolgank; Mest

Schietareia (H. m., -sch) een dennet Voagel met sea lange Been, Hauls un Flichten

Schietarie (H. f., -n) Derchfaul; Sommakrankheit

schieten (st.T., schiet, schitst, schitt, scheet, scheeten, jeschäten) Stoolgank haben; mesten; kaken

schietren (schw.T.) daut Jefeel haben daut eena sull Stoolgank moaken

schietrich (Isw.) angst; sea beduat; schis

Schietstremp (H. f., -en) (woat emma met veachten jebrukt) eena dee sikj nich leicht waut woacht; een schuchtra Mensch

Schiew (H. f., -en) een Tala; de groota flaka Behelta von woonen eena at

schikjanieren (schw.T.) baudren; wäm waut schwoa moaken

Schikjsol (H. n., -s) waut eenem jetroffen es; woo waut utfelt

Schildna (H. m., -) eena dee schuldich aun waut es; eena dee waut schuldich es

schilren (schw.T.) beschriewen; vetalen; schriewen

Schilt (H. n., -en) een plautet Stekj daut eena väahelt, soo aus toom de Sonn aufwäaren ooda Feils aufwäaren

Schiltdroaga (H. m., -dräaja) eena dee een Schilt drajcht toom eenen aundren beschitzen

Schiltkjleet (H. n., -kjleeda) een Kjleet daut von soon hoadet jemoakt es, daut de Feils doa nich jrodsoo derchspekjen

Schiltkjrät (H. f., -en) een veabeenschet Tia met eene hoade runde Schal en dee hee sikj trigjtrakjen kaun wan hee sikj schitzen well

Schiltmetz (H. f., -en) eene Metz ooda waut toom dän Kopp bedakjen, met een Schilt aun eene Sied toom Schauten äware Uagen moaken

Schindel (H. f., -dlen) denne Bräda ooda täajet Papia daut opp een Dak jenoagelt woat toom Wota aufranen

schindieren (schw.T.) emma wada schellen; grumsaujen

schindlen (schw.T.) Schindlen opp een Dak faustmoaken

Schinkjefleesch (H. n., -) Fleesch von een jerieekjada Schwiens Schinkjen

Schinkjen (H. m., -jes) daut bowaschte Enj vom Been

schippen (schw.T.) waut opp een Woagen ooda Trock loten wajchfieren, soo aus toom vekjeepen

Schirkj (H. f., -en) een schwoata Kjniepa

schis (Isw.) schietrich; angst

schisjat (Utdruck) daut es toom vefieren

Schisnikj (H. m., -) eene Wartel met een strenjen Jeschmak; daut Jeschmak von de Wartel

Schisnikjworscht (H. f., -en) Worscht met Schisnikj mank daut Fleesch jerieet

Schitz (H. f., -en) eene Klaup toom waut opp un too klaupen; eene kjliene schuw Däa

schitzen (schw.T.) eene Schitz wieda opp ooda too moaken; enstalen

Schkondol (H. m., -s) groota Trubbel un Opphäwen; Orrajcht em grooten Stiel

Schläajarie (H. f., -en) eene Erfoarunk wua jeschloagen wort

Schläajna (H. m., -/sch) eena dee schleit

Schlach (H. m., Schläaj) 1) eemol schlonen; een Faul opp dän eena nich jeräakjent haft; 2) een Jesuntheits Probleem wua eene Bloot Oda veschlekjt

Schlacht (H. f., -en) een Toopkomen von twee Armeen em Kjrich, wua Soldoten omjebrocht woaren

Schlachta (H. m., -) eena dee schlachten vesteit; eena dee biem schlachten halpt

Schlachtdach (H. m., -doag) de Dach wan jeschlacht woat

Schlachtdesch (H. m., -en) een Desch opp däm freschet Fleesch tweijeschnäden woat

schlachten (schw.T.) een Tia dootmoaken, bleeden un daut Fleesch toom äten reed moaken

Schlachtflekj (H. n., -a) de Städ wua een Kjrich jewast es un Menschen omjebrocht worden

Schlachtmassa (H. n., -sch) een lenjret Massa daut goot biem schlachten to brucken es

Schlachtvee (H. n., -) Vee daut jehoolen woat toom schlachten

Schlädbon (H. f., -en) een Wajch met oppjefoarna Schnee

Schläden (H. m., -des) een Foatich ooda Woagen met Kuffen enne Städ Räda toom oppem Schnee foaren

Schladonz (H. m., -en) Schosel; eena dee nich sea väabedocht jehaundelt haft

schladonzich (Isw.) soo aus een Schladonz; nich väl romjäwen; eendoontich

Schlagwota (H. n., -) eene Sort Medizien dee enjenomen wort ooda uk enjeschmäat

schlajcht (Isw.) onjehuarsom, nich goot, jäajenaun, von oppfieren; prost; mau affens, von Jesuntheit ooda von woo een Jereetschoft schauft; vekomen, von Äten

schlakren (schw.T.) han un häa schlenkjren

schlakrich (Isw.) loos; reed toom schlakren;

Schlaks (H. m., -en) een sea huach jewosna Jung; de Mot von waut eena opp eemol von de Haunt schlakst

schlaksen (schw.T.) met een Schlaks waut schmieten ooda loos woaren

Schlang (H. f., -en) een Tia onen Feet, met daut Jeschekj von een sea groota Worm, eenje Schlangen sent jefäadlich wan de bieten

Schlangenjeft (H. n., -) daut Jeft daut eene Schlang aufjeft wan dee bitt (H. n., -

Schlangenloch (H. n., -lajcha) een Loch wua Schlangen husen

schlank (Isw.) denn un schmock, von Menschen ooda Tieren;

Schlap (H. f., -en) eene Enrechtunk toom waut schlapen, soo aus Jeträajd ooda Fooda

schlapen (schw.T.) een Dinkj trakjen

Schlapsel (H. n., -s) daut waut metjeschlapt ooda toopjeschlapt es; een Hoakjsel

Schlätel (H. m., -s) een Jereetschoft toom kjliene Sachen goot aunfoten, tB Boltes un Mietasch, een Rua, daut bennaschte von een Schlot opschluten

Schlätelloch (H. n., -lajcha) een Loch, tB en eene Däa, wua een Schlätel nenpaust toom op ooda too schluten

Schlätje (H. n., -s) een kjliena Schläden, fa Kjinja toom spälen

schlau (Isw.) een bät hinjarigjsch

Schlaub (H. f., -en) een Kodda toom unjare Kjenn binjen soo daut et Äten nich aum Hand ooda Kjleet kjemt

Schlaubbekjsen (H. f., -) een poa Bekjsen met eene Schlaub un foadje Droagbenja

schlaubren (schw.T.) soo äten daut waut oppen Desch ooda Kjleeda kjemt

Schlauch (H. m., Schläaj) een gumnet Rua; soowaut aus een Rua, oba gaunz schlaup

Schlaum (H. m., -) Blott

schlaup (Isw.) nich stiew; nojeloten; schludrich; derch henjent

Schlee (H. m., -) eene strufe Frucht, een bät soo aus Plumen

Schleef (H. m., -eew) een sea groota Läpel toom vom Gropen schapen

schleepen (schw.T.) met eene Schleep Ieed ooda Schnee wieda schlapen; met een Trekjta growen

schleeprich (Isw.) reed toom schlopen; soo aus biem schlopen

Schleia (H. m., -sch) een leichtet Zeich daut vom Kopp raufhenjt

Schleida (H. m., -sch) Junges äa Jereetschoft toom Steena schmieten

Schleif (H. f., -en) eene haulwe Rund von Hoa, ooda aun Kjleeda

schlekjen (schw.T.) toogonen, soo aus een Loch von Schunt em Wota

schlemm (Isw.) vewunt, nich heel; schlajcht, daut waut Help fält; schlemrich

schlemmen (schw.T.) aunhoolent no waut froagen; hielrich no waut prachren

Schlems (H. n., -en) eene kjliene Wund; eene äwajeroofte Wund; eene Städ aune Hut dee kjietat

schlemsich (Isw.) met Schlemsen; soo aus Schlemsen

schlendren (schw.T.) schlenkjren; langsom gonen; lauzhuarich gonen;

Schlenj (H. f., -en) een Baunt dee soo en een Kjreis jebungen es, daut dee faust rom waut holt wan dee jetrocken woat

schlenjen (schw.T.) met eene Schlenj waut jriepen

schlenkjren (schw.T.) loos henjen un schoklen; schlendren

schlentren (schw.T.) met groote Bewäajungen von Oarms un/ooda Been gonen

schlentrich (Isw.) soo aus schlentren; met groote Bewäajungen von Oarms un Been

Schlepkje (H. f., -s) eene rutjeschowne Lepp, soo aus een Kjint jrod verem roaren

Schlerz (H. f., -en) een jetrandet Loch aun Kjleeda; eene lange Wund aum Kjarpa

schlerzen (schw.T.) oppschnieden; opprieten

Schlicht (H. f., -) waut jebrukt woat toom Moos dikj moaken; Wota met Mäl enjerieet toom aus Liem brucken

schlichten (schw.T.) stell moaken; ruich moaken; Zank to een Enj brinjen

Schliem (H. m., -) soont aus de verieede Hut opp Malkj, glaut un doch kwaublich

schliemich (Isw.) soo aus Schliem; met Schliem; toom deel jeronnen

Schliepa (H. m., -sch) een Jereetschoft toom schliepen, soo aus een Massa schliepen

schliepen (schw.T.) schoap moaken, von Massasch un Schearen

Schliepsteen (H. m., -s) een plauta Steen dee toom Massa schliepen to brucken es

Schliesa (H. m., -sch) Jereetschoft toom schliesren; een Baunt toom Steena schmieten

Schliesamalkj (H. f., -) Malkj de dän Schmaut aufjenomen es; derchjedreide Malkj

schlieslich (Isw.) tolatst; aum Enj

schliesren (schw.T.) schlaksen; von een Raut loos flieejen; met sea enne Rund dreien, uteneen deelen, soo aus Malkj un Schmaunt

schliesslich (Isw.) tolatst; aum Enj

schlikjen (schw.T.) schlau woahan gonen

Schlikjwajch (H. m., -wäaj) een Wajch dee mieeschte Menschen nich bekaunt es; een Wajch toom wua han komen onen daut aundre daut seenen ooda enwoaren

Schlinjel (H. m., -s) een naunwaussenda Jung dee eenem met waut vefieet ooda äwarauscht haft

Schlips (H. m., -en) een Eesenbaunt; een Haulsbaunt

schloaren (schw.T.) de Feet nich opphäwen biem gonen; de Schoo loten oppschlapen wan eena jeit

schlockwitt (Isw.) sea witt; dach witt

schloff (Isw.) vejätsom; nich krakjt; aufjebrutscht

schloffen (schw.T.) langsom gonen; lauzhuarich gonen; de Feet nich opphäwen biem gonen

Schlofheit (H. f., -en) eene Sach ooda Erfoarunk wua de Mensch es schlof jewast; wua hee nich aules aun Tiet haft foadich jehaut

schlonen (schw.T.) kjielen; priejlen; trafen; heiwen; knuffen

schlonsch (Isw) von een Tia daut sea leicht schleit

Schlop (H. m., -) daut schlopen

Schlopbenkj (H. f., -en) Meebel daut äwadach aus eene Benkj jebrukt woat, un to Nacht, rutjetrocken woat to een Bad

schlopen (st.T., schlop, schlapst, schlapt, schleep, schleepen, jeschlopen) waut eena enne Nacht deit; nich waka sennen; reiwen met Uagen too un nich bewust

schloploos (Isw.) onen Schlop; nich schlopen

Schlopmeddel (H. n., -s) Meddel toom schlopen halpen

Schlopmetz (H. m., -en) eena dee schlopmetzich es; eena dee leicht vejat; eena dee nich sea krakjt aules nokjemt

schlopmetzich (Isw.) schloff; eendoontic; vejätsom

Schlopsak (H. m., -j) een Sak, dee delenjd eene Sied optomoaken jeit, dee jeieejent es toom doabennen schlopen

Schlopsocht (H. f., -en) eene Krankheit bie dee de Mensch sea väl schlopen mott

Schlopstow (H. f., -en) eene Badstow; eene Stow met Baden un Kjleedaschaup

Schlorr (H. f., -en) leichtet Footich toom em Hus droagen; een Mensch dee eenem Spos jemoakt haft, ooda een Schowanak jedräwen haft; Schosel

schlorren (schw.T.) en Schlorren gonen; schloffen; schloaren

Schlosäwendoot (H. m., -) eena dee nuscht rom jeft; eena däm aules eendoont es

Schlott (H. n., -s) een Jereetschoft ooda Enrechtunk toom waut veschluten ooda tooschluten

schluaren (schw.T.) wachten; väl Tiet nämen; nich bosich sennen

Schlubb (H. f., -en) een oole ooda aufjebrukte Metz

Schlucht (H. f., -en) een läaje Städ oppem Launt wua leicht Wota stonen blift; een Läacht

Schluckat (H. m., -sch) daut em Hauls met waut eena Äten dolschlukt

schlucken (schw.T.) Äten vom Mul em Buck nenn nämen

schludrich (Isw.) schlaup; kwaublich; nojeloten

Schlufsel (H. n., -s) eene Doos, von eene Kaunt op, soo aus toom een Buak nenschuwen; eene Scheed

Schluks (H. m., -en) de Mot dee eena opp eemol dolschlukt

schluksen (schw.T.) meist roaren; roaren; een Jelud von roaren

Schlunk (H. m., -s) de Schlauch vom Mul nom Buck

schlunzich (Isw.) schlaup un loos, von Kjleeda

schlurpsen (schw.T.) Loft un Äten tojlikj em Mul holen; heeten Äten sacht äten

schlurren (schw.T.) ondietlich räden; nich kloare Wieed moaken; de Feet nich opphäwen biem gonen; de Feet delenjd de Flua schlapen

Schluss (H. m., -) de korte Räd aum Enj von eene Kjoakj, verem rutgonen; daut Enj; de Aufscheet

Schlussräd (H. f., -en) de Räd aum Enj von eene Kjoakj ooda een Program

schluten (st.T., schlut, schlitst, schlitt, schloot, schlooten, jeschloten) too moaken; met een Schott waut vesechren; een Enj moaken

Schluw (H. f., -en) de Schal aun een Jeträajd ooda Sot Kuarn

schluwen (st.T., schluw, schlifst, schlift, schloof, schloowen, jeschlowen) Schluwen aufmoaken; Schooten opmoaken un de Kjieena hoolen

Schmäa (H. n., -) Eelj, jeweenlich dikjet Eelj; een Derchenaunda

Schmäajelt (H. n., -) Jelt toom eenem bekjeepen

Schmäamoota (H. m., -sch) eene Moota dee von eene Schmäapomp jedräwen woat

Schmäapomp (H. f., -en) eene Pomp toom Schmäa opphäwen, ooda toom Schmäa met Druck pompen ooda schuwen

schmäaren (schw.T.) met weschen waut hinjenloten; met weschen eene denne Schicht loten

schmäarich (Isw.) soo aus Schmäa; met Schmäa berant

Schmäasel (H. n., -s) Schmäa; waut eena oppschmäat

Schmach (H. f., -) de Weedoag; daut Schwoare; een Lieden

schmachten (schw.T.) sea hungren; meist vehungren

Schmack (H. m., -) Jeschmak; woo waut schmakjt

Schmäd (H. f., -en) eene Städ ooda Jeschaft wua Jereetschoft jemoakt un trajcht jemoakt woat

schmäden (schw.T.) waut von Iesa moaken

Schmädhieet (H. n., -s) de Owen en eene Schmäd; de Enrechtunk un eene Schmäd toom Iesa heet moaken

Schmädhoma (H. m., -sch) een schwoara Homa dee enne Schmäd jebrukt woat toom Iesa vekloppen

schmakhauft (Isw.) scheen schmakjent; met eenen scheenen Schmak

Schmakja (H. m., -sch) daut met waut eena schmakjt

schmakjen (schw.T.) seenen woo waut schmakjt; een kjlienet bätje von waut äten

Schmakjs (H. n., -) Schmakjsel; een kjlienet beskje Äten, bloos jenuach toom schmakjen

Schmakjsel (H. n., -s) Schmenjsel; de Mott von waut eena schmakjt

schmakloos (Isw.) onen Schmak

schmaksen (schw.T.) Jelud moaken met daut Mul biem äten

schmarotzen (schw.T.) aundre een bät utnutzen biem äten; sea bie aundre äten

Schmata (H. n., -) dennet Blott

schmatren (schw.T.) spretzen; Blott flieejen moaken

schmaul (Isw.) nich breet

Schmaunt (H. m., -) daut enne Malkj waut sikj no bowen utsat, wan eena de Malkj stonen lat; daut fatje Poat vonne Malkj

Schmaunta (H. m., -sch) eene Maschien toom Schmaunt vonne Malkj deelen

schmaunten (schw.T.) derchdreien; met een Schmaunta de Malkj un Schmaunt deelen; Schmaunt aufschapen

Schmauntkaunkje (H. n., -s) eene kjliene Kaun toom Schmaunt oppen Desch brinjen

Schmauntsupp (H. f., -en) Dikjemalkj met Schmaunt un Solt enjerieet, eene scheene Läpelkost em Somma

schmausen (schw.T.) met scheenschmak äten

Schmauz (H. n., -) wotajet Blott; denna Padikj

schmauzich (Isw.) soo aus Schmauz; met Schmauz enjeschwient; soo aus denna Padikj

Schmeichelmul (H. n., -miela/s) eena dee sea schmeichelt met siene Räd

schmeichlen (schw.T.) wäm beendrucken met scheene Wieed, toom däm aus Frint kjrieen

schmeissich (Isw.) nich steil; nat boajopp ooda boajauf; onen een Stuks

Schmeltarie (H. f., -n) een Jeschaft wua Iesa, ooda aundret Metol, jeschmolten un fresch en Forms jegoten woat

schmelten (schw.T.) waut flissendich moaken met hetten, soo aus Ies ooda Botta schmelten

Schmeltgropen (H. m., -pes) een Gropen en däm Iesa, ooda aundret, jeschmolten woat

Schmeltowen (H. m., -wes) een Owen dee jenuach Hett jeft toom Iesa, ooda aundre Sachen, schmelten

schmenjen (schw.T.) schmakjen; seenen auf waut scheen schmakjt; tweschen de Moltiet äten

Schmenjsel (H. n., -s) de Mot von waut eena schmenjt; Schmakjsel

Schmett (H. m., -s) eena dee sikj met Iesa Sachen vesteit, soo aus toom moaken un trajcht moaken

schmetten (schw.T.) Foaw von een Stekj no daut aundre äwadroagen biem wauschen; Kalieren toop ranen

schmiedich (Isw.) leicht to bieejen; leicht oppe Been

schmieekjen (schw.T.) Tobbak Zigoaren brucken

schmieten (st.T., schmiet, schmeet, schmeeten, jeschmäten) een Dinkj flieejen moaken, tB een Baul

schmissen (schw.T.) vetalen; waut Plonen

Schmoa (H. f., -ren) eene Noaw; eene schwiensche Städ; de Städ wua waut naunjeschmäat es

schmock (Isw.) ontlich; jehuarsom; gootloten; straum sennen

schmodrich (Isw.) von Loft, nich kloa; ruakich; näwlich

Schmolt (H. n., -) Fat von Schwien ooda Heena

schmoltich (Isw.) fatich; met väl Schmolt; soo aus Schmolt

Schmuakomst (H. m., -) Komst, jeweenlich met jedrieejdet Frucht, toop jeschmuat

schmuaren (schw.T.) lang koaken un vekoaken; loten dän Schmak von Sachen toopranen

Schmuck (H. n., -) daut waut waut schmock loten moakt

schmuglen (schw.T.) onjesazlich waut äware Jrens nämen

schmunjen (schw.T.) strikjen; stroaklen; omoarmen; kussen

schmunslen (schw.T.) frintlich kjikjen

Schmurz (H. n., -) Schmäa; Fat; Eelj

schmurzich (Isw.) schwiensch; schmäarich; soo aus Schmurz; met Schmurz enjeschwient

Schmurzplak (H. f., -en) eene schmäaje Plak

schmustren (schw.T.) frintlich kjikjen

schmutzich (Isw.) schwiensch; enjeschwient

Schnäakjat (H. m., -s) een kjliena Jung

Schnäd (H. f., -en) daut waut aufjeschnäden es, jeweenlich een schmaulet Stekj

schnaksen (schw.T.) em Wint bieten, soo aus een Hunt

Schnal (H. f., -en) een Hoaken jäajenäwa von een poa Lajcha toom waut aunschnalen

schnalen (schw.T.) eene Schnal em Jebruck nämen; waut faust moaken; sea dia fa waut velangen

Schnaups (H. f., -) alkoholischet Jedrenkj

schnautren (schw.T.) pienich räden; schwietren; daut Jelud von Jans

Schnee (H. m., -) daut waut en koldet Wada von de Wolkjen felt, enne Städ Räajen; de witte Flocken dee em Winta vonne Wolkjen faulen

Schneedien (H. f., -en) eene Dien Schnee; toopjestiemda Schnee

Schneeflock (H. f., -en) een Stekj Schnee, soo aus daut vonne Wolkjen felt

schneeich (Isw.) met Schnee bedakjt; soo aus Schnee

Schneepluach (H. m., -plieej) een grootet Blaut aun een Trekjta ooda Trock toom Schnee schuwen

Schneescheffel (H. f., -flen) eene Scheffel toom Schnee scheflen; eene groote Scheffel, soo aus toom leichtet Schnee scheflen

Schneestorm (H. m., -s) een windja Dach wua loosa Schnee em Wint metjoacht

Schneetun (H. m., -s) eene dichta Tun toom Schnee opphoolen

schneewitt (Isw.) soo witt aus Schnee

Schneewota (H. n., -) Wota von jedeiwda Schnee

schneflen (schw.T.) rikjen; seenen auf waut to rikjen es; seenen auf waut ut to finjen es

schneidich (Isw.) bosich; haustich; schwind

Schneitsat (H. m., -s) een Schnurboat

schneiw (Isw.) utmoaken waut doff es; hieren waut sea stell es; vestonen waut nich kloa jesajcht es

schneplen (schw.T.) de Näs ranen; eene kjlakjaje Näs haben

Schneppanäs (H. m., -en) eena dee romschneppat; een nieschieeja

Schneppelduak (H. n., -dieekja) een kjlienet Duak daut eena enne Fupp drajcht toom de Näs ooda Tronen weschen

Schnepra (H. m., -sch) eena dee schneppat; eena dee en aules nenkjikjt

schnepren (schw.T.) bejierich sennen toom waut weeten; toodrinjlich no Norecht sieekjen; schneflen

schnerren (schw.T.) brommen biem foaren

Schnerz (H. m., -) Derchfaul

schnerzen (schw.T.) explosiv Stoolgank haben, soo aus Jans

Schnetje (H. f., -) een Brootje daut nich met Häw enjerieet es

Schnett (H. m., -s) eene jeschnädne Schlerz; eene Schnäd; eene Jeschicht [Schnetten rieten]

schnett (Isw.) angst

Schnieda (H. m., -sch) eena dee schnitt; eena dee Kjleeda neit

schnieden (st.T., schnied, schnitst, schnieden, schneet, schneeden, jeschnäden) met een Massa ooda Schea waut uteneen moaken

schniedich (Isw.) bosich; schwind

Schniedinj (H. f., -en) groote schoape Weedoag  [Schniedinj em Lief]

schnieen (schw.T.) Schnee vonne Wolkjen faulen

Schnieeweest (H. f., -en) een faustet Frues Unjakjleet; een Bra

schnieren (schw.T.) faust aunbinjen; sea faust aunschnalen

Schnigj (H. f., -en) een kjlienet Tia met bloos een wieekjen Foot, un eene Huarnoatje Schal äwa daut jratste Poat vom Kjarpa

Schnigjelfritz (H. m., -) een läwendjet Kjint

Schnips (H. m., -en) eene korte Schnied; een kjlienet Biet Zeich

schnipsen (schw.T.) kjliene Enja schnieden met eene Schea

schnitzen (schw.T.) utschnieden; von een Stekj Bieta wajch schnitzen toom eene jewenschte Form ooda Statu moaken

schnoakjen (schw.T.) een Jelud moaken met odmen biem schlopen

schnoaren (schw.T.) sea derche Näs räden

Schnodda (H. n., -) daut waut ute Näs rant wan een Kjint vekjilt es

schnodren (schw.T.) Schnodda haben; Schnodda ut schnuwen

schnoopich (Isw.) sondaboa; butajeweenlich un nich moakhauftich

Schnopp (H. f., -) vekjilt sennen

schnoppich (Isw.) met Schnopp; nich leicht derche Näs odnem

schnorchlen (schw.T.) rochlen; daut Jelud von een Tia daut no waut sieekjt

schnorrich (Isw.) schnoopich; sondaboa; bäta aus eena jedocht haud

Schnowel (H. m., -s) een Voagel Mul

Schnua (H. f.) een Stekj Baunt

schnucken (schw.T.) daut tekjen von de Moag wan eena too bosich jejäten haft

Schnuftje (H. f., -) soont waut nuscht es; soont waut nuscht meent; Keiwtobbak

Schnurboat (H. m., -s) eenen Maun sien Boat aun de Bowalepp

schnurkjsen (schw.T.) met eene volle Näs waut rikjen

schnurren (schw.T.) daut Jelud von eene Kaut de jehaucht woat

schnuwen (schw.T.) schnodren; Schnodda ut de Näs pusten

schnuzen (schw.T.) wäm nich rajchte Aunerkjanunk jäwen un veachten

Schoa (H. n., -ren) een Massa toom Ieed schnieden aun Foarm Jereetschoft; eene groote Grupp, tB Väajel

Schoafsel (H. n., -s) daut waut toopjeschoaft es

schoap (Isw.) von een Massa, soo daut et goot schnieden kaun; von Jeschmak, soo daut et meist een bät em Mul brent

schoapen (schw.T.) schoap moaken, soo aus een Massa; met eene Fiel ooda Schliepsteen een Massa eene bätre, schoapre, Spetz jäwen

Schoarlachfeeba (H. n., -) eene Krankheit von huach Feeba un Fia roode Hut

schoawawies (Isw.) väl opp eemel, mieremol hinjarenaunda

Schoawel (H. m., -s) een Stekj daut von een Glaus ooda Teetich aufjeschloagen es

schoawen (schw.T.) waut fienet, soont aus Ieed ooda Jeträajd, wieda schuwen ooda jlikj moaken

Schoawoakj (H. n., -) Oabeit de eene Jemeenschoft sikj endeelt un von jiedrem velangt, soo aus aune Darpsgaus ooda Darpsweid schaufen

schobben (schw.T.) jäakjen; sikj jäajen eene Waunt ooda Pol jäakjen, soo aus Tieren

Schockel (H. f., -klen) eene Sett dee han un trigj schoklen kaun; een Brat opp en Strank dee met beid Enja aum Baulkjen faust es, fa Kjinja toom schocklen

Schockelpieet (H. n., -pieed) Spältich enne Form von een Pieet, opp daut een Kjint sett un schockelt ooda jenjelt

Schockelstool (H. m., -steela) een Stool de jenjelt ooda schockelt

schocklen (schw.T.) soo aus aum Enj von een Strank, frie han un häa bewäajen

Schockopp (H. n., -s) daut Jereetschoft toom een Foatich hoolen von lang schoklen wan eene derch een Stuks jefoaren es

schod (Isw.) leet doonen; too groff sennen; nich jewenscht

Schoden (H. m., -) daut waut tweijegonen es; de Mot von waut twei es

schoden (schw.T.; reflexiv) hinjren; aunligjen [waut schot däm?]

schoklen (schw.T.) soo aus aum Enj von een Strank, frie han un häa wieen

schokmol (Isw.) foaken; ieremol; daut kjemt leicht väa

Schol (H. f., -en) Jereetschoft toom wäajen; sea schoape Weedoag en Henj ooda Feet wan dee sikj rieren

scholkjren (schw.T.) soo aus Wota en een toojedakjtet Dinkj rieet, wan daut Dinkj jerieet woat; botren

scholkjrich (Isw.) soont waut leicht scholkjat; daut waut scholkjat

Schollem (H. m., -s) Hoa dee aum Stiern aufjeschnäden sent

Schomp (H. f., -) Schaund; sikj schämen

schomploos (Isw.) onen Schaund ooda Schomp; nich wiesen daut eena schuldich es

Schoo (H. f., -) 1) Footich; waut eena oppe Feet drajcht; 2) eene Mot von lenjd, 12 Zoll, bie 30 Zentimeeta

Schoobaunt (H. m., -benja) een Baunt toom de Schoo aum Foot hoolen

Schoof (H. n., -) väl; een Deel; nich weinich

School (H. f., -en) daut Jebied wua de Liera de Schoolkjinja beliat; de Enrechtunk daut een Liera Kjinja läsen un räakjnen lieet

Schoolbenkj (H. f., -en) daut Meebel fa Schiela enne School toom setten un läsen ooda schriewen

Schoolkjint (H. n., -kjinja) een Kjint daut en eene School enjeschräwen es; een Kjint en daut Ella toom no School gonen

Schoolordninj (H. f., -en) de Räajlen fa eene School

Schoolunjarecht (H. m., -en) waut enne School jelieet woat

schoonen (schw.T.) oppe lenjd hoolen; jäajen Schoden bewoaren

Schoop (H. f., -en) een kjlienet Schefelkje toom Mell opnämen ooda toom kjliene Moten oppscheflen

schoopen (schw.T.) met eene Schoop soont aus Jeträajd opphäwen

Schoosen (H. mz.) Schowanaks; Spos; Kjnifkjes

Schoosol (H. f., -en) de Sol aun Schoo; de unjaschte Schicht von eene Schoo

Schoot (H. f., -en) 1) de Städ oppe Bowabeen wan eena sett; 2) de Schluw von Oaften ooda Schaublen

Schootbäbe (H. n., -s) een kjlienet Kjint daut oppe Schoot jehoolen mott; een Kjint daut wellich oppe Schoot sett

Schootkjint (H. n., -kjinja) een Kjint daut väl oppe Schoot sett

Schoowikjs (H. f., -) jekalieedet Waus toom Schoo blank moaken

Schop (H. n., -) een natet Tia daut Woll haft enne Städ Hoa

Schopfoarma (H. m., -/sch) een Foarma dee Schop helt

Schophäad (H. m., -en) eene Grupp Schop

Schophoad (H. m., -s) eene dee Schop häaden deit; eena dee Schop oppe Weid bewacht

Schophock (H. n., -s) een Hock wua de Schop jehoolen woaren

Schopsbock (H. m., -bakj) een hee mank de Schop

Schopschäara (H. m., -sch) eena dee Schop schäat

Schopsfal (H. n., -) een Stekj Schoplada met waut Woll doaraun

Schopskopp (H. m., -kjap) een Kopp von een Schop; een vejätsoma Mensch, een Schladonz

Schopstaul (H. m., -s) een Staul wua Schop jehoolen woaren

Schopswoll (H. f., -) Woll von Schop

Schorm (H. m., -s) waut toom äwarem Kopp hoolen toom de Sonn ooda dän Räajen  aufhoolen

schorren (schw.T.) rutschen; toopfaulen; hanfaulen

Schorsteen (H. m., -s) de Enrechtunk toom Ruak vom Owen no buten leiden

Schortinj (H. f., -en) de Doos en een Borm daut de Ieed helt von toopfaulen

Schorw (H. f., -en) Schoawel; een drieejet Stekjskje Hut

schorwich (Isw.) kjarschtich; met Schorwen; soo aus met Schorwen

Schosel (H. m., -s) een Spucht; eena dee nich gaunz derchjedocht es

schoslich (Isw.) kjinjrich; nich bedocht; nich väasechtich

Schoss (H. m., -en) een Scheeten von eene Flint ooda Flitzboagen

schottieren (schw.T.) aufschazen; äwaräakjnen

Schowanak (H. m., -s) Spikjtoakel; ut goode Meeninj wäm waut toosaten; Kjnifkje; Schoosen

schowanaken (schw.T.) Spos moaken soo daut aundre daut een bät too groff es

schräden (schw.T.) stoakj gonen met groote Staupen

schrakjen (schw.T.) vefieren

schrakjlich (Isw.) sea; sea groff; schlajcht

schraumen (schw.T.) de Hut deep krauzen

Schreft (H. f., -en) waut jeschräwnet; de Bibel

Schreftjelieeda (H. m., -de) em Nieen Tastament, eena dee de judsche Jesazen goot vestunt un unjarechten deed

schreftlich (Isw.) no de Schreft; soo aus jeschräwen steit

Schreftroll (H. f., -en) en de Biblische Tiet worden Schreften opp een langet Biet Lada, ooda waut see dan fa Papia brukten, jeschräwen un von jieda Enj oppjerolt

Schreftstäd (H. f., -en) een Städ enne Schreft, soo aus Kapitel un Varsch

Schrett (H. m., -) eene Staup

schrettwies (Isw.) een Schrett opp eemol; sacht; langsom

Schria (H. m., -sch) eena dee Sachen bekaunt jeef met lud oppe Gaussen schrieen

schrieejen (schw.T.) vedoawen met too heet kjrieen, soo aus Zeich

schrieen (st.T., schrie, schrichst, schricht, schrieech, schrieejen, jeschräajen) roopen; brellen; roaren

Schriewa (H. m., -sch) eena dee doa schrift; eena dee de Oppgow haft waut doltoschriewen

Schriewdesch (H. m., -en) een Desch jeieejent toop setten un läsen un schriewen; een Student ooda een Liera sien Desch

Schriewdinkj (H. n., -dinja) Jereetschoft toom schriewen

schriewen (st.T., schriew, schrifst, schrift, schreef, schreewen, jeschräwen) Latren opp Papia moaken; Wieed un Jedanken opp Papia brinjen

Schriewpapia (H. n., -pieren) reinet Papia ooda Papia met Lienjes daut goot es toom schriewen

Schriewwies (H. f., -en) en Gramatikj, Ortografie, ooda de Räajlen von woo en eene Sproak de Wieeda jeschräwen woaren

schrinjen (st.T., refl. daut schrinjt, schrunk, schrungen, jeschrungen) oppe Hut wee doonen

schrobren (schw.T.) jäakjen; schobben

schrobrich (Isw.) ruch; nich glaut; ommaklich kjitlich; jäakjrich; daut Jefeel daut et to schrobren fält

schroff (Isw.) jlikj too un groff räden; nich nat ooda fienfeelent

Schrooda (H. m., -sch) eene Maschien toom Jeträajd fien schrooden

schrooden (schw.T.) Jeträajd fien moaken ooda molen fa Oppmenjsel

Schroot  (H. n., -) Oppmenjsel; jeschroodet Jeträajd

Schrootflint (H. f., -en) eene Flint dee eene Japsvoll fienet Blie schitt

Schrop (H. f., -en) Schropa (H. m., -sch) Jereetschoft toom schropen; eene schoape Kaunt opp een Brat toom Schoo von unjen reinschropen; eene Barscht toom Vee ooda Pieed schropen

schropen (schw.T.) met eene schoape Kaunt waut kleiwen

Schropsel (H. n., -s) daut waut eena toopjeschropt haft

schroz (Isw.) von Akj bat Akj; nich dedwäa ooda delenjd

Schrozinj (H. f., -en) waut schrozet; een Eewa

Schrugg (H. f., -en) een oolet Pieet

schruwen (st.T., schruw, schrifst, schrift, schroof, schroowen, jeschrowen) waut dreien; een Bolten ooda Schruw loosa ooda fausta moaken

Schruwendreia (H. m., -sch) een Jereetschoft toom Schruwen dreien

Schruwglauss (H. n., -jläsa) een Glauss daut faust jeit too to schruwen toom Äten oppbewoaren

Schruwschlätel (H. m., -s) een Schlätel dee to stalen jeit, doano woo groot de Schruw ooda Mieta es

Schruwstock (H. m., -s) eene Kjlam en eene Schmäd toom Sachen faust hoolen

Schua (H. n., -sch) een Jebied toom Foatieja ooda Foarm Jereetschoft en Schulinj brinjen

schuchta (Isw.) enjstlich; nich jewoacht; trigj jetrocken

schudahauft (Isw.) sea; soo sea daut eenem daut schudat

schudren (schw.T.) tekjren wiels eenem waut soo sea jäajenaun es

schuen (schw.T.) nich waut woagen; trigj hoolen

Schuflod (H. f., -en) de Doos dee eena een Enjskje ut een Kommood trakjen kaun toom Sachen doa nenlajen ooda rutnämen, jeweenlich met eene schmocke väaschte Kaunt met een Knoop ooda Jräp

Schuft (H. m., -en) een Schosel; eena dee Schoosen drift ooda Schowanak moake

schuftich (Isw.) soo aus een Schuft; sposich

schulden (schw.T.) schuldich sennen; Schult haben

schuldich (Isw.) veflicht waut to jäwen, entwäda wiels eena daut berät haft ooda wiels eena däm aundren eenen Schoden jemoakt haft

Schulinj (H. m., -en) utem Wint; daut waut dän Wint aufhelt

Schulla (H. m., -sch/lren) de Städ wua de Oarm aum Kjarpa kjemt

Schullastekj (H. n., -a) biem Schwienschlachten, daut Fleesch aum Väaschulla; biem neien, daut waut oppem Schulla kjemt

Schulps (H. m., -) waut opp eemol äwaschulpst

schulpsen (schw.T.) schelpren; scholkjren daut et äwarant ooda äwaschulpst

Schultbewies (H. m., -) Schultschien; een Schriewen daut eenem siene Schult wiest

schultfrie (Isw.) onen Schult; nich schuldich; schultloos

Schultjefeel (H. n., -) een Jefeel daut eena waut schuldich es

Schultjelt (H. n., -jelda) Jelt daut eena aun Schult tolt

schultloos (Isw.) schultfrie; onen Schult; nich schuldich

Schultopfa (H. n., -) em Oolen Tastament, een Opfa em Tempel toom Schult vejäwen

Schultschien (H. m., -s) Schultbewies; Schultzadel; een Schriewen daut eenem siene Schult wiest

Schultzadel (H. m., -s) Schultbewies; Schultschien

Schum (H. n., -) waut eena opp seepjet Wota kjricht wan daut sea jerieet woat; waut eena oppe Malkj kjricht wan de Malkj utem Schmaunta felt

schumen (schw.T.) Schum moaken; fiene Blosen moaken, soo aus Seepblosen ooda Jeiwa

schumich (Isw.) met väl fiene Blosen; soo aus Schum

Schumkloppa (H. m., -sch) een Jereetschoft enne Kjäakj toom sea rieren ooda Schum kloppen

Schumla (H. m., -sch) eena dee dän näakjsten beschumelt

schumlen (schw.T.) schlau sennen; wäm hinjat Licht fieren; nich opprechtich sennen met waut eena schuldich es

Schunt (H. n., -) Mell; soont waut nuscht wieet es

Schunthupen (H. m., -pes) Mellklompen

schuntich (Isw.) soo aus Schunt; met Schunt; nuscht wieet; plätrich

Schuntklompen (H. m., -pes) Mellklompen; Schunthupen

Schups (H. m., -) haustich wäm schuwen ooda schupsen; eene Fru äare toopjenomne Hoa hinjen oppem Kopp

schupsen (schw.T.) haustich schuwen

schurjlen (schw.T.) een natet Jelud von waut daut sikj rieet; daut Jelud von Wota daut rant

Schusta (H. m., -sch) eena dee Schoo trajcht moakt; eena dee schustat

Schustarie (H. f., -n) een Jeschaft ooda eene Städ wua jeschustat woat; een schustren

schustren (schw.T.) waut moaken von kjliene Sachen

Schutz (H. m., -) daut waut eenem von Schoden bewoat

Schutzenjel (H. m., -/s) een Enjel dee eenem von Schoden bewoat

Schuwa (H. m., -sch) een Weediesa ooda Hack daut jeschowen woat toom Krut aufmoaken

schuwen (st.T., schuw, schifst, schift, schoof, schoowen, jeschowen) daut jäajendeel von trakjen; Druck aun waut nansaten soo daut sikj daut wieda sat

Schuwsel (H. n., -s) eene Schluw fa een Schwieet ooda uk fa een Buak, soo aus een Jesankbuak ooda Bibel

Schwäa (H. n., -ren/sch) eene enzinde Plak enne Hut

Schwäajasche (H. f., -s) eenem sien Brooda siene Fru; eenem siene Fru äare Sesta

schwäakjen (schw.T.) en Jefoa sennen vonne Bon to komen

schwäaren (schw.T.) oppschwalen; entzinden

schwak (Isw.) nich stoakj; met weinich Krauft; soont waut leicht twei jeit ooda krank woat; en Gramatikj, een Tietwuat daut de Selfstlud nich endat biem bieejen

Schwakheit (H. f., -en) een Stekj ooda eene Städ wua eena/waut schwak es

schwakjen (schw.T.) toodroagen daut waut nich mea soo stoakj es

Schwal (H. f., -en) de Kaunt unja eene Butadäa; eene Kaunt oppe Flua

schwälen (schw.T.) brennen onen Flaumen, soo aus Gloot

schwalen (schw.T.) dikja woaren; schwäaren

schwaljen (schw.T.) sea väl drinkjen

Schwama (H. m., -sch) eena dee schwamt

schwamen (st.T., schwam, schwomt, schwommen, jeschwommen) em Wota bliewen un nich unjagonen; sikj em Wota wieda bewäajen met Oarms un Been rieren

Schwamgort (H. m., -s) eene Wast dee eenem em Wota nich lat unjagonen

Schwamies (H. n., -) groote Stekja Ies em Ozean

schwanda (Isw.) komparativ von schwoa

schwanga (Isw.) pregnant; em Toostaunt sennen een Kjint to kjeepen

schwarjen (schw.T.) sea väl drinkjen

schwaublen (schw.T.) waklen; sikj siedlinjs bewäajen biem gonen

Schwaulem, Schwaulemkje (H. n., -s) eene Sort Voagel met eenje bleiwelje Fadren, dee fräten Ojjezeffa

Schwaulmuachkje (H. n., -s) eene Sort Bloomen; Pansies

Schwaum (H. m., -s) Sponzh; Schwom

Schwaunzhobel (H. f., -) eene Sort Onkrut

Schwaups (H. m., -) een schwaupsen; een Tekjs, soo aus opp Enj von een Strank ooda eene Wipp; haustich [met een Schwaups]

schwaupsen (schw.T.) haustich schlonen; von een Foatich, siedlinjs bewäajen soo aus eena doa nich opp jeräakjent haud; de Bewäajunk von daut Enj von eene Wipp ooda een Strank dee jeschmäten woat

Schwaut (H. n., Schwäd) eene Rieej jeschnädnet Jeträajd met een Schwauta jeschnäden

Schwauta (H. m., -sch) een Jereetschoft toom riepet Jeträajd en Schwäd schnieden

schwautren (schw.T.) Jeträajd en Schwäd schnieden met een Schwauta

Schwauza (H. m., -/sch) eena dee väl schwauzt ooda vetalt

schwauzen (schw.T.) väl vetalen; novetalen; schwietren

Schwäwel (H. m., -len) Schwäwelholt (H. n., -helta) een kjliena Stock, Holt ooda Papia, dän eena strikjen mott toom een Fia moaken

Schwäwelblitt (H. n., -) een jälet Chemiko, daut leicht brent, un en Schwäwel jebrukt woat

schwäwen (schw.T.) enne Loft henjen onen daut et aun waut aunjebungen es

schweessen (schw.T.) met elekjtrischet Fia Iesa met Iesa vebinjen

Schweet (H. m., -) de Feichtichkjeit de ute Hut kjemt wan eenem heet es

Schweetdrus (H. f., -en) eene Drus enne Hut dee Schweet aufjeft

Schweetduak (H. n., -dieekja) een Duak toom Schweet weschen ooda toom ombinjen toom Schweet oppnämen

schweeten (schw.T.) Feichtichkjeit ute Hut jäwen; soo heet seenen daut eena Schweet aune Hut kjricht

Schweetkolla (H. f., -sch) daut waut unja een Pieetskolla jesat woat toom Schweet oppnäme

Schwenjel (H. m., -s) eene Stang aun Jereetschoft toom enstalen

Schwenjelkrauft (H. f., -en) daut waut eena met soowaut aus een Koofoot ducken kaun

schwenjlen (schw.T.) eene Schwenjel enstalen

Schwieedochta (H. f., -dajchta) eenem sien Sän siene Fru

Schwieemutta (H. f., -mitta) een Maun siene Fru äare Mutta

Schwieesän (H. m., -s) eenem siene Dochta äa Maun

Schwieevoda (H. m., -sch) eene Fru äa Maun sien Voda

Schwien (H. n., -) een Tia daut jehoolen woat toom schlachten; (dim.) Schwienkje, -s

Schwienarie (H. f., -n) väle schwiensche Sachen; een groota ooda Trubbel

schwiensch (Isw.) drakjich; nich rein; beschmäat ooda besprezt

Schwiensfat (H. n., -) Fat ooda Schmolt von Schwien

Schwiensfleesch (H. n., -) Fleesch von Schwien

Schwienshoad (H. m., -s) een Hoad fa Schwien

Schwienskrut (H. n., -) eene Sort Onkrut

Schwienslada (H. n., -sch) Lada von een Schwien

Schwiensschwoat (H. f., -en) een utjebrodnet Stekj Schwiens Lada

Schwienstaul (H. m., -s) een Staul fa Schwien

schwieren (st.T., schwuaren, jeschwuaren) opp eenen Eit vespräakjen

schwierich (Isw.) schwoa sennen, von Oabeit ooda een Plon derchfieren

Schwierichkjeit (H. f., -en) waut schwieejet ooda schwoaret; soont waut schwoa to doonen es

schwietren (schw.T.) pienich vetalen; schnautren; schwauzen

schwind (Isw.) bosich; fuaz; sea boolt; haustich

Schwindla (H. m., -sch) eena de aundre hinjat Licht fieet; eena dee aundre utnuzt

schwindlen (schw.T.) wäm bedrieejen; hinjat Licht fieren

Schwitt (H. f., -en) eene groote Grupp; väl opp eemol

schwoa (Isw.; schwoa, schwanda, schwanste) väl Wicht haben; soont waut nich leicht to vestonen es; soont wua eena sea denkjen mott toom waut doonen

schwoafalich (Isw.) soo aus eena dee sea schwoa es; soont waut väl Aunstrenjunk brukt

Schwoaga (H. m., -sch) eenem siene Fru äa Brooda; eenem siene Sesta äa Maun

schwoahierich (Isw.) schlajcht hieren kjennen; nich goot hieren

Schwoakj (H. n., -) soo väl Wolkjen daut de Himmel gauns bedakjt kaun woaren

schwoalierich (Isw.) schlajcht waut lieren kjennen; nich bosich waut lieren kjennen

Schwoarm (H. n., -s) hundade Väajel ooda Kjniepasch dee toop flieejen

schwoarmen (schw.T.) en een Schwoarm toopkomen; aus een Schwoarm flieejen

Schwoat (H. f., -en) Schwienslada

schwoat (Isw.) eene Kalia

Schwoatbroak (H. f., -en) eene Stap dee nich enjeseit woat fa een Joa, toom Onkrut doot moaken ooda toom Feichtichkjeit saumlen

Schwolst (H. n., -) daut oppjeschwolne

Schwom (H. m., -s) een Sponzh; een leichtet Gumm daut gaunz voll Lajcha es un Wota hoolen kaun

Schwon (H. m., -s) een Voagel meist soo aus eene Ent, met een schmocken langen Hauls

schwool (Isw.) met väl Feichtichkjeit enne Loft

Schwunk (H. m., -) Spied; Jeschwindichkjeit; de Krauft von waut aum ranen to bliewen

Schwunkraut (H. n., -räda) een schwoaret Raut aun een Moota, daut doa halpt daut de groote Wall eenjemoten eegol dreit

sea (Isw.) väl; met väl; intensiv; groff; butajeweenlich

seaväl (Isw.) väl; een grootet Deel

secha (Isw.) neiw; jewess; werkjlich; en Woarheit; soo aus beschloten

Secht (H. f., -) waut eena seenen kaun; woo eena waut besitt; woo eena waut aufschazt

sechtboa (Isw.) to seenen; kloa; nich vestoaken

See (H. f., -en) een Mäa; een grootet Wota

seekrank (Isw.) krankheit von opp een Schepp schoklen

Seel (H. f., -en) een Jliet enne Jemeent; daut Poat vom Mensch daut nienich stoawen woat

seelenvejnieecht (Isw.) ruich un jlekjlich; sea tofräd

seelich (Isw.) von Gott aunjeräakjent

Seelichkjeit (H. f., -en) daut himlische Jlekj; Gott sien Säajen opp Menschen

seelisch (Isw.) soo aus em Jemiet

Seelsorja (H. m., -/sch) een Prädja ooda eena vonne Jemeent dee eenem jeistliche Sachen lieet

Seemaun (H. m., -na) eena dee opp een Schepp oabeit

seemen (schw.T.) eenen Soom neien

seenen (st.T., see, sitst, sitt, sach, sagen, jeseenen) met de Uagen venämen; metem Vestaunt venämen

Seep (H. f., -en) waut eena biem wauschen brukt toom reina wauschen aus bloos Wota

Seepblos (H. f., -en) Schum

seepen (schw.T.) seepich moaken; met Seep enriewen; too väl to drinkjen jäwen

seepich (Isw.) met Seep; soo aus Seep; jlipsich

Seepwota (H. n., -) seepjet Wota

Seereis (H. f., -en) eene Reis äwarem See

Seespieejel (H. m.) de Hecht vom Ozean; de Hecht von Wota en een Borm

Seestorm (H. f., -s) een windja Storm oppem Mäa ooda See

seet (Isw.) dän Jeschmak von Zocka, Honnich ooda Zieropp

Seetichkjeit (H. f., -en) Seets; Kende; Kuaken

Seets (H. n., -) Kende ooda seete Kuaken

seetsua (Isw.) beides seet un sua

seften (schw.T.) kort aun Loft sennen; gaupen

seien (schw.T.) Sot enne Ieed saten ooda plaunten toom jewesse Plaunten kjrieen

Sein (H. m., -s) een Tieekjen aune Sied vom Wajch, daut eenem weeten lat waut doa opp däm Wajch kommen woat

seit (Isw.) no eene jewesse Tiet

Sekjreet (H. f., -en) see Zekjreet; Auftrett; Bekjhus; Hieskje

Sekund (H. f., -en) see: Zekund

selden (Isw.) han un wada; nich foaken; wietleftich

selfst (reflexiv Pron.) ekj; mie

selfstbeharschen (schw.T.) Jewessenhauft sennen

Selfstschutz (H. m.) een Unjanämen von Mennoniten en Russlaunt en de 1920ja Joaren, sikj to wäaren von de Anarkjisten

selfstsechtich (Isw.) ekjich; nosikj; bloos no sikj selfst oppaussen

selfststendich (Isw.) nich aufhenjich von aundre

Selfstlud (H. f., -) en Gramatikj, eene Lata dee eena lang un lud sajen kaun, ‘a, e, i, o, u’; dee kjennen uk dobbelt stonen en Dobbelselfstlud, ‘au, ee, ie’ usw

sellen (st.T., Helpatietwuat, saul, saust, saul, sull, sullen, haben sult) motten; unja Druck sennen waut to doonen

Selwa (H. n., -) eene Sort Metol

Selwablajch (H. n., -s) sea denne Stekja Selwa

Selwastekj (H. n., -a) een Stekj Selwa; een Stekj Jelt to eene Tiet

selwrich (Isw.) soo aus Selwa

semlen (schw.T.) schluaren; Tiet nämen

Semlin (H. f., -en) eene Woninj haulf enne Ieed, un haulf von oppjefliede Sooden, met een Dak

Semmie (H. m., -s) een groota trock onen Baks, de Baks woat oppoat aunjehoakt

Senja (H. m., -) een Sinja; eena dee Sinjen halpt ooda leit

senjen (schw.T.) Hoa ooda Frensen vebrennen; veschrieejen; soo heet daut et meist brent

Senn (H. m., -) de Enhault; de Bediedinj; Meeninj; de Wieet von waut

sennen (schw.T.) nodenkjen; äwadenkjen

Sennunk (H. f., -ngen) Jesennunk; eene Oat von denkjen; eene Enstalunk

sent (st.T., ekj sie/senn/ben, du best, hee/see/daut es, wie sent, ekj wia, du wieescht, hee/see/daut wia, wie wieren, woaren sennen, sie/senn/ben jewast) Toostaunt haben; Existenz haben

Septamba (H. m., -sch) de näajende Moonat; de Moonat tweschen August un Oktooba

Serrei (H. f., -en) een prostet Jebied; eene oame Woninj

sest (Isw.) aundasch; wan nich

Sesta (H. f., -tren) miene Elren äare Dochta

sestwäa (rel. Pron.) een aundra; irjent een aundra

sestwäm (rel. Pron. obj.) eenen aundren; irjent eenen aundren

sestwaut (rel. Pron.) waut aundret; irjent waut aundret

sestwua (rel. Pron.) eene aundre Städ; irjent eene aundre Städ

Setfleesch (H. n., -) daut Fleesch opp woont eena sett; de Schinkjen

Setlada (H. f., -sch) eene Sett met Fadren opp een Woagen

Setplauz (H. m., -plaza) eene Städ toom setten

Setstow (H. f., -en) eene Stow toom setten un spazieren

Sett (H. f., -en) eene Städ toom setten; eene Benkj ooda Stool

setten (st.T., sett, saut, sauten, jesäten) waut eena opp eenen Stool deit

sexuel (Isw.) soo aus Jeschlajchtsvekjia; met Jeschlajchtsvekjia

Sie (H. f., -en) een Jereetschoft toom soowaut aus Malkj sieen; een groota Trechta met een Siekodda ooda Zeich äwarem Boddem toom Flekja ut de Malkj sieen

sie (st.T.) see sent

Siech (H. m., Siej) een jewennen, soo aus em Kjrich

Sied (H. f., -en) 1) Kaunt; Butawaunt; 2) eene Sort glautet Zeich

Sieden (H. f.) eene Rechtunk, jäajenäwa von Nuaden, rajchtsch von Oosten un linjsch von Wasten

sieden (Isw.) soo aus Sied; von Sied

Siedla (H. m., -/sch) eena dee aunsiedelt; eena dee en eene niee Jäajent trakjt

siedlich (Isw.) nom Sieden han

siedlinjs (Isw.) no de Sied han

Siedlunk (H. f., -gen) eene Jäajent wua een poa Famieljes aunjesiedelt sent

Siedwint (H. m., -) de Wint vom Sieden

sieekjen (st.T., sieekj, socht, sochten, jesocht) sikj bemieejen waut to finjen

sieen (schw.T.) derch eene Sie nämen; Flekje un Splauj ut waut flissendjet rutsieen

siejen (schw.T.) jewennen

Siekodda (H. n., -dren) daut Kodda ooda Zeich toom unjen enne Sie

Sielantro (H. m., -) eene Sort Kjriedarie, sea bekaunt en Mexiko

Sielo (H. n., -) Jreenfooda fa Vee

siemen (schw.T.) schluaren; semlen; Tiet nämen

sien (pron.) daut wiest wäm daut jehieet

siepren (schw.T.) lakjen; kjlakjren; sea sacht ranen, von waut flissendjet

sieprich (Isw.) soo aus Wota daut sea langsom rant

sikj (reflexiv Pron.) hee selfst, see selfst

Silb (H. f., -en) een Poat von een Wuat met een Selfstlud un eent ooda mea Metlud; tB Men-no-nit-en won-en von-doag en-ne gaunz-e Welt

Siltkjees (H. n., -) jemolnet Koppfleesch vom Schwien

Simbool (H. n., -en) een Tieekjen daut fa waut steit; een Kjriez es een Simbool von Jesus sien lieden un doot

Sinaiboajch (H. m., -boaj) een Boajch tweschen Äjipten un Israel, wua Moses un de Israeliten de Tieen Jebooten kjrieejen

Sind (H. f., -en) daut waut ver Gott orrajcht es; daut waut eene deit oba nich haud sult doonen; daut waut eena nich deit, oba haud doonen sult

Sinda (H. m., -) dee wäa eene Sind bejeit

Sindach (H. m., -doag) de ieeschta Dach enne Wäakj; de Dach tweschen Sinowent un Mondach

Sindachschool (H. f., -en) eene School aum Sindach toom Biblische Jeschichten un Lieren unjarechten

sindjen (schw.T.) Sinden begonen

sindoagsch (Isw.) soo aus toom ooda aum Sindach

Sinja (H. m., -/sch) een Senja; eena dee sinjt ooda sinjen leit

Sinjagrupp (H. f., -en) eene Grupp dee toop sinjt

sinjen (st.T., sinj, sunk, sungen, jesungen) Wieeda met Melodie sajen

Sinkj (H. n., -) eene Sort Metol

sinkjen (st.T., sinkj, sunk, sunken, jesunken) läaja gonen; rauf en waut nengonen

Sinowent (H. m., -s) de säwenda Dach enne Wäakj; de Dach tweschen Friedach un Sindach

sintlich (Isw.) soo aus Sind; met Sind

Sippschoft (H. f., -en) Frintschoft

Sisteem (H. n., -en) aul daut waut to eene Oabeit hieet; aul de Enrechtungen de eene Famielje toophelt un schaufen moaken

sitlich (Isw.) opprechtich; goot aunjeseenen; rajcht

Sitten (H. mz.) eene Jewanheit en eene Grupp ooda Jemeent; soo aus eene Grupp daut haft ooda jewant es; waut eene Grupp von Jlieda velangt

Sklow (H. m., -en) een jekofta Oabeida de kjiene Frieheit haft ooda kjrieen woat, buta de Ieejendeema jeft am daut

Sklowarie (H. f., -n) de Gloowen un Jebruck von Sklowen hoolen

Skorpion (H. f., -en) eene jeftkje Spand

Soag (H. f., -en) Jereetschoft toom hoade Sachen, soo aus Holt un Iesa, schnieden; een dennen Iesa met Zaken aun eene Kaunt, dee en waut nenn soagen wan dee aun waut schieet

soagen (schw.T., soag, soachst, soacht, soagd, soagsd, soagd, soagden, jesoacht) met eene Soag waut schnieden

Soagespoon (H. n., -) daut fiene Spoon von soagen

Soagmäl (H. f., -en) een Jeschaft ooda Aungonen wua Kjneppels veschelpt un vesoacht woaren

Soagraut (H. n., -räda) eene runde Soag, dee dreien mott toom soage, un daut waut jesoacht woat, woat doa naun jehoolen

soagtänich (Isw.) zakich; oneegol; haksich

soajen (schw.T.) wäm beleidjen

Soakj (H. n., -en) de Doos ooda Kausten toom eenen Dooden nenlajen toom begrowen

Soakjdakjsel (H. n., -s) daut Dakjsel von een Soakj

Socht (H. f., -en) eene Oat von Krankheit; daut Jelud von Loft enholen

Socken (H. mz.) korte Stremp

socken (schw.T.) tofoot gonen; schwoafalich gonen

Soddaräajen (H. m., -s) een fiena Räajen

Sodel (H. n., -s) de Sett opp een Pieet fa een Ritta

Sodelkorf (H. m., -kjarw) een Korf aum Sodel toom Sachen metfieren

Sodeltiet (H. f., -tieden) Tiet toom seien

sodren (schw.T.) fien un wietleftich räajnen

Sol (H. f., -en) de unjaschte Schicht von eene Schoo; (H. m., -s) eene groote Stow

Soldot (H. m., -en) eena dee en de Armee schauft un reed moakt to kjriejen

Soldotenhoot (H. m., -heed) eene hoade Metz fa een Soldot toom sienen Kopp schitzen

Soldotenloaga (H. n., -sch) een Loaga von Soldoten; eene Siedlunk von Soldoten, jeweenlich en Zelten, toom leicht wieda trakjen

Solt (H. n., -) waut eena brukt toom Äten solten ooda schmakhauft moaken

Soltdinkj (H. n., -nja) een Soltstreia; een Behelta met Solt

solten (schw.T.) Solt opp waut streien ooda schedden

soltich (Isw.) soo aus Solt; met Solt

Soltmäa (H. n.) een Mäa en Palestina, daut sea soltjet Wota haft

Soltpeeta (H. f., -) eene besondre Sort Solt

Soltplak (H. f., -en) eene Plak opp eene Stap dee foaken lang naut blift un eene witte soltje Kjarscht kjicht wan de utdrieecht

Soltsteen (H. m., -a) een hoadet Stekj Solt wua daut Vee aun lekjt

Soltstreia (H. m., -sch) een Streia met Solt oppem Desch toom nosolten

Somen (H. m., -) een Maun sien Sot, daut needich es toom Kjinja haben

Somm (H. f., -en) eene Auntwuat von Nummasch tooptalen

Somma (H. m., -sch) de heete Tiet em Joa, enne nuadliche Lenda es daut em Juni, Juli un August, en de siedliche Lenda Dezamba Jaunewoa un Feebawoa

Sommaborsch (H. m.) een Borsch met Ieetschocken, Suaromp, Ziplen un Kjriedarie

Sommahus (H. n., -hiesa) eene tweede Woninj, jeweenlich nich soo volstendich aus de aundre, wua de Famielje em Somma wont

Sommakjäakj (H. f., -en) een kjlienet Hus, foaken hinja daut Wonhus, wua em Somma jekoakt un enjekaunt woat, toom daut Hus nich too sea opphetten

Sommamol (H. f., -en) eent von de brune Plaken dee lichthutje Menschen foaken em Somma kjrieen

sommen (schw.T.) brommen; een leiset bestendjet Jelud moaken em Hauls

Somp (H. m., -) eene blotje Städ wua eena kunn stäakjen bliewen

sompich (Isw.) soo aus Somp; met Somp; blottich; soo aus wieekje naute Ieed

sondaboa (Isw.) butajeweenlich; oppfaulent

Sondakonst (H. f., -en) waut vestonen ooda kjennen waut meist kjeen aundra kaun; eene butajeweenelje Begowunk

sondasorj (Isw.) eendoontich; met kjeen beduaren

Sondawoakj (H. n., -en) eene butajeweenelje Oabeit

sondren (schw.T.) oppoat nämen; deelen

Sonn (H. f., -en) daut groote Licht aum Himmel äwadach

Sonnelicht (H. n., -) daut Licht vonne Sonn

sonnen (schw.T.) enne Sonn hoolen ooda sennen; väl Sonneschien kjrieen

Sonnenbloom (H. f., -en) eene Sort Plaunten von dee Knaksot kjemt

Sonnenklock (H. f., -en) eene Klock dee bloos een Stock opp eenen Desch es, de Schauten von de Klock wiest de Tiet

Sonnenschien (H. m., -) daut direkjte Licht vonne Sonn

Sonneschorm (H. m., -s) een Schorm toom Schauten moaken em Sonneschien

Sonnestich (H. m., -) de Krankheit von too heet woaren enne Sonn

Sonnestrol (H. f., -en) eene Strol Sonnelicht

sonnich (Isw.) met väl Sonneschien; dach

Sonnoppgonen (H. n., -s) daut oppgonen von de Sonn

Sonnunjagonen (H. n., -s) daut unjagonen von de Sonn

soo (Isw.) woa, werkjlich; dissen Wajch

sooboolt (Isw.) wan ieescht; opp Bedinjunk, von Tiet; soofuaz

Sood (H. m., -en) een Stekj Ieed daut gaunz derchjewossen es von Graus Wartlen

Sooda (H. n., -) halpt een Dieech een bät oppgonen wan Häw nich jebrukt woat

Soofa (H. m., -s) eene wieekje Settbenkj

soofuaz (Isw.) sooboolt; opp Bedinjunk, von Tiet

soogoa (Isw.) uk; toom wundren

soogoot (Isw.) soo goot

soojenant (Isw.) met soonen Nomen

soojlikjs (Isw.) fuaz; nu; irjent een Moment

soolang (Isw.) wan; wäarent; wiel

Soom (H. m., Seem) de Striep wua Zeich jeneit es

soomea (Isw.) meist; meist gaunz

soon (relativ Isw.) soo aus; biejlikj soo

soorajcht (Isw.) werkjlich

sooväl (Isw.) soo väl

soowaut (Isw.) soo waut; biejlikjs soo

soowautahäa (Isw.) biejlikjs soont

soowiesoo (Isw.) eenen Wajch ooda dän aundren; helt sikj jlikj; moakt nuscht ut

soowiet (Isw.) bat nu; noch

Sorj (H. f., -en) een beduaren; väl romjäwen fa wäm; foaken aun waut schwoare denkjen

sorjen (schw.T.) duaren; Sorj fa wäm/waut haben; beduaren

sorjfeltich (Isw.) krakjt; met Mieej

Sort (H. f., -en) eene Grupp Sachen dee eene ooda een poa Ieejenschoften äwareen haben

sorten (schw.T.) en Sorten deelen

Sot (H. f., -) de riepe Kjieena dee em Goaden ooda oppe Stap jeseit woaren; Sonnenbloomen Sot

Sotich (H. n., -) fienet Sot, soont aus em Goaden jebrukt woat

Sotjeträajd (H. n., -) Jeträajd daut to Sot jebrukt woat

Sotkuarn (H. m., -kjieena) de Kuarn en Sonnenbloomen Sot

Soton (H. m., -s) de väaschta von de beese Jeista

späaren (schw.T.) feelen; enwoaren

Spakj (H. f., -) Schwiens Fat jeschelwat un jebrot toom äten

Späla (H. m., -/sch) eena dee en een Spell, ooda met een musikalischet Instrument, spält

Spald (H. f., -en) eene Notel met een Kopp [Koppspald], met waut toom de Spetz veschlute [Schlutspald] ooda met waut schmocket toom wua aunspalden toom schmockloten

spalden (schw.T.) met eene Spald waut faust moaken

spälen (schw.T.) toom Vejnieejen waut doonen

Spälhaul (H. f., -en) eene grootet Jebied met eenen grooten opnen Rum toom spälen

Spälkommarod (H. m., -en) een Frint met däm eena väl spält

Spälpopp (H. f., -en) eene Popp aun lange Benja dee von bowen met de Benja Bewäajungen jejäft woat

spälrich (Isw.) jieren spälen; soo aus biem spälen

Spälrum (H. n., -) bie Jereetschoft, Rum toom sikj jäwen; de Tiet benna waut jedonen mott

Spälstow (H. f., -en) eene Stow wua de Kjinja spälen kjennen

Spälstund (H. f., -en) Pause; de Tiet enne School wan Kjinja buten spälen

Spältich (H. n., -) de Sachen met woone een Kjint spält

Spand (H. f., -en) een acht beenja Kjniepa, de fräten jeweenlich Flieejen un aundre Kjniepasch

Spandenjewäw, Spandewäw (H. n., -) daut Nat daut eene Spand but toom Flieejen jriepen

Spanien (H. f.) een Launt en Europa, von wua de spanische Sproak kjemt

Sparjel (H. f., -) eene Sort Plaunten em Goaden; de dikja wieekja Staum von Sparjel, dee toom Äten moaken jebrukt woat

Sparkplogg (H. f., -en) daut Jereetschoft aun een Moota daut von een Fiadrot Fia moakt toom de Gasolien äwa däm Piston aunstekjen

spatren (schw.T.) spotten; veachten; jemeen hoolen waut een grooten Wieet haft

spaunen (schw.T.) hitschen

spaunisch (Isw.) soo aus de Spaunische Sproak; met de Spaunische Sproak

Spaunsel (H. n., -s) een Baunt ooda eene Kjäd dee jebrukt woat toom Vee dän Spälrum met de Been wajchnemt, soo daut dee nich wajchranen ooda hasren kjennen

Spauz (H. m., -en) eene Sort Väajel

Spazia (H. f., -) eene Erfoarunk met spazieren

Spaziastow (H. f., -en) de Grootestow; eene Stow toom Jast oppnämen un spazieren

spazieren (schw.T.) nobren; met Frind vetalen

speelen (schw.T.) met kloaret Wota wauschen; reinet Wota äwa waut ranen

Speelwota (H. n., -) Wota toom Sachen speelen, soo aus von Seep ooda von Ieed

Speena (H. mz.) Soagespoon; Häwelspoon; Iesaspoon

Spekja (H. m., -sch) Spella; een spetzet Holt ooda Iesa daut eena kaun enne Hut jespekjt kjrieen

Spekjakrut (H. n., -) Krut met väl Spekjasch

Spekjastruck (H. n., -) Struck met väl Spekjasch

spekjen (schw.T.) met een Punkt, Notel ooda Spiess wua nendrekjen

spekjren (schw.T.) met väl kjliene Spekja spekjen

spekjrich (Isw.) soo aus Spekjasch; met Spekjasch; schoap

Spekjtoakel (H. n., -s) een Opphäwsel; Klommua;

Spell (H. n., -s) een Gäm; tB Daumbrat, Kjnipsdesch, Jriepa, Vestäakja, usw

Spella (H. m., -sch) Spekja

Spellvedoawa (H. m., -/sch) eena dee een Spell vedoaft, jeweenlich met nich de Räajlen hoolen

Spellvemedla (H. m., -/sch) een Rechta von een Spell dee daut Wuat jeft wäajen waut rajcht un waut orrajcht es

spelren (schw.T.) von Holt, kjliene Spoolungen kjrieen

Spelz (H. n., -) eene Sort Jeträajd, dee nich väl jeräakjent woat

spendobbel (Isw.) frie ooda wellich Jelt brucken;

spenkjren (schw.T.) vejoagen; joagen; schechren

spennen (schw.T.) von Woll een Drot ooda Twierem moaken

Spennraut (H. n., -räda) Jereetschoft toom spennen

Spennstock (H. m., -stakja) Jereetschoft toom spennen

Spetta (H. m., -) eena dee Spott drift; eena dee een Jespata en siene Räd haft

spettisch (Isw.) met Spott; met spatren; spatrich

Spetz (H. f., -en) de Punkt wua waut utspezt; de Punkt wua twee Lienjes toopkomen; spetzet Kjnepkje

spetz (Isw.) schoap; soo aus daut Enj von eene schoape Bliesteft ooda een Feil

Spetzakj (H. f., -en) eene Akj dee kjlanda aus towinkjel es

Spetzbub (H. m., -en) een Stäla; eena de Schowanak moakt

spetzen (schw.T.) spetz moaken; opp waut räakjnen

Spie (H. m., -) Kjwiel; Spuck; Kwaulsta

Spied (H. m., -) Jeschwindichkjeit; woo bosich eena foat; de Kontroll aun een Foatich ooda Moota daut de Jeschwindichkjeit ooda Spied enstalt

Spieejel (H. m., -s) een Glaus daut von eene Sied schwoat jemoakt es soo daut eena sikj en de aundre Sied seenen kaun

spieejelblank (Isw.) dach aus een Spieejel

spieejlen (schw.T.) de Oabeit von een Spieejel doonen; wadaschienen

Spieekj (H. f., -en) eene Stang, Iesa ooda Holt, dee von Medraut bat aum Raut rant, soo aus aun Beisikjels ooda groote Räda

spieen (schw.T.) spucken; kjwielen; kwaulstren

Spieetes (H. n., -) Alkohol toom aum Kjarpa enschmäaren; uk toom Schems enschmäaren jäajen Entzindunk

Spiejoon (H. m., -en) eena de Schlau en een aundret Launt forscht, om mettokomen ooda toom äwafaulen

spiejoonen (schw.T.) de Oabeit von een Spiejoon doonen; schlau no waut siekjen, onen weeten to loten, wuatoo daut jesocht woat

Spiekomm (H. f., -en) Spietopp; eene Komm toom nenspieen

Spiel (H. f., -en) bie Heena, korte Fadren dee trigj enne Hut jewossen sent

spielen (schw.T.) de Tänen wiesen

Spiess (H. m., -en) een Stock met een schoapet spetzen Enj toom waut vespekjen

spiessen (schw.T.) stäakjen; spekjen; met een Spiess stäakjen

Spiet (H. m., -) daut Jefeel daut eenem spietich ooda veachtent moakt

spietich (Isw.) veachtent; met Spott

Spietopp (H. m., -tap) Spiekomm; een Topp toom nenspieen

Spikja (H. m., -sch) een Jebied toom Jeträajd enschedden; een Jebied toom aundre wieetvolle Sachen oppbewoaren

Spikjarum (H. m., -) de Rum  em Spikja; de Mot von een Spikja

spikjren (schw.T.) em Spikja hoolen; oppbewoaren

Spikjtoakel (H. n., -s) een Schowanak; Spos

spikjtoaklen (schw.T.) een Schowanak driewen; Spos moaken

Splät (H. f., -en) een sea dennet Brat

Splätentun (H. m., -s) Sproten Tun; een Tun von schmaule Bräda nopp un rauf un emma soo wiet utenaunda aus een Brat breet

Splauj (H. n., -) fienet Haksel; Stroo em Wint

spleessen (schw.T.) twee Enja von Strank faust toopmoaken onen eenen Knoppen, de Enja woaren een kortet Enj opjewrabelt un toopjespleest

Splein (H. f., -s) Ranen delenjd de Wal aum Enj toom en een Tankenloch nenpaussen un jedräwen woaren

Spletta (H. m., -sch) Spekja; een kjlienet spetzet Stekj Holt enne Hut jeholt

Splint (H. f., -en) een Drot derch een Loch en eene Stang toom väahoolen waut doa well raufrutschen; een veakauntjet Iesa toom een Raut faust moaken opp eene Wal

splintanoaktich (Isw.) gaunz onen Kjleeda

sploaren (schw.T.) breet op gonen

Spoa (H. f., -ren) daut Tieekjen oppe Ieed ooda eene Flua von eene Schoo

Spoa (H. n., -sch) de Bolen wua de Dakbräda nopp jenoagelt woaren

Spoahieet (H. n., -s) Enrechtunk toom opp een Fia koaken

spoakbeenich (Isw.) met denne Been

Spoalinkj (H. n., -nja) eene Sort Väajel

spoaren (schw.T.) spoasom sennen; sea oppaussen daut eena nich väl Jelt brukt; nich rikjlich brucken von waut eena haft; Sachen ooda Jelt wajchlajen daut eena een Väarot haft en eene knaupe Tiet

spoasom (Isw.) weinich brucken; sikj nich väl jennen; Väarot wajchlajen

Spodem (H. m., -s) eene nate oba stoakje Scheffel toom Ieed growen

Sponzh (H. n., -en) Schwaum; Schom; een Gumm met väl Lajcha soo daut et kaun Wota hoolen un toom wauschen jebrukt woat

spooden (schw.T.) bosich sennen; sikj nich Tiet loten; soo schwind aus mäajlich no waut aundret gonen

Spoolarie (H. f., -n) eene Spoolinj

spoolen (schw.T.) von Holt, enne lenjd opbräakjen

Spoolinj (H. f., -en) Spoolarie; de Retz wua waut oppritt

Spoolkje (H. n., -s) een rundet Dinkj toom Twierem oppwekjlen

Spoolunk (H. f., -ngen) Spoolinj; Spoolarie

Spoon (H. n., Speena) de fiene Bieta von soagen ooda häwlen

Sport (H. n., -) de veschiedne Spells ooda Gäms de toom scheengonen un utsprinjen jespält woaren

Sportplauz (H. m., -plaza) een Hoff dee to Sport jeieejent es

Spos (H. n., -) Jemeenschoft dee scheenjeit un eenem lachen moakt

spossen (schw.T.) Spos moaken; fonje Jeschichten vetalen; Kjnifkjes driewen

spossich (Isw.) fonnich; toom lachen

spotten (schw.T.) en eenen jemeenen Wajch von waut räden daut eenen grooten Wieet haft; veachten

spottent (Isw.) met spotten

Spräakjel (H. n., -s) kjliene Stekja Fleesch enne Supp

spräakjen (st.T., spräakj, strakjst, sprakjt, spruak, spruaken, jesproaken) een Uadeel jäwen

Sprechwuat (H. n., -wieed) een Spruch; eene Saj, dee eenem belieet, tB: derch däm Schoden woat eena kluak

Spree (H. mz.) eene Sort schwoate Väajel

Spreed (H. f., -en) Deschdakj; eene schmocke Dakj toom opp een Schaup; Loaken

spreeden (schw.T.) bedakjen; utbreeden

sprenjen (schw.T.) Vee enjsten un joagen; explodieren

Sprenjpulwa (H. n., -) Pulwa toom sprenjen, explodieren; Deinameit

Spretz (H. f., -en) Jereetschoft toom spretzen; Jereetschoft met eene Notel toom Medizien enspretzen

spretzen (schw.T.) Dreppen Wota velieren ooda vespreeden; met fiene Dreppen waut wauschen ooda speelen

Spretzkaun (H. f., -en) eene Kaun met kjliene Lajcha opp Enj von de Jeetpiep, soo daut et Wota nich too sea poascht, oba bloos nat sprezt

Sprie (H. n., -) Splauj; fienet Stroo

sprinjen (st.T., sprinj, sprunk, sprungen, jesprungen) hupsen; fadren

Sprinkj (H. m., -en) Kjwal; eene Städ wua Wota ute Ieed kjemt

Sproak (H. f., -en) eene Rädensoat, soo aus Dietsch, Spanisch, Enjlisch usw.

Sproaklia (H. f., -lieren) Gramatikj; de Lia von Räajlen en eene Sproak

Sprockheista (H. m., -/sch) een sea aktivet Kjint

Sprot (H. m., -en) daut Holt tweschen de Ruten en een Fensta; de Holtstekja tweschen de Feet von een Stool; een schmaulet Brat; eene Splät

Spruch (H. m., Spricha) een Varsch, soo aus enne Bibel; een Sprechwuat

Sprunk (H. m., Sprung) een Hups

Spua (H. f., -ren) Spoa; Bewies daut waut ooda wäa doajewast es

Spucht (H. m., -) eena dee Spos moakt

spuchten (schw.T.) Spos moaken; spossen

Spuck (H. n., -) Spie; Kjwiel

spunjen (schw.T.) soowaut aus Stroo ooda Haksel romschmieten ooda vespreeden

Stäakj (H. f., -) eemol met Notel un Drot enspekjen un trigjrut komen; Weedoag

stäakjen (st.T., stäakj, stakjst, stakjt, stuak, stuaken, jestoaken) spiessen; biem Schwienschlachten de groote Oda em Hauls derchschnieden, toom utbleeden

stäakjenbliewen (st.T.) von wua nich wieda kjennen; faust woaren

Stäakjflieechkje (H. n., -s) een kjlienet Flieechkje daut enne Hut nenspekjt toom Bloot suen

Stäakjmassa (H. f., -sch) een Massa, jeweenlich von beid Sieden jeschoapt, toom Schwien stäakjen toom utbleeden

Stäakjnotel (H. f., -tlen) Hootnotel; eene Notel too waut toopstäakjen

Stäakjschlätel (H. m., -s) een Schlätel, dee vom Enj op es, toop Boltes un Mietasch schruwen

Stacheeten (H. mz.) schmaule Bräda dee nopp un rauf aun een Stacheetetun sent

Stacheetentun (H. m., -s/tieninj) een Tun met schmaule Bräda nopp un rauf, een kjlein bätkje leftich

Stachel (H. m., -s) Spekja

Stacheldrot (H. n., -dräd) een Iesadrot met Stachels doa nenjedreit

Stachelstruck (H. n., -) Struck met fiene Spekja

stachlen (schw.T.) met Stachels spekjen

stachlich (Isw.) soo aus Stachels; met Stachels

Städ (H. f., -en) een Punkt; eene Plak; een Plauz

städwies (Isw.) opp Städen; soo aus opp Plaken

Stäfkje (H. n., -s) de kjliene Stow wua de Ooms toopkomen enne Kjoakj

Stäl (H. m., -s) daut Holtstock aun Jereetschoft toom daut aunfoten un hauntieren

Stäla (H. m., -/sch) een Reiba; eena dee doa stält

Stälarie (H. f., -n) eene Erfoarunk en dee jestolen woat

stalen (schw.T.) eene Städ jäwen

stälen (st.T., stäl, stool, stoolen, jestolen) reibren; onen jefroacht ooda berät wajchnämen

Stalinj (H. f., -en) een Staul; Stauls; Enrechtunk toom Vee ooda Pieed hoolen un besorjen

Stälsucht (H. f., -) een velangen to stälen; een Lausta to stälen

Stalunk (H. f., -ngen) eene Meeninj; een Entschluss; eene Äwazeijunk

Stalveträda (H. m., -/sch) eena dee en eenem aundren siene Städ wua es

stamich (Isw.) soo aus een Staum; stoakj; faust opp sien Stekj ooda aun siene Lia

Stampel (H. n., -s) een Tieekjen, soo aus von de Jemeent ooda de Rejierunk, daut see eene Sach gootjeheeten haben; een Tieekjen von de Postbeaumte opp een Breef

stamplen (schw.T.) een Stampel moaken opp waut toom daut goot heeten; waut goot heeten

stänen (schw.T.) een Jelud met de Stemm moaken toom Tieekjen daut waut schwoa es

stänent (Isw.) met stänen

Stang (H. f., -en) een iesana Stock

stankren (schw.T.) met de Feet schlonen

Stap (H. f., -en) een Flekj; eena Akajäajent

Stapfia (H. n., -sch) een Fia oppe Stap; een Fia toom Stroo vebrennen oppe Stap

Stapmus (H. f., -mies) eene Mus dee von Jebieda wajchblift un oppe Stap läft

Stapwajch (H. m., -wäaj) een Wajch no eene Stap; een schmaula Wajch tweschen Stapen

Starta (H. n., -sch) een elektrischa Moot dee von de Batrie Fia trakjt un een Gasolien ooda Diesel Moota dreien kaun bat dee selfst rant

starten (schw.T.) eenen Moota aundreien met een Starta

Station (H. f., -en) eene Städ wua de Zuch ooda Boss stelhelt un Menschen un Sachen opp un auflot

Stäts (H. f.) Amerika

stäts (Isw.) dän Tietäwa; eegol

stätswäarent (Isw.) eegol; dän Tietäwa

Statu (H. f., -en) een Jestal enne Form von een Mensch; een Aundenkjen aun eenen Leida

Staul (H. m., -s) een Jebied wua eena Vee, Pieed un aundre Foarm Tieren helt un besorcht

Staulbän (H. m., -s) daut tweede Stock  von een Staul wua Fooda jespikjat woat

Staulbekjsen (H. f., -) Bekjsen toom em Staul droagen, un aufjetrocken woaren toom em Hus komen

Stauldäa (H. f., -ren) de Däa em Staul nenn

Staum (H. m., Stam) daut unjaschte dikjste Poat von een Boom; eene Rieej von Väavodasch

Staumelren (H. mz.) Lied dee dän Aunfank von een Famieljen Staum väastalen

staumen (schw.T.) von wua komen; von een jewessa Staum komen

Staumjebiet (H. n., -) daut Jebiet ooda de Jäajent wua een Famieljen Staum wont

Staumpa (H. m., -sch) Jereetschoft toom staumpen; Jereetschoft toom waut faust drekjen ooda derch drekjen

staumpen (schw.T.) faust dolpaken met de Feet ooda met een Stock

Staumrejista (H. m., -/sch) eene List von Väavodasch

Staumvoda (H. m., -sch) de Voda dee aus de Aunfank von een Staum talt

staunen (schw.T.) sikj tieren; wundren; vebleft sennen

Staunskje (H. f., -s) een dikjet Frumensch

Staunt (H. m., Stend) eene Stalunk; eene Äwazeijunk; eene Meeninj

stauntepee (Isw.) fuaz; gaunz reed

staunthauft (Isw.) bestendich; faust aun waut

Staup (H. f., -en) biem gonen, eemol dän Foot no väaren saten; een Schrett

staupen (schw.T.) een Foot wieda saten; gonen

Staut (H. f., Städa) eene Städ wua väl Nobasch dicht toop wonen, un oabeit haben en Fabrikjen ooda Jeschafta enne Staut

Stautsbeaumta (H. m., -te) eena dee een Aumt en de Stauts Rejierunk haft

stautsch (Isw.) soo aus enne Staut

Stautsgaus (H. f., -sen) eene Gaus enne Staut

Stautshus (H. n., -hiesa) daut Rejierunkshus fa de Staut

Stautsmia (H. f., -mieren) een Mia ooda Waunt rom eene Staut

Stautspuat (H. n., -en) een Puat en de Stautsmia ooda Stautswaunt

Stautsrot (H. f., -) een Kommitee von Stautsbeaumte

Stautswaunt (H. f., -wenj) Stautsmia; eene Waunt rom eene Staut toom schlajchte Menschen un Baunden aufwäaren

Stazion (H. f., -en) Station; de Städ wua de Zuch ooda de Boss stelhelt toom Menschen un Sachen opp un aufloden

Steefbrooda (H. m., -breeda) de Steefmutta äa Sän

Steefjeschwista (H. mz.) toopjebrochtet Jeschwista von een Maun un eene Fru dee aul beid Kjinja haben von ea befriet sennen

Steefkjint (H. n., -kjinja) däm Steefpoatna sien/äa Kjint

Steefmutta (H. f., -mitta) eenem sien Voda siene tweede Fru

Steefsesta (H. f., -tren) eenem siene Steefmutta äare Dochta

Steefvoda (H. m., -sch) eenem siene Mutta äa tweeda Maun

Steen (H. n., Steena) daut sea hoade Materiol von waut de Ieed toom grooten Poat jemoakt es; (dim.) Steenkje, Steenakjes

Steenaheel (H. f., -en) eene Heel; eene Boajchheel; een grootet Loch en een Boajch

Steenahupen (H. m., -pes) een Hupen Steena; een Klompen Steena

Steenakjrauns (H. m., -kjrens) eene Rund von Steena; een Krauns von Steena

Steenaklompen (H. m., -pes) een Klompen Steena

steenane (Isw.) von Steen jemoakt

Steenbilt (H. n., -lda) een behakta Steen dee doaderch een Bilt jeft

Steenboddem (H. m., -s) Steenagrunt; Steenaflua

steenfaust (Isw.) soo faust aus een Steen; sea faust

Steengrunt (H. m., -) Steenboddem

Steenhaka (H. m., -/sch) Menschen dee Steena tweihaken ooda behaken toom een jewesset Jeschekj moaken

steenhoat (Isw.) sea hoat; soo hoat aus een Steen

Steenjefäss (H. n., -a) een Behelta von Steen

steenjen (schw.T.) met Steena schmieten eenen Mensch ombrinjen

Steenkruck (H. f., -en) eene Kruck von Steen

Steenmia (H. f., -mieren) eene Mia ooda Waunt von oppjemieede Steena

Steenmol (H. n., -s) een Denkjmol von Steen; een Steen dee een Denkjmol es

Steenoabeida (H. m., -/sch) eena dee met Steena oabeit

steenoolt (Isw.) sea oolt; soo oolt aus een Steen

Steenplot (H. f., -en) een plauta Steen; eene Plot von Steen

Steenretz (H. f., -en) een Retz en Steen

steenrich (Isw.) met Steena; soo aus Steena

Steenschnieda (H. m., -/sch) eena dee Steena trajchtschnitt

steeten (schw.T.) stuksen; wäm wee doonen

Steewa (H. m., -/sch) een haustja Wint dee sea stift; waut eena sajcht toom dän aundren mostren ooda dolranen

Steewel (H. f., -wlen) eene huage gumne Schoo, toom em Wota gonen ooda schaufen

steewen (st.T., steew, stifst, stift, stoof, stoowen, jestowen) Stoff ooda Splauj em Wint flieejen

steewlen (schw.T.) sea ranen, jeweenlich von Kjinja

Steft (H. f., -en) Bliesteft; een korta runda Stock

steil (Isw.) stoakj boajopp

Steilozh (H. f., -en) een Jestal toom huach opp waut stonen toom oabeiden

Stekj (H. n., -a) een Biet; eene Schnäd; een Dinkj

stekjawies (Isw.) en Stekja; bietawies

Stekjel (H. m., -s) een Bolten ooda korte Iesastang toom waut toopstekjlen

stekjen (schw.T.) kort aun Loft sennen; stoawen von nich odmen kjennen; flekjen; Flekja toop stekjen

stekjlen (schw.T.) eenen Stekjel aum Plauz brinjen; Jereetschoft aun een Trekjta aunhoaken

stekjsennich (Isw.) ieejenkoppich

stelbliewen (schw.T.) nuscht sajen; nich bekaunt moaken

stelhoolen (schw.T.) aunhoolen; opphieren met foaren; Stop moaken

stell (Isw.) ruich; onen Jelud [opp stelles]

Stelle Friedach (H. f.) de Friedach ver Oostren; de Dach wan Jesus sien Doot aum Kjriez jefieet woat

stellen (schw.T.) berujen

Stellstaunt (H. m., -s) een stelhoolen; een opphieren met schaufen; soo aus de Ossen aum Boajch jeroden

stelmoaken (schw.T.) beschwichten; ruich moaken

stelpen (schw.T.) äwafaulen; äwasied faulen; utschedden

Stelpomm (H. f., Stelpen) de tiedje Jeburt von een Kjint daut noch nich läwen kaun

stelstonen (schw.T.) stelhoolen; onverieet stonen

stemhauft (Isw.) met Stemm

stemloos (Isw.) onen Stemm

Stemm (H. f., -en) daut Jelud daut eena moakt toom räden ooda sinjen; biem Wälen, eenem siene Meeninj

stemmen (schw.T.) äwareene Meeninj haben; goot toop schaufen; sien Stemm auflajen bie eene Wol

Stemmgaufel (H. f., -flen) eene Gaufel met twee lange Tinjen toom Toon aunjäwen

stemmich (Isw.) met Stemm; stemhauft

Stemmrajcht (H. n., -) daut Väarajcht en eene Wol to stemmen

Stemmunk (H. f., -ngen) een stemmen; eene Rechtunk fa eene Grupp; een Ziel

Stemmwakjsel (H. m., -) de Veendrunk en een naunwaussenda Jung siene Stemm

Stemmzadel (H. m., -s) daut Papia opp woont eena siene Stemm en eene Wol jeft

Stenda (H. m., -sch) daut growe Holt, soont aus 2 bie 4, dee en eene Waunt sent toom de Wauntploten ooda Wauntbräda hoolen

stendich (Isw.) dän Tietäwa; eegol; emma wada

Stenjel (H. m., -s) daut Enjskje von een Aust ooda eene Rank bat aun de Frucht

stenjlich (Isw.) met Stenjels; soo aus Stenjels

stenkjren (schw.T.) stinkjen; stoakj rikjen

stenkjrich (Isw.) met eenen stoakjen Jeroch; sea jäajenaun

Stett (H. f., -en) Stiepa; daut opp waut eena/waut sikj stett ooda länt

stetten (schw.T.) eene Stett jäwen; hoolen; hoolen von äwafaulen ooda utrutschen

Stia (H. n., -sch) de Enrechtunk aun een Foatich toom de Rechtunk enstalen, wua eena hanfoat

Stiakopp (H. m., -kjap) eena dee sikj nich äwaräden lat; eena dee siene Meeninj nich endat

Stich (H. m., Stiej) een schmaula utjeklunjda Wajch; een kjliena Wajch de fa Footjenja jeieejent es

Stiebitz (H. m., -en) eena dee eenem waut wajchfipst; een Schowanak

stieekoppich (Isw.) ieejenkoppich; sikj nich beräden loten

stieen (st.T., stie, stichst, sticht, stieech, stieejen, jestäajen) staupen; klautren

Stieenanies (H. n., -) eene Sort Kjriedarie toom eenen jewessen Jeschmak em Äten moaken

Stiel (H. m., -) eene Oat; een Wajch von waut doonen

Stiem (H. m., -) een stoakja Wint dee Schnee ooda Ieed met sikj drajcht

stiemen (schw.T.) met Schnee steewen

stiemrich (Isw.) een bät stiemen; soo aus stiemen

Stiepa (H. m., -/sch) eene Stett; daut waut doa stiepat

stiepren (schw.T.) hoolen von äwafaulen; eenen Stiepa saten

stieren (schw.T.) daut Stia lenkjen; een Foatich siene Rechtunk enstalen; wäm em Stich sennen; wäm baudren

Stiern (H. m., -s) een kjlienet Licht aum Himmel bie diesta; (dim.) Stiernkje, -s

Stiernkjikja (H. m., -/sch) eena dee om de Stierns weet

Stiernwelt (H. f.) de Rum ooda de Welt wua de Stierns sent

stiew (Isw.) es nich to bieejen; jeit schlajcht to bieejen

Stiewa (H. m., -sch) een stiewa Pischat

stiewjenekjich (Isw.) ieejenkoppich; stekjsennich

stikjsen (schw.T.) metem Foot waut heiwen

stinkjen (st.T., stinkj, stunk, stunken, jestunken) rikjen; eenen Jeroch haben

Stinkjkaut (H. f., -en) een Tia, onjefäa soo groot aus eene Kaut, schwoat met eene witte Striep oppem Rikjen, un Pess daut sea strenj rikjt

Stinkjkjniepa (H. m., -sch) een Kjniepa met eenen strenjen Jeroch

Stinkjkota (H. m., sch) een hee mank Stinkjkauten

Stinkjnäajelkje (H. f., -s) eene Sort Bloomen

Stoa (H. m., -ren) Katarata

stoa (Isw.) stell aus wan jefroaren; onverieet

stoaflich (Isw.) soon daut et stoawen kaun

Stoak (H. f., -en) de Städ em Staul wua eene Koo stonen kaun; de Stangen ooda Bräda dee eene Koo en äare Stoak hoolen un doch dol lajen kaun

stoaken (schw.T.) met eene Forkj soowaut aus Hei ooda Stroo wieda saten

Stoakj (H. f., -en) eene naunwaussende Koo waut noch nich een Kaulf jehaut haft

stoakj (Isw.) met väl Krauft; en Gramatikj, een Tietwuat daut de Selfstlud endat biem bieejen

stoakren (schw.T.) met eene Stock waut vesieekjen wieda to brinjen; een Ziel vesieekjen to vedoawen, jäajenaun sennen

Stoawbad (H. n., -en) daut Bad wua eena stoaft

stoawen (st.T., stoaw, storf, storwen, jestorwen) opphieren to läwen; doot gonen

Stobben (H. m., -bes) daut Enj oppe Wartlen von een aufjemoakta Boom

Stock (H. m., Stakja) een Stekj Holt; een Stekj von een Aust; een denna Kjneppel

Stock (H. n., -) eene Schicht von een huaget Jebied, soo aus een tweestokjet Hus

stockdiesta (Isw.) gaunz diesta; gaunz onen Licht

stocken (schw.T.) vekomen; vefulen; fulen

stockich (Isw.) vestokt; soo aus vestokt

Stockroos (H. f., -en) eene Sort groote Bloomen met een langa Staum

Stoff (H. n., -) Mell; sea fiene Kjreemels; Materiol, soo aus daut Stoff von waut waut jemoakt es

Stoffbrell (H. f., -en) eene Brell toom de Uagen runtom bedakjen, jäajen Stoff

stoffich (Isw.) met Stoff; soo aus Stoff

Stoffkjreemel (H. m., -s) een Bietskje Stoff

Stoffsua (H. m., -sch) Vakum Kliener; Julbassem

Stoffwolkj (H. f., -en) eene Wolkj von Stoff em Wint

Stofkje (H. n., -s) eene kjliene Stow

Stol (H. n., -) eene Sort Iesa

Stolpen (H. mz.) Jereetschoft, ooda Spell, toom de Been aunlenjen; lange Stakja met eene Stoop toom oppstieen un met dee gonen

stolpren (schw.T.) meist faulen biem gonen; schlajcht gonen kjennen

stolprich (Isw.) soo daut de meist felt; schlajcht oppe Been

stolt (Isw.) prauzich; väl von sikj denkjen

Stolwoll (H. n., -) fiene Stoldräd toopjenomen aus een Schiera

stomm (Isw.) nich räden kjennen; stell sennen

stomp (Isw.) nich schoap

stomren (schw.T.) nich to Wuat komen; stotren

stonen (st.T., sto, steist, steit, stunt, stunden, jestonen) äwarenj jerecht sennen; nich faulen; nich rieren ooda gonen

Stool (H. m., Steela) eene Sett; daut opp waut eena biem Desch ooda biem spazieren sett

Stoolgank (H. n., -) Auffaul; Schiet; Mest

Stoolkje (H. n., -s) een kjliena Stool; een Stool fa een Kjint

Stoolsprot (H. f., -en) een Stock von een Foot aum Stool bat däm aundren Foot toom dee stiepren

Stoop (H. f., -en) eene Staup opp eene Trap ooda Lada

Stoot (H. n.) eene Tiet

Stootje (H. n., -s) eene korte Tiet

Stopel (H. n., -s) Jeschekj von een Mensch; miere Bieekja eent opp daut aundre jelajcht

stoplich (Isw.) met Stoppel; soo aus Stoppel

Stoppel (H. n., -) daut vom Jeträajd ooda Graus, daut stonen blift nom heiwen

Stoppelfia (H. n., -) een Stapfia von Stoppel

Stoppelkjenn (H. f., -en) een sea korta Boat

stoppen (schw.T.) jekjnettet flekjen; een Loch voll promlen; stelhoolen

Stopsel (H. n., -s) daut Dinkj met waut eena een Loch too stopt

Stopsel (H. n., -s) Stopel; daut Jeschekj von een Mensch

Stopseltrakja (H. m., -/sch) Jereetschoft toom en een Stopsel nenschruwen un rut trakjen

Storm (H. m., -s) Owwada; schlajchtet Wada; Wint, veleicht met Räajen ooda Jewitta

stormen (schw.T.) windich sennen; Owwada haben

Stormwint (H. m., -wind) stoakja Wint; hunjscha Wint

Stot (H. f., -) dän Wieet dän eena von sikj denkjt

stotren (schw.T.) eent un de selwje Silb välmol wadaholen; stomren

Stow (H. f., -en) een Rum en een Hus, soo aus de Ätstow, Settstow, Schlopstow

Sträakj (H. m., -a) Strich; Lienje; (dim.) Sträakjskje, -s

Strakj (H. f., -en) eene Lenjd ooda een Poat von een Wajch;

strakjen (schw.T.) langen; siene Jlieda bewäajen un rakjen

straks (Isw.) jlikjtoo; nu fuaz

Sträl (H. f., -en) daut waut eenem no Benja väakjemt en Fleesch ooda Frucht

strälich (Isw.) met Strälen; soo aus met Strälen; soo aus met Benja doa bennen

Strämel (H. n., -s) een schmaulet Stekj

Strampel (H. m., -s) een Staum von huaget Krut

Strank (H. m., Strenj) een dikja Baunt

straum (Isw.) schmock; goot loten

straumen (schw.T.) straum moaken; schmock moaken; moaken goot loten

Straums (H. n.) soont waut schmock lat; daut waut eene Städ utstraumt

Straushan (H. f., -heena) een see Strauss

Strauss (H. m., -en) een grootet Voagel daut nich flieejen kaun

sträwen (schw.T.) no een Ziel oabeiden; oabeiden; sikj bemieejen no waut

streemen (schw.T.) met Stroom ranen

Streemunk (H. f., -ngen) de Rechtunk von een Stroom; een streemen

streepen (schw.T.) soo aus eene Schal rauftrakjen; soo aus ne Schal ooda Stremp auntrakjen

Strei (H. n., -) Stroo toom Vee streien ooda baden

Streia (H. m., -sch) een Jereetschoft toom streien, tB Soltstreia

streien (schw.T.) wietleftich faulen loten; eene denne Schicht faulen loten

Stremp (H. f., -) eene zeichne Schluw toom äwarem Foot ooda Foot un Been

Strempbekjen (H. f., -) Stremp dee vonne Teeen bat de Lint rieekjen; Pantiehos

stremplen (schw.T.) faulen; onbeholpen faulen

strenj (Isw.) stoakj, von Jeschmak; hoat, von Ordninj enfieren

striblen (schw.T.) steewlen; rietent no waut sennen; ojjeduldich oabeiden

Strich (H. m., -a) Sträakj; Lienje; de Lienje wua de Hoa jespoolt woaren

Striedarie (H. f., -n) een strieden; Zank; Oneenichkjeit

strieden (schw.T.) zanken; oneenich sennen

striedich (Isw.) met strieden; soo aus biem strieden

Striep (H. f., -en) eene breede Lienje

striepen (schw.T.) striblen; jlikjtoo wua hanranen; sea ranen

striepich (Isw.) met Striepen; soo aus Striepen

Striet (H. m., -) een strieden; Zank

Strietfroag (H. f., -en) de Froag äwa dee Lied sikj strieden

Strikja (H. m., -sch) een Jereetschoft toom waut strikjen

strikjen (schw.T.) met de Haunt ooda Finjasch aum Kjarpa drekjen un trakjen; kjniblen; waut utstrikjen; eene Schult vejäwen; eene Räajel aufmoaken

Strikjsteen (H. m., -a) een plauta Steen aun dän eena een Massa strikjen un schoapen kaun

stripsen (schw.T.) daut latste utmalkjen; stritzen

Stritz (H. m., -en) een sea schmaula Stroom derche Loft jeschmäten

stritzen (schw.T.) een sea kjliena Stroom schmieten

stroaklen (schw.T.) strikjen; haujen; goot sennen

Strof (H. f., -en) dän Schoden dän eena kjricht fa orrajcht doonen

strofen (schw.T.) Strof jäwen; schachten; priejlen; aufsajen; mostren

stroffalich (Isw.) een Toostaunt wua Strof aum Plauz es

Strol (H. f., -en) een Blitzstrol; eene oppjedachte Striep derche Loft; een Stoos von elektrischet Fia

strolen (schw.T.) schienen; sea dach sennen; sea frintlich kjikjen

strolendich (Isw.) strolent; een sea dachet Jesecht haben

Stroo (H. n., -) de Staum ooda Haulm von Jeträajd, jedrieecht

Stroobad (H. n., -en) een Bad met Stroo ooda een Stroosak enne Städ eene Madrauz

Stroodak (H. n., -däakja) een Dak met Stroo enne Städ Dakbräda un Schindlen ooda Blajch

Stroodäl (H. f., -en) een groote Hupen Stroo, soo aus von een Draschkausten

Stroof (H. f., -en) een Varsch von een Leet

Stroohaulm (H. m., -halma) een Haulm ooda Staum von Jeträajd

Stroohoot (H. m., -heed) een leichta Hoot, von Stroo jemoakt

Stroohupen (H. f., -pes) eene Stroodäl; een Hupen Stroo

strooich (Isw.) soo aus Stroo; met Stroo

Stroom (H. m., Streem) ranendet Wota; Fia en Elektrisität

Stroomaun (H. m., -mana) eene Voagelgrul; Hieezhgrul

Strot (H. f., -en) Gaus [oppe Strot sennen]

Struck (H. n., -) denne Asta; denne Stam von Beem

struckich (Isw.) soo aus Struck; met Struck

struf (Isw.) soo daut waut schlajcht to rieren ooda dreien es; een stoakja Jeschmak, soo aus Rubboaba; kjrasch

strullen (schw.T.) stritzen

Strunk (H. n., -) een hoadet Meddelstekj soo aus en Komst ooda Korn

Struss (H. m., -) miere Bloomen toopjenomen

Stua (H. n., -sch) een Jeschaft toom Sachen vekjeepen

Stuamaun (H. m., -mana) eena dee een Stua ieejent; eena dee en een Stua schauft

Stuckawoagen (H. m., -ges) een Woagen dee kjeene Fadren haft

stucken (schw.T.) daut han un häa oakren von eene Wauschmaschien

Stuckmaschien (H. f., -en) eene Maschien toom Kjleeda wauschen, de bie Haunt jedräwen woat

Stud (H. f., -Stieda) Plaunt

Student (H. m., -en) een Schiela; eena dee sikj waut lieet

studich (Isw.) soo aus eene Stud; faust; stamich

studieren (schw.T.) sikj bemieejen waut to lieren

stukren (schw.T.) biem foaren nopp un rauf jeschmäten senn; nich jlei foaren

stukrich (Isw.) met Stuksen; soo aus stukren

Stuks (H. m., -) een Tekjs, soo aus wan een Foatich derch en Loch ooda äwa een Steen foat

stuksen (schw.T.) stukren; eene Kaut wajch joagen

Stund (H. f., -) eene Mot von Tiet; 60 Minuten; een Dach haft 24 Stund

Stundewiesa (H. m., -sch) de Wiesa aun eene Klock dee Stunden wiest

sturr (Isw.) sea ieernst; nich frintlich; jlikjtoo un met weinich vetalen waut beräden; groff; nuscht noloten

stusen (schw.T.) steewlen; sea ranen

stutzen (schw.T.) sikj vefieren; soo vefieren daut eena nich to Wuat kjemt

sua (Isw.) een Jeschmak, soo aus Ädikj

Suabroot (H. n., -brood) Brood daut met Suadieech enjerieet woat

Suadieech (H. f., -) een Stekj Dieech äwajehoolen von daut väajemol baken; Dieech de met Suadieech enjerieet woat

Suaromp (H. m., -) eene Plaunt em Goaden met suare Bläda dee en Sommaborscht jebrukt woat

Suastoff (H. n., -) veschiedne strenje suare Chemikos; Ädikj es 3 Poat Suastoff un 97 Poat Wota

Subben (H. mz.) Kjleeda; loose Kjleeda; Oabeits Kjleeda; proste ooda aufjedroagde Kjleeda

subbich (Isw.) soo aus loose ooda proste Kjleeda

Sudel (H. m., -s) Somp; leemja Blott

sudlen (schw.T.) soo aus een Schwien em Blott rollen un jemietlich moaken

suen (schw.T.) lutschen; met däm Mul waut enholen

Sukaulf (H. n., -kjalwa) een Kaulf daut Malkj vonne Koo sut

Sulkje (H. n., -s) een twee rädajet Woagkje met bloos eene Sett oppe Aus

Supa (H. m., -/sch) een Drinkja

Suparie (H. f., -n) een supen; eene Erfoarunk wua väl alkoholischet jedrunken woat

supen (schw.T.) sea drinkjen; drinkjen, von Vee un Tieren

superlativ (Isw.) daut dolste

Supp (H. f., -en) eene Kost, soo aus Nuddelsupp, Bottasupp, usw

suppich (Isw.) soo aus Supp; flissendich denn

surren (schw.T.) daut bestendje Jelud von eene Maschien, soo aus eene Neimaschien

Susanna (H. f., -s) een Mejales un Frues Nomen, uk Susie, Suss, Saun, Saunkje

Suschlauch (H. m., -schläaj) een Schlauch toom aunsuen un ranen loten

Swetta (H. m., -sch) een jekjnette Jake ooda Hamd toom äwatrakjen wan eenem kjeel woat

Switsch (H. f., -en) eene Kontrol; een Schaulta; eene Enrechtunk toom Fia derchloten ooda nich derchloten, soo aus no een Licht ooda Jereetschoft

Hiemet ertjlea etj uetdretjlich: Aule Rachschriewfehler send min, oda de Autoren ere  Jestlichea Ejentuma.
© by Webmaster: Viktor Sewautztje (Viktor, von Sewen)