|
räajelmässich (Isw.) bestendich; eegol; emma wada
räajelrajcht (Isw.) rechtich no de Räajlen
Räajen (H. m., -s) daut Wota daut en Dreppen vonne Wolkjen felt un de Ieed naut moakt
Räajenboagen (H. m., -ges) de jekalieeda Boagen de enne Loft to seenen es wan de Sonn em Räajen nenschient
Räajenmäta (H. m., -sch) een Jereetschoft toom Räajen mäten
Räajenschorm (H. m., -s) een Schorm toom äwarem Kopp hoolen wan daut räajent, jeweenlich es dee tooptonämen wan dee nich jebrukt woat
Räajentiet (H. f., -den) de Doag ooda Wäakjen wan daut Räajent
räajlen (schw.T.) Räajlen saten; Ordninj moaken; beräden woo waut jehaundelt woat woaren
Räajna (H. m., -sch) eene Enrechtunk toom wesren
räajnen (schw.T.) Räajen; Wota vonne Wolkjen dreppen
räajnisch (Isw.) met Räajen; soo aus Räajen
Räakjenschoft (H. f., -en) een veräakjnen; een noseenen un rajchtfoadjen woo daut steit
Räakjna (H. m., -sch) een elektronischet Jereetschoft toom räakjnen
räakjnen (schw.T.) plonen; met Nummasch oabeiden, soo aus tooptalen, auftrakjen, mol nämen, derch trakjen, usw
Räakjninj (H. f., -en) woo eena waut trajcht räakjent ooda trajcht denkjt
Räakjnunk (H. f., -ngen) see: Räakjninj
Rach (H. m., -) Trigjtolinj fa eenen Schoden; wäm eenen Schoden moaken wiels dee die eenen jemoakt haft
racheewen (schw.T.) sikj rajchen; trigjtolen fa eenen Schoden
Räd (H. f., -en) een Väadrach; wan eena en eent wajch rät toom waut dietlich moaken
Rada (H. m., -) eene dee raden kaun
raden (schw.T.) eenem von eene schlemme Loag nämen; wäm eene Strof aufnämen; wäm halpen waut waut hee sikj nich weet
räden (schw.T.) waut sajen ooda vetalen; metem Mul Wieed moaken
Rädensoat (H. f., -en) een Wajch von räden, soo aus daut veschieden es von eene Kolonie no de aundre
Rädiäta (H. m., -sch) de Wotakjeela aun een Moota
Radieskje (H. f., -) Jekjäakjs; runde roode Wartlen von eene Radieskje Plaunt, dee jejäten woaren fa äaren betren Schmak
Radio (H. n., -s) Runtfunk Aparat; een Jereetschoft daut derch Walen enne Loft wadajäwen kaun, waut en de Radio Station jesajcht woat
Rädna (H. m., -) eena dee eene Räd helt; eena dee to eene Vesaumlunk rät
Radnasak (H. m., -j) een Sak von stoakjet Zeich, Radan, toom Jeträajd ooda aundre Sachen ensaken
Radungsboot (H. n., -s) een leichtet Boot daut opp een Schepp jefieet woat, toom de Menschen raden wan de Schepp unjajeit
Radunk (H. f., -ngen) een raden; eene Erfoarunk en dee wäa jerat woat
Radunk (H. f., -ngen) een raden; wäm ut sienen Trubbel ruthalpen
ragendich (Isw.) sea drock un voll [ragendich drock, ragendich voll]
rajchen (schw.T.) Rach eewen; doano seenen daut daut rajchte jedonen woat wan waut orrajchtet jeworden es
rajchnen (schw.T.) Rach eewen; rajchen
Rajcht (H. m., -en) een Väarajcht
rajcht (Isw.) woa, soo; daut goode; soo aus daut jehieet; dee Sied vom Kjarpa dee aum siednen es wan eena oosten kjikjt
rajchtfoadjen (schw.T.) veteidjen; sajen wuarom waut jedonen wort; met Wieed bescheenjen waut nich goot jewast es
Rajchtfoadjunk (H. f., -ngen) Veteidjunk; waut eena sajcht toom sikj veteidjen
rajchtsch (Isw.) soo aus aun de rajchte Sied; met de rajchte Sied
Rajchtschnua (H. f., -ren) Rechtlienje; no waut eena sikj recht
rajchtschuldich (Isw.) nom Rajchten no; no Rajcht no
Rajchtschuldja (H. m., -je) dee, wäm waut traft; dee, wäa daut Rajcht to waut haft
Rajchtwinkjel (H. n., -s) towinkjel; eene Akj soo aus aum Winkjeliesa
rakjen (schw.T.) waut soo lank trakjen aus daut jeit
rakren (schw.T.) butajeweenlich sea oabeiden; sea hinjaraun sennen no dän Vedeenst vonne Oabeit
Rämen (H. m., -mes) de Raunt rom een Bilt
Ran (H. f., -en) eene Retz; eene Groow; een Growen
Rana (H. m., -sch) eena dee doa rant; een Pieet daut wellich rant
ranen (schw.T.) soo bosich gonen daut nich emma een Foot oppe Ieed es; bosich sennen; sikj spooden
ranende (Isw.) soo daut et rant; soont waut rant
Rank (H. f., -en) de Staum ooda Aust von eene Plaunt dee sikj rom aundre Sachen kjrenjelt, toom sikj vere Sonn wiesen
ranken (schw.T.) soo aus eene Rank waust; een denna Staum dee nich jlikj waust oba han un trigj schlenjelt
räsen (schw.T.) een sea fienet tekjren ooda schedren
Rasien (H. f., -en) jedrieejde Wiendruwen; eene seete jedrieejde Frucht, dee em Äten moaken jebrukt woat
Rasienenkuak (H. f., -en) eene Fatkuak met Rasienen doabennen; eene Niejoasch Kuak
rasieren (schw.T.) sikj dän Boat aufschnieden
Rät (H. f., -en) utjefoarne Ranen; de Spoolunk von utjedrieejdet Launt ooda Ies
rätren (schw.T.) een grootet Jelud moaken met een Foatich
Raubelkje (H. n., -s) de jedrieejde Schal met Kjieena doabennen, von eene Rank von em Goaden
rauf (VT.) no unjen; weinja, kjlanda
raufbuaren (schw.T.; sp: buaren rauf)
rauffaulen (st.T.; sp: faulen rauf)
raufgonen (st.T.; sp: gonen rauf)
raufhenjen (st.T.; sp: henjen rauf)
raufkjwalen (schw.T.; sp: kjwalen rauf)
raufkomen (st.T.; sp: komen rauf)
raufleiden (schw.T.; sp: leiden rauf)
raufloten (st.T.; sp: loten rauf)
raufnämen (st.T.; sp: nämen rauf)
raufproslen (schw.T.; sp: proslen rauf)
raufranen (schw.T.; sp: ranen rauf)
raufrutschen (schw.T.; sp: rutschen rauf)
raufsaten (schw.T.; sp: saten rauf)
raufschlucken (schw.T.; sp: schlucken rauf)
raufschmieten (st.T.; sp: schmieten rauf)
raufsteeten (st.T.; sp: steeten rauf)
raufstieen (st.T.; sp: stieen rauf)
raufstreepen (schw.T.; sp: streepen rauf)
raufstrikjen (schw.T.; sp: strikjen rauf)
raufträden (schw.T.; sp: träden rauf)
raufweschen (schw.T.; sp: weschen rauf)
Raunt (H. m.) eene oppligjende Striep opp eenen Desch; Kaunt
Raup (H. n., -) daut waut eena jejäajat haft; daut waut eena sikj jestolen un onjefroacht jenomen haft
Raups (H. m., -) fienet Sot daut oppe Stap jeakat woat, daut Sot woat fa Eelj utjedrekjt
Rauptia (H. n., -tieren) Tieren dee jäajren un Fleesch fräten
Raupvoagel (H. n., -väajel) een Voagel daut jejäajat woat
rauslen (schw.T.) haustich sea bewäacht sennen [dee rausseld loos]
Rausp (H. f., -en) een Jereetschoft toom Holt aufrauspen; eene growe Fiel
rauspen (schw.T.) met eene Rausp oabeiden; Holt fielen
rausplen (schw.T.) dän Hauls rein moaken; kwaulstren
Raut (H. f., -en) een Tia, bie 6 Zoll lank un met eenen runden glauten Zoagel, daut väl bie Spikjasch un Mellklompes no Äten sieekjt
Raut (H. n., Räda) eene runde Schiew dee doa dreit, soo aus aun eene Maschien ooda Woagen
Rautenfaul (H. f., -en) eene Faul toom Rauten jriepen
Rautenjeft (H. n., -) Jeft toom Rauten vejeften
rauzen (schw.T.) met de Henj eena dän aundren proowen dol to kjrieen
rebachlen (schw.T.) lud un onväasechtich en waut nengonen
rebauslen (schw.T.) een grootet Jelud moaken
Rebb (H. f., -en) een langa denna Knoaken rom de Lungen enne Brost
Rebbenknoaken (H. m., -es) eene Rebb
rebbich (Isw.) met Rebben; soo aus Rebben
Rebecka (H. f., -s) een Mejales un Frues Nomen; en Hebräisch meent daut Wuat: Schlenj
Rebspäa (H. n., -) Schwiens Rebben en Fat jebrot
Rebus (H. f., -en) eene groote Frucht aun Ranken, daut haft eene hoade jreene Schal un roodet seetet Fleesch met Kjieena doabennen
Rechta (H. m., -sch) een Beaumta dee rechten mott auf Menschen schuldich sent fa daut waut see vekloacht sent
rechtalich (Isw.) soo aus een Rechta; nom Rechta no
Rechtastool (H. m., -steela) een Rechta sien Stool toom wan hee en sien Aumt sett
rechten (schw.T.) aufschazen un een Uadeel doaräwa spräakjen
Rechthus (H. n., -hiesa) daut Hus wua eene Kloag woat ver eenen Rechta jebrocht un beuadeelt
rechtich (Isw.) rajcht
Rechtlienje (H. f., -s) eene Väaschreft no dee eena sikj en Entscheidungen recht
rechtoo (Isw.) jlikj von hia bat doa; dän kjartsten Wajch wuahan
Rechtunk (H. f., -gen) de Rechtungen sent nopp un rauf, linkjsch un rajsch, ooda enne Natua, Nuaden, Sieden, Wasten un Oosten
Ree (H. n., -) een willet Tia, eenje soo groot aus ne Koo oba nich soo breet, eenje haben krauselje Hieena
Reebock (H. m., -bakj) een hee mank Ree
Reebroden (H. m., -) een Broden von Reefleesch
reed (Isw.; VT.) daut needje jetroffen haben toom waut aunfangen [reedsennen, reedmoaken]
reeden (schw.T.) reed moaken; sikj ooda waut fa waut enstalen
reedlajen (st.T.; sp: lajen reed) trajchtlajen; reedmoaken; hanlajen
reedmoaken (st.T.; sp: moaken reed)
reedschnieden (st.T.; sp: schnieden reed)
reedsennen (st.T.; sp: sent reed)
reedstalen (schw.T.; sp: stalen reed)
reedstonen (st.T.; sp: stonen reed)
Reefleesch (H. n., -) Fleesch von Ree
Reekoo (H. f., -kjieej) eene see mank Ree
Reemabenkj (H. f., -en) een Schusta sien Woakjdesch
Reemen (H. m., -mes) eene schmaule Striep Lada dee jebrukt woat toom onjehuarsome Kjinja bestrofen
Reep (H. f., -en) een Sprotenkausten toom Lankfooda fa Vee nenschmieten
reesch (Isw.) drieech un brosch
reeschen (schw.T.) leicht baken bat waut drieech un goa es [Tweebakjes ooda Sot reeschen]; toasten
Reeschiesa (H. n., -sch) Jereetschoft toom Broot reeschen; Toaster
Reeschkje (H. f., -) jereeschtet Broot ooda Tweebakjes
Reesta (H. m., -) eene Sort Beem, dee äare Bläda haben zakje Kaunten
reflen (schw.T.) spooden; bosich sennen
Reggelauta (H. m., -sch) eene Enrechtunk aum Jereetschoft toom de Jeschwindichkjeit ooda Spied enstalen
Reiba (H. m., -sch) een Stäla
Reibabaund (H. f., -en) eene toopjeschlotne Grupp Reibasch
Reibaheel (H. f., -en) eene Heel ooda Krupunja wua Reiba sikj opphoolen
reibren (schw.T.) stälen
Reif (H. f., -en) aun daut Raut, opp woont een Foatich oppe Ieed rant, de Gumne Schicht toom makelja foaren, väle Reifen sent soo aus een Schlauch un met Loft oppjefelt
rein (Isw.) nich schwiensch, nich enjeschwient [rein jewoschen]; gaunz, puro, ädel [reinet Golt]; enne Bibel meent dit, daut et jeheilicht es un daut et Jesaz gaunz enjehoolen es
Reinheit (H. f., -en) een rein sennen
reinhoolen (st.T.; sp: hoolen rein)
reinjen (schw.T.) rein moaken; wauschen; aulet Schwiensche wajch moaken
Reinjewenn (H. m., -) Vedeenst; waut eene jemoakt haft, äwa Kosten
Reinjunk (H. f., -ngen) een rein moaken
reinmoaken (st.T.; sp: moaken rein)
reisen (schw.T.) eene Reis moaken; wua hanfoaren
reisenda (Isw.) eene opp eene Reis
Reiseplon (H. m., -s/pläne) de Plon fa eene Reis
Reiseprädja (H. m., -sch) een Prädja dee väl romreist un en veschiedne Kjoakjen enjelot es
Reispauss (H. m., -passa) Passaporte, Passport; een jesazlichet Bewies en woon Launt eena tus jehieet
Reistausch (H. f., -en) eene Tausch en dee eena siene Sachen drajcht biem reisen
reiw (Isw.) nich jekoakt, von Äten; onveheelt, von Wunden
reiwen (schw.T.) ruen; sikj veholen; nich oabeiden
reizen (schw.T.) wäm oppräajen; wäm fa waut enjankren
rejieren (schw.T.) met eenen stoakjen Wellen leiden; en volle Kontroll äwa waut sennen, soo aus de Rejierunk
Rejierungsmaun (H. m., -mana) een Maun dee enne Rejierunk een Aumt haft
Rejierunk (H. f., -ngen) de aunjestalde Mana un Kommitees toom een Launt ranen
Rejierunkshus (H. n., -hiesa) daut Jebied wua de Veträda von daut gaunze Launt toopkomen toom Jesaza enfieren
Rejierunksveträda (H. m., -/sch) eena fa däm de Lied em Launt jewält haben, daut hee an enne Rejierunk veträden saul
Rejista (H. m., -) eene jeschräwne List; eene Rieej von Menschen ooda Sachen dee opp eenen Wajch toopjehieren
rejistrieren (schw.T.) enschriewen; sikj aunmalden
rekjen (schw.T.) sikj wieda ruksen; wuahan langen
relijees (Isw.) sea no Kjoakjen Räajlen rechten
Relijion (H. f., -en) de Lia von Gott, Menschen un de Ieed, un woo dee toopjehieren un wuatoo dee sent
relpsen (schw.T.) lud oppsteeten
renlich (Isw.) rein; oppjeriemt
Rennlichkjeit (H. f., -en) dän Toostaunt von woo rein waut es
Rent (H. f., -) waut eene pinkjlich tolen mott toom waut pachten; Pachtjelt
renten (schw.T.) pachten; fa beräde Tolinjen waut brucken; lieen
Resapt (H. n., -a) Väajeschräwne Dinja dee eena doonen mott om no een jewenschtet Ziel to komen
Resarw (H. f., -en) en Kanada een jratret Stekj Launt wua jewesse Menschen aunsiedlen kjennen, tB Oostresarw, Wastresarw, Indiaunaresarw
Respakjt (H. f., -) Iea; väl von wäm ooda waut hoolen [Respakjt fa wäm haben]
respakjten (schw.T.) ieren; väl von wäm hoolen; wäm väl tootruen
respakjtvoll (Isw.) soo aus met Respakjt
respekjtieren (schw.T.) respakjten
Ress (H. m., -en) Spos; Kjnifkje; [Ressen rieten]
Restraunt (H. n., -s) een Jeschaft toom Moltieden jäwen; een Jeschaft wua eena sikj eene Moltiet kjeepen kaun
retaujen (schw.T.) sea schaufen;
Rett, Rekjs (H. f., -en) een Faul; eemol; foaken; eene Tiet; [Hee kjeem aule Rett vebie; eene Rekjs lat daut soo, oba de aundre Rekjs …]
Retz (H. f., -en) eene schmaule deepe Ran; eene Spoolinj en Materiol
Rewers (H. n., -) daut Jia toom äwaroasch foaren
Rewoluzion (H. f., -en) een Oppstaunt jäajen de Rejierunk
Rewoluzionstiet (H. f., -tieden) de Tiet wan de Rewoluzion em gonen es
Riaholt (H. n., -s) een schmaulet Brat daut em Gropen ooda Miagropen jebrukt woat toom rieren
Rie (H. f., -en) een kjliena Riefa, dee nich daut joa-äwa rant; eene Läacht
rieden (schw.T.) opp een Pieet metfoaren
Riedpieet (H. n., -pieed) een Pieet daut sikj rieden lat
Riedrot (H. n., -dräd) Neidrot; Drot toom rieen
Rieej (H. f., -en) eene Striep; väle, eent hinja daut aundre, en eene Striep
rieejwies (Isw.) en Rieej; no Rieej no
Rieekjakoma (H. f., -mren) een sea kjlienet Huskje toom Fleesch rieekjren
Rieekjaworscht (H. f., -) Ruakworscht; jerieekjade Worscht
rieekjen (schw.T.) waut no wäm ooda wuahan langen
rieekjren (schw.T.) Ruak aufjäwen; schmieekjen; waut en stoakjet Ruak saten toom ruakich woaren
rieekjrich (Isw.) ruakich
rieen (schw.T.) biem Neien, waut met trajcht spalden ooda loos aunneien
rieestell (Isw.) gaunz stell; onen rieren
Riefa (H. m., -sch) een Fluss; eene Läacht dee daut Joa derch rant
Riefawota (H. n., -) Wota von een Riefa
riemen (schw.T.) biem Jedicht schriewen, de latste Wieed loten äwareen hieren [kjliena Finja, Golt Rinja,…]; huach lowen
Riep (H. m., -) de jefroarna Donst ooda jefroarna Deiw
riep (Isw.) von Frucht ooda Sot aun Plaunten, reed toom äten, reed toom arnten; en Bildasproak, reed fa waut sennen
riepen (schw.T.) 1) riep woaren; reed woaren toom arnten; 2) met Donst befrieren
Rierei (H. n., -) jeschloagne Ei jebrot
rieren (schw.T.) waut flissendjet met een Läpel ooda Riastock omrieren, derchrieren, bewäajen; sikj bewäajen
Ries (H. m., -en) een butajeweenlich groota Mensch; waut sea grootet
Riesiet (H. f., -s) Kjwittunk; een Oppwies daut waut betolt es
riesje (Isw.) sea groot, soo aus bie Riesen
Riess (H. m., -) eene Sort Kjieena ooda Jeträajd
rieten (st.T., riet, ritst, ritt, reet, reeten, jeräten) aun waut trakjen; tranen
rietent (Isw.) iewrich; ojjeduldich
Rietinj (H. f., -) Weedoag enne Jläda
Rietut (H. m., -) eene Erfoarunk en dee eene utritt ooda wajchrant
Riew (H. f., -en) een rebjet Jereetschoft toom Sachen riewen
riewen (st.T., riew, rifst, rift, reef, reewen, jeräwen) schieren; Kjleeda schieren; opp waut rebjet schieren
Rigjen (H. m., -jes) de hinjaschte Sied vom Kjarpa; een Opprigj
Rigjstrank (H. m., -s) eene Rieej Knoakes, medden em Rigjen; em Rigjstrank sent Narfen vom Kopp no jieda Poat vom Kjarpa
Rikj (H. n., -s) daut äwa waut een Kjennich jebeeden kaun, sien Kjennichrikj; eene Nazion; een Launt
rikj (Isw.) met een grootet Vemieejen; väl haben
Rikjdom (H. m., -s) Vemieejen; waut eene ieejent ooda enne Macht haft
rikjen (schw.T.) een Jeroch venämen ooda enwoaren
rikjlich (Isw.) met väl
rinjen (st.T., rinj, runk, rungen, jerungen) waut schwoaret vesieekjen to haben; sikj met waut schwoaret aufjäwen; strieden
Rinkj (H. m., -nj) een Krauns; eene Rund
Rint (H. n., -nda) een Vee
Rintfleesch (H. n., -) Fleesch von een Rint, daut es Vee
Rintsknoaken (H. m., -es) een Knoaken von een Rint
Rintsupp (H. f., -en) eene Supp von aufjekoaktet Rintfleesch
Rintvee (H. mz.) Kjieej
Rintvee (H. n. -) Vee; Kjieej un Bolles un Junkvee
Rissel (H. m., -s) een Schlauch, soo aus een Eelefaunt siene Näs, ooda daut met waut eene Migj eenem spekjt
Ritta (H. m., -/sch) eena dee opp een Pieet rieden deit
Riwa (H. f., -sch) see Riefa
roaren (schw.T.; roa, roascht,road) hielen; soo aus Kjinja een Jelud moaken toom Weedoag ooda Ojjemak wiesen
Robott (H. f., -s) eene elektronische Maschien de väl Bewäajungen moaken kaun
rochlen (schw.T.) biem odmen een Jelud moaken von een Kwaulsta em Loftrua
Rock (H. m., Rakj) daut Poat aun eene Fru äa Kjleet unja de Lint; een Äwarock
roden (schw.T.) 1) eene Auntwuat väaschlonen fa dee eena weinich ooda kjeen Grunt haft; 2) waut väaschlonen; waut väasajen
Rodeo (H. m., -s) een Toopkomen toom de Konst met Pieed rieden aufjewäsen woat
rodlich (Isw.) root
rodsom (Isw.) daut waut wäm to roden es
Rogg (H. f., -) eene Sort Jeträajd, jebrukt toom Veefooda un toom Jrett, Mäl un Bea moaken
Roggenbroot (H. n., -) Broot met Roggenmäl
Roggenmäl (H. n., -) jemolnet Rogg
Roll (H. f., -en) waut oppjeroldet; eene dikje runde Stang
Rolla (H. m., -sch) eene dikje Roll toom waut utrollen ooda twei drekjen
rollen (schw.T.) kulren; wekjlen, opp ooda auf;
Rollholt (H. n., -s) eene holtne Roll enne Kjäakj toom Dieech utrollen
Rollkuak (H. f., -en) eene Kuak von Fat jebrodnet Dieech
Rollspäla (H. m., -/sch) eena dee eene Roll en een Drama spält; eena dee eenen aundren Mensch un siene Oaten nomoakt
rom (VT., Isw.) om; runtom
romaumplen (schw.T.; sp: aumplen rom) aumplen; bewäacht sennen
rombeislen (schw.T.; sp: beislen rom) romosen; onen een Ziel romgonen
rombiestren (schw.T.; sp: biestren rom) no waut gonen wan eena nich dän Wajch weet
rombrinjen (st.T.; sp: brinjen rom) towäaj brinjen, tostaund brinjen; moaken woaren
romdeidlen (schw.T.; sp: deidlen rom) nich beschekjen; Tiet vekwosen
romdreien (schw.T.; sp: dreien rom) enne Rund dreien; omdreien
romdriefsch (Isw.) jeneicht rom to driewen
romdriewen (st.T.; sp: driewen rom) 1) spazieren, spazieren foaren; hia un doa hanfoaren, soo aus de Jugent; 2) onmoralisch spazieren, soo aus onehelich
romdroagen (st.T.; sp: droagen rom) met droagen
romerren (schw.T.; sp: erren rom) eenen orrajchten Wajch nogonen
romforschen (schw.T.; sp: forschen rom) opp miere Städen forschen
romfroagen (st.T.; sp: froagen rom) opp miere Städen froagen
romgonen (st.T.; sp: gonen rom) tofoot gonen
romjäwen (st.T.; sp: jäwen rom) dän Wieet von waut seenen
romkjikjen (schw.T.; sp: kjikjen rom) opp miere Städen kjikjen
romkomen (st.T.; sp: komen rom) passieren; woaren; bat eenem komen
romleiden (schw.T.; sp: leiden rom) wäm eenen Wajch wiesen
romligjen (st.T.; sp: ligjen rom) ful sennen; nuscht beschekjen ooda doonen
rommoaren (schw.T.) een Jelud aus von Jieesch ooda Triebenräda
romnämen (st.T.; sp: nämen rom) passieren; eene Sach rom waut rom moaken
romplieejen (schw.T.; sp: plieejen rom) plieejen; dolplieejen
romreisen (schw.T.; sp: reisen rom) no veschiedne Städen foaren ooda reisen
romroojen (schw.T.; sp: roojen rom) orruich sennen
romschekjen (schw.T.; sp: schekjen rom) soo aus eenen Breef loten von een Noba nom aundren gonen, soo daut aule Nobasch omweeten
romschwienen (schw.T.; sp: schwienen rom) sikj met onmoralische ooda uk oneheliche Sachen aufjäwen
romsetten (st.T.; sp: setten rom) onen Oabeit sennen
romstalen (schw.T.; sp: stalen rom) Sachen rom waut hanstalen
romstonen (st.T.; sp: stonen rom) onen Oabeit wua stonen
ronstich (Isw.) daut Jeschmak von oolet Fat
Roodel (H. f., -s) een Stock, plaut opp een Enj, toom eene Lomm stieren ooda wieda schuwen
Roodla (H. m., -sch) eena dee doa roodelt
roodlen (schw.T.) met Roodels een Boot bewäajen; een Tweeroda foaren, beisikjlen
Roof (H. n., -s) eene Kjarscht äwa een Schlems
roojen (schw.T.) sikj em Schlop bewäajen
Room (H. n., -) sea fienet Ausch, daut enne Trubben aunsat
roomich (Isw.) voll Room; met Room bestreit ooda enjeschwient
Roop (H. m., -) een Aumt; eene Aunfroag; daut waut eena feelen mott om entoweljen to daut wua eena to beroopen es
roopen (schw.T.) lud räden toom wäm kjikjen ooda horchen moaken
Roos (H. f., -en) eene Sort Bloomen
Roosenbäa (H. f., -ren) de Bäa ooda daut Sot von eene Roos; eenje woaren toom Tee aufkoaken jebrukt
Roosenbosch (H. f., -bescha) Roosenstruck
Roosenkrauns (H. m., -kjrens) eene Kjäd, soo aus eene Haulskjäd de Katolikjen brucken toom Jebäda oppsajen
Roosenstruck (H. n., -s) Roosenbosch; een Staum ooda Aust von een Roosenbosch
roosich (Isw.) met Roosen, soo aus Roosen; sea hopninjsvoll un positiv
root (Isw., root, rooda , rootste) eene Kalia; de Kalia von jesundet Bloot
Rootbuck (H. f., -s) een Voagel met eenen roddeljen Buck
rootheet (Isw.) von Iesa, soo heet daut et root kalierich es
roothoarich (Isw.) met roode Hoa
Rootschemmel (H. f., -s) een licht brunet Pieet
roowen (schw.T.) stälen, reibren
ropen (schw.T.) schwind toopschuwen
rosa (Isw.) een Kalia, licht rodlich
rosen (schw.T.) em Schlop romgonen; doll oabeiden
rosent (Isw.) bejeistat; doll, meist aus doll
Rosmak (H. m., -) een rein moaken [Rosmak hoolen]
Rost (H. n., -) brune Schorwen aun verostadet Iesa
rostren (schw.T.) een wajchfräten von Iesa, jeweenlich nautet, un brune Schorwen lat
rostrich (Isw.) verostat; von Rost vefräten; met Rost Schorwen beschmäat
Rot (H. m., -) een Väaschlach dee eenem en sien Trubbel halpt
Rotjäwa (H. m., -/sch) eena dee Rot jeft; eena däm eena no Rot frajcht
Rotschluss (H. m., -schläaj) de Entschluss ooda Plon von waut beroden
Rotsel (H. n., -s) eene Froag dee nich leicht to beauntwuaten es; eene Froag, äwa dee eena goot denkjen mott
rotselhauft (Isw.) soo aus een Rotsel; schwoa to dieden; schwoa to leesen
Rotskodda (H. n., -dren) Schneppelduak
Rotskommitee (H. n., n/s) een Väastaunt; eene Grupp dee aunjestalt sent toom jewesse Oabeit ranen
rotzen (schw.T.) Schnodda enodmen
Rua (H. n., -sch) eene Piep; een iesana Schlauch
Ruak (H. n., -) de Donst von een Fia
Ruakfleesch (H. n., -) jerieekjadet Fleesch
ruakich (Isw.) voll Ruak; no Ruak rikjen; soo aus Ruak
Ruakworscht (H. f., -) Rieekjaworscht; eene jerieekjade Worscht
Ruaschlätel (H. m., -s) een Schlätel toom Ruasch schruwen
Rubenkj (H. f., -en) eene makelje Benkj toom Meddachschlop hoolen
rublen (schw.T.) riewen; strikjen
Ruboaba (H. n., -) eene Plaunt em Goaden met fleeschje Stam un een grootet Blaut aun jieda Staum; de Staum von Ruboaba, dee toom Zopsel moaken jebrukt woat
ruch (Isw.) nich nat; hunjsch; nich glaut
ruchloos (Isw.) ruch; hunjsch
Ruchull (H. m., -s) eena dee ruchullich es; eena dee hunjsch es
ruchullich (Isw.) ruch; hunjsch; onväasechtich
ruen (schw.T.) reiwen; veholen
ruich (Isw.) stell; nich wilt; nat; jlei
ruksen (schw.T.) tekjen
Rum (H. f., -s) eene Stow; eene opne Städ, soo aus een Pieetsrum ooda de Lofthimmel, de Stiernhimmel, usw
rumich (Isw.) met goot Rum
rumlen (schw.T.) daut Jelud nom Blitz
Rummel (H. f., -) daut Jelud wan daut blizt
Rummeldeis (H. f., -) Klommua; väle Menschen lud omhäa gonen
rummuaren (schw.T.) een bestendjet grummeljet Jelud, soo aus em Buck ooda von Jieesch en Jereetschoft
Rund (H. f., -en) eemol rom waut; een Kjreis
runt (Isw.) en een Kjreis; soo aus een Kulla
Runtbreef (H. m., -breew) een Breef dee runt jedroacht woat, tB no aule Nobasch en een Darp, ooda toom to Kjast enloden
Runtjesank (H. n., -) een kortet Leet daut äwa un äwa jesungen woat un wua de Senja sikj en twee ooda dree Gruppen deelt un jieda Grupp to eene aundre Tiet aunfangt to sinjen
runtjesechtich (Isw.) met een rundet Jesecht
runtom (Isw.) von aule Rechtungen; en aule Rechtungen
runträden (schw.T.) romräden; väle Menschen daut vetalen
Runtreis (H. f., -en) eene Foat han un trigj; eene lenjre Reis to veschiedne Städen
runtschekjen (schw.T.) wäm ooda waut romschekjen daut aule daut fuaz to hieren kjrieen
runtvoll (Isw.) soo voll daut et meist äwarant
Runzel (H. f., -n) eene Lienje ooda Fold enne Hut, foaken aum Jesecht
runzlen (schw.T.) veknutschen
runzlich (Isw.) veknutscht
Rup (H. f., -en) een dikja Worm enne Ieed em Goaden ooda aune Beem
Ruplauz (H. f., -plaza) eene Städ toom reiwen
Ruppat (H. m., -s) eena dee eenem hinjat Licht jefieet haft; eena dee foaken spuchten deit
rupren (schw.T.) met fienet tekjsen wiedakomen; daut Jelud von waut schlapen
ruschlen (schw.T.) een Jelud soo aus von Papieren, Kjleeda ooda Bläda de bewäacht woaren
Russ (H. m., -en) een Einheima von Russlaunt
Russlaunt (H. n.) een Launt em Nuaden Asien
Rut (H. f., -en) een foadjet Stekj Glaus em Fensta
rut (Isw.; VT.) von bennen no buten; de Rechtunk dee wajch von bennen es
rutbucken (schw.T.; sp: bucken rut)
rutdriewen (st.T.; sp: driewen rut)
rutdroagen (st.T.; sp: droagen rut)
rutfäajen (schw.T.; sp: fäajen rut)
rutfaulen (st.T.; sp: faulen rut)
rutfieren (schw.T.; sp: fieren rut)
rutfoaren (st.T.; sp: foaren rut)
rutfodren (schw.T.; sp: fodren rut)
rutgonen (st.T.; sp: gonen rut)
rutgrowen (schw.T.; sp: growen rut)
ruthaken (schw.T.; sp: haken rut)
ruthalpen (st.T.; sp: halpen rut)
ruthäwen (st.T.; sp: häwen rut)
rutholen (schw.T.; sp: holen rut)
rutjäwen (st.T.; sp: jäwen rut)
rutjeeten (st.T.; sp: jeeten rut)
rutjoagen (st.T.; sp: joagen rut)
rutkjietren (schw.T.; sp: kjietren rut)
rutkjikjen (schw.T.; sp: kjikjen rut)
rutkjrapen (schw.T.; sp: kjrapen rut)
rutkjrieen (schw.T.; sp: kjrieen rut)
rutkjwalen (schw.T.; sp: kjwalen rut)
rutkleiwen (schw.T.; sp: kleiwen rut)
rutkoaken (schw.T.; sp: koaken rut)
rutkomen (st.T.; sp: komen rut)
rutkwaulmen (schw.T.; sp; kwaulmen rut)
rutlajen (st.T.; sp: lajen rut)
rutläsen (st.T.; sp: läsen rut) utenaunda läsen; deelen
rutleiden (schw.T.; sp: leiden rut
rutloten (st.T.; sp: loten rut)
rutnämen (st.T.; sp: nämen rut)
rutprassen (schw.T.; sp: prassen rut)
rutpusten (schw.T.; sp: pusten rut)
rutraden (schw.T.; sp: raden rut)
rutranen (schw.T.; sp: ranen rut)
rutreisen (schw.T.; sp: reisen rut)
rutriemen (schw.T.; sp: riemen rut)
rutrieten (st.T.; sp: rieten rut)
rutsaten (schw.T.; sp: saten rut)
rutsaumlen (schw.T.; sp: saumlen rut)
Rutsch (H. f., -en) eene Enrechtunk wua eena toom scheengonen raufrutschen kaun
rutschapen (schw.T.; sp: schapen rut)
rutschedden (schw.T.; sp: schedden rut)
rutschekjen (schw.T.; sp: schekjen rut)
rutschen (schw.T.) jlitschen
rutschlapen (schw.T.; sp: schlapen rut)
rutschlikjen (schw.T.; sp: schlikjen rut)
rutschmieten (st.T.; sp: schmieten rut)
rutschuwen (st.T.; sp: schuwen rut)
rutstalen (schw.T.; sp: stalen rut)
rutsteeten (st.T.; sp: steeten rut)
rutstemmen (schw.T.; sp: stemmen rut)
rutstieen (st.T.; sp: stieen rut)
rutstoppen (schw.T.; sp: stoppen rut)
rutstreemen (schw.T.) streemen rut)
ruttrakjen (st.T.; sp: trakjen rut)
rutwälen (schw.T.; sp: wälen rut)
rutwauschen (st.T.; sp: wauschen rut)
rutwaussen (st.T.; sp: waussen rut)
rutweschen (schw.T.; sp: weschen rut)
ruzhen (schw.T.) ludet brommen
ruzhende (Isw.) soone waut ruzhen
|
