|
De Psalme ##(Loffjesang)
Daut EASCHTE BUAK
Psalm 1
1 Seelijch dee Maun, dee nijch waundelt em Rot de Gottloose, en nijch steit opp dem Wajch de Sinda, en sett nijch em Tjreiss ##(opp dem Sett) de Spetta,
2 sonda siene Lost haft aum Jesatz Gottes (daut Harrn) en äwa sien Jesatz dentjt Dach en Nacht!
3 En hee es ##(woat senne) aus een Boom, jeplaunt aum Wotabach, dee siene Frucht brinjt too siene Tiet, en sien Blaut nijch vewaltjt; en aules, waut hee deit, jelinjt ##(woat jelinje).
4 Nijch soo de Gottloose, sonda see send aus Sprie, dee de Wint wajchdrift.
5 Doaromm woare de Gottloose nijch bestohne em Jerejcht, noch de Sinda enn de Jemeende de Jerajchte.
6 Dan Gott (de Harr) tjannt den Wajch de Jerajchte; oba Gottloose äa Wajch vejeit.
Psalm 2
1 Wuaromm toobe de Natsjoone en jesenne Idlet de Veltja?
2 Daut stohne opp de Tjeenije de Ead, en de Ferschte rotschlohne met eenaunda jäajen Gott (dem Harrn) en jäajen sienen Jesaulwten:
3 „Loht ons äare Fassle veriete, en äare Strenj von ons schmiete!“
4 Dee em Himmel troont, lacht, dee Harr spott äwa ahn.
5 Dan woat hee too ahn räde enn sienem Zorn, en enn siene Zorngloot woat hee ahn enjste.
6 „Etj ha mienen Tjeenijch jesaulwt ##(ennjesat) opp Zion, mienem heiljen Boajch!“
7 Vom Beschluss well etj vetale: Gott (de Harr) haft too mie jeräd:
Dü best mien Sän, vondoag ha etj die jebuare.
8 Foda von mie, en etj well die tom Oawgoot de Natsjoone jäwe, en tom Besett ##(Äjendoom) de Enj de Ead.
9 Met eenem iesanem Stock woascht dü ahn veschmatre, aus een Leemjefäss ahn veschmiete.
10 En nü, jie Tjeenije, siet veständijch, loht jünt trajcht wiese, jie Rejchta de Ead.
11 Deent Gott (dem Harrn) met Ferjcht, en freit jünt met Zettre!
12 Kusst dem Sän, daut hee nijch doll woat, en jie ommkohme opp dem Wajch, dan boolt woat sien Zorn entbrenne. Seelijch aule, dee opp ahm vetrüe ##(Tooflucht bie ahm nehme)!
Psalm 3
1 Een Psalm von Doft, aus hee ver sienem Sän Absalom ##(wajch) rand.
2 Gott (Harr)! Woo väl sent miene Bedrenja ##(Fiend)! Väle erhäwe ##(stohne) sich jäajen mie;
3 Väle saje von miene Seel: Daut es tjeene Radung ##(Help) fe ahm bie Gott! (Selah.)
4 Oba dü, Gott (Harr), best een Schilt fe ##(omm) mie, miene Harlijchtjeit ##(Ea), en dee mien Haupt opphäwt.
5 Met miene Stemm roop etj too Gott (tom Harrn), en hee auntwuat mie von sienem heiljen Boajch. (Selah.)
6 Etj läd mie dohl en schleep; etj wuak opp, dan Gott (de Harr) stett mie.
7 Etj enjst mie nijch ver Tiendüsend vom ##(üt dem) Voltj, dee sich rundomm mie en jäajen mie jeloagat ##(jesat) ha.
8 Stoh opp, o Gott (Harr)! Rad mie, mien Gott! Dan dü hast aule miene Fiend oppe Backe jeschloage; de Täne de Gottloose hast dü veschmatat.
9 Von Gott (vom Harrn) es de Radinj; dien Säajen es ##(tjemt) opp dienem Voltj. (Selah.)
Psalm 4
1 Dem Väasenja met Seidespäl. Een Psalm von Doft.
2 Wan etj roop, auntwuad mie, Gott miene Jerajchtijchtjeit! Enn Bedrenjnis hast dü mie Rüm jemoakt; sie mie jnädijch en erhea mien Jebäd.
3 Jie Menschesäns, woo lang noch saul miene Ea ##(Harlijchtjeit) too Schaunde senne? Woo lang woa jie Idlet leewe, Läajes seatje? (Selah.)
4 Ertjant doch, daut Gott (de Harr) dem Frommen fe sich aufjesondat haft! Gott (de Harr) woat heare, wan etj too ahm roop.
5 Siet oppjeräajcht ##(Zettat), en sindijcht nijch! Dentjt no enn jünem Hoate opp jünem Loaga, en siet stell! (Selah.)
6 Opfat ##(brinjt) Opfa de Jerajchtijchtjeit, en vetrüt opp Gott (dem Harrn)!
7 Väle saje: Wäa woat ons goodet seene lohte? Erhäw, Gott (Harr) äwa ons daut Lijcht von dienem Aunjesejcht!
8 Dü hast Freid enn mien Hoat jejäft, mea aus too Tiet, doa äa Jeträajd en äa Wien väl wea.
9 Enn Fräd woa etj mie dohllaje en uck schlope; dan dü, Gott (Harr), auleen latst mie enn Sejchaheit wohne.
Psalm 5
1 Dem Väasenja, met Fleetespel. Een Psalm von Doft.
2 Nehm too Oare, o Gott (Harr), miene Wead, moatj opp mien Nosenne ##(Kloage)!
3 Horjch opp de Stemm enn mienem Schriee, mien Tjeenijch en mien Gott! Dan too die bäd etj.
4 Zemorjest wellst dü, Gott (Harr) miene Stemm heare, zemorjest woa etj mien Aunlidje die brinje ##(väastale) en lüare.
5 Dan dü best nijch een Gott, dee aun Gottloosijchtjeit jefaule haft; bie die woat daut Beese nijch bliewe.
6 De Prola ##(Äwamotje) woare nijch bestohne ver diene Uage; dü hausst aule, dee Fräfel doone.
7 Dü woascht vetilje de Läajes räde; den Blootdarschtjen Maun en Faulschen veaufschüt Gott (de Harr).
8 Etj oba, etj woa enn de ##(derjch de) Groote ##(Harlijchtjeit) diene Jnod enenn gohne enn dien Hüs, etj woa aunbäde enn diene Ferjcht jäajen dienen heiljen Tempel. {1Tjeen.6,3}
9 Leid mie, Gott (Harr), enn diene Jerajchtijchtjeit omm miene Fiend äa welle; moak jlitj ver mie dienen Wajch.
10 Dan enn äarem Mül es nuscht Toovelohtjet; äa Ennalijchet es Vedoawniss, een opnet Grauf äa Rache; met äare Tung heijchle see.
11 Loht ahn büsse, o Gott; loht ahn faule derjch äare Aunschläj! Steet ahn wajch wäajen de Menj äare Äwaträdunge! Dan see send wadaspanstijch jäajen die jewäse.
12 Soo woare sich aula freie, dee opp die vetrüe; eewijch woare see jüble, en dü woascht ahn bedatje; en enn die woare sich freie, dee dienen Nome leewe.
13 Dan dü woascht dem Jerajchten säajne; Gott (Harr), met Gonst woascht dü ahm ommjäwe aus met eenem Schild.
Psalm 6
1 Dem Väasenja, met Seidespäl, opp de achtseidje Hoap. {1Chron.15,20-21} Een Psalm von Doft.
2 Gott (Harr), strof mie nijch enn dienem Zorn, en bestrof mie nijch enn dienem Oaja!
3 Sie mie jnädijch, o Gott (Harr)! Dan etj sie vewaltjt; heel mie, Gott (Harr)! Dan miene Knoakes send änjstlijch ##(*vefeaht).
4 En miene Seel es sea änjstlijch. En dü, Gott (Harr), woo lang?
5 Kohm tridj, o Gott (Harr), erlees miene Seel; rad mie omm diene Jnod welle!
6 Dan em Doot dentjt maun nijch aun die; em Scheol ##(Doodesritj), wäa woat die preise ##(danke)?
7 Etj sie meed derjch mien Vesefze; jieda Nacht schwam etj mien Bad, moak met miene Trone mien Loaga naut.
8 Vefole es mien Uag fe Trua, jeellat ##(bejoat) von aul miene Bedrenja.
9 Goht wajch von mie aule, jie Fräfel ##(Iebel) doonende! Dan Gott (Harr) haft miene hielende Stemm jeheat.
10 Gott (de Harr) haft mien Bedde jeheat; mien Jebäd neem Gott (de Harr) aun.
11 Aule miene Fiend woare beschämt en sea änjstlijch ##(*vefeaht) woare; see woare tridj gohne, see woare platzlijch beschämt woare.
Psalm 7
1 Een Kloageleed von Doft, daut hee dem Gott (Harrn) sung wäajen de Wead Kusch, dem Benjamienita.
2 Gott (Harr), mien Gott, opp die vetrü etj; rad mie von aul miene Vefolja en rad mie ##(moak mie frie)!
3 Daut hee nijch miene Seel verit aus een Leiw, dee veriete, en tjeen Rada es doa.
4 Gott (Harr), mien Gott! Wan etj soowaut jedohne ha, wan Onnrajcht enn miene Henj es, –
5 wan etj Beeset vejelt dem, dee met mie enn fräd wea, – ha etj doch dem jerad,
dee mie ohne Uasoak bedrenjt, –
6 soo vefolj de Fient miene Seel en hoolt äa enn, en klunjt mien Läwe enne Ead ##(Grund) en stratjt miene Ea ##(Seel) enn dem Stoff. (Selah.)
7 Stoh opp, o Gott (Harr), enn dienem Zorn! Erhäw die jäajen de Wutt miene Bedrenja, en woak opp – no mie: Jerejcht hast dü befoole.
8 En de Schoowa ##(Jemeende) de Veltja woat die ommrinje; en äaret haulwe kohm wada no Hejcht.
9 Gott (de Harr) woat de Veltja rejchte. Rejcht mie, Gott (Harr), no miene Jerajchtijchtjeit en no miene Onnschuld ##(Frommijchtjeit), dee bie mie es.
10 Loht doch een Enj nehme de Boosheit de Gottloose, en moak dem Jerajchten faust! Daut proowt de Hoate en Neare dee jerajchta Gott.
11 Mien Schilt es bie Gott, dee, dee von Hoate opprejchtje rad.
12 Gott es een jerajchta Rejchta, en een Gott, de jieda Dach oajalijch ##(wuttend) es.
13 Wan hee ##(de Gottloosa) nijch ommtjeat, soo schoapt hee sien Schweat; sienen Boage haft hee jetrocke en ahm reed.
14 En Jreetschoft tom dootmoake haft hee fe ahm reedjemoakt ##(opp ahm jerejcht), siene Feilasch moakt hee brennend.
15 Tjitjt, hee ##(de Gottloosa) es enn Jeburtswee met Onnheil; en schwanga met Hoss, en brinjt Faulschheit too Welt.
16 Hee haft eene Kühl jegrowt en haft dee utjehollt, en hee es enn de Kühl jefolle, dee hee jemoakt haft.
17 Sien Onnjletj ##(daut hee fe aundre reedmuak) woat tridj kohme opp sien Haupt, en opp sienen Schädel woat rauffaule siene Jewault.
18 Etj well Gott (dem Harrn) danke no siene Jerajchtijchtjeit, en besinje dem Nome Gottes (det Harrn), dem Hejchsten.
Psalm 8
1 Dem Väasenja, opp de Gittith. Een Psalm von Doft.
2 Gott, ons Harr, woo Harlijch es dien Nome opp de gaunse Ead, dee dü diene Maistät jestalt hast äwa de Himmel!
3 Üt dem Mül de Tjinja en Brosttjinja hast dü Macht ##(Loff) jejrindet omm diene Bedrenja welle, omm tom stellsenne too brinje dem Fiend en dem Rachejiejen.
4 Wan etj dienen Himmel auntjitj, diene Finja Woatj, den Mon en de Stearns, dee dü jemoakt hast:
5 Waut es de Mensch, daut dü aun ahm jedentjst, en dem Mensche Sän, daut dü opp ahm achst?
6 Dan dü hast ahm een bet läaja unja de Enjel jesat; en met Ea ##(Harlijchtjeit) en Schmuck ##(Pracht) hast dü ahm jekroont.
7 Dü hast ahm tom Harscha jemoakt äwa de Woatje diene Henj; aules hast dü unja siene Feet jestalt:
8 Schop en Rinda aulatoop en uck de Tiere oppe Stap,
9 de Väajel em Himmel en de Fesch em Mäa, waut de Wäaj em Mäa derjchwaundat.
10 Gott, ons Harr, woo Harlijch es dien Nome opp de gaunse Ead!
Psalm 9
1 Dem Väasenja, no ##(opp) Muth Labben. Een Psalm von Doft.
2 Etj well Gott danke met mienem gaunsen Hoaten, well vetale aule diene Wundawoatje.
3 En die well etj mie freie en fröhlijch senne, well dienen Nome besinje, dü Hejchsta.
4 Aus miene Fiend sich tridjtrocke ##(tridjdreide), folle see en kaume omm ver dienem Aunjesejcht.
5 Dan dü hast mien Rajcht en miene Sach jefeat; dü hast die opp dem Troon jesat, een jerajchta Rejchta.
6 Dü hast de Natsjoone jeschulle, de Gottloose vetiljt; äaren Nome hast dü fe emma en eewijch ütjelascht.
7 O Fiend! Too Enj send de Trimma ##(Vebräatje) fe emma; – uck de Städa, hast dü too Grund jebrocht; äa, jo, äa Jedajchtness es veschwunge.
8 Oba Gott blift ##(troont) eewijchlijch; hee haft sienen Troon oppjestalt tom Jerejcht.
9 En hee, hee woat den Eadtjreiss rejchte en Jerajchtijchtjeit, woat äwa de Veltja een Rajchtet Jerejcht hoole.
10 En Gott (de Harr) woat eene huage Fastinj senne dem Unjadretjten, eene huage Fastinj enn Tiede de Noot.
11 En opp die woare vetrüe, dee dienen Nome tjanne; dan dü hast nijch velohte, dee die seatje, Gott.
12 Sinjt Psalme Gott (Harr), dee Zion bewohnt, vetjindijcht unja de Veltja siene Dod.
13 Dan dee dem vegohtnem Bloot noforscht, haft aun ahn jedocht, hee haft daut Schriee de Elende nijch vejäte.
14 Sie mie jnädijch, Gott (Harr)! Seeh opp mien Elend von miene Haussa ##(Fiend), enn dem dü mie opphäwst üt de Doodespuate;
15 Omm daut etj aul dien Loff vetal enn de Puate de Dajchta Zion, fröhlijch senne äwa diene Radinj.
16 Vesunke send de Natsjoone enn de Kühl, dee see jemoakt; äa Foot woat jefange enn dem Nat, daut see heimlijch jelajcht ha.
17 Gott (de Harr) es bekaunt jeworde; hee haft Jerejcht ütje'eewt, enn dem hee dem Gottloosen jefange haft enn dem Woatj siene Henj. (Higgajon <Seidespäl> Selah).
18 Daut woare emm Scheol ##(Doodesritj) tridjgohne de Gottloose, aule Natsjoone, de Gott vejäte.
19 Dan nijch fe emma woat de Oame vejäte senne, noch fe eewijch veloare de Hopninj de Älendje ##(Saunftmootje).
20 Stoh opp, Gott (Harr)! De Mensch haft nijch de Äwahaunt; ver dienem Aunjesejcht woare de Natsjoone jerejcht.
21 Laj Angst opp ahn, Harr; daut de Natsjoone weete, daut see Mensche send! (Selah.)
Psalm 10
1 Wuaromm, o Gott (Harr), steist dü wiet auf, vestatjst die too Tiet de Noot?
2 Enn sienem Stolt vefoljt de Gottloose iewrijch dem Elenden. See woare jejräpe woare enn de Aunschläj, de see jeplont habe.
3 Dan de Gottloosa pucht sich met dem Janka siene Seel; en hee säajent den Jietsjen, hee veacht Gott (dem Harrn).
4 De Gottloosa räd no sienem Stolt: Hee woat nijch noforsche. Aule siene Jedanke send: Doa es tjeen Gott!
5 Daut jelinjt ahm emma enn siene Wäaj; huag send diene Jerejchte, wiet von ahm auf; aule siene Jäajna – hee blost ##(püst) dee aun.
6 Hee sajcht enn sienem Hoaten: Etj woa nijch wanke; von Jeschlajcht too Jeschlajcht woa etj enn tjeenem Onnjletj senne.
7 Sien Mül es voll Fleatje en Läajes en Bedrenjnis; unja siene Tung es Onnheil en Onnrajcht.
8 Hee sett em Vestäatj em Hinjahoff, aun veborjnen brinjt hee de Onnschuldje omm; siene Uage spuare dem Oamen ##(Onnjletjlijchen) no.
9 Hee lüat em Veborjnen, aus een Leiw enne Bescha, lüat hee, omm den Oamen ##(*Elenden) too jriepe; hee jript dem *Oamen, enn dem hee ahm enn sien Nat schlapt.
10 Hee duckt sich, betjt sich, en enn siene stoatje Kleiwe faule de Onnjletjlijche.
11 Hee sajcht enn sienem Hoaten: Gott vejat; hee vestatjt sien Aunjesejcht, hee sitt daut niemols!
12 Stoh opp, Harr! Gott, häw diene Haund! Vejat nijch de Elende!
13 Wuaromm veachtet de Fräfla ##(**Jesatzloosa) Gott, sajcht enn sienem Hoate:Du woascht nijch nofroage?
14 Jo, dü hast jeseehne, dan dü, dü sittst Noot en Kumma ##(Jauma), omm too vejelte derjch diene Haund; die äwalat daut de Onnjletjlijche. De Helpa dee Weise best dü.
15 Vebratj dem **Fräfla sien Oarm; en de Beese – seatjt siene Gottloosijchtjeit, doamet dü dee nijch mea finjst.
16 Gott (de Harr) es Tjeenijch emma en eewijch; de Heide ##(Veltja) send ommjekohme üt sienem Laund.
17 Daut Velange de Saunftmootje ##(Bedrenjde) hast dü jeheat, o Gott (Harr); dü stoatjst äa Hoat, latst dien Uah hanheare ##(oppmoatje),
18 omm Rajcht too schaufe de Weise en dem Unjadretjten, daut de Mensch, dee von de Ead es, wiedahan nijch mea Schratj ##(Angst) vebreet.
Psalm 11
1 Dem Väasenja. Von Doft.
Bie Gott (biem Harrn) seatj etj Tooflucht; woo saj jie too miene Seel: Fläjt aus een Voagel no jünem Boajch?
2 Dan tjitj, de Gottloose spaune den Boage, see ha äare Feilasch opp de Sähn jerejcht ##(jelajcht), omm em Diestren too scheete opp dee von Hoate Opprejchtje.
3 Wan de Grundfeila ommjeräte woare, waut deit dan de Jerajchta?
4 Gott (de Harr) es enn sienem heiljen Tempel. Gott (dem Harrn) – enn dee Himmel es sien Troon; siene Uage tjitje, siene Uageläd proowe de Menschetjinja.
5 Gott (de Harr) proowt dem Jerajchten; en dem Gottloosen en dem, de Jewault leeft, hausst siene Seel.
6 Hee woat Schlenje ##(Blitz) räajne lohte opp de Gottloose; Fia en Schwäwel en jläjendja Wint woat daut Deel von äarem Bejcha senne.
7 Dan Gott (de Harr) es jerajcht, hee leeft Jerajchtijchtjeit. Sien Aunjesejcht tjitjt dem Opprejchtjen aun.
Psalm 12
1 Dem Väasenja, opp de achtseidje Hoap ##(Scheminit). Een Psalm von Doft.
2 Rad, o Gott (Harr)! Dan de Fromma es wajch, dan de Trühe send veschwunge unja de Menschetjinja.
3 See räde Faulschheit ##(Idlet), een jiedra met sienem Näajchsten; äare Leppe schmeijchle, met dobbelde Hoate räde see.
4 Gott (de Harr) woat ütrote aule schmeijchelje Leppe, de Tunge, dee groote Dinje räde,
5 dee doa saje: Wie woare äwalaje ##(tjlätja) senne met onse Tung,
onse Leppe send met ons; wäa es ons Harr?
6 Wäajen de Jewault met de maun de Elende behaundelt, wäajen daut Sefze de Oame well etj nü oppstohne, sajcht Gott (de Harr); etj well enn Sejchaheit ##(Radung, Heil) stale den, dee sich doanoh bangt.
7 De Wead Gottes (det Harrn) send reine Wead – Selwa, daut jereinijcht üt dem Schmeltowe oppe Ead rant, säwen mol jereinijcht.
8 Dü, Gott (Harr), woascht ahn bewoare, woascht noh ahn opppausse fe dit Jeschlajcht eewijchlijch.
9 De Gottloose ##(Fräfla) gohne ommhäa, wan de Jemeenheit ##(Niedatrajchtijchtjeit) nehejcht jedräwe es bie de Menschetjinja.
Psalm 13
1 Dem Väasenja. Een Psalm von Doft.
2 Woo Lang, o Gott (Harr) wellst dü mie opp emma vejäte? Woo lang wellst dü dien Aunjesejcht fe mie vestoppe?
3 Woo lang saul etj Rotschlohne häaje enn miene Seel, Kumma enn mienem Hoate aum Dach ha? Woo lang saul sich mien Fiend äwa mie erhäwe?
4 Tjitj häa, auntwuad mie, o Harr, mien Gott! Jef Lijcht fe miene Uage, daut etj nijch ennschlop tom Doot,
5 daut mien Fient nijch sajcht: Etj ha ahm äwawunde! Miene Bedrenja nijch frooh senne, wan etj wanke.
6 Oba etj, etj ha opp diene Leeftol ##(Jnod) vetrüt; mien Hoat saul frooh senne äwa diene Radinj ##(Help). Etj well dem Gott (Harr) sinje, dan hee haft wooljedohne aun mie.
Psalm 14
1 Dem Väasenja. Von Doft.
De Noa sajcht en sienem Hoate: Doa es tjeen Gott. See ha vedorwe jehaundelt, see ha oppscheislijch jedohne; doa es tjeena, dee Goodet deit.
2 Gott (de Harr) haft vom Himmel raufjetjitjt opp de Menschetjinja, omm too seene, auf doa een Vestendja es, eena, de Gott seatjt.
3 Aula send wajchjegohne, see send aulatoop vedorwe; doa es tjeena, dee Goodet deit, uck nijch eena.
4 Ha aula tjeen Ertjantnis, dee Fräfel doone, dee mien Voltj fräte, aus wan see Broot äte? Gott (dem Harr) roope see nijch aun.
5 Doa äwavoll ahn een Schratj, dan Gott es unja dem jerajchten Jeschlajcht.
6 Jie moake too Schaund dem Rotschluss de Elende, wiel Gott (de Harr) siene Tooflucht es.
7 O, daut üt Zion de Radinj fe Iesrael wea! Wan Gott (de Harr) de Jefangenschoft von sienem Voltj aufdreit, saul Joakopp frooh senne, Iesrael sich freie.
Psalm 15
1 Een Psalm von Doft.
Gott (Harr), wäa woat ##(*doaf) enn dienem Zelt sich opphole? Wäa *woat wohne opp dienem heiljen Boajch?
2 Dee enn Vollkohmenheit ##(onnbestroft, dodelloos) waundelt en Jerajchtijchtjeit wirtjt ##(eewt) en enn sienem Hoate Woahrheit räd,
3 nijch faulsch räd met siene Tung, sienem Frind tjeen Beeset deit, en tjeene Onnjerajchtijchtjeit räd ##(brinjt) jäajen sienen Näajchsten;
4 enn dem siene Uage de Veschmätna veacht es, dee, oba dee eat, waltje dem Harr ferjchte; haft hee tom Schode jeschwuare, soo endat hee daut nijch;
5 dee sien Jelt nijch opp Wucha jefft, en tjeen Jeschentj nehmt jäajen Onnschuldje. Wäa daut deit, woat nijch wanke enn Eewijchtjeit.
Psalm 16
1 Een Michtam ##(Jedijcht) von Doft.
Bewoa mie, Gott, dan etj sätj Tooflucht enn ##(bie) die!
2 Dü, miene Seel, hast too Gott (tom Harrn) jesajcht: Dü best mien ##(dee) Harr;
mien Jletj rätjt nijch ennopp no die.
3 Dü hast too de Heilje jesajcht, dee oppe Ead ##(emm Laund) send, en too de Harlijche: Aun ahn es miene aule Lost ##(Wooljefaule).
4 Väle woare de Weedoag dee äare senne, dee eenem aundren nogohne; äare Drintjopfa von Bloot woa etj nijch droage, en äaren Nome nijch opp miene Leppe nehme.
5 Gott (de Harr) es daut Deel von mienem Oawgoot en mienem Bejcha; dü helst mien Looss.
6 De Mohtschnooa send mie jefolle enn leeftolje Uate; jo, een scheenet Oawgoot es mie jeworde.
7 Gott (dem Harr) woa etj preise, dee mie berohde haft, uck de Nacht beleare mie miene Neare.
8 Etj ha dem Harrn emma ver mie jestalt; wiel hee aun ##(too) miene Rajchte es, etj woa nijch wanke.
9 Doaromm freit sich mien Hoat, en miene Seel ##(Ea) es frooh ##(jübelt). {Ps.7,6; Ap.J.2,26} Uck mien Fleesch woat enn sejchaheit rühe.
10 Dan miene Seel woascht dü nijch dem Scheol äwalohte, woascht nijch toolohte, daut dien Fromma de Vewesung ##(Kühl) sitt.
11 Dü woascht mie dem Wajch tom Läwe bekaunt moake; eene Fell von ##(saut moakende) Freid es ver dienem Aunjesejcht, Leeftol enn diene Rajchte emmadoa.
Psalm 17
1 Een jebäd von Doft.
Horjch, o Gott (Harr), de Jerajchtijchtjeit, horjch opp mien Schriee; nehm too Uhre mien Jebäd vonne Leppe ohne Faulsch.
2 Von dienem Aunjesejcht jeit mien Rajcht üt; loht diene Uage Opprejchtijchtjeit auntjitje.
3 Dü hast mien Hoat jeproowt, hast mie denacht derjchforscht, dü hast mie jereinijcht – dü fungst nuscht; miene Jedanke gohne nijch wieda aus mien Mül.
4 Waut daut Doone de Mensche betrafft, soo ha etj mie derjch daut Wuat diena Leppe bewoat fe de Wäaj de Vebräatja ##(Jewault doonende).
5 Miene Schräd hilde faust aun diene Spuare, mien Gang haft nijch jewankt.
6 Etj, etj ha die aunjeroopt, dan dü erheascht mie, o Gott, neej dien Uah no mie, hea mien Räde!
7 Bewies diene wundaboare Huld, dee dü derjch diene Rajchte dee opp die Vetrüende radst fe den, dee sich jäajen ahn erhäwe.
8 Bewoa mie aus den Uagaupel em Uag; vestäatj mie enn dem Schaute diene Flijchte
9 fe de Gottloose, dee mie äwawaultje, miene Doot'Fiend, dee omm mie send.
10 Äa fatet Hoat veschlüte see, met äarem Mül räde see stolt.
11 Enn aule onse Schräd ha see ons nü ommrinjt; see rejchte äare Uage doaropp, ons oppe Ead too stratje.
12 Hee es aus een Leiw, dee jierijch es om too veriete, en aus een junga Leiw, settend emm Vestäatj.
13 Stoh opp, o Gott (Harr)! Kohm ver ahm, schmiet ahm dohl!
Rad miene Seel von dem Gottloosen derjch dien Schweat;
14 von de Lied derjch diene Haund, o Gott (Harr), von de Lied disa Welt! Äa Deel es enn disem Läwe, en äa Buck fellst dü met dienem Schauts; see ha Säns de saut woare, en äarem Äwafluss lohte see äare Tjinja.
15 Etj oba woa dien Aunjesejcht seene enn Jerajchtijchtjeit, woa saut woare, wan etj oppwatj, met dienem Bilt.
Psalm 18
1 Dem Väasenja. Von dem Tjnajcht Gottes (det Harrn), von Doft, dee de Wead enn disem Leed too Gott (dem Harrn) räd aun dem Dach, aus Gott (de Harr) ahm jerad haud üt de Haunt aule siene Fiend en üt Saul siene Haunt.
2 En hee säd: Etj leew die, Gott (Harr), miene Krauft!
3 Gott (de Harr) es mien Fäls en miene Burjch en mien Rada; mien Gott, mien Fäls, opp ahm woa etj vetrüe, mien Schilt en mien Huarn von mienem Heil, miene huage Fastinj.
4 Etj woa Gott (dem Harrn) aunroope, dee too lowe es, en etj woa jerad woare von miene Fiend.
5 Daut ommrinje mie Doodes Fassle, en de Streem Belials erschratjte mie.
6 De Fassle de Unjawelt ommrinjde mie, see bejäajende mie met Doodesschlenje.
7 Enn miene Bedrenjnis roopt etj too Gott (tom Harrn), en etj schreajch too mienem Gott, hee head üt sienem Tempel miene Stemm, en mien Schriee ver ahm tjeem enn siene Uhre.
8 Doa wankt en bäbt de Ead, en Grundloag de Boaj zettad en wankt, wiel hee oajalijch wea.
9 Rüak steajch opp von siene Näs, en Fia fraut üt sienem Mül; jläjendje Kole brennde üt ahm.
10 Hee neijd de Himmel en fuah erauf, en Dunkel wea unja siene Feet.
11 En hee fuah opp eenem Cherub en fluach doahäa; en hee schwäbd oppe Wint Fitijche ##(Flijchte).
12 Diestaness muak hee too siene Bedatjung, too sienem Zelt rundomm sich häa, Diestaness de Wota, dijchte Himmelswoltje.
13 Üt dem Glauns ver ahm fuahre siene dijchte Woltje vebie, Hoagel en Fiakole.
14 En daut donnad Gott (de Harr) em Himmel, en de Hejchsta leet siene Stemm schaule, Hoagel en Fiakole.
15 En hee schoot siene Feilasch en vestreed dee, en hee schliesad Blitze en vewerrd ahn ##(de Fiend).
16 En daut worde jeseehne de Bade ##(Placke) de ##(von) Wota, en de Grundloag vom Eadtjreiss worde opjedatjt ver dienem Schelle, Gott (Harr), von dem Schnüwe en Frodem diene Näs.
17 Hee stratjt siene Haund üt von doa Bowe, hee nehm mie, hee trock mie üt groote Wota.
18 Hee rad mie von miene stoatje Fiend en von miene Haussa, dan dee weare stoatja aus etj.
19 Dee bejäajende mie aun mienem Onnjletjsdach, oba Gott (de Harr) wea mie too eene Stett.
20 En hee fead mie erüt enne Wiede ##(Frieheit), hee muak mie frie, wiel hee aun mie Jefaule haud.
21 Gott (de Harr) vejelt mie no miene Jerajchtijchtjeit, no de Reinheit miene Henj beloohnt hee mie.
22 Dan etj ha de Wäaj Gottes (det Harrn) bewoat, en sie von mienem Gott nijch fräfelhauft aufjegohne.
23 Dan aule siene Rajchte weare ver mie, en siene Satzunge ##(Jeboote), etj doo dee nijch von mie steete.
24 En etj wea vollkohme ahm jäajenäwa, en heed miene Onnjerajchtijchtjeit.
25 En Gott (de Harr) vejelt mie no miene Jerajchtijchtjeit, no de Reinheit miene Henj ver siene Uage.
26 Jäajen dem Frommen bewiest dü die leeftolijch, jäajen dem vollkohmnen Maun wiest dü die vollkohme;
27 jäajen dem Reinen bewiest dü die rein, en jäajen dem Faulschen bewiest dü die entjäajen striedent
##(vedreit).
28 Dan dü woascht daut elende Voltj rade, en de huage Uage woascht dü rauf satte.
29 Dan dü latst mien Lijcht schiene; Gott (de Harr), mien Gott, bedacht miene Diestaness.
30 Dan met die woa etj jäajen eene Schoowa rane, en met mienem Gott woa etj eene Mia äwasprinje.
31 Gott, – sien Wajch es vollkohme; Gottes ##(dem Harr sien) Wuat es rein, een Schild es hee fe aule,
dee opp ahm vetrüe.
32 Dan wäa es Gott, büta dem Harr? En wäa een Fäls, aus bloos ons Gott?
33 Dee Gott, dee mie met Krauft ommgortet en vollkohme moakt mienen Wajch.
34 Dee miene Feet aus dem Hersch siene moakt, en mie hanstalt opp miene Hejcht;
35 dee miene Henj dem Kaumf leaht, en miene Oarms spaune dem koppanen Boage.
36 En dü jeefst mie daut Schilt von dienem Heil, en diene Rajchte stett mie, en diene
Rauflohtung moakt mie groot.
37 Dü muakst Rüm fe miene Schräd unja mie, en miene Tjnejchel ha nijch jewankt.
38 Miene Fiend juag etj no en errätjt ahn, en jintj nijch tridj, bet see oppjeräwe weare.
39 Etj veschmatad ahn, en see kunne nijch oppstohne; see folle unja miene Feet.
40 En dü ommgortest mie met Krauft tom Stried, buagst unja mie, dee jäajen mie oppstunde.
41 En dü hast mie dem Ridje miene Fiend jejäft; en miene Haussa, etj venijcht ahn.
42 See schreaje, en tjeen Rada wea doa – too Gott (tom Harrn), en hee auntwuad ahn nijch.
43 En etj vereef ahn aus Stoff ver dem Wint; aus Gausse Dratj sched etj ahn üt.
44 Dü radsd mie üt de Striedijchtjeite unjrem Voltj; dü sadsd mie tom Haupt de Natsjoone; een Voltj, daut etj nijch tjannd, deent mie.
45 Sooboolt äa Uah head, jehorjche see mie; de Säns de Framde send mie unjadon met schmeijchle.
46 De Säns de Framde worde krauftloos en kohme zettrijch üt äare Schlossa.
47 Gott (de Harr) läft, en jepriese es mien Fäls! En erhoowe woat de Gott von mienem Heil!
48 Dee Gott, dee mie Rache jeef en Veltja mie unjadon muak,
49 dee mie rad von miene Fiend. Jo, dü erhoowst mie äwa dee, dee jäajen mie oppstunde; von dem Maun de Jewault muakst dü mie frie.
50 Doaromm, Gott (Harr) wel etj die preise unja Veltja, en dienem Nome Psalme sinje,
51 die, dee groot moakt de Radunge von sienem Tjeenijch, en Goodet wiest sienem Jesaulwten, Doft en sienem Some eewijchlijch.
Psalm 19
1 Dem Väasenja. Een Psalm von Doft.
2 De Himmel vetale de Harlijchtjeit Gottes, en de Ütdehnung vetjindijcht daut Woatj von siene Henj.
3 Een Dach berejcht daut dem aundren, en eene Nacht mald de aundre de Kund.
4 Tjeene Räd en tjeene Wead, doch jeheat woat äare Stemm.
5 Äare Mohtschnooa jeit üt äwa de gaunse Ead, en äare Sproak bott aun dem Enj vom Eadtjreiss; hee haft de Sonn enn ahn ##(äare med) een Zelt jesat.
6 En see es aus een Briegaum, dee erüt tjemt üt siene Schlopstow; see freit sich aus een Held, too derjchrane de Bohn.
7 Vom Enj de Himmel es äa Ütgang, en äa ommrane es bet äarem Enj; en nuscht es fe äare Glooje veborje.
8 Daut Jesatz Gottes (det Harrn) es vollkohme, ertjwitjt de Seel; daut Zeijniss Gottes (det Harrn) es toovelohtijch, moakt weise ##(klüak) dem Eenfeltjen.
9 De Väaschrefte Gottes (vom Harrn) send rejchtijch en freie daut Hoat; daut Jeboot Gottes (det Harrn) es rein, moakt de Uage dach ##(seenent).
10 De Ferjcht Gottes (det Harrn) es rein en besteit enn Eewijchtjeit. De Rajchte Gottes (det Harrn) send Woahrheit, dee send aulatoop jerajcht;
11 see, dee send mea weat aus Gold en väl reinet Gold, en seeta aus Honijch en zoata Honijch.
12 Uck dien Tjnajcht woat derjch ahn beleat; em Beobachte de selje es groota Loon.
13 Veerrunge, wea sitt dee enn? Von veborjne Sinde reinij mie!
14 Uck von äwamootje hool dienen Tjnajcht tridj; loht ahn mie nijch beharsche! Dan sie etj dodelloos en sie rein von groote Äwaträdunge.
15 Loht de Räd üt mienem Mül en daut Senne enn mienem Hoate wooljefaulijch ver die senne, Gott (Harr) mien Fäls en mien Erleesa!
Psalm 20
1 Dem Väasenja. Een Psalm von Doft.
2 Gott (de Harr) erheat die aum Dach de Noot ##(Angst), de Nome det Gottes Joakopps satt die enn Sejchaheit.
3 Hee schetjt die Help üt dem Heilijchtum, en von Zion üt unjastett hee die.
4 Hee jedentjt aule diene Speisopfa, en dien Brauntopfa woat hee aunnehme. (Selah.)
5 Hee jefft die no dienem Hoate, en aule diene Rotschläaj erfellt hee!
6 Wie welle jüble äwa diene Radung, en em Nome von onsem Gott daut Panier ##(Feldteatjen) erhäwe. Gott (de Harr) erfellt aule diene Bedde!
7 Nü weet etj, daut Gott (de Harr) sienen Jesaulwten rad; üt sienem heiljen Himmel woat hee ahm erheare derjch de Macht ##(Krauft) daut Heils siene Rajchte.
8 Diese dentje aun Woages en jane aun Pead, oba wie dentje aum Nome daut Harrn, onsem Gott.
9 Jane betje sich en faule, oba wie stohne en hoole ons opprajcht.
10 Gott (Harr) rad! De Tjeenijch erhea ons aum Dach wan wie roope!
Psalm 21
1 Dem Väasenja. Een Psalm von Doft.
2 Enn diene Krauft, Gott (o Harr), freit sich de Tjeenijch, en woo sea freit hee sich äwa diene Radung!
3 Dem Wensch enn sienem Hoat hast dü ahm jejäft, en daut velange siene Leppe nijch aufjewäse. (Selah.)
4 Dan met goode Säajnunge tjemmst dü ahm entjäajen; opp sien Haupt sattst dü eene Kroon von reinem Gold.
5 Hee bedd von die Läwe, dü hast daut ahm jejäft: Lange Doag emma en eewijch.
6 Groot es siene Harlijchtjeit derjch diene Radung; Maistät en Pracht lädst dü opp ahm.
7 Dan tom Säajen sattst dü ahm eewijchlijch; dü muakst ahm frooh met Freid derjch dien Aunjesejcht.
8 Dan opp Gott (dem Harr) vetrüt de Tjeenijch, en derjch dem Hejchsten siene Jnod woat hee nijch wanke.
9 Diene Haunt woat finje aule diene Fiend, finje woat diene Rajchte diene Haussa.
10 Aus eenen Fiaowe woascht dü ahn moake too Tiet bie dienem Erschiene; Gott (de Harr) woat ahn veschlinje enn sienem Zorn, en Fia woat ahn vetäaje.
11 Äare Frucht woascht dü von de Ead vetilje, en äaren Some üt de Menschetjinja.
12 Dan see ha Beeset jäajen die jeplont, eenen Aunschlag haude see em Senn: See woare nuscht tjenne.
13 Dan dü woascht moake, daut see tridjgohne, woascht dienen Boage jäajen äa Aunjesejcht rejchte.
14 Erhäw die Gott (Harr), enn diene Krauft! Wie welle sinje en Psalme sinje diene Macht.
Psalm 22
1 Dem Väasenja. No – Herschkooh aum Morjeroot. Een Psalm von Doft.
2 Mien Gott, mien Gott, wuaromm hast dü mie velohte best wiet von miene Radung ##(Help)##, dee Wead von mienem Stäne ##(Kloage)##?
3 Mien Gott! Etj roop aum Dach, en dü auntwuadst nijch, en de Nacht, en mie woat tjeene Rüh.
4 Doch dü best heilijch, dee dü wohnst unja dem Loffjesang Iesraels.
5 Opp die vetrüde onse Vodasch; dee vetrüde, en dü radsd ahn.
6 Too die schreaje see en worde jerat; see vetrüde opp die en worde nijch beschämt.
7 Oba etj sie een Worm en tjeen Maun, dee Spott von Mensche en dee vom Voltj Veachteta.
8 Aula, dee mie seene, spotte äwa mie; see riete de Leppe op, scheddre dem Kopp:
9 „Hee vetrüd opp Gott (oppem Harrn)! Dee rad ahm, moak ahm frie, wiel hee aun ahm Lost haft!“
10 Doch dü best daut, dee mie üt dem Muttalief jetrocke haft, dee mie vetrüe leet aun miene Mutta äare Broste.
11 Opp die sie etj jeschmäte vom Muttaschoot aun, von miene Mutta Lief aun best dü mien Gott.
12 Sie nijch wiet von mie! Dan de Noot es dijchtbie, dan tjeen Halpa es doa.
13 Väle Stiasch ##(*Bolles, Stoatje) ha mie ommjäwe, de *Stoatje von Basan ommrinjde mie;
14 See ha äa Mül jäajen mie opjeräte, aus een rietenda en brellenda Leiw.
15 Aus Wota sie etj ütjegohte, en aule miene Jläda ha sich jetrannt; aus Waus es mien Hoat jeworde, daut es jeschmolte enn mienem Enneren.
16 Miene Krauft es vedräjcht aus een Schoawel, en miene Tung backt aun mienem Bähn; en enn dem Doodes Stoff lajst dü mie.
17 Dan Hunj ha mie ommrinjt, eene Rotte ##(Voltjs'Menj)## von Fräfla ##(Iebel'doonende)## ha mie ommrinjt. See ha miene Henj en miene Feet derjchgrowe [ommzinjle aus een Leiw miene Henj en miene Feet].
18 Aule miene Jläda kaun etj tale. See tjitje en seene äare Lost aun mie.
19 See deele miene Tjleeda unja sich, en äwa mien Äwarock schmiete see daut Loos.
20 Oba dü, Gott (Harr), sie nijch wiet auf! Miene Krauft, komm mie schwind too Help!
21 Rad miene Seel vom Schweat, miene eensje vonne Jewault de Hunj;
22 Rad mie üt dem Leiw sien Rache! Jo, dü hast mie erheat vonne Heana de Biffel.
23 Vetjindje well etj dienen Nome miene Breeda; enne Medd de Jemeende well etj die lowe.
24 Jie, dee jie Gott (dem Harrn) ferjchte, lofft ahm; aule vom Some Joakopps, veharlijcht ahm, en ferjcht jünt ver ahm, aule vom Some Iesraels.
25 Dan hee haft nijch veacht noch veaufschüt daut Elend de Elende, noch sien Aunjesejcht ver ahm veborje; en aus hee too ahm schreajch, head hee.
26 Von die tjeemt mien Loffjesang enn de groote Vesaumlung; betohle well etj miene Vespräatje ver den, dee ahm ferjchte.
27 De Bedrenjde ##(Elende)## woare äte en saut woare; daut woare Gott (dem Harrn) lowe, dee ahm seatje; jün Hoat woat emma läwe.
28 Aule Enj de Ead woare doaraun dentje en too Gott (dem Harrn) ommtjeare; en ver die dohlfaule ##(Aunbäde) aule Jeschlajchta ##(Famieljes)## de Natsjoone.
29 Dan Gott (dem Harrn) sien es daut Ritj, en äwa de Natsjoone Harscht hee.
30 Aule Ritje ##(Fatte)## de Ead äte en faule dohl; ver ahm woare sich aula bäaje, dee enn dem Stoff rauf foahre, en dee siene Seel nijch aum Läwe erhoole kaun.
31 Een Some woat ahm deene; hee woat dem Harrn aus een Jeschlajcht toojeräatjent woare.
32 See woare kohme en vetjindje siene Jerajchtijchtjeit eenem Voltj, daut jebuare woat, en daut hee daut jedohne haft.
Psalm 23
1 Een Psalm von Doft.
Gott (de Harr) es mien Hoad, mie woat nuscht fäle.
2 Hee loagat mie opp jreene Wäse, hee feat mie aun stelle Wota.
3 Hee stoatjt ##(beläwt)## miene Seel, hee leit mie opp Wäaj de Jerajchtijchtjeit omm sienem Nome haulwe.
4 Uck wann etj waundle enne Läajcht de Doodesschaute, etj ferjcht tjeen Iebel, dan dü best bie mie; dien Stock en diene Stett, dee treeste mie.
5 Dü moakst ver mie eenen Desch reed aunjesejchts miene Fiend; dü hast mien Haupt met Eelj jesaulwt, mien Bejcha rant äwa.
6 Bloos Goodet ##(Jletj) en Jnod ##(Erboarme) woare mie folje aule Doag enn mienem Läwe; en etj woa wohne em Hüs Gottes (det Harrn) opp emma ##(läweslang).
Psalm 24
1 Von Doft. Een Psalm.
Gott (dem Harr) siene es de Ead en äare Felle, de Eadtjreiss en dee doabowe wohne.
2 Dan hee haft dee jejrindet äwa Mäare, en äwa Streem dee faust jestalt.
3 Wäa woat opp den Boajch Gottes (det Harrn) stiee, en wea woat stohne aun siene heilje Städ?
4 Dee onnschuldje Henj en reinet Hoates es, dee nijch too Faulschheit siene Seel erhäwt en nijch schweat tom Bedrach.
5 Hee woat Säajen emfange von Gott (vom Harrn), en Jerajchtijchtjeit von dem Gott sien Heil.
6 Dit es daut Jeschlajcht, dee no ahm trachte, dee dien Aunjesejcht seatje – Joakopp. (Selah.)
7 Erhäwt, jie Noare, jüne Heipta, en erhäwt jünt, eewije Puate, doamet de Tjeenijch de Ea enenn tratjt!
8 Wäa es disa Tjeenijch de Ea? Gott (de Harr), stoatj en jewaultijch! Gott (de Harr) jewaultijch em Kaumf!
9 Erhäwt, jie Noare, jüne Heipta, en erhäwt jünt, eewije Puate, doamet de Tjeenijch de Ea enenn tratjt!
10 Wäa es disa Tjeenijch de Ea? Gott (de Harr) de Häa'Schoa, hee es de Tjeenijch de Ea! (Selah.)
Psalm 25
1 Von Doft. No die, Gott (o Harr), erhäw etj miene Seel.
2 Mien Gott, opp die vetrü etj: Loht mie nijch beschämt woare, loht miene Fiend sich nijch äwa mie freie.
3 Uck woare aule, dee opp die hope, nijch beschämt woare; daut woare beschämt woare, dee one Üasoak trüloos haundle.
4 Diene Wäaj, o Gott (Harr), doo mie kund, diene Stiej leah mie!
5 Leid mie enn diene Woahrheit en leah mie, dan dü best de Gott von mienem Heil; opp die hop etj dem gaunsen Dach.
6 Jedentj diene Erboarmunge, Gott (Harr), en diene Jnod ##(Leew); dan von Eewijchtjeite häa send dee.
7 Jedentj nijch aun de Sinde enn miene Jügend, noch aun miene Äwaträdunge; jedentj dü mie no diene Jnod, omm dien Goodet wäajen, Gott (Harr)!
8 Goot en jerajcht ##(jlitj üt) es Gott (de Harr), doaromm wiest hee de Sinda opp dem rajchten Wajch.
9 Hee leet de Saunftmootje ##(Elende) no dem Rajcht, en leaht de Saunftmootje sienen Wajch.
10 Aule Stiej Gottes (det Harrn) send Jnod en Woahrheit fe dee, dee sienen Bunt en siene Zeijnise bewoare.
11 Omm dienen Nome welle, Gott (Harr), woascht dü miene Schuld ##(Vegohne) vejäwe {2Mos.34,9}; dan dee es groot.
12 Wäa es dan dee Maun, dee Gott (den Harrn) ferjcht? Hee woat ahm dem Wajch wiese, dem hee wäle saul.
13 Siene Seel woat em Jletj wohne, en sien Some daut Laund besette.
14 Daut Jeheemniss Gottes (det Harrn) es fe dee, dee ahm ferjchte, en sien Bunt, omm ahn den seljen kund too doone.
15 Miene Uage send emma opp Gott (dem Harrn) jerejcht; dan hee woat miene Feet rütfeare üt dem Nat.
16 Drei die no mie en sie mie jnädijch, dan etj sie eensaum en em elend.
17 De Angst enn mienem Hoat haft toojenohme; brinj mie rüt üt miene Bedrenjnise!
18 Seeh aun mien Elend en miene Pien, en vejeef mie aule miene Sinde!
19 Seeh miene Fiend, dan dee send väl, en met grausomen Hauss hausse see mie.
20 Bewoa miene Seel en rad mie! Loht mie nijch beschämt woare, dan etj trü opp die.
21 Onnschuld en Woahrheit ##(Opprejchtijchtjeit) muchte mie bewoare, dan etj hop opp die.
22 Erlees Iesrael, o Gott, üt aule siene Noot!
Psalm 26
1 Von Doft.
Rejcht mie, Gott (Harr)! Dan en miene Onnschuld ha etj jewaundelt; en opp Gott (dem Harr) ha etj vetrüt, etj woa nijch wanke.
2 Proow mie, Gott (Harr), en veseatj mie; reinij miene Neare en mien Hoat!
3 Dan diene Jnod es ver miene Uage, en enn diene Woahrheit waundel etj.
4 Etj ha nijch jesäte bie faulsche Lied ##(Leajna), en met Hinjalästje jintj etj nijch omm.
5 Etj ha de Vesaumlung de Iebel doonende jehausst, en bie Fräfla ##(Gottloose) saut etj nijch.
6 Etj wausch enn Onnschuld miene Henj, en ommgoh dienen Aultoa, Gott (Harr),
7 omm too heare lohte diene Dankes'Stemm, en omm too vetale aule diene Wunda Woatje.
8 Gott (Harr), etj ha jeleeft de Städ ##(Wohninj)## enn dienem Hüs en dem Wohnuat diene Harlijchtjeit.
9 Rop miene Seel nijch wajch met de Sinda, noch mien Läwe met Blootjierje ##(Blootmensche),
10 en den äare Henj beeset Väahabe ##(Fräfel), en dee äare Rajchte voll Bestäatjung ##(tom Betjeepe) es.
11 Oba etj woa waundle enn miene Onnschuld. Erlees mie en sie mie jnädijch!
12 Mien Foot steit opp jlitjem Grund: Gott (dem Harr) woa etj preise enn de Vesaumlunge.
Psalm 27
1 Von Doft.
Gott (de Harr) es mien Lijcht en mien Heil, ver wäm saul etj mie ferjchte? Gott (de Harr) es miene Läwenskrauft, ver wäm saul etj mie enjste?
2 Aus Iebel doonende mie noda tjeeme, omm mien Fleesch too fräte, miene Bedrenja en miene Fiend – see haude Angst en folle.
3 Wan een Häa sich jäajen mie loagat, mien Hoat haft nijch Angst; wan sich jäajen mie een Tjrijch erhäwt, doaropp vetrü etj:
4 Eent bedd etj von Gott (vom Harrn), doano well etj trachte; too wohne em Hüs Gottes (vom Harrn) aule Doag enn mienem Läwe, omm auntotjitje de Leeftol {Sach.11,7.10} Gottes (det Harrn) en no ahm too forsche enn sienem Tempel.
5 Dan hee woat mie bedatje enn sienem Zelt {Ps.31,21} aum Dach daut Onnheils, hee woat mie vestoppe enn dem Vestäatj enn sienem Zelt; opp eenem Fäls woat hee mie erhäwe.
6 En dan woat mien Haupt erhäwt senne äwa miene Fiend omm mie romm; en Jubel Opfa well etj opfre enn sienem Zelt, etj well sinje en jesangspäle dem Gott (Harrn).
7 Hea, Gott (Harr), met miene Stemm roop etj; en sie mie jnädijch en erhea mie!
8 Von die haft mien Hoat jesajcht: Dü sajchst: Sätjt mien Aunjesejcht! – Dien Aunjesejcht, Gott (Harr) seatj etj.
9 Vestäatj dien Aunjesejcht nijch fe mie, wies dienen Tjnajcht em Oaja nijch auf! Dü best miene Helpa jewäse; loht mie nijch en veloht mie nijch, Gott mien Heil!
10 Dan haude mien Voda en miene Mutta mie velohte, soo näm doch Gott (de Harr) mie opp.
11 Leah mie, Gott (Harr), dienen Wajch, en leid mie opp jlitje Stiej omm miene Fiend äa welle!
12 Jef mie nijch dem Jiea miena Bedrenja han! Dan faulsche Zeije send jäajen mie oppjestohne en dee doa Jewault schniwt.
13 Wan etj nijch jejleewt haud, daut Goode Gottes (det Harrn) too seene em Laund de Läwendje...!
14 Vetrü ##(*hop, wacht) opp Gott (den Harrn)! Sie stoatj, en dien Hoat foot Moot,
en *vetrü opp Gott (den Harrn)!
Psalm 28
1 Von Doft.
Too die, Gott (Harr), roop etj; mien Fäls, drei die nijch em stellen von mie auf, doamet nijch, wan dü jäajen mie stomm woascht, etj den ähnle, dee enne Kühl rauffoare!
2 Hea de Stemm von mienem Jebäd, wan etj no die schriee, wan etj miene Henj opphäw jäajen dienen heiljen Hinjarüm ##(Aulaheilijchste).
3 Riet mie nijch wajch met de Gottloose met den, dee Fräfel doone, dee frädlijch räde met äarem Näajsten, en Beeset es enn äarem Hoate!
4 Jeff ahn no äarem Doone en no äare Beese Haundlunge, no de Woatje äare Henj jeff ahn, vejelt ahn äa Vehoole.
5 Dan see achte nijch opp de Dode Gottes (det Harrn), noch opp daut Woatj siene Henj. Hee woat de entwei moake en nijch büe.
6 Jepriese es Gott (de Harr)! Dan hee haft de Stemm enn mienem Bedde jeheat.
7 Gott (de Harr) es miene Krauft en mien Schilt; opp ahm haft mien Hoat vetrüt, en mie es jeholpe worde; doahäa es mien Hoat frooh, en etj woa ahm danke met mienem Leed.
8 Gott (de Harr) es äare ##(dem Voltj siene) Krauft, en hee es de radungs Fastinj von sienem Jesaulwten.
9 Rad dien Voltj en säajen dien Oawgoot; en weid ahn en droag ahn bet enne Eewijchtjeit!
Psalm 29
1 Een Psalm von Doft.
Jäft Gott (dem Harrn), jie Säns de Stoatje ##(Gottessäns), jefft Gott (dem Harrn) Ea en Macht.
2 Jefft Gott (dem Harrn), sienem Nome, de Ea; bäd Gott (dem Harrn) aun, em heiljen Schmuck.
3 De Stemm Gottes (det Harrn) es äwa dem Wota; dee Gott de Harlijchtjeit donnat, de Gott (de Harr) äwa de groote Wotasch.
4 De Stemm Gottes (det Harrn) es jewaultijch, de Stemm Gottes (det Harrn) es harlijch.
5 De Stemm Gottes (det Harrn) vebratjt de Zeeda, jo, Gott (de Harr) vebratjt Zeeda vom Libanon;
6 en hee moakt ahn huppsent aus een Kaulf, dem Libanon en Sirjon {5Mos.3,9} aus eenen jungen willen Oss.
7 De Stemm Gottes (det Harrn) spretst Fiaflaume.
8 De Stemm Gottes (vom Harrn) scheddat de Wieste, Gott (de Harr) scheddat de Wieste Kadesch.
9 De Stemm Gottes (det Harrn) moakt Herschtjäaj oppjeräajcht, hee moakt kohl de Weela; en enn sienem Tempel räd aules ##(waut doa benne es): Ea ##(Harlijchtjeit)!
10 Gott (de Harr) troont opp ##(äwa) de Wotastreem ##(Äwaschwaminj), en Gott (de Harr) troont aus Tjeenijch opp Eewijch.
11 Gott (de Harr) woat sienem Voltj Krauft jäwe, Gott (de Harr) woat sien Voltj met Fräd säajne.
Psalm 30
1 Een Psalm. Een Ennweihungleed vom Hüs. Von Doft.
2 Etj well die erhäwe, Gott (Harr), dan dü hast mie nehejcht ##(rüt) jetrocke en hast nijch miene Fiend, sich äwa mie freie lohte.
3 Harr, mien Gott! No die ha etj jeschräje, en dü hast mie jeheelt.
4 Gott (Harr)! Dü hast miene Seel üt dem Scheol nehejcht jefeat, hast mie von ##(üt) dee beläwt, dee enn de Kühl rauffoare.
5 Sinjt too Ea Gottes (dem Harrn) jie siene Fromme, en dankt ##(biem dentj aun siene Heilijchtjeit) sienen heiljen Nome.
6 Dan een Uagebletj es hee enn sienem Zorn, een Läwe enn sienem Wooljefaule; aum Owent tjemt daut Hiele aun, en Zemorjess es Jubel doa.
7 En etj säd enn miene Sorjloosijchtjeit: Etj woa nijch wanke enn Eewijchtjeit.
8 Gott (Harr)! Enn dienem Wooljefaule hast dü mienem Boajch faust jestalt; dü vestatjst dien Aunjesejcht, etj wea oppjeräajcht.
9 Too die, Gott (Harr), roopt etj, en too mienem Harrn bedd etj omm Jnod:
10 Waut fe Jewenn es enn mienem Bloot, een mienem rauffoare enn de Kühl?
Woat de Stoff die preise ##(lowe)? Woat hee diene Woahrheit vetjindje?
11 Horjch, Gott (Harr), en sie mie jnädijch! Gott (Harr), sie mien Halpa!
12 Miene Weekloage hast dü mie enn eenem Freidensleet vewaundelt, mien Trüatjleet hast dü jeleest, en mie met Freid ommgortet;
13 omm daut miene Ea {Ps.7,5;16,9} die besinjt en nijch stell es. Harr, mien Gott, enn Eewijchtjeit woa etj die preise.
Psalm 31
1 Dem Väasenja. Een Psalm von Doft.
2 Opp die, Gott (Harr), vetrü etj; loht mie nijch beschämt woare; rad mie enn diene Jerajchtijchtjeit!
3 Näaj dien Uah no mie, ielend rad mie! Sie mie een Fäls de Tooflucht, een Hüs met ne Fastinj Mia, omm mie too rade!
4 Dan mien Fäls en miene Burjch best dü; en omm dienen Nome welle feah mie en leid mie.
5 Tratj mie üt dem Nat, daut see mie heimlijch jelajcht ha; dan dü best miene Krauft ##(Tooflucht).
6 Enn diene Haund befäl etj mienen Jeist. Dü hast mie erleest, Harr, dü trüha Gott.
7 Jehausst ha etj dee, dee opp nutzloose Jetta achte, en etj ha opp Gott (dem Harrn) vetrüt.
8 Etj well froohlocke en mie freie enn diene Jnod; dan dü hast mien Elend aunjeseene, hast Tjantniss jenohme von de Bedrenjnise enn miene Seel,
9 en hast mie nijch ütjeleewat enn de Haund de Fiend, hast enn wiedem Rüm miene Feet jestalt.
10 Sie mie jnädijch, Gott (Harr)! Dan etj sie enn Bedrenjnis; vom Jremme vefellt mien Uag, miene Seel en mien Lief.
11 Dan enn Kumma ##(Jremm) veschwinjt mien Läwe, en miene Joahre em vesefze; miene Krauft wankt derjch miene Onnjerajchtijchtjeit, en miene Been ##(Knoakes) vefaule.
12 Fe aule miene Bedrenja sie etj uck miene Nobasch sea tom Spott jeworde,en tom Schratj fe miene Bekaunde; de mie oppe Gauss seene, rane fe mie.
13 Etj sie vejäte em Hoat aus een Jestorwna; etj sie jeworde aus een twei jeschloagnet Jefäss.
14 Dan etj ha de Veachtunge von väle jeheat, een Schratj omm mie; enndem see aula toop jäajen mie rotschlohne, see dentje ##(senne) doaraun, mie daut Läwe too näme.
15 Oba etj, etj ha opp die vetrüt, Gott (Harr); etj säd: Dü best mien Gott!
16 Enn diene Haund send miene Tiede; rad mie üt de Haund miene Fiend en fe miene Vefolja!
17 Loht dien Aunjesejcht dache äwa dienen Tjnajcht, rad mie enn diene Jnod!
18 Gott (Harr), loht mie nijch too schaunde woare, dan etj ha die aunjeroopt! Loht beschämt woare de Gottloose, loht ahn stell senne em Doodesritj!
19 Loht vestomme ##(stomm woare) de Läajna äare Leppe, de met Stolt en Veachtung Frajchheit räde jäajen dem Jerajchten!
20 Woo groot es diene Jnod ##(dien Goodet), daut dü oppbewoat hast fe den, dee die ferjchte, jewirtjt fe dee, dee opp die vetrüe, aunjesejchts de Menschetjinja.
21 Dü vestoppst ahn enn dem Veborjnen, dienem Aunjesejcht, von de Veschwearunge de Mensche; dü bewoascht ahn enn eenem Zelt fe dem Stried de Tunge.
22 Jepriese es Gott (de Harrn)! dan wundaboa haft hee siene Jnod aun mie bewäse enn eene fauste Staut.
23 Etj säd zwoa enn mienem Vezoage: Etj sie aufjeschnäde von diene Uage; dannoch heascht dü de Stemm enn mienem Bedde, aus etj no die schreajch.
24 Leewt Gott (den Harrn), aule siene Fromme! De Trühe bewoat Gott (de Harr) en vejelt em äwamoht dem, de Stolt haundelt ##(eewt).
25 Siet stoatj, en jün Hoat foot Moot, aula, dee jie opp Gott (dem Harrn) vetrüe!
Psalm 32
1 Von Doft. Een Maskil ##(Belearung).
Jletjseelijch dee ##(Wool dem), dem de Äwaträdunge vejäft, dem siene Sinde toojedatjt send ##(wort).
2 Jletjseelijch de Mensch, dem Gott (de Harr) de Onnjerajchtijchtjeit nijch aunrätjent, en enn dem sien Jeist tjeene Läajes ##(Faulschheit) es!
3 Aus etj stell wea, vevolle miene Jläda derjch mien Stäne, dem gaunsen Dach.
4 Dan Dach en Nacht lach diene Haund schwoa opp mie; vewaundelt word miene Sauft enn ##(aus derjch) Somma Hett ##(dreaje Tiet). (Selah.)
5 Miene Sinde betjannd etj die en ha miene Onnjerajchtijchtjeit nijch toojedatjt. Etj säd: Etj well Gott (dem Harrn) miene Äwaträdunge betjanne; en dü, dü hast mie miene Sindenschult vejäwt. (Selah.)
6 Doaromm woat jiedra Fromma too die bäde, too Tiet, woo dü too finje best; jewess, bie groote Wotastreem – ahm woare dee nijch errätje.
7 Dü best een Vestäatj fe mie; dü bewoascht mie fe Bedrenjnis; dü ommjäwst mie met Radungsfreid. (Selah.)
8 Etj well die unjarejchte en die den Wajch leahre, dem dü waundle saulst; mien Uag opp die jerejcht, well etj die roode.
9 Siet nijch aus een Pead, aus een Mültia, daut tjeen Vestaund haft; met Toom en Täajel, äa Schmuck ##(Jescherr), mottst dü ##(äa willet benehme) ahn bandje, sest kohme dee nijch no die.
10 Väl Weedoag haft de Gottloosa; oba wäa opp Gott (dem Harr) vetrüt, dem woat Jnod ommjäwe.
11 Freit jünt enn Gott (em Harrn) en froohlockt, jie Jerajchte, en jübelt, aule, jie von Hoate Opprejchtje.
Psalm 33
1 Jübelt, jie Jerajchte, enn Gott (em Harrn)! den Rädlijchen jeziemt Loffjesang.
2 Dankt Gott (dem Harrn) met de Zitha, sinjt ahm Psalme met de tienseidje Hoap.
3 Sinjt ahm een niehet Leed; spält goot met Jübelschaul!
4 Dan jlitj es daut Wuat Gottes (det Harrn), en aul sien Woatj enn Woahrheit.
5 Hee leeft Jerajchtijchtjeit en Rajcht; de Ead es voll Jnod Gottes (det Harrn).
6 Derjch daut Wuat Gottes (det Harrn) send de Himmel jemoakt, en aul äa Häa derjch dem Frodem üt sienem Mül.
7 Hee saumelt dee Wota em Mäa aus een Hüpe ##(eene Mia), lajcht enn äare Jrense de Streem ##(de deepe Wotasch).
8 Daut ferjcht sich fe Gott (dem Harrn) de gaunse Ead; fe ahm selle sich änjste aule Bewohna vom Eadtjreiss!
9 Dan hee säd, en daut wea; hee jeboot, en daut stund doa.
10 Gott (de Harr) vebratjt dem Rotschluss de Heide, hee vehindat dem Plon de Veltja.
11 De Rotschluss Gottes (det Harrn) besteit eewijch, de Jedanke enn sienem Hoate von Jeschlajcht too Jeschlajcht.
12 Jletjseelijch ##(Wool) de Natsjoon, den äa Gott de Harr es, daut Voltj, daut hee sich too sienem Oawgoot erwält haft!
13 Gott (de Harr) tjitjt von dee Himmel erauf, hee sitt aule Menschetjinja.
14 Von de Städ üt siene Wohninj tjitjt hee opp aule Bewohna de Ead;
15 hee, dee äare aule Hoate jemoakt haft, dee opp aule äare Woatje achtet.
16 Een Tjeenijch woat nijch jerad derjch sien grootet Häa; een Held woat nijch frie ##(jerad) derjch siene groote Krauft.
17 Een Bedrach es daut Pead too Radung, en derjch de Menj vom sienem Häa ##(groote Krauft) woat hee nijch jerad.
18 Tjitj, daut Uag Gottes (det Harrn) es opp dee jerejcht, soo ahm ferjchte, opp dee, dee opp siene Jnod hope,
19 omm äare Seel vom Doot too rade en dee aum Läwe too erhoole enne Hungaschnoot.
20 Onse Seel lüat opp Gott (dem Harrn); onse Help en ons Schilt es hee.
21 Dan enn ahm woat ons Hoat sich freie, wiel wie sienem heiljen Nome vetrüt ha.
22 Diene Jnod, Gott (Harr), es äwa ons, soo aus wie opp die jehopt ha.
Psalm 34
1 Von Doft, aus hee sien Vestaund fe Abimelech vestald {1Sam.21,10-15}, en disa ahm wajch juag, en hee wajch jintj.
2 Etj well Gott (dem Harrn) auletiet lowe; bestendijch saul sien Loff enn mienem Mül senne.
3 Enn Gott (dem Harrn) saul sich miene Seel rieme; heare woare daut de Deemütje en sich freie.
4 Moakt Gott (dem Harrn) met mie groot, en loht ons meteenaunda sienen Nome erhäwe!
5 Etj socht Gott (den Harrn), en hee auntwuad mie; en üt aule miene Angst rad hee mie.
6 See tjitje opp ahm en worde oppjemuntat ##(strohlend), en äare Aunjesejchta worde nijch beschämt.
7 Disa Elende ##(Oama) roopt, en Gott (de Harr) head, en üt aule siene Noot rad hee ahm.
8 De Enjel Gottes (det Harrn) loagat sich omm dee eromm, dee ahm ferjchte, en hee rad ahn.
9 Schmatjt en seeht, daut Gott (de Harr) goot es! Wool dem Maun, dee opp ahm vetrüt!
10 Ferjcht Gott (den Harrn), jie siene Heilje! Dan tjeenen Mangel ha, dee ahm ferjchte.
11 Junge Leiwe liede ##(woare schwak) en hungre, oba dee Gott (dem Harrn) seatje, ha tjeen mangel aun Goot.
12 Kohmt, jie Säns ##(Tjinja), heat mie too: De Ferjcht Gottes (det Harrn) well etj jünt leahre.
13 Wäa es de Maun, dee Lost tom Läwe haft, dee Doag leeft, omm goodet too seene?
14 Bewoa diene Tung vom Beesen, en diene Leppe, daut see nijch Läajes räde.
15 Loht vom Beesen en doo Goodet; seatj Fräd en joag ahm no!
16 De Uage Gottes (det Harrn) send jerejcht opp de Jerajchte, en siene Uahre opp äa Schriee.
17 Daut Aunjesejcht Gottes (det Harrn) es jäajen dee, dee Beeset doone, omm äa Jedajchtness von de Ead üttorotte.
18 See ##(de Jerajchte) schreaje, en Gott (de Harr) head, en üt aule äare Noot ##(Angst) rad hee ahn.
19 Dijchtbie es Gott (de Harr) den, dee jebroaknen Hoates send, en dee veschloagnen Jeistes send,
dee rad hee.
20 De Jerajchta mott väl Iebel liede, oba üt aul dee selje rad ahn Gott (de Harr).
21 Hee bewoat aule äare Jläda, nijch eent von ahn woat vebroake.
22 Dem Gottloosen woat daut Beese ommbrinje; en dee dem Jerajchten hausse, woare fe schuldijch jehoole woare.
23 Gott (de Harr) erleest de Seel siene Tjnajchts ##(Deena); en aul, dee opp ahm vetrüe, woare nijch fe schuldijch jehoole woare.
Psalm 35
1 Von Doft.
Stried, Gott (Harr), met den, dee jäajen mie striede ##(hoagere), tjampf met den, dee mie betjampfe!
2 Jriep Jewäah en Schilt en stoh opp omm mie too halpe!
3 En tratj den Spiess en veschlüt dem Wajch jäajen miene Vefolja; räd too miene Seel: Etj sie diene Radinj!
4 Loht beschämt en too Schaunde woare, dee no mienem Läwe trachte; loht tridjgohne en met Schaund bedatjt woare, dee Onnheil jäajen mie ersenne ##(plone).
5 Loht ahn aus Sprie ver dem Wint senne, en de Enjel Gottes (det Harrn) joagt ahn wajch.
6 Äa Wajch es diesta en jleppsijch, en de Enjel Gottes (det Harrn) vefoljt ahn!
7 Dan ohne Uasoak ha see mie äa Nat heimlijch jelajcht, ohne Uasoak miene Seel eene Kühl jegrowt.
8 Äwa ahn tjeemt Vedoawe, ohne daut hee et weet, en sien Nat, daut hee heimlijch jelajcht haft, jript ahm; tom Vedoawe fält hee enenn!
9 En miene Seel woat froohlocke enn Gott (dem Harrn), sich freie enn siene Radinj.
10 Aule miene Jläda woare saje: Gott (Harr) wäa es aus dü! Dee dü den Elenden radst von dem, dee stoatja es aus hee, en den Elenden en Oamen von dem, dee ahm beroowt.
11 Doa stohne onnjerajchte Zeije opp; waut etj nijch weet, froage see mie.
12 See vejelte mie Beeset fe Goodet; veweist es miene Seel.
13 Oba etj, aus see krank weare, tjleed etj mie enn Sackdüak; etj kasteed miene Seel met Fauste, en mien Jebäd tjeem enn mienem Bossem tridj;
14 aus wea daut mie een Frind, een Brooda jewäse, soo sie etj ommhäa jegohne; aus leet droagend omm de Mutta ha etj mie trüarijch dohljebetjt.
15 Oba see ha sich äwa mien Faul jefreit en sich vesaumlt; Lestamüla ha sich jäajen mie vesaumlt, en etj tjannd ahn nijch; see ha jelestat en nijch oppjeheat.
16 Aus ruchloose Schmarotza tjnirschte see met äare Täne.
17 Harr, woo lang wellst dü tooseehne? Brinj miene Seel tridj üt äare Vewiestung, von dem jungen Leiw miene eensaume.
18 Etj woa die enn de groote Vesaumlung danke, unja välem Voltj die lowe.
19 Loht sich nijch äwa mie freie, dee ohne Uasoak mie fiend send, en plintjre nijch met de Uage, dee ohne Uasoak mie hausse!
20 Dan see räde nijch von Fräd; en jäajen de Stelle em Laund ersenne see Läajes.
21 En see ha äa Mül jäajen mie opjemoakt; see ha jesajcht: Haha! Haha! Ons Uag haft daut jeseehne!
22 Dü hast daut jeseehne, Gott (Harr); sie nijch stell! Harr, sie nijch wietauf von mie!
23 Woak opp en woak too mienem Rajcht, mien Gott en Harr, too miene Rajchtsache!
24 Schauf mie Rajcht no diene Jerajchtijchtjeit, Harr, mien Gott! En loht ahn sich nijch äwa mie freie!
25 Loht ahn nijch enn äarem Hoate saje: Haha, soo wull wie daut! Loht ahn nijch saje: Wie ha ahm veschlunge!
26 Loht ahn sich schäme en aulatoop met Schaund bedatjt woare, dee sich äwa mien Onnjletj freie! Loht met Schomp en Schaund betjleet woare, dee jäajen mie groot doone!
27 Loht jüble en sich freie, de Jefaule ##(Lost) ha aun miene Jerajchtijchtjeit, en loht ahn emma saje: Groot es Gott (de Harr), dee Lost haft aun sienem Tjnajcht sien Wool!
28 En miene Tung woat räde von diene Jerajchtijchtjeit, von diene Preisung ##(dienem Loff) den gaunsen Dach.
Psalm 36
1 Dem Väasenja. Von dem Tjnajcht Gottes (det Harrn), von Doft.
2 De Äwaträdung de Gottloose ##(Fräfla) räd, emm Enneren, enn mienem Hoate: Doa es tjenne Angst Gottes ver siene Uage.
3 Dan daut schmeijchelt ahm enn siene eajne Uage, siene Onnjerajchtijchtjeit too errätje, Hoss üttoeewe.
4 Fräfel ##(Onnheil) en Läajes send de Wead enn sienem Mül; hee haft daut oppjejäft, veständijch too senne, Goodet too doone.
5 Fräfel ##(Onnheil) ersennt hee opp sienem Loaga; hee stalt sich opp eenem ##(hee steit opp eenem) Wajch, de nijch goot es; daut Beese velat hee nijch.
6 Gott (Harr)! Diene Jnod rätjt bet aun dee Himmel, bet aun de Woltje diene Trü.
7 Diene Jerajchtijchtjeit es aus de Boaj Gottes, diene Jerejchte ##(Uadeel, Rajchte) send een groota ##(deepa) Stroom; Mensche en Veeh radst dü, Gott (Harr).
8 Woo tjestlijch es diene Jnod, o Gott! En Menschetjinja näme Tooflucht em Schaute diene Flijchte;
9 see woare ritjlijch drintje von de Fatijchtjeit enn dienem Hüs, en met dem Stroom diene Wonne woascht dü ahn drentje.
10 Dan bie die es de Tjwal vom Läwe, enn dienem Lijcht woa wie daut Lijcht seene.
11 Loht diene Leew ##(Huld) wiedahan den, dee die tjanne, en diene Jerajchtijchtjeit den, dee von Hoate opprejchtje!
12 De Foot de Stolte errätjt mie nijch, en de Haunt de Gottloose vejajcht mie nijch!
13 Doa send jefolle, dee Fräfel doone; dee worde dohljeschmäte, en kunne nijch oppstohne.
Psalm 37
1 Von Doft.
Oaja die nijch äwa de Beese, beneid dee nijch, dee Onnrajcht doone.
2 Dan aus Grauss woare dee vegohne, en aus daut jreene Krüt vewaltje.
3 Vetrü opp Gott (dem Harrn) en doo goodet; wohn em Laund en eew Trü too senne;
4 en erjats die aun Gott (aum Harrn); soo woat hee die jäwe omm waut dien Hoat bedd.
5 Befeel Gott (dem Harrn) dienen Wajch en vetrü opp am! En hee woat haundle;
6 en hee woat diene Jerajchtijchtjeit väa kohme lohte aus daut Lijcht en dien Rajcht aus dem Meddach.
7 Vetrü stell dem Gott (Harrn) en hool die aun am! Oaja die nijch äwa dem, dem sien Wajch jelinjt, äwa dem Maun, dee beese Aunschläj ütfeat!
8 Loht auf vom Zorn en loht dem Groll! Oaja die nijch! Daut feat bloos tom Iebel.
9 Dan de Iebel doonende ##(Beese) woare ütjerot; oba dee opp Gott (dem Harrn) hope, dise woare daut Laund besette ##(oawe).
10 En noch een Bestje, en de Gottloose es nijch mea; en dü tjitjst die noh siene Städ omm, soo es hee nijch doa.
11 Oba de Saunftmootje woare daut Laund besette en woare sich aum grooten Fräd erjatse.
12 De Gottloose plont jäajen dem Jerajchten, en hee tjnirscht met siene Täne jäajen ahm.
13 De Harr lacht äwa ahm, dan hee sitt, daut sien Dach tjemt.
14 De Gottloose ha daut Schweat jetrocke en äaren Boage jespaunt, omm dem Elenden en dem Oamen tom faul too brinje, too schlachte, dee enn Woahrheit waundle.
15 Äa Schweat woat enn äa eajnet Hoat drinje, en äare Boages woare vebroake woare.
16 Bäta daut Weinje vom Jerajchten, aus de Äwafluss väle Gottloose.
17 Dan de Oarms de Gottloose woare vebroake woare, oba Gott (de Harr) stett de Jerajchte.
18 Gott (de Harr) tjannt de Vollkohmne äare Doag, en äa Oawgoot woat eewijch senne;
19 dee woare nijch beschämt woare enn de Onnjletjstiet, en enn de Hungaschdoag woare see saut woare ##(senne).
20 Dan de Gottloose woare ommkohme, en de Fiend Gottes (det Harrn) aus de Pracht de jreene Weid; see veschwinje, see veschwinje em Ruak.
21 De Gottloosa borjt en jefft nijch tridj; de Jerajchta oba jnädijch en jefft.
22 Dan dee von ahm Jesäajende woaren daut Laund besette, oba dee von ahm Vefluchte woare ütjerot woare.
23 Von Gott (dem Harrn) woare dem Maun siene Schräd faust jemoakt, en aun sienem Wajch haft hee jefaule;
24 wan hee fält, woat hee nijch hanjestratjt woare, dan Gott (de Harr) stett siene Haund.
25 Etj wea junk en sie uck oolt jeworde, en etj ha nie den Jerajchten velohte jeseehne, noch sienem Some no Broot bedde;
26 dem gaunsen Dach es hee jnädijch en liet, en sien Some woat jesäajent senne.
27 Loht vom Beesen en doo Goodet, en bliew eewijch!
28 Dan Gott (de Harr) leeft daut Rajcht en woat siene Fromme nijch velohte; eewijch woare see bewoat, oba de Some de Gottloose woat ütjerot.
29 De Jerajchte woare daut Laund besette en woare fe emma doa wohne.
30 Daut Mül de Jerajchte räd Weissheit, en siene Tung räd daut Rajcht;
31 daut Jesatz von sienem Gott es enn sienem Hoate, siene Schräd woare nijch wanke.
32 De Gottloose lüare opp dem Jerajchten en seatjt ahm ommtobrinje;
33 Gott (de Harr) woat ahm nijch enn siene Haund lohte, en ahm nijch vedaume, wan hee jerejcht woat.
34 Wacht ##(vetrü) opp Gott (dem Harrn) en bewoa sienen Wajch; en hee woat die nehejcht häwe, daut Laund too besette. Wan de Gottloose ütjerot woare, woascht dü tooseehne.
35 Etj ha eenen Gottloosen jeseehne, dee jewaultijch wea, en dee sich ütbreed aus een nijch veplaunta jreena Boom;
36 en maun jintj vebie, en tjitj, hee wea nijch mea; en etj socht ahm, en hee word nijch jefunge.
37 Acht opp dem Onnschuldjen en tjitj opp dem Opprejchtjen; dan fe dem Maun det Frädens jefft daut eene Tookunft.
38 Oba de Iebel doonende woare aula toop vetiljt, de Tookunft de Gottloose woat aufjeschnäde.
39 Oba de Radung de Jerajchte es von Gott (dem Harrn), den äare Krauft es enne Tiet de Noot;
40 en Gott (de Harr) woat ahn halpe en ahn rade; hee woat ahn rade von dem Gottloosen en ahn Radung veschaufe, dan see vetrüe opp ahm.
Psalm 38
1 Een Psalm von Doft tom Jedajchtniss.
2 Gott (Harr), strof mie nijch enn dienem Zorn en schloh mie nijch enn dienem Oaja.
3 Dan diene Feilasch send enn mie ennjedrunge, en diene Haunt haft sich opp mie noppjelohte.
4 Nuscht Heelet ##(Jesundet) es aun mienem Fleesch wäajen dien Oaja, tjeen Fräd enn miene Jläda wäajen miene Sinde.
5 Dan miene Onnjerajchtijchtjeite send äwa mien Haupt jegohne, aus eene schwoare Laust send see, too schwoa, fe mie.
6 Daut stintje, daut tjietre miene Wunde wäajen miene Noaheit.
7 Etj sie kromm, äwa de Moht jebetjt; dem gaunsen Dach goh etj trüarijch ommhäa.
8 Dan voll Braund send miene Lende, en nuscht Heelet es aun mienem Fleesch.
9 Etj sie meed en äwa de Moht veschloage, etj hiel fe Stäne enn mienem Hoate.
10 Harr, ver die es aul mien Velange, en mien vesefze es nijch ver die veborje.
11 Mien Hoat kloppt, velohte haft mie miene Krauft; en daut Lijcht miene Uage, uck daut es nijch bie mie.
12 Miene Leewe en miene Frind stohne wiet auf von miene Ploag, en miene Näajchste stohne wiet auf.
13 En dee no mienem Läwe trachte, laje mie Schlenje; en dee mien Onnjletj seatje, räde von Vedoawe en räde Läajes dem gaunsen Dach.
14 Oba etj, sie aus een Doofa, hea nijch, en sie aus een Stomma, dee sien Mül nijch opmoakt.
15 En etj sie aus een Maun, dee nijch heat, en enn dem sien Mül tjeene Wadaräd send.
16 Dan opp die, Gott (Harr), lüa etj; dü woascht auntwuade, Harr, mien Gott.
17 Dan etj säd: „Daut see sich nijch äwa mie freie!“ Biem wanke von mienem Foot doone see groot jäajen mie.
18 Dan etj sie dijcht aum faule, en miene Weedoag send emma ver mie.
19 Dan etj betjann miene Schult; etj sie betjemmat wäajen miene Sinde.
20 Oba miene Fiend läwe, send stoatj ##(väl); en väl send dee, dee ohne Grund mie hausse.
21 En Beeset fe Goodet vejelte, see fiende mie aun, wiel etj dem Gooden nojoag.
22 Veloht mie nijch, Gott (Harr); mien Gott, sie nijch wiet auf von mie!
23 Spood die mie too halpe, Harr, miene Radinj!
Psalm 39
1 Dem Väasenja, dem Jedutun. {1Chron.16,41-42; 25,1.3} Een Psalm von Doft.
2 Etj säd: Etj well miene Wäaj bewoare, daut etj nijch sindij met miene Tung; etj well mien Mül met eenem Mülkorf ##(Toom) vewoare, soo lang de Gottloosa ver mie es.
3 Etj vestomm em stellen, etj sie stell vom Gooden, en miene Weedoag weare oppjeräajcht.
4 Mien Hoat brennt enn mienem Enneren, bie mienem Nosenne entzindet sich Fia; etj räd met miene Tung:
5 Doo mie kund, Gott (Harr), mien Enj, en daut Moht miene Doag, waltje daut send, daut etj weet, woo vejentjlijch etj sie!
6 Tjitj, aus Haundbreed hast dü miene Doag jemoakt, en mien Läweslang es aus nuscht fe die; jo, bloos een Frodem es jiedra Mensch, dee doa steit. (Selah.)
7 Jo, aus een Aufbild ##(Schautebild) waundelt de Mensch ommhäa; jo, vejäws es hee voll Onnrüh; hee saumlt toop en weet nijch, wäa daut ennsaumle woat.
8 En nü, opp waut lüa etj, Harr? Miene Hopninj es opp die!
9 Rad mie von aule miene Äwaträdunge, moak mie nijch tom Spiet ##(Spott) de Noare!
10 Etj sie vestommt, etj moak ##(doo) mien Mül nijch op; dan dü, dü hast daut jedohne.
11 Wende von mie diene Ploage! Derjch de Schläaj von diene Haund vegoh etj.
12 Strofst dü eenen Maun met Zijchtijung fe de Onnjerajchtijchtjeit, soo latst dü siene Scheenheit aus de Motte vegohne; jo, een Frodem send aule Mensche. (Selah.)
13 Hea mien Jebäd, Gott (Harr), en nehm too Uahre mien schriee; sie nijch stell too miene Trone! Dan een Framda sie etj bie die, een Gaust aus aule miene Vodasch.
14 Tjitj wajch von mie, daut etj oppjeheitat woa, eea etj doahan goh en nijch mea sie!
Psalm 40
1 Dem Väasenja. Von Doft, een Psalm.
2 Hopninjsvoll ha etj opp Gott (den Harrn) vetrüt, en hee haft sich too mie jeneijcht en mien Schriee jeheat.
3 Hee haft mie nehejcht jetrocke üt de Vedoawniss Kühl, ütem Moarast; en hee haft miene Feet opp eenem Steen jestalt. Miene Schräd befaustijt.
4 En enn mienem Mül haft hee een niehet Leed jelajcht, een Loffjesang onsem Gott. Väle woare daut seene en sich ferjchte en opp Gott (dem Harr) vetrüe.
5 Jletjseelijch de Maun, dee Gott (dem Harrn) too sienem Vetrüe moakt en sich nijch dreit no de Stolte en no den, dee too Läajes neije!
6 Väl hast dü diene Wundawoatje en diene Jedanke jäajen ons erwesse, Harr, mien Gott; maun kaun die dee nijch de Reaj no väastale. Etj wull doavon berejchte en räde, daut send too väl, omm dee too tale.
7 Aun Schlacht- en Speisopfa haudst dü tjeene Lost; Uahre hast dü mie reedjemoakt: Braunt- en Sindopfa hast dü nijch jefodat.
8 Doa säd etj: Tjitj, etj kohm; enn de Buakroll steit von mie jeschräwe.
9 Dien Wooljefaule too doone, mien Gott, es miene Lost;
en dien Jesatz es em Enneren enn mienem Hoate (Flatj).
10 Etj ha daut Heil ##(de froohe Botschoft) vetjindijcht enn de groote Vesaumlung; tjitj, miene Leppe veschloot etj nijch – Gott (Harr), dü weetst daut!
11 Diene Jerajchtijchtjeit ha etj nijch veborje em Enneren von mienem Hoate; diene Trühe en diene Help ha etj ütjesproake, diene Leew en diene Woahrheit nijch tridjjehoole ver de groote Vesaumlung.
12 Dü, Gott (Harr), hool diene Erboarmunge nijch von mie tridj; diene Jnod en diene Woahrheit loht mie emma bewoare!
13 Dan Iebel ohne Zohl ha mie ommjäwe, miene Onnjerajchtijchtjeite ha mie ennjehoolt, daut etj nijch seene kaun; dee send väl mea aun Zohl aus de Hoa opp mienem Haupt, en mien Hoat haft mie velohte.
14 Loht die jefaule, Gott (Harr), mie too rade! Gott (Harr), spood die mie too Halpe!
15 Loht ahn aulatoop beschämt en met Schaund bedatjt woare, dee no mienem Läwe trachte, daut too venijchte; loht ahn tridj gohne en too Schaunde woare, dee jefaule ha aun mienem Onnjletj!
16 Loht sich schäme äwa äare Schaund, dee von mie saje: Haha! Haha!
17 Loht Frooh senne en sich freie, enn die aule, dee die seatje; dee diene Radung leewe, loht emma saje: Groot es Gott (de Harr)!
18 Oba etj sie elend en oam; de Harr dentjt aun mie. Miene Help en mien Rada best dü; mien Gott, siem nijch!
Psalm 41
1 Dem Väasenja. Een Psalm von Doft.
2 Wool dem, dee opp de Oame acht jefft! Aum Onnjletjsdach woat Gott (de Harr) ahm rade.
3 Gott (de Harr) woat ahm bewoare en ahm aum Läwe hoole;
hee woat jletjlijch senne oppe Ead ##(em Laund), en dü woascht ahm nijch de Jiea siene Fiend hanjäwe.
4 Gott (de Harr) woat ahm stette opp dem Sijchbad, sien gaunset Loaga vewaundelst dü omm enn siene Krankheit.
5 Etj säd: Gott (Harr), sie mie jnädijch! Heel miene Seel, dan etj ha jäajen die jesindijcht.
6 Miene Fiend wensche ##(räde jäajen) mie Iebel: Wanea woat hee stoawe en sien Nome vegohne?
7 En wan eena tjemt, omm mie too seene, soo räd hee Läajes; sien Hoat saumelt sich Onnheil – hee jeit rüt, en räd doavon.
8 Meteenaunda fuschle jäajen mie aule miene Haussa; see dentje Beeset jäajen mie:
9 Een Bilialsstetj tjleewt ahm aun; en wiel hee nü doa lijcht, woat hee nijch wada oppstohne.
10 Uck de Maun – mienem Frind, opp dem etj vetrüd, dee mien Broot aut, haft de Feet jäajen mie oppjehowe.
11 Oba dü, Gott (Harr), sie mie jnädijch en rejcht mie opp, daut etj ahn daut vejelt!
12 Doaraun ertjan etj, daut dü aun mie jefaule hast, daut mien Fient sich nijch äwa mie freit.
13 Oba etj, enn miene Onnschuld hast dü mie faust jehoole en mie ver die opp eewijch jestalt.
14 Jesäajent es Gott (de Harr), de Gott Iesraels, von Eewijchtjeit bet enn Eewijchtjeit! Amen, jo, Amen.
|
