|
Päakjel (H. m., -) sea soltjet Wota toom waut enpäakjlen
Päakjelfleesch (H. n., -) jepäakjelden Fleesch; Schwiensfleesch daut en sea soltjet Päakjel jelajcht es soo daut et nich schlajcht woat
päakjlen (schw.T.) Fleesch en sea soltjet Wota lajen toom hoolen von schlajcht woaren
Pacht (H. f., -) waut eena tolt toom waut pachten
pachten (schw.T.) Launt lieen; Launt ooda een Hoff brucken dän eena nich ieejent un waut tolt fa dän Jebruck
Pachtjelt (H. n., -da) de Tolinj fa pachten
Pachtwoninj (H. f., -en) eene jepachte Woninj, soo aus enne Staut
Padikj (H. m., -) Mettieej; daut dikj jewordne Meddelstekj daut ut een Schwäa kjietat
padlen (schw.T.) em Puddel spälen; breetbeensch sikj trajchtstalen
Padumkje (H. f., -) jeweenelje Krauft; jeweenelje Weisheit; jeweenelje Kraut toom vestonen ooda derchdenkjen
Pajchta (H. m., -) eena dee sikj Launt pacht; eena dee eenem aundren sien Launt ooda een Hoff brukt un doafäa tolt
Pak (H. n., -s) een poa Sachen en eene Doos ooda aundasch toopjepakt
Pakeet (H. n., -en) een Pak; een enjeroldet Pak
paken (schw.T.) een Pak von waut moaken
Pakozh (H. f., -) de Paks dee eena met sikj drajcht
Palestina (H. n.) daut Launt woont de Juden un Araba tus nanen; daut Launt wua Jesus wond
Pankuak (H. f., -en) eene denne Schicht Dieech en eene Paun jebrot
Pans (H. m., -) de Moag von een Tia
Päpa (H. f., -) bekaunde Kjriedarie oppem Desch toom daut Äten eenen aundren Schmak biebrinjen
Päpakrut (H. n., -) Krut daut en Supp ooda Borscht jebrukt woat; Enjlisch: savory; Spaunisch: ajedrea
Päpakuarn (H. m., -kjieena) de Kuarn ooda daut Sot von Päpastruck, dee fien jemolen woat toom em Äten brucken
Päpamint (H. n., -) een Jeschmak von Plauntenbläda; daut Jeschmak von Dreppenkende
Päpanät (H. f., -) Brootkjes dee Päpa em Dieech haben
Päpaschoot (H. f., -en) eene Plaunt met Schooten dee eenen stoakjen Jeschmak haben, sea bekaunt en Mexiko; de Schoot von soone Plaunt
Päpastreia (H. m., -sch) een Streia toom jemolnet Päpa oppet Äten streien
Pape (H. f., -s) Voda; Vurrakje
Papel (H. m., -plen) eene Sort Beem met groote wausje Bläda un haulwäaj wieekjet Holt
Papia (H. n., -pieren) de Zadels un Bläda opp dee eena schrift, ooda uk jebrukt woaren toom Sachen enpaken; Papia woat von vemolnet Holt jemoakt
Papiaroll (H. f., -en) oppjeroldet Papia
päpren (schw.T.) Päpa opp waut streien
Papst (H. m., -en) de hechsta Eltesta von de Katoolsche Kjoakj
Paradies (H. m., -en) de Goaden dän Gott fa Adam un Eva muak; daut eewje Himmelrikj bie Gott
Parfum (H. f., -) sea scheenrikjendet Wota ooda Eelj daut jebrukt woat toom eenen Mensch moaken dän besondret Jeroch haben
Parfummoaka (H. m., -sch) eene dee Parfum moakt, jeweenlich von de Baust, Wartlen ooda Kjieena von Beem
Park (H. m., -s) een groota jefläajda Hoff, foaken met Beem, Deschen un aundre Enrechtungen toom eenen scheenen Dach spazieren
Parl (H. f., -en) eene schmocke diere Kral, dee en eene Muschel em See oppkjemt un aun eene Haulskjäd ooda Rinkj jedroacht woat
Partei (H. f., -en) eene Grupp dee sikj wäajen eene Sach toophelt; eene Grupp dee waut jewesset unjastetten ooda towäaj brinjen well
parteisch (Isw.) eenem siene ieejne Sort väatrakjen; nich wellens sennen met aundre toop to schaufen
Partizip (H. s., -en) see: Meddelwuat
Paskje (H. f., -) een Oosta Broot
Passafast (H. n., -en) een Judschet Fast toom Aundenkjen daut Gott de Israeliten äare elste Säns nich dootschluach aus de Ägipta äare omkjeemen
Passalaum (H. n., -lama) een Laum daut oppem Passafast jeopfat woat
Passamol (H. f., -en) de Moltiet dee een Poat vom Passafast es
Passieekjel (H. m., -s) een groota Homa, 6 ooda mea Punt schwoa un met eenen Stäl
passieren (schw.T.) woaren; romkomen
Patroon (H. f., -en) Kugel; Scheetich
Pau (H. f., -s) Voda; Pape; Vurrakje
Pauj (H. f., -en) eene groote Haunt; de Foot von eene Kaut ooda Boa
paujen (schw.T.) met de Henj wua nenfoten ooda waut befoten onen väasechtich to sennen
Paul (H. m., -s, enne Bibel uk Paulus) eene Junges un Mauns Nomen; dee bediet: von Gott jebät
Paulaust (H. m., -en) een Kjennich siene Woninj; een sea grootet Hus
Paulmblaut (H. f., -bläda) daut Blaut von een Paulmboom
Paulmboom (H. m., -beem) een Boom met een Staum un lange breede Bläda gaunz bowen; Dautlen sent Frucht von een Paulmboom
Paun (H. f., -en) een flaka Gropen met een Stäl, toom Äten broden opp eenen Owen
Paup (H. n., -) Keifkje
Paupeldikja (H. m., -sch) de Stang dee von eene Wauntklock raufhenjt un han un trigj duckat toom Tiet hoolen
Paur (H. m.) Krauft, von een Moota
Paurtikjoff (H. f., -en) de Enrechtunk aun een Trekjta toom eene Wal vom Jereetschoft aunkoplen soo daut daut Jereetschoft dreien kaun; de Wal waut von een Trekjta no daut Jereetschoft jeit, soo daut de Trekjta daut Jereetschoft aum dreien kjricht
Pause (H. f., -n) de Tiet wan de Schoolkjinja nich brucken bie de Bieekja setten un kjennen buten spälen
Pauss (H. m., Passa) een kjlienet Buak von de Rejierunk toom oppwiesen daut eena en een Launt tus hieet un reisen doaf
paussen (schw.T.) mäajlich sennen; aunjenäm sennen, uk von Kjleeda; goot schaufen
paussent (Isw.) soo daut et mäajlich es; soo daut et aunjenäm es ooda goot schauft
pautschen (schw.T.) met de Haunt em Wota spälen
Päw (H. n., -) een jetäada Wajch; een Wajch dee met jetäadet Saunt es dicht jemoakt en sea jlei foat; daut Stoff daut jebrukt woat toom eenen Wajch dicht moaken
Pazient (H. m., -en) eena dee em Hoospitol jefläacht woat; een Kranka
Pazient (H. m., -en) eena dee medizienisch behaundelt woat, soo aus von een Dokta
Pech (H. m., -) Trubbel; Vesiemnis
pedäwlich (Isw.) sea groot un onbeholpen
Peddel (H. f., -s) eene Kontroll de metem Foot hauntieet woat
Pedla (H. m., -sch) see Petla
Peebel (H. n., -) de Maussen von Menschen; onjelieede Menschen
peesren (schw.T.) sea steewen; väl Stoff ooda Stroo em Wint haben
Peetaselje (H. f., -) eene Sort Krut daut jedrieecht woat un enne Supp jebrukt woat
Pei (H. m., -s) eene Schiew met utjeroldet Dieech un waut Frucht doabowen, jebakt
Peihan (H. f., -heena) een Voagel, een bät nata aus eene Ent, met eenen grooten foawjen Zoagel dän see opphäwen kaun
Peihon (H. m., -s) de Hon mank de Peiheena
Pekj (H. n., -) Täa; sea bakajet dikjet Schmäa
pekjdiesta (Isw.) gaunz diesta; gaunz onen Licht; nuscht to seenen
Pekjdrot (H. n., -) stoakja jewausta Twierem
Pekjel (H. m., -s) eene Städ aune Hut, jeweenlich oppligjent, foaken von eene Enzindunk
pekjlich (Isw.) met Pekjels; met fiene Knubbels ooda Plaken
pekjschwoat (Isw.) gaunz schwoat
Peklatje (H. n., -s) een plautet rundet Stekj Iesa met een Loch enne Medd, daut opp een Bolten jebrukt woat toom väahoolen ooda Tweschenrum moaken
Pell (H. f., -en) een Stekj toopjedrekjte Medizien
Pelz (H. m., -en) een jejoawdet Stekj Lada met Hoa aun eene Sied; een Winta Äwarock von Lada
Pensel (H. m., -s) een Jereetschoft toom Foaw aunstrikjen; een Jung dee nich sea bedocht ooda nich sea kluak es
penslen (schw.T.) met eenen Pensel waut aunstrikjen; loos han un häa strikjen opp waut
Perschkjie (H. f., -) eene Fupp von utjeroldet Dieech met Fleesch ooda Frucht doabennen un dan en Fat jebrot
perseenlich (Isw.) fa sikj; en sikj selfst
Persien (H. f.) een Launt enne Biblische Tiet, oosten von Israel
Persoon (H. f., -en) een Mensch; en Gramatikj es ieeschte Persoon ‘ekj/wie,’ tweede Persoon ‘du/jie,’ un dredde Persoon ‘hee/see/daut/dee’
Pess (H. n., -) daut Pisch von Tieren
Pessat (H. m., -s) daut Jlett aum Tia toom pessen
pessen (schw.T.) Wota loten, von een Tia
Pestilenz (H. f., -en) eene Wankende Krankheit ooda waut aundret schwoaret daut aule Menschen daut Läwen schwoa moakt
Petla (H. m., -sch) een Haundelsmaun dee von Hus to Hus foat toom siene Woaren vekjeepen
petschen (schw.T.) oppfixen, soo aus eene Reif
Piano (H. f., -s) een Instrument met Seiden toom Musikj spälen
Picknick (H. m., -s) een Moltiet unjare Beem; een Dach opp eenen frieen Plauz wua eena toom spazieren, äten, ooda uk fa Spels fa de Kjinja un Jugent
Piddumkje (H. n., -) jeweenelje Äwalaj; de Fäichkjeit, sikj met jeweenelje Sachen to weeten
pieekjen (schw.T.) sea stoakj foaren; jefäadlich stoakj foaren
Pieet (H. f., Pieed) een grootet Tia, daut tom to moaken jeit, un jebrukt woat toom Woages ooda uk Stap Jereetschoft schlapen
Pieetsbarscht (H. f., -en) eene stiewe Barscht toom Pieed barschten
Pieetsdrenkj (H. f., -en) een Wotaloch toom Pieed boden
Pieetsjescherr (H. n., -) Sälen toom een Pieet aunspaunen
Pieetskjnajcht (H. m., -s) een Kjnajcht dee väl mank de Pieed besorcht
Pieetskrauft (H. n., -) eene Mot von Krauft bie Foarm Jereetschoft
Pieetsnäskrankheit (H. f., -en) eene Krankheit mank Pieed
Pieetsstaul (H. f., -s) een Staul fa de Pieed
Pielekaunt (H. m., -en) een Voagel met een grootet Unjamul aun eenen grooten Schnowel
pienich (Isw.; pienich, pienja, pienichste) bosich; fekjs eent nom aundren
Piep (H. f., -en) een Rua, eene holle Stang; een Jereetschoft toom Tobbak verieekjren
Piepamus (H. f., -mies) Husmus; eene bekaunde greiwe Mus, bie 2 Zoll lank dee en Jebieda kjemt toom Fräten sieekjen
Piepdinkj (H. n., -a) een kjlienet Jereetschoft daut sea piept wan eena doa nenpust
piepen (schw.T.) met een Piepdinkj een Jelud moaken; eenen huagen Toon aufjäwen
Piepkoo (H. n., -) een Spell opp een Brat fa groote Kjinja ooda Menschen
piepren (schw.T.) emma wada een bät piepen, soo aus een Raut ooda een Jereetschoft
piesaken (schw.T.) bestendich een bät wee doonen; foaken wee doonen, soo aus eene Tän
Pieza (H. m., -sch) een Fleeschpei
Pikjen (H. mz.) stolne Räda aun een Trekjta
Pikjopp (H. m., -s) Een Foatich met eene Benkj fa Menschen un een Baks toom Sachen fieren
Pilja (H. m., -sch) eene de opp eene Reis wuahan es, jeweenlich tofoot
piljren (schw.T.) eene lange schwoare Reis moaken; zielbewust waut nogonen
Pils (H. n., -) een Jewaus aune Kaunt von feichtet Holt
Pilskje (H. f., -) eene kjliene Plaunt met bloos een Staum un eene Metz, jeweenlich licht brun ooda greiw, nienich jreen
Pinjel (H. m., -s) een kjliena Sak; waut en een Kodda enjebungen; (dim.) Pinjelkje, -s
pinjlen (schw.T.) väl auntrakjen, soo aus en koldet Wada; sea bebinjen
Pinjstdach (H. m., -doag) een Dach aun däm eena Pinjsten fieet
Pinjsten (H. f., -) daut Fast 40 Doag no Oostren aus een Aunjedenkj daut de Heilja Jeist jejäft wort
Pinjstfast (H. n., -) een Fast toom Pinjsten fieren
Pinjstprädicht (H. f., -en) de Aundacht ooda Kjoakj aum Pinjstdach
pinkjlich (Isw.) bestendich; emma aune Tiet
Pirr (H. f., -en) Oamakje; eena däm bejaumat woat
Pisch (H. n., -) de flissendja Aufgank daut vonne Nieren kjemt
Pischat (H. m., -s) daut Jlett aum Kjarpa wua daut Pisch aufjeit
Pischdakj (H. f., -en) eene Dakj toom een Bäbe nopplajen
pischen (schw.T.) Wota loten fa een Mensch
Piston (H. m., -s) daut groote Stopsel daut en een Moota von de brenende Gasolien rauf jeschowen woat, soo daut de Krankscheft aum dreien kjemt; een Jereetschoft von Schluw un Stopsel daut met Schmäa han un trigj jeschowen woat, toom Jereetschoft enstalen ooda oabeiden moaken
Pistonoarm (H. m., -s) de Stang tweschen Piston un Krenkjscheft
Pistonrinkj (H. n., -nj) een Rinkj aune Sied von een Piston toom daut dicht moaken aune Pistonschluw
Pistonschluw (H. f., -en) de Schluw rom een Piston daut aum Block faust es
Pistool (H. f., -en) een korte Flint ooda Scheetiesa
Pitsch (H. f., -en) eene Wipp
pitschen (schw.T.) met eene Pitsch schlonen; met een Stock ooda eene Wipp schlonen; stoaken
Plak (H. f., -en) eene kjliene Städ
plakich (Isw.) met Plaken; soo aus Plaken
plakjen (schw.T.) lichta woaren von em Licht stonen
Planeet (H. n., -en) een Ieedbaul, dusende Km en Derchmäta, dee rom de Sonn flicht
Plästa (H. m., -sch) een Jung ooda Maun dee groot un dikj un schwoa es
plätrich (Isw.) prost jemoakt; nich stoakj, von een Jereetschoft ooda Bu; meist aum tweigonen
Plaudaräajen (H. m., -s) dichta Räajen met groote Dreppen
plaudren (schw.T.) sea räajnen
plaunten (schw.T.) growet Sot seien; Plaunten ooda Auflaja ensaten
Plaupamauz (H. m., -en) eene dee sea leicht rät; eene dee väl to vetalen haft
plaupren (schw.T.) väl räden; väl vetalen
plaut (Isw.) butajeweenlich läach; sea jlikj un eegol von bowen
Plautdietsch (H. f.) onse Sproak
plautfootich (Isw.) een Foot dee lenjdhan oppe Flua oppkjemt; nich wiet jelieet; soo aus wie daut unja ons haben
Plautform (H. m., -s) eene oppjebude Städ fa dän Rädna ooda Leida
Plauz (H. m., Plaza) eene Städ; Hoffstäd; Settstäd
plauzen (schw.T.) von bennen derchbräakjen; oprieten von Druck von bennen
Plauzräajen (H. m., -s) een Räajen dee een kortet Stootje sea plenjat un dan äwa es
plazlich (Isw.) haustich opp eemol; onerwartet; nu fuaz
Plefkje (H. f., -) schwaka Koffe; wotaje Supp; leiwoamet Oppwauschwota
Pleia (H. m., -sch) eene Tang toom waut toopkjniepen ooda aufkjniepen
pleistren (schw.T.) waut opp eene Wund ooda een Schwäa lajen toom daut veheelen halpen
Plekja (H. m., -) eena dee plekjt
plekjen (st.T., plekj, plock, plocken, jeplocken) Frucht von eenen Boom ooda Bosch saumlen
plenjren (schw.T.) Wota frie von waut faulen
plenschen (schw.T.) em Wota spälen; Wota rieren daut et sprezt
Plezhia (H. n., -) een Scheengonen
Plieeja (H. m., -) eena dee plieecht
plieejen (schw.T.) met eenen Pluach Launt oabeiden
plietsch (Isw.) hinjarigjsch; stell; onopprechtich
Pligj (H. f., -en) een korta schoapa Noagel, dee meist met de Finjasch jeit nentoschuwen
plindren (schw.T.) hunjsch wäm bestälen
plinkjen (schw.T.) daut bestendje aun un auf gonen von een Licht; meamol hinjarenaunda de Uagen too moaken
plinkjren (schw.T.) daut bestendje aun un auf gonen von een Licht; meamol hinjarenaunda de Uagen too moaken
plinkjrich (Isw.) met plinkjen; soo aus plinkjen
plinzen (schw.T.) schlonen; derche Finjasch kjikjen wan eena de Uagen bedakjt sull hoolen
Plisch (H. n., -) eene Sort wieekjet Zeich
Ploag (H. f., -en) een Trubbel; waut, waut schwoa to doonen ooda uthoolen es; eene Krankheit
ploagen (schw.T.) waut schwoa moaken; waut baudren
plomp (Isw.) driest un direkjt too; onbeschläpen
Plon (H. m., -s/Pläne) een Väanämen; Stoopen dee eena trajchtjedocht haft toom een Ziel rieekjen
plonen (schw.T.) waut väanämen; waut oppziel haben; sikj de Stoopen väastalen om waut derchtofieren
plonmässich (Isw.) no eenen Plon haundlen
Plosta (H. n., -sch) waut opp een Schwäa jelajcht woat toom daut veheelen
plostren (schw.T.) en Schelwa von waut looskomen; plakich vonne Waunt ooda de Hut looskomen
Plot (H. f., -en) eene Schiew toom Broot ooda aundre Sachen baken; een plautet Stekj Iesa
Pluach (H. f., Plieej) een Jereetschoft toom Launt oabeiden un mollich moaken
Pluachlaunt (H. n., -) Akalaunt; Launt daut eena akat un nich to Weid brukt
Pluachschoa (H. f., -ren) een Schoa aum Pluach; een Massa aum Pluach toom de Ieed veschnieden un äwadreien
pluchich (Isw.) onbeholpen; nich hendich; nich schmeissich
pluckich (Isw.) pluksch; hinjarigjsch; nich opprechtich
Pludarie (H. f., -n) een väl novetalen
Pludasak (H. m., -sakj) eena dee väl pludat; Pludra eena dee väl novetalt
Pludra (H. m., -) eena dee väl novetalt
pludren (schw.T.) novetalen; väl vetalen; soont vetalen waut bäta wia stell jeloten
pluksch (Isw.) hinjarigjsch; schlau
Plum (H. f., -en) eene Frucht met een Steen, foaken bleiw, eenjemoten seetsua
Plumenboom (H. m., -beem) een Boom dee Plumen drajcht
Plumensteen (H. m., -a) de Steen met Sot doabennen dee en eene Plum waust
Plumps (H. m., -) een kjlienet Stekj en Wota ooda waut flissendjet faulen; een Faulen; een dikjet Kjint
plumsen (schw.T.) faulen; klaksen
plutzich (Isw.) soo aus eene Pluz; wieekj un flebrich; nich stiew
Pluz (H. f., -) de Lung von een Tia
pluzmulich (Isw.) sea frie räden
pluznaut (Isw.) gaunz naut; gaunz derchjenat
Poa (H. n., -) twee; twee ooda dree; twee dee väl ooda jeweenlich toop sent, soo aus een Poa Lied
poa (Isw.) eenje; weinich; twee; nich väl
Poachem (H. f., -) dikjet woamet Zeich
Poadelhan (H. f., -heena) eene nate Sort Heena
Poaka (H. m., -sch) eene Stang
Poakje (H. n., -s) diminutiv von Poa; twee kjliene; Zwillinje, twins
poakren (schw.T.) met een Poaka nenstäakjen; met een Stock emma wada auntuksen; baudren; emwäaj sennen
poaren (schw.T.) twee toopkomen; daut hee un see toopkomen mank Vee un Tieren
poaschen (schw.T.) sea jeeten; frie ranen, von Wota
Poat (H. n., -) een Stekj von waut jratret; waut von; een Jlett, soo aus vom Kjarpa
Poatna (H. m., -) eena dee met eenem toop schauft aun waut
poawies (Isw.) en Poa; twee opp eemol
Pock (H. f., -en) eene Noaw, soo aus aum Oarm von unjaspretzen ooda sestwua von een Schwäa ooda eene kjliene Enzindunk
Pogg (H. f., -en) een natet Tia bie een Wota, dee fräten Ojjezeffa
Poggelada (H. n., -sch) daut Lada von eene Pogg; sea oppjekrusde Hut
Pojaus (H. m., -en) een Gort; een Belt; een Reemen
Pol (H. m., -s) een Post
Poliez (H. m., -en) Polizei; Mana dee daut Jesaz em Launt enhoolen sellen
polluksch (Isw.) hinjarigjsch; schlau
polstren (schw.T.) met wieekje ooda schmocke Dakjen daut Meebel betrakjen
Pomp (H. f., -en) Jereetschoft toom Wota häwen ooda schuwen
pompen (schw.T.) met eene Pomp Wota towäaj brinjen; met Jereetschoft Wota wua han schuwen
Pooselaunt (H. n., -) daut väajestalde Launt wua eena schlapt ooda dreemt
Poot (H. f., -en) de wieekja Foot von een Tia, soo aus Kauten un Hunj
Popp (H. m., -en) Kjinjaspältich enne Form von eene Persoon
Poppejei (H. f., -en) eene Sort Voagel, foaken met dach kalieeje Fadren, eenje kjennen aundre Tieren ooda uk Wieet no-open
Poppkorn (H. m., -) Korn dee opsprenjt wan dee heet jemoakt woat
porren (schw.T.) emma wada denkjen halpen toom spooden; onjeduldich sennen
Portzelkje (H. m., -) en Fat jebrodne Kuaken, foaken met Rasienen ooda aundre Stekja Frucht doabennen, to Niejoa
Posaun (H. f., -en) Trompeet; een Bloshuarn; een Instrument
positiv (Isw.) goot; soo aus jewenscht
Post (H. f., -) de Enrechtunk vonne Rejierunk met dee Breew, Zeitungen un eenje Sachen jeschekjt woaren; de Sachen dee enne Post no eenem komen
Post (H. m., Past) een Pol; een Kjneppel met een Enj eene Ieed jegroft; 2) een Aumt ooda eene Oppgow to dee eena aunjestalt es
Postanak (H. f., -) Jekjäakjs met daut Jeschekj von eene Jalmäa, oba witt
Postkoat (H. f., -en) eene Koat met een Bilt aun eene Sied un een korta Gruss un de Adrass aun de aundre
Postmeista (H. m., -sch) eena dee em Postaumt schauft
Postmoakj (H. n., -) een Stamp; daut Tieekjen opp een Breef daut eena daut rechtje Jelt jetolt haft toom dän schekjen
Poststampel (H. n., -s) daut Tieekjen opp een Breef, met däm Dotem wan daut enne Post jekomen es
präakjlen (schw.T.) ommaklich sennen wiels Sachen nich toom Pauss sent
Pracha (H. m., -sch) eena dee prachat
prachaoam (Isw.) soo oam aus een Pracha; sea oam
Pracharie (H. m., -n) eene Enrechtunk dee prachrich lat; waut toopjekaubeldet; daut waut sea prost jemoakt es, prost toophelt, ooda prost sienen Zwakj felt
Prachasak (H. m., -j) een Pracha; eena dee prachat
prachren (schw.T.) aundre Menschen no eenem sien däachlichen Väarot froagen; schlemmen
prachrich (Isw.) soo aus een Pracha; prost
Pracht (H. f., -) butajeweenlich schmock un krakjt, veleicht uk dia
prachtvoll (Isw.) met Pracht; sea schmock
Prädja (H. m., -sch) eena dee von de Jemeent bestädicht es toom kjoakjen un de Jemeent väastonen
prädjen (schw.T.) kjoakjen; eene Prädicht brinjen
praktisch (Isw.) soo daut et behelplich es un leicht schauft
pralen (schw.T.) sea stoakj foaren
Präposizion (H. n., -en) en Gramatikj, een Wuat, soo aus “en, em, met, bie, von, derch, äwa” usw, daut daut Veheltnis wiest tweschen daut waut ea kjemt (Hauptwuat ooda Tietwuat), met daut (Hauptwuat) waut lota kjemt; tB: daut Wota em Kjala, foaren met een Woagen
Präsident (H. m., -en) daut hechste Aumt en een Launt, ooda uk en een Estado ooda Prowins; daut hechste Aumt en een Jeschaft
Prass (H. f., -en) Jereetschoft toom waut drekjen ooda sea faust hoolen
prassen (schw.T.) Sachen sea faust toopjamsen; Kjleeda jlikj moaken met een Prassiesa
Prassiesa (H. n., -sch) een heetet Iesa toom Kjleeda glaut prassen
praunsluaren (schw.T.) aunhoolen met no waut froagen; emma wada froagen
prauzich (Isw.) äwabrostich; stolt
Preeskje (H. f., -) wieekjet Footich toom bennen droagen; Morjeschoo
preisen (schw.T.) lowen; waut gootheeten
Preiss (H. m., -en) eena von Preissenlaunt
Prell (H. n., -) Schunt; Sachen dee orriemsch sent; Sachen dee meist kjeenen Wieet haben
prellen (schw.T.) dän Toostaunt prellich moaken; orriemsch sennen
prellich (Isw.) soo aus Prell; met väl Prell; orriemsch
Prellklompen (H. m., -pes) toopjeschmätnet Prell; een Klompen von Sachen dee kjeen Wieet haben
premlich (Isw.) neewadrich; hekjrich; aune korte Lien
Prescha (H. m., -) Druck; een Komprescha
pretlen (schw.T.) lud koaken; daut Jelud von een Owen
Priejel (H. m., -) eene Strof von schlonen
priejlen (schw.T.) met een Reemen strofen
Priesajreen (H. n., -) Stoff toom Kjniepasch dootmoaken
priesen (schw.T.) eenen Pries jäwen; väl wieet räakjnen
Priess (H. m., -Pries) Kosten; wooväl Jelt fa waut velangt es
Priesta (H. m., -sch) eena dee een Opfa moaken doaf bie eene Relijion dee soont haft
priewaut (Isw.) waut unja sikj hoolen; waut fa sikj em stellen hoolen; waut perseeneljet
Priewautschool (H. f., -en) eene School dee von äa ieejna Verein jerant es un nich vonne Rejierunk
Principaul (H. m., -s) de Väaschte von eene School; een Direktor
Prins (H. m., -en) een Kjennich sien Sän
Printa (H. m., -sch) eene Drekjmaschien aun een Komputa, toom drekjen loten waut eene jeschräwen haft
Prinzessin (H. f., -en) een Kjennich siene Dochta
Prinziept (H. m., -en) eene Lia ooda Jedanken dee halpt een Unjanämen to ranen
Prips (H. m., -) schwaka Koffe; eene heeta Drinkj von jereeschte Kjieena enne Städ Koffe
Priselluak (H. f., -) Zippelluak
prislen (schw.T.) daut Jelud von nat koaken
Priviläjium (H. n., -jien) een jesazlichet Väarajcht
Probleem (H. n., -en) een Trubbel; een Knoppen dän eena leesen saul
Proboten (H. n., -) Lankwiel [met eemol ut Proboten haud ekj daut twei jekjräajen]
Produkt (H. n., -en) daut waut eena häajestalt ooda jemoakt haft, jeweenlich toom vekjeepen; daut waut eena em Goaden ooda oppe Stap jetrocken haft
Profeet (H. m., -en) eena dee em verut seenen kaun woo waut utkomen woat
profeetisch (Isw.) soo aus een Profeet; soo aus Profeetie
Professa (H. m., -sch) een huach jelieeda Liera, jeweenlich en eene Uniwersität
profezeien (schw.T.) de Oabeit von eenen Profeet doonen; em Verut sajen woo waut utkomen woat
Program (H. n., -s) een Plon; een Plon fa een jesalschoftlicha Owent
Projekt (H. n., -en) een Väanämen; eene Oabeit met een jewesset Ziel; daut aun waut eena schauft
prolen (schw.T.) puchen; sea goot räden von waut
promlen (schw.T.) Sachen nich sea krakjt en waut nenmoaken; een bät noschuwen daut de Sachen aule nengonen
Promm (H. f., -) een kjlienet Schepp; eene Enrechtunk toom een Woagen ooda Foatich äwa een Riefa fieren
Pronomen (H. n., -) soone Wieeda aus ‘hee, see, daut, wie, mien, dien, sien’ usw, dee een Hauptwuat betieekjnen daut aul jrod jebrukt es worden, tB: De Maun jeft siene Dochta waut. Hee es ar goot.
Proow (H. f., -en) een Vesieekjen; een Aufproowen; een Noseenen; een Utfinjen
proowen (schw.T.) vesieekjen; aufschazen
Proowstekj (H. n., -a) eene Proow; een Biespel von eene Oabeit; daut ieeschtemol wan eena waut deit ooda moakt es daut een Proowstekj
Proowtiet (H. f., -den) eene Tiet en dee waut vesocht ooda aufjeschazt woat
Propän (H. f., -) eene Sort Gauss dee sea brent un toom Owen hetten kaun jebrukt woaren, toom Wota opphetten, ooda breesen
Propella (H. m., -) eene Mäl, soone aus toom een Airplän driewen
proppen (schw.T.) met een bät Jewault waut wua nenstoppen, soo aus een Propsel en eene Buddel nenn; een Aust von een Boom aun eenen Aust von eenen aundren Boom naunsaten soo daut dee doa wieda waust
proppendich (Isw.) soo aus jepropt; sea voll jestopt
Prosch (H. f., -en) een Kjinjabad; (dim.) Proschkje, -s
proslen (schw.T.) en eent wajch, lud ut waut rut komen, soo aus tB wan Wota sea koakt ooda Kjinja ute Bus komen
prost (Isw.) billich; schwak; plätrich; nich jelieet
Prowins (H. f., -en) eene jesazliche Jäajent; een Estado
Prozass (H. m., -en) de Rieejenfolj en dee waut jedonen woat
Prozent (H. m., -) een Hundatstel
Pruck (H. f., -en) faulsche Hoa; een Koppvoll Hoa, dee eena sikj oppsaten un aufnämen kaun
prunen (Isw.) een bät eefach ooda prost neien; Kjleeda bie Haunt foadich moaken ooda trajcht moaken
Pruntel (H. m., -s) een dikja Stock; Kjneppel; Pischat
prusten (schw.T.) onkontrollieet un haustich Loft ute Näs pusten
Psalm (H. m., -en) een Jedicht ooda Leet enne Bibel daut ons von Gott sienen Wajch met de Menschheit lieet
puaksen (schw.T.) met de Spetz Finja däm Näakjsten een bät hunjsch tuksen; met eene Spetz en waut nenspekjen
Puat (H. n., -en) een Hakj; eene opne Städ en eenen Tun toom derchgonen, eenjemol met eene Däa toom op un too moaken; de Däa en een Puat
Puatenwajchta (H. m., -) een Wajchta bie een Puat
puchen (schw.T.) prolen; sikj väl meenen; sea positiv von sikj räden
puchrich (Isw.) soo aus met puchen
Puckel (H. m., -s) Knubbel; een Rigjen sea no väaren äwajeboagen; de Kopp
pucklich (Isw.) knublich
Puda (H. f., -) Pulwa
Puddel (H. m., -s) eene Läaje Plak wua Wota steit
Pudel (H. m., -) eenem siene jeweenelje Oat [Hee stieech utem Pudel = wort sea oppjeräacht ooda soogoa doll]
pudlen (schw.T.) em Puddel spälen
pudlich (Isw.) met Puddels; soo aus Puddels
pudren (schw.T.) pulwren; Puda streien
puen (schw.T.) fädmen, soo aus met däm Oarm derch eene Meiw rieekjen ooda een Drot derch eene Schlerz trakjen
Puff (H. m., -) een Pust; een Stuks Wint
puffen (schw.T.) pusten; goot meenent schlonen
Pufkje (H. n., -s) waut oppjeblosdet; een Plon ooda Väahaben wua doa nuscht bennen es
pufren (schw.T.) daut bestendje stuksen von Loft ut een Daumpkjätel ooda Moota
Pukja (H. m., -sch) een kjlienet Schwien
pukjrich (Isw.) soo aus een Pukja, daut es, een Schwien; sea beschmäat, schwiensch un orriemsch
pukren (schw.T.) sacht ooda met weinich Krauft ooda Äwalajen aun waut schaufen
pukrich (Isw.) sacht un met weinich Krauft, met weinich Äwalajen
puksen (schw.T.) tuksen; puaksen
pulen (schw.T.) bie Haunt kjlienet Onkrut utrieten; mete Spetz Finja waut befeelen
pulkjren (schw.T.) enne Ieed growen met kjeen besondret Ziel
Pull (H. f., -) Enfluss
Puls (H. m., -) eemol toopholen vom Hoat toom daut Bloot em Kjarpa pompen; daut räajelmäsje pompen von een Hoat
Pulsschlach (H. m., -schläaj) een Puls
Pulsta (H. n., -) wieekje ooda schmocke Dakjen opp Meebel; schmocket Meebel
Pult (H. m., -s) dän Desch hinja dän een Liera ooda Prädja steit toom siene Lia väabrinjen
Pulta (H. f., -) Jeschenkja fa Brutlied
Pultaowent (H. m., -s) een Owent wua Frind toopkomen toom eene Brut Jeschenkja un Jlekjwenschen jäwen
Pulwa (H. n., -) sea fienet Stoff
pulwren (schw.T.) met Pulwa bestreien
pulwrich (Isw.) met Pulwa; soo aus Pulwa
Pungel (H. m., -s) soont aus een Aust met väl Frucht dicht aun eenaunda, soo aus Kjoaschen ooda Wiendruwen
Punkt (H. m., -a) de kjlanste Plak dee eena schrift; daut Tieekjen von daut Enj von een Jedanken; eene jewesse Tiet
Punt (H. n., -) eene Mot von Wicht; 453 Graum; 2.2 Punt moaken een Kg
pupen (schw.T.) Gaus to de Moazh rutloten
puschen (schw.T.) puen
Puschkje (H. n., -s) eene hauntvoll Bloomen; eene hauntvoll Stakja
Pustbak (H. m., -en) oppjeblosde Baken; sea dikj ooda fat
pustbakich (Isw.) met runde Baken
pusten (schw.T.) Loft blosen; meed sennen
Pustspäldinkj (H. n., -nja) een musikalischet Instrument wua de Stäla nenpust toom eenen Toon moaken
putren (schw.T.) aunkloppen
putzen (schw.T.) met eene Putzmäl Jeträajd rein moaken; dän Boat aufschnieden
putzich (Isw.) butajeweenlich; nich soo goot aus eena waut haben well; prost jedonen
Putzkodda (H. n., -dren/sch) een Kodda toom reinmoaken ooda Stoffweschen
Putzmäl (H. f., -en) een Jereetschoft toom Jeträajd putzen, daut es, rein moaken; eene Mäl dee Kjieena säft doano woo groot dee sent
Putzmassa (H. n., -sch) een Massa toom de Hoa vom Jesecht schnieden
Putzpensel (H. m., -s) een Pensel toom daut Jesecht seepich moaken toom putzen
Putzreemen (H. m., -mes) een Reemen aun däm daut Putzmassa jeschoapt woat
Puzhel (H. m., -s) een poa Hoa dee oppfaulent stonen
puzhlen (schw.T.) met waut sea wieekjet strikjen; nat sikj wua mank drenkjen
|
