|
Oa (H. f., -ren) daut Poat von eene Jeträajd ooda Korn Plaunt, met daut Sot
Oabeida (H. m., -) eena dee oabeit; eena, foaken een aunjenomna Maun, dee fa wäm schauft; eena dee fa Loon schauft
Oabeidaloon (H. m., -) de Tolinj dee een Oabeida kjricht; een Oabeida sien Jehault
oabeiden (schw.T.) schaufen; Oabeit doonen
Oabeit (H. f., -en) daut aun waut eena schauft; daut aun waut eena sikj bemieecht
Oabeitsdach (H. m., -doag) een Dach aun däm Oabeit jedonen woat, tB Mondach bat Sinowent, ooda Mondach bat Friedach; de Tiet em Dach wan de Oabeid jedonen woat
Oabeitsjäwa (H. m., -) eena dee Oabeida aunnemt; eena dee Menschen Oabeit jeft
Oabeitskjleeda (H. mz.) de Kjleeda dee eena to Oabeit drajcht
Oabeitsloosa (H. m., -se) eena dee nich Oabeit haft
oabeitsom (Isw.) leicht ooda wellich aune Oabeit sennen
Oabeitsstäd (H. f., -en) de Städ wua eena oabeit
Oafgoot (H. n., -) daut waut eena oaft; waut eenem Traft von de Elren äa Vemieejen wan dee jestorwen sent
Oaflaunt (H. n., -) Launt daut jeorwen es
Oafschoft (H. f., -en) Oafgoot; daut waut aun de Oawen enjedeelt woat
Oaften (H. mz.) peas; eene jreene Schooten Frucht dee met Ieetschocken un Fleesch oppjedescht woaren; waut opp Enjlisch ‘peas’ jeschräwen woat, un ‘pies’ jesajcht woat
Oaftenschluw (H. f., -en) de Schooten von Oaften; de Schluw von Oaften
Oaja (H. m., -) eene Vebetrunk; een vestieet sennen; Aufgonst
Oajaniss (H. f., -en) de Sach dee eenem oajat; dee Tiet en dee eena sikj oajat
oajch (Isw.; oajch, oaja, oajchste) sea; schlemm; schlajcht
oajren (schw.T.) vebettat sennen; sikj sea stieren äwa eene Sach ooda Persoon
oajrich (Isw.) veoajat
oakren (schw.T.) soon bewäajen aus tB een Stool dee nich aule Feet gaunz faust haft
oam (Isw.) met weinich Väarot; schlajcht auf; aules klaup haben
Oama (H. m., -sch) eena dee oam es
Oameritta (H. f., -) Broot en een jeschloagnet Ei un Malkj enjedukt un an jebrot
Oamoot (H. f., -) de Toostaunt von oam sennen; nich jenuach haben toom haulwäaj natieedlich läwen
Oarm (H. m., -s) daut Poat vom Kjarpa vom Schulla bat spetz Finjasch; een langet loos stonendet Stekj aun Jereetschoft
Oarmbaunt (H. m., -benja) een Baunt romem Oarm, soo aus een schwoate, toom wiesen daut eena truat ooda eena toom de Meiw hoolen
Oarmlän (H. f., -en) eene oppjebude Sied aun jiedatsied Stool wua eena de Oarms nopplajen kaun
Oarmvoll (H. f., Oarmsvoll) een Mot: soo väl aus eene opp een Oarm hoolen kaun
Oaschknoaken (H. m., -kes) daut unjaschte Enj vom Rigjstrank
Oaschloch (H. n., -lajcha) Moazh; Puploch
Oat (H. f., -en) een Wajch von waut doonen; Stiel; Mood; Sort [opp eene Oat un Wies]
oatich (Isw.) eene jewesse Oat haben tB Mauns oatich; Frues oatich
oawen (st.T., oaw, oafst, oaft, orf, orwen, jeorwen) een Poat von ooda daut gaunze Vemieejen von de Elren kjrieen wan de Elren jestorwen sent
oba (Konj.) em Jäajenfaul [groot oba nich sea groot]
Obraumkje (H. n., -s) daut seete Meddelstekj von eene Rebus
Oda (H. f., -ren) een Schlauch em Kjarpa toom Bloot leiden
Odaenzindunk (H. f., -ngen) eene Enzindunk enne Blootoda
Odavekaulkjunk (H. f., -ngen) een Blootodren veschlekjen von Fat
Odem (H. m., -) daut Loft enholen un rutpusten; eenem siene Pust
Odla (H. m., -sch) een Sort groote Väajel
odmen (schw.T.) Loft enholen un rutpusten
odrich (Isw.) met Odren; soo aus Odren
Offizia (H. m., -zieren) een Aunjestalde enne Armee
Ofkot (H. m., -en) eena dee fa eenem em Jesaz stritt
Oft (H. f., -) Frucht
Oftboom (H. m., -beem) Fruchtboom, tB een Aupelboom ooda Kjoaschenboom
ojjeduldich (Isw.) met Jedult; met väl Tiet; nich bosich
Ojjedult (H. f., -en) nich jeduldich sennen; rietent sennen
ojjefäa (Isw.) soo mea oba nich krakjt; dichtbie
ojjehea (Isw.) butajeweenlich sea
ojjehuarsom (Isw.) nich jehuarsom; schlajcht sennen; nich daut velangde doonen
Ojjemak (H. n., -) waut nich goot feelen em Kjarpa
ojjemein (Isw.) sea; väl dolla aus jeweenlich
ojjemietlich (Isw.) nich jemietlich; ommaklich
Ojjenieech (H. n., -s) waut eenem baudat; eena dee eenem em Stich licht
ojjerajcht (Isw.) nich jerajcht; orrajcht; schlajcht; bees
ojjeschekjt (Isw.) von woo waut jedonen woat: kjräplich; plätrich; nich schmeissich; prost
ojjesunt (Isw.) nich jesunt; kjrenkjlich; krank
ojjewant (Isw.) nich soo aus Lied daut jewant sent; framd; butajeweenlich
Ojjezeffa (H. mz.) Kjniepasch un Flieejen aula toop
Ojjlekj (H. n., -s) eene Erfoarunk en dee eena een Schoden kjricht
ojjlekjlich (Isw.) nich jlekjlich; met Schoden; nich aus jeplont ooda jewenscht
Oksiecheno (H. f.) eene Sort Gauss dee een Fia sea väl dolla brennen moakt, ooda stekjt, wan dee nich to haben es
Oktooba (H. m., -sch) de tieende Moonat em Joa; de Moonat tweschen Septamba un Nowamba
Olbassem (H. f., -) een läaja Bosch met kjliene seetsuare Frucht; de Frucht von een Olbassem Struck
Oliew (H. f., -en) de Frucht von een Oliewenboom
Oliewenboom (H. m., -beem) een Boom enne heete Jäajent de Oliewen drajcht; de Frucht woat jejäten ooda uk fa Eelj utjedrekjt
Olieweneelj (H. f., -) de Eelj von Oliewen
Oliewengoaden (H. m., -des) een Goaden von Oliewenbeem
Ollaunt (H. n., -) Launt daut nich toom akren to brucken es
om 1) (VT.) rom, äwa [omdreien, ombinjen]; rauf, dol [omhaken, ombrinjen, omfaulen]; 2) (präp.) rom [om de Lint] fa [om junthaulwen, om sient wellen]; soo daut [om to wiesen, om uttofinjen]; von Tiet: dichtbie [om fiew ut]; no, lota [om 7 Doag]
omakren (schw.T.) dolplieejen waut jeakat es
ombandich (Isw.) butajeweenlich sea; onbejrenst
ombedinjt (Isw.) daut es needich; daut jeit nich doaronen; secha
ombieejen (schw.T.) bieejen; eenen Kjnekjs en waut langet ooda plautet moaken
ombinjen (st.T.; sp: binjen om) rom binjen
omblädren (schw.T.; sp: blädren om) en een Buak, wiedablädren; een Blaut äwadreien
ombrinjen (st.T.; sp: brinjen om) doot moaken
ombuen (schw.T.; sp: buen om) een Bu endren; Endrungen moaken en een Jebied
omdreien (schw.T.; sp: dreien om) rom dreien; äwadreien
omendren (schw.T.; sp: endren om) Enrechtungen aundasch moaken
Omfank (H. m., -) de Mot rom een Kjreis ooda waut rundet
omfaulen (st.T. ; sp: faulen om) dolfaulen; hanfaulen
omfoten (st.T. ; sp: foten om) rom foten; eenen Drekj jäwen
Omgank (H. m., -) Bekauntschoft; foaken toopkomen met jewesse
omgonen (st.T. ; sp: gonen om) woo waut jedonen woat; waut uten Stich gonen
omgrowen (schw.T. ; sp: growen om) derch growen; eenen Goaden derch oabeiden
omhäa (Isw.) medden mank; bie de Sach; iewrich; bejeistat
omhäagonen (st.T. ; sp: gonen omhäa) drock sennen; woo waut jedonen woat
omhaben (st.T.; sp: haben om) waut äware Schulren haben; waut aunjetrocken haben
omhaken (schw.T. ; sp: haken om) dolhaken; omweeden
omhenjen (st.T. ; sp: henjen om) rom waut henjen
Omjäajent (H. f., -nden) eene Jäajent; de Jäajent rom eenem
omjäwen (st.T. ; sp: jäwen om) rom waut nämen
omjeeten (st.T.; sp: jeeten om) von een Dinkj en een aundret jeeten
omkauntren (schw.T.; sp: kauntren om) Meebel ooda aundre groote Sachen wiedasaten ooda eene aundre Städ jäwen
omkjieren (schw.T.; sp: kjieren om) opphieren en eene Rechtunk gonen un enne jäajenjesade Rechtunk gonen
omkjikjen (schw.T. ; sp: kjikjen om) rom kjikjen;
Omkjreis (H. m., -) Omjäajent; de Jäajent benna eene jewesse Mot en aule Rechtungen
omkjremplen (schw.T. ; sp: kjremplen om) dolfaulen; hanfaulen; toopkjremplen
omkjrensen (schw.T. ; sp: kjrensen om) eenen Kraunz rom waut moaken
omkomen (st.T. ; sp: komen om) stoawen, von aundret aus jeweenelje Krankheiten
omlieren (schw.T.; sp: lieren om) lieren waut aundasch doonen aus waut eena daut ea jelieet haud
omloden (schw.T. ; sp: loden om) von een Woagen opp eenen aundren Woagen saten/brinjen
ommäajlich (Isw.) nich mäajlich; opp kjeenen Wajch
ommaklich (Isw.) nich maklich; nich jemietlich
ommenschlich (Isw.) soo daut een Mensch daut nich ooda meist nich uthoolen kaun
omnämen (st.T.; sp: nämen om) rom waut moaken; omkjrensen; ombinjen
omoabeiden (schw.T.; sp: oabeiden om) dolplieejen
omoarmen (schw.T.) de Oarms rom waut moaken
ompaken (schw.T.; sp: paken om) faust omfoten; faust omoarmen
omplaunten (schw.T.; sp: plaunten om) eene Plaunt utgrowen un aundatwäajen plaunten
omplieejen (schw.T.; sp: plieejen om) omoabeiden; dolplieejen
omriemen (schw.T.; sp: riemen om) de Ordninj von Sachen opp eenen Plauz aundasch hanstalen
omrieren (schw.T.; sp: rieren om) derchrieren; rieren
omrinjen (schw.T.; sp: rinjen om) omkjrensen; eene Rinkj rom waut moaken
omsaten (schw.T.; sp: saten om) opp eene aundre Städ saten; veplaunten; wieda saten
omschedden (schw.T.; sp: schedden om) von een Dinkj ooda Sach en waut aundret schedden
omschedren (schw.T.; sp: schedren om) soo sea schedren daut dee omfelt
Omschlach (H. m., -schläaj) daut Dakjsel von een Buak, daut butaschte von een Buak; een Konwarkj toom een Breef nenstoppen
omschlonen (st.T.; sp: schlonen om) daut haustich endren
omschmieten (st.T.; sp: schmieten om) dolschmieten; eenen Plon ooda Entschluss endren
omschnieren (schw.T.; sp: een Baunt sea faust rom waut nämen
omschriewen (schw.T.; sp: schriewen om) Endrungen dolschriewen; waut von opp eene Städ opp eene aundre Städ hanschriewen
Omsecht (H. f., -en) waut eena runtom sitt
omseemen (schw.T.; sp: seemen om) biem neien, de Kaunt äwalajen un veneien
omstalen (schw.T.; sp: stalen om) aundasch eene Maschien enstalen; een Plon endren
Omstaunt (H. m., -stend) een Faul; aul daut waut eena en eene Sach en betracht nämen mott
Omstauntswuat (H. n., -wieeda) Adverb; een Wuat daut de Ieejenschoft von een Tietwuat jeft [Hee rant bosich.]
omsteeten (st.T.; sp: steeten om) äwastelpen; moaken waut dolfaulen
omstelpen (schw.T.; sp: stelpen om) waut moaken oppe Sied ooda äwakopp to ligjen komen; met een Woagen ooda Foatich oppe Sied ooda äwakopp to ligjen komen
omstendich (Isw.) schwierich; väl opp sikj haben; bie een Omwajch
omstentlich (Isw.) see omstendich
omtrakjen (st.T.; sp: trakjen om) 1) wieda trakjen met daut Hushault ooda Wirtschoft; 2) aundre Kjleeda auntrakjen
omtuschen (schw.T.; sp: tuschen om) eent oppjäwen un een aundret nämen; omwakjslen
Omwajch (H. m., -wäaj) een Wajch rom eene Städ; een Wajch toom waut utem Stich bliewen
omwakjslen (schw.T.; sp: wakjslen om) omtuschen; waut oppjäwen fa waut aundret
omweelen (schw.T.; sp: weelen om) derch weelen; verieren
omweeten (st.T.; sp: weeten om) eene Sach goot kjanen; de Eenselheiten von eene Sach kjanen
Omwelt (H. f., -en) de Welt enne Natua rom eenem
omwenjen (st.T.; sp: wenjen om) trigjaun foaren; sikj enne jäajenjesade Rechtunk stalen
omzajcht (Isw.) eent von dit un dan eent von daut
onaufhenjich (Isw.) von nuscht aufhenjich sennen; auleen stonent
onäwalajcht (Isw.) onentschieden; sikj nich eenich sennen; nich eenen Entschluss jefot haben
onbandich (Isw.) wilt; nich no de Räajlen
onbeacht (Isw.) nich no oppjepaust; nich jeseenen
onbebrukt (Isw.) nich jebrukt; soo aus nie
onbedakjt (Isw.) nich bedakjt; kol
onbedinjt (Isw.) bat oppet latste needich; gaunz secha
onbedocht (Isw.) nich derch jedocht
onbefriet (Isw.) eentletsich; nich befriet; lädich
onbehakt (Isw.) nich behakt; soo aus enne Natua
onbeholpen (Isw.) nich jeschekjt ooda jlei; kjräplich
onbejrenst (Isw.) met kjeene Jrens; butajeweenlich sea
onbejrieplich (Isw.) nich to bejriepen; sea oppfaulent
onbekaunt (Isw.) nich bekaunt; framd
onbekjant (Isw.) nich bekjant; stell jehoolen
onbekjemmat (Isw.) nich besorcht; nich beduat
onbekjieet (Isw.) nich bekjieet; nich eenen jewenschten Wajch enjeschloagen
onbeleeft (Isw.) waut eena nich goot es, nich jleicht, nich leeft
onbelieet (Isw.) nich belieet; oschuldich;
onbeloont (Isw.) nich beloont; nich jekjräajen waut an schuldich wia
onbemoakjt (Isw.) onen daut et wäa sach
onbeschädicht (Isw.) gaunz; heel; met kjeen Schoden
onbeschläpen (Isw.) ruch; nich belieet; nich fein ooda schmock
onbeschnäden (Isw.) nich beschnäden
onbeschrenkjt (Isw.) onen Jrensen; gaunz frie
onbesonnen (Isw.) haustich un nich derchjedocht met waut wieda gonen; Hauls äwa Kopp
onbesorcht (Isw.) nich besorcht; nich beduat; jlikjeltich; sikj secha
onbestemt (Isw.) noch nich bestemt; steit noch enne Wol; mott noch bestemt woaren
onbestendich (Isw.) nich bestendich; han un häa; eemol soo, eemol soo
onbestroft (Isw.) nich bestroft; frie jeloten
onbetolt (Isw.) noch nich betolt; schuldich sennen
onbewäachlich (Isw.) waut nich to bewäajen es; sea faust
onbewont (Isw.) nich bewont; ladich; nich em Jebruck
onbewust (Isw.) nich bie Besennunk; nich om waut weeten
onboarmherzich (Isw.) nich boarmherzich; nich metfeelent ooda metliedent
onbrukboa (Isw.) nich to brucken; to nuscht goot
Ondank (H. m., -) de Toostaunt von nich dankboa sennen
ondankboa (Isw.) nich dankboa; eendoontich; jlikjeltich
ondenkjboa (Isw.) nich to denkjen; schaundhauft; sea jäajenaun
ondicht (Isw.) nich dicht; lakjsch
ondietlich (Isw.) nich dietlich; nich to vestonen; sea oppfaulent
oneegol (Isw.) nich eegol; knublich; stukrich
oneenich (Isw.) nich eenich; nich stemmen; jäajenäwa; striedich; zenkjrich
Oneenichkjeit (H. f., -en) een Zank; daut äwa waut twee nich stemmen
onehelich (Isw.) nich enne Ehe; soo aus daut nich enne Ehe jehieet
onempfintlich (Isw.) nich neiw wäajen jewesset; nich feelen kjennen
onen (Isw.) nich met waut jewesset; buta
onentschloten (Isw.) onbestemt; nich entschloten; sikj onsecha sennen
onerfoaren (Isw.) nich met Erfoarunk; onen Erfoarunk; nich bekaunt met waut
onerhieet (Isw.) soont aus eena noch nienich jehieet haft; nich beauntwuat
Onfräd (H. m., -) Striet; Zank; nich tofräd sennen
onfruchtboa (Isw.) nich Fruchtboa; onen Frucht; onen Junge; onen Erfolch
Ongloowen (H. m., -wes) een Gloowen daut eene jewesse Lia nich rajcht es
ongotlich (Isw.) nich gotlich; nich paussent; ommaklich
onheeflich (Isw.) sea direkjt too räden; enne Rädensoat dee nich sea väl Respakjt wiest
onheelboa (Isw.) nich to veheelen gonen; soont waut emma bliewen woat
Onheil (H. f., -) Trubbel; een Vedoawen
onheilich (Isw.) nich heilich; jemeen
onheimlich (Isw.) onsecha; eenjemoten veenjst; framd; ommaklich
onierlich (Isw.) nich opprechtich; scheef
Oninj (H. f., -en) waut eena ont; een Jefeel daut waut komen woat, wan doa nich Oppwies ooda een Vespräakjen to es
onjebeitelt (Isw.) nich jebeitelt; ruch; soo aus daut jefungen wort
onjedeelt (Isw.) rein gaunz; nich jedeelt
onjeduldich (Isw.) see: ojjeduldich
onjefäa (Isw.) dichtbie; soo mea
onjehea (Isw.) sea
onjehindat (Isw.) nich jehindat; frie
onjehuarsom (Isw.) nich jehuarsom; schlajcht; bees; onjesazlich
onjeistlich (Isw.) nich jeistlich
onjelieet (Isw.) nich jelieet; onen Schoolen ooda aundre Lieren
onjeltich (Isw.) nich jeltich; waut nich talt; waut nuscht met de Sach to doonen haft
onjemietlich (Isw.) nich jemietlich; ommaklich
onjerajcht (Isw.) nich jerajcht; schlajcht; bees; nich nom Jesaz
onjerod (Isw.) nich jerod; nich jlei ooda schmeissich; nich soo aus jeweenlich; vom Kjarpa: met een Fäla
onjeschekjt (Isw.) nich jeschekjt; nich jerod; nich jlei; stolprich
onjeschoolt (Isw.) nich jeschoolt; nich belieet
onjestampelt (Isw.) nich jestampelt; onen Bewies woo goot waut es
onjestieet (Isw.) nich jestieet; frie von Wadastaunt
onjestroft (Isw.) onbestroft; nich jestroft
onjesuade (Isw.) nich sua; nich met Suadieech enjerieet
onjetieekjent (Isw.) nich jetieekjent; onen een Tieekjen
onjewessat (Isw.) nich jewessat; drieech; vom Räajen aufhenjich
onjewoschen (Isw.) nich jewoschen
onjieren (Isw.) nich jieren; onwellich
onjleeflich (Isw.) nich to jleewen; sea butajeweenlich; onvestentlich
onjleewent (Isw.) nich jleewen aun jewesset; nich faust aum Gloowen
onjnädich (Isw.) nich jnädich; beschuljent; nich vejäwent
Onkel (H. m., -s) em Frintschoft es eenem sien Voda sien Brooda un eenem siene Mutta äa Brooda eenem sien Onkel; Aunrädsform fa eenen Maun [Onkel Wiebe, Onkel Giesbrecht]; Oomkje
onkloa (Isw.) nich kloa; ondietlich; vemuzhat
onkluak (Isw.) nich kluak; eefach; domm
Onkosten (H. mz.) daut Jelt, ooda de Somm von Jelt, daut waut kost
Onkrut (H. mz.) Krut; eene Plaunt dee nich opp eene jewesse Städ jewenscht es
onmindich (Isw.) nich utjewossen; oschuldich; noch nich met daut rajcht aun waut deel to nämen
onmootich (Isw.) met kjeen Moot; nich bejeistat; langsom
onmoralisch (Isw.) nich moralisch; schlajcht; onjesazlich
onneedich (Isw.) nich needich; toom äwajen; daut brukt nich
onnett (Isw.) toom äwajen; nuschtnetsch; onneedich; met kjeen Wieet
onnitzeljet (Isw.) waut nuscht nuzt; nutzloos
Onnoosel (H. f., -s) eena dee to nuscht goot es
onopprechtich (Isw.) nich opprechtich; schlajcht; nich woo aus daut velangt es; nich nom Jesaz no; scheef
onordentlich (Isw.) nich ordentlich; nich soo aus wie daut haben; nich no de Räajlen ooda Jesaz
onpaussent (Isw.) nich paussent
onräajelmässich (Isw.) nich räajelmässich; hanewada; auf un too
onrein (Isw.) nich rein; schwiensch; jebrukt; enne Bibel meent daut, nich no de Tempels Jesazen no jeheilicht
Onru (H. m., -) de Toostaunt von orruich sennen; een Wirwoa
onruje (Isw.) orruje; soone dee nich ruich sent
ons (pron. 2P. mz. obj.) meazol von mien [hee jeft ons waut]
onsa (pron. 2P. mz. obj.) meazol von miena [daut es onsa]
onsaje (pron.) daut waut ons jehieet
onsecha (Isw.) nich secha; veleichtich; onbestemt
onsechtboa (Isw.) nich to seenen
Onsenn (H. m., -) daut waut nich to vestonen es; een Väanämen ooda Plon dee nich goot utkomen kaun
onsennich (Isw.) nich Senn haben; nich behelplich om daut Ziel to rieekjen
onsitlich (Isw.) nich sitlich; nich soo aus sikj daut jehieet
onstoaflich (Isw.) soo daut et nich stoawen kaun/woat
onstwäajen (Isw.) wäajen onst
Ontia (H. n., -tieren) een Tia daut nich to bandjen es; een Tia daut eena sikj väastalt oba nich werkjlich es
ontlich (Isw.) jehuarsom; schmock sennen; fein sennen
ontofräd (Isw.) nich tofräd; orruich; jäajenaun
ontru (Isw.) nich tru; nich truhoatich; wankelmootich; han un häa
onungsloos (Isw.) met kjeene Oninj; met kjeen Jedanken daut waut woaren kunn
onväabedocht (Isw.) nich väabedocht; nich bedocht; jewoacht; oschuldich aun waut naunjegonen
onväasechtich (Isw.) nich väasechtich; nich bedocht; jewoacht
onvedeent (Isw.) nich vedeent
onvedorwen (Isw.) nich vedorwen; jerod; belieet
onveendalich (Isw.) soo daut et nich endren woat
onvejenkjlich (Isw.) nich vejenkjlich; soont waut opp emma stonen woat
onvelazt (Isw.) nich velazt; met kjeene Wund
onveninftich (Isw.) nich veninftich; nich derchjedocht; schlajcht
onverhofs (Isw.) gaunz onen daut eena doa waut von wist ooda ond; vefieet
onverhofs (Isw.) gaunz onen daut eena doa waut von wist ooda ond; vefieet
onverieet (Isw.) nich verieet; nich jerieet; gaunz stell hoolen
onveschämt (Isw.) onen Schaund; sea driest un nich schuchta
onvestentlich (Isw.) nich to vestonen; nich to bejriepen
onvestieet (Isw.) nich jestieet; ruich un onen Unjabräakjunk ooda Jäajenstaunt
onvewäslich (Isw.) soont waut nich vekjemt, vefult ooda stoaft
onvolkomen (Isw.) nich foadich; nich voll; nich gaunz
onweetent (Isw.) nich weeten; oschuldich; nich belieet
onweis (Isw.) nich weis; domm; nich kluak; met nich goode Foljen
onwellich (Isw.) nich wellich; jäajenaun; nich behelplich
onwirdich (Isw.) daut nich wieet sennen; onvedeent
onwoa (Isw.) veloagen; met Läajes; nich soo; nich de Woarheit
Onwoarheit (H. f., -en) Lieejen; Läajes; daut waut nich Woarheit es
onwool (Isw.) nich jesunt
Onzucht (H. f., -en) daut waut nich jebandicht es; Schowanak; daut waut nich no aunjenomne Räajlen jedonen woat
ooda (Konj.) entwäda; veleicht daut aundre
oolt (Isw.) nich junk; met väl Tiet; met väl Joaren; meist aum Enj von brukboa sennen
Ooltkoloniesche (Isw.) waut to de Ooltkolonia jehieet; soo aus bie de Ooltkolonia
ooltmootsch (Isw.) no eene oole Mood; soo aus ieeschtemma
ooltnäsich (Isw.) soo aus eena dee aul ella es
Oom (H. m., -s) een Liera; een Prädja; eenem sien Onkel
Ooma (H. f., -s) Groosmutta; Groosmame
Oomkje (H. m., -s) woo eena eenen Maun aunrät, däm eena nich biem ieeschten Nomen sajcht; woo eena eenen Maun sajcht, von däm eena nich met sien ieeschten Nomen rät
Oostaei (H. n., -a) een Ei to Oostren; een Schaklits ooda aundret Kende to Oostren; een bunt jeforwnet Ei
Oostafast (H. n., -) een Fast toom Oostren fieren; daut Fast fa Jesus sien oppstonen vom Doot
Oosten (H. n.) de Rechtunk wua de Sonn oppjeit; jäajenäwa von Wasten, rajchtsch von Nuaden un linjsch von Sieden
Oostjrens (H. f., -en) de Jrens aune oostne Sied
oostne (Isw.) daut em Oosten; daut vom Oosten
Oostpuat (H. n., -s) daut Puat aune oostne Sied
Oostren (H. f., -tasch) de Dach toom Jesus sien oppstonen vom Doot fieren
Oostresarw (H. f., -en) en Manitoba, Kanada, de Mennoniten Siedlunk rom Steinbach
Oostwint (H. m., -nd) een Wint vom Oosten
Op (H. f., -en) een Woolttia en heete Lenda
op (VT.) nich too [opstonen; opgonen]
opbräakjen (st.T.; sp: bräakjen op) ruch waut opmoaken
opdakjen (schw.T.; sp: dakjen op) aufdakjen; daut Dakjsel opphäwen
opdreien (schw.T.; sp: dreien op) eenen Kron ooda eene Schruw noloten
open (Isw.) nich too [opna, opne, opnet] (VT.) see: op
openboa (Isw.) kloa; dietlich; goot to seenen
openboaren (schw.T.) kloa moaken; dietlich moaken waut vestoaken wia
Openboarunk (H. f., -ngen) waut eenem es kloa jeworden; waut eenem em verut kloa es
Opfagow (H. f., -en) eene Gow dee eena opfat; daut waut eena fa Gott ooda fa eenem sien Gloowen aufjeft
Opfalaum (H. n., -lama) een Laum daut jeopfat woat
Opfamol (H. n., -s) eene Moltiet dee een Poat von een Opfa es
Opfastäd (H. f., -en) eene Städ wua daut aunjebrocht es toom een Opfa moaken
Opfatia (H. n., -tieren) een Tia daut fa een Opfa jeschlacht woat
opfren (schw.T.) een Opfa brinjen ooda moaken; waut aufjäwen ooda oppjäwen wäajen eenem sien Gloowen
opgonen (st.T.; sp: gonen op) opmoaken; aunfangen
ophoolen (st.T.; sp: hoolen op)
opkjneepen (schw.T.; sp: kjneepen op) eenen Knoop vom Knooploch frie moaken
opkjneepen (schw.T.; sp: kjneepen op) Kjneep ute Kjneeplajcha moaken
opleesen (schw.T.) een Knoppen opmoaken
oploten (st.T.; sp: loten op) nich toomoaken
opmoaken (st.T.; sp: moaken op) nich tooloten
Opninj (H. f., -en) eene opne Städ; een Loch; eene Mäajlichkjeit en waut nentokomen
opp (VT.) enne Hecht [oppäten, oppstonen]; (präp.) jeft de Städ aun [opp däm Foot; opp de Kjist]; jeft Tiet aun [opp emma, opp 2 Doag, opp daut Fast]
oppaken (schw.T.; sp: paken opp) enpaken; en een Pak nenmoaken
oppäten (st.T.; sp: äten opp) äten; veschlinjen; utäten
oppaussen (schw.T.; sp: paussen opp) väasechtich sennen; oppsecht opp waut hoolen
oppbaden (schw.T.; sp: baden opp) velangen; eene Veauntwuatunk jäwen
oppbeeden (st.T.; sp: beeden opp) enne Kjoakj bekaunt jäwen daut wäa sikj befrieen well
oppbekjen (schw.T.; sp: bekjen opp) äwaroasch foaren
oppbelkjen (schw.T.; sp: belkjen opp) haustich belkjen; haustich schrieen ooda roopen
oppbewoaren (schw.T.) secha hoolen; schoonen
oppbliewen (st.T.; sp: bliewen opp) waka bliewen; nich schlopen gonen
oppblosen (schw.T.; sp: blosen opp) oppusten; too groot moaken; explodieren
oppbräakjen (st.T.; sp: bräakjen opp) utenaunda bräakjen; uteneen gonen; eene niee Wäs plieejen
oppbrennen (schw.T.; sp: brennen opp) gaunz vebrennen; oppflaumen
oppbrinjen (st.T.; sp: brinjen opp) 1) met een Teema ooda Jeschicht aunfangen; 2) besorjen bat een kjliena groot es; 3) kolkjen
oppbuaren (schw.T.; sp: buaren opp) goot buaren; rikja woaren; volstendja wirtschoften
oppbuen (schw.T.; sp: buen opp) von Grunt waut buen; jrata buen
oppdachen (schw.T.; sp: dachen opp) bedachen; Licht moaken
oppdäwren (schw.T.; sp: däwren opp) sikj oppfaulent prauzich auntrakjen
oppdreemen (schw.T.; sp: dreemen opp) utdenkjen; soont utdenkjen waut nich mäajlich lat
oppdrekjen (schw.T.; sp: drekjen opp) doldrekjen; met eene sea schwoare Haunt schriewen
oppdrenjen (schw.T.; sp: drenjen opp) toodrenjen; sikj, ooda wäm, too sea aunbeeden; breet weeten loten daut eena eene Jeläajenheit haben well
oppdrenjent (Isw.) toodrinjlich sennen
oppdrieejen (schw.T.; sp: drieejen opp) utdrieejen; drieech woaren
oppducken (schw.T.; sp: ducken opp) onverhofs sikj wiesen; met eene Stang aun waut ducken un opphäwen
oppdwinjen (st.T.; sp: dwinjen opp) bemotten; bedwinjen
oppe (präp.+Jsw.) opp de
oppeenst (Isw.) plazlich; haustich
oppem (präp.+Jsw.) opp däm
opperieren (schw.T.) soo aus een Dokta dän Kjarpa opmoaken un waut bäta moaken
oppet (präp.+Jsw.) opp daut
oppfädmen (schw.T.; sp: fädmen opp) eene Rieej von Dinja opp eenen Drot ooda Twierem brinjen
oppfangen (schw.T.; sp: fangen opp) jriepen; eene wankende Krankheit kjrieen
oppfaulen (st.T.; sp: faulen opp) uttieekjnen; wundren
oppfaulent (Isw.) butajeweenlich; bemoakjboa; wundaboa
oppfeeden (schw.T.; sp: feeden opp) oppfoodren; een Tia besorjen un feeden bat daut groot es
oppfellen (schw.T.; sp: fellen opp) voll moaken
oppfeschen (schw.T.; sp: feschen opp) met een Hoaken ooda een Nat waut jriepen
oppfieren (schw.T.; sp: fieren opp) no Räajlen no haundlen
oppfipsen (schw.T.; sp: fipsen opp) haustich oppnämen ooda wajchnämen
oppfixen (schw.T.; sp: fixen opp) een Jereetschoft trajcht moaken
oppflaumen (schw.T.; sp: flaumen opp) aunfangen to brennen; Flaumen väl jrata woaren
oppflieejen (st.T.; sp: flieejen opp) loosflieejen; wajch flieejen
Oppfoat (H. f., -en) de Wajch opp een Hoff nopp; Utfoat;
oppfoawen (st.T.; sp: foawen opp) Zeich ooda Kjleeda eene aundre Kalia jäwen; fresch foawen
oppfodren (schw.T.; sp: fodren opp) väakroagen; oppkroagen
Oppfodrunk (H. f., -ngen) waut von eenem jefoddat woat
oppfoodren (schw.T.; sp: foodren opp) oppfeeden; besorjen un foodren bat et groot es; Fooda gaunz ut brucken
oppfoten (st.T.; sp: foten opp) vestonen; to hoolen kjrieen
Oppfotunk (H. f., -ngen) woo eena waut oppfot ooda vesteit
oppfräten (st.T.; sp: fräten opp) oppäten, bosich ooda soo aus een Tia
oppfreschen (schw.T.; sp: freschen opp) waut meist soo aus nie moaken; wadaholen; Jedanken fresch saumlen
oppfrieen (schw.T.; sp: frieen opp) frie moaken; loos moaken
Oppgank (H. m., -jenj) een oppgonen, soo aus de Sonn
oppgonen (st.T.; sp: gonen opp) enne Hecht gonen; jrata woaren, soo aus Broot
Oppgow (H. f., -en) eene Oabeit dee von eenem velangt es, soo aus enne School ooda bie de Oabeit
oppgrowen (schw.T.; sp: growen opp) utgrowen; derchgrowen
opphaben (st.T.; sp: haben opp) 1) oppen Kopp droagen, soo aus eene Metz; 2) waut em Plon haben [wie haben aul waut opp to Sindach zeowes]
Opphäfsel (H. n., -s) eene Oppräajunk; een Trubbel
opphalpen (schw.T.; sp: halpen opp) halpen oppstonen; wäm ooda waut oppe Been brinjen
opphäwen (st.T.; sp: häwen opp) hecha met waut gonen
opphenjen (st.T.; sp: henjen opp) opphoaken; opp eenen Hoaken hoaken
opphetten (schw.T.; sp: hetten opp) heeta moaken; heet moaken
opphetzen (schw.T.; sp: hetzen opp) wilt moaken
opphiepen (schw.T.; sp: hiepen opp) een Klompen von waut moaken
opphieren (schw.T.; sp: hieren opp) stell hoolen met waut; nich wieda gonen met waut
opphoaken (schw.T.; sp: hoaken opp) opphenjen; opp eenen Hoaken waut henjen
opphoakjen (schw.T.; sp: hoakjen opp) toophoakjen; hoakjen un opphäwen
oppholen (schw.T.; sp: holen opp) en holen, soo aus Loft; noppholen, soo aus met een Strank
opphoolen (schw.T.; sp: hoolen opp) moaken stell hoolen; moaken opphieren
opphorchen (schw.T.; sp: horchen opp) haustich met eemol oppaussen waut doa väajeit
oppiernst (Isw.) iernstlich; gaunz secha; onen Spos; jeneiw waut meenen
oppjäwen (st.T.; sp: jäwen opp) äwawelticht sennen; opphieren met waut ea daut foadich es
oppjäwrich (Isw.) wellens sennen opptojäwen
oppjeboden (Isw.) väajestalt; bekaunt jemoakt daut wäa sikj befrieen well
oppjebrocht (Isw.) oppjeräacht
oppjeeten (schw.T.; sp: jeeten opp) toojeeten; voll jeeten
oppjekrust (Isw) krus jemoakt, soo aus Hoa ooda Zeich em Kjleet
oppjoa (Isw.) daut näakjste Joa
oppjoagen (st.T.; sp: joagen opp) utem Bad joagen; Vee moaken oppstonen
oppjuchen (schw.T.; sp: juchen opp) lud juchen; lud sikj freien
oppkjeepen (st.T.; sp: kjeepen opp) aules ooda meist aules von eene Sort kjeepen waut to haben es
oppkjikjen (schw.T.; sp: kjikjen opp) enne Hecht kjikjen; de Uagen ooda daut Jesecht enne Hecht häwen
oppkjremplen (schw.T.; sp: kjremplen opp) opprollen, tB Lempen ooda Meiwen
oppkjrieschen (st.T.; sp: kjrieschen opp) haustich kjrieschen ooda schrieen
oppkjwalen (schw.T.; sp: kjwalen opp) loten Wota nentrakjen un jrata moaken
oppkloaren (schw.T.; sp: kloaren opp) kloa woaren; Wolkjen auf trakjen
oppklompen (schw.T.; sp: klompen opp) een Klompen jäwen; emma wada Klompen jäwen; too väl opp eemol haben
oppknaulen (schw.T.; sp: knaulen opp) met een Krach opprieten; explodieren
oppkoaken (schw.T.; sp: koaken opp) goa koaken; heet moaken daut et koakt
oppkomen (st.T.; sp: komen opp) bat oppe Ieed ooda däm Boddem komen; fa waut veauntwuatlich sennen
oppkrachen (schw.T.; sp: krachen opp) vesprenjen; explodieren
oppkrusen (schw.T.; sp: krusen opp) krus moaken; krus woaren
opplachen (schw.T.; sp: lachen opp) haustich lud lachen
opplajen (st.T.; sp: lajen opp) waut von wäm velangen, soo aus Taks; oppspaunen [Sälen opplajen]; aunlajen, soo aus een Fia
oppläsen (st.T.; sp: läsen opp) toopläsen un opphäwen; noläsen; läsen auf waut stemt ooda woo daut steit
opplatst (Isw.) opplenjd; veleicht (beduarent)
opplauzen (schw.T.; sp: plauzen opp) von bennen no buten haustich opbräakjen
oppläwen (schw.T.; sp: läwen opp) bewäacht woaren; toom läwen komen
oppleesen (schw.T.; sp: leesen opp) en Wota ooda soowaut vedeiwen; een Knoppen opmoaken; eene Grupp oppleesen meent de vestreien un komen nich mea toop
oppligjen (st.T.; sp: ligjen opp) velangent wäm baudren; von Latren: soone waut to feelen sent daut dee een bät utem Papia rutkomen
oppligjent (Isw.) von Latren ooda een Mosta: soo daut dee to feelen sent
opploden (schw.T.; sp: loden opp) een Woagen ooda eene Fua voll moaken
opplokren (schw.T.; sp: lokren opp) locka moaken; moaken daut et nich soo faust licht
opploten (st.T.; sp: loten opp) nich bemotten toom dollajen; erlauben opp to bliewen
oppludes (Isw.) äwalud; soo daut et to hieren es
Oppmenjsel (H. n., -s) Schroot; jeschroodet Vee Fooda
oppmieren (schw.T.; sp: mieren opp) mieren; met Tieejlen ooda Steena eene Waunt ooda Tun oppbuen
oppmoaken (st.T.; sp: moaken opp) 1) waut väanämen; entscheiden; [sikj oppmoaken waut to doonen] 2) utdenkjen; soont waut nich werkjlich soo es; 3) een Bad soo oppmoaken aus daut äwadach jehieet
oppmoakjsom (Isw.) soo oppaussen daut eena weet waut jeworden un jesajcht es
oppmodren (schw.T.; sp: modren opp) nich loten utsaten; derchrieren
oppmuntren (schw.T.; sp: muntren opp) Moot moaken; freid moaken
Oppmuntrunk (H. f., -ngen) eene Erfoarunk en dee eenem Moot jejäft woat
oppnämen (st.T.; sp: nämen opp) opphäwen; toopnämen; schwanda woaren; Jast bejreessen un nenkroagen; aus een Jliet en eene Jemeenschoft nennämen; een Kjleet ooda Rock kjarta moaken
oppnäment (Isw.) wellich wäm nenkroagen un oppnämen
Oppnom (H. f., -en) wäm bejreessen ooda oppnämen; woo eena bejreest woat
oppoabeiden (schw.T.; sp: oabeiden opp) eene Stap plieejen; eene Oabeit foadich moaken
oppoat (Isw.) fa sikj; bie sikj selfst; nich met aundret toop
oppodmen (schw.T.; sp: odmen opp) deep Loft enholen; plazlich deep odmen
oppompen (schw.T.; sp: pompen opp) voll pompen; soo väl Loft en eene Reif nenpompen aus daut jehieet
oppopfren (schw.T.; sp: opfren opp) oppjäwen ooda aufjäwen wäajen eenem sien Gloowen
oppräajen (schw.T.; sp: räajen opp) bejeistat moaken; bewäacht moaken; vewillat moaken
Oppräajunk (H. f., -ngen) eene Erfoarunk wua Menschen oppjeräacht sent; Onru; Opprua
opprajcht (Isw.) rechtich; jerajcht; nich faulsch
opprechten (schw.T.; sp: rechten opp) oppstalen; steil oppstalen; stonen halpen
opprechtich (Isw.) jerajcht; rechtich; nich faulsch
oppreizen (schw.T.; sp: reizen opp) bejeistat moaken; oppräajen
opprelpsen (schw.T.; sp: relpsen opp) lud oppsteeten
opprieejen (schw.T.; sp: rieejen opp) enne Rieej sajen ooda stalen
oppriemen (schw.T.; sp: riemen opp) krakjt moaken; Ordninj schaufen; eene Sach trajcht moaken ooda bekjanen
opprieren (schw.T.; sp: rieren opp) omrieren; nich loten utsaten; oppmodren; oppjeräacht moaken
opprieten (st.T.; sp: rieten opp) tweirieten; tranen
Opprigj (H. m., -) de Rigjen dee doa blift von de ieeschte Foa plieejen
opprollen (schw.T.; sp: rollen opp) eene Roll von waut moaken
opproopen (schw.T.; sp: roopen opp) väakroagen; oppfodren
oppropen (schw.T.; sp: ropen opp) toopropen; saumlen un opphäwen
opproppen (schw.T.; sp: proppen opp) waut stetten ooda unjastetten soo daut et stonen blift
opprotzen (schw.T.; sp: rotzen opp) sea Loft enholen wan eena vekjilt es
Opprua (H. m., -) Oppräajunk; Derchenaunda; groota Orru
oppsajen (st.T.; sp: sajen opp) utwendich sajen; utwendich waut väabrinjen
oppsaten (schw.T.; sp: saten opp) trajcht stalen, soo aus Teetich un Jescherr oppem Desch; Hocken oppsaten von Goawen;eene Metz oppsaten; Dieech en Ploten saten toom oppgonen verem baken
oppsaumlen (schw.T.; sp: saumlen opp) toopsaumlen; kollakjten
Oppsauz (H. m., -) eene jeschräwne Oppgow; de Woagendoos opp een Unjawoagen, toom Jeträajd fieren
oppschapen (schw.T.; sp: schapen opp) met een Schapkje ooda eene Schoop soowaut aus Wota ooda Jeträajd oppnämen
oppschedden (schw.T.; sp: schedden opp) en een Klompen schedden
oppschedren (schw.T.; sp: schedren opp) veschedren; locka moaken met schedren
oppscheflen (schw.T.; sp: scheflen opp) met Scheflen waut opphäwen ooda toopnämen
oppscheislich (Isw.) sea groff; nich to vedroagen
Oppschlach (H. m., -schläaj) daut Kolla aun een Wanikj ooda Äwarock
oppschlapen (schw.T.; sp: schlapen opp) oppkomen; noschlapen; biem foaren oppe Ieed oppkomen
oppschlerzen (schw.T.; sp: schlerzen opp) schlerzen; eene lange Wund moaken
oppschlonen (st.T.; sp: schlonen opp) eene jewesse Städ en een Buak finjen
oppschlucken (schw.T.; sp: schlucken opp) dolschlucken; schlucken
oppschlurpsen (schw.T.; sp: schlurpsen opp) enschlurpsen; met Loft enholen de Supp vom Läpel bat em Mul kjrieen
oppschmäaren (schw.T.; sp: schmäaren opp) tB, Botta opp Broot schmäaren
oppschmieten (st.T.; sp: schmieten opp) toopschmieten soo daut et een Klompen jeft
oppschnaken (schw.T.; sp: schnaken opp) no wäm horchen onen daut dee weet daut eena doano horchst
oppschnett (Isw.) waut em väanämen haben; waut jeplont haben
oppschnieden (st.T.; sp: schnieden opp) tweischnieden; en twee ooda mea Bieta schnieden
oppschoapen (schw.T.; sp: schoapen opp) oppmoakjsom moaken; oppe Teeen staupen; waut sea kloa moaken
oppschrieen (schw.T.; sp: schrieen opp) haustich schrieen
oppschriewen (st.T.; sp: schriewen opp) dolschriewen; waut schriewen daut eena weet waut jeworden ooda jesajcht es
oppschuwen (st.T.; sp: schuwen opp) plonen lota daut to doonen waut nu nich jeit
oppschwalen (st.T.; sp: schwalen opp) dikj woaren
Oppsecht (H. f., -en) Äwasecht; Väasecht; oppaussen daut Dinja rechtich jedonen woaren
Oppsechta (H. m., -/sch) eena dee oppaust daut Sachen rechtich jedonen woaren
oppseenen (st.T.; sp: seenen opp) Eenselheiten läsen; nosieekjen
oppsennen (st.T.; sp: sent opp) waka sennen; äwadäl sennen; nich em Bad sennen
oppsetten (st.T.; sp: setten opp) setten; nich ligjen; sikj en een Foatich nenn saten
oppsieekjen (st.T.; sp: sieekjen opp) sieekjen; besieekjen
oppsodlen (schw.T.; sp: sodlen opp) een Sodel oppem Pieet reed moaken toom rieden
oppspalden (schw.T.; sp: spalden opp) soo aunspalden daut et goot to seenen es; wua met eene Notel ooda Spald faustmoaken
oppspekjen (schw.T.; sp: spekjen opp) enspekjen un opphäwen
oppspell (Isw.) en Jefoa
oppspikjren (schw.T.; sp: spikjren opp) en Spikjasch oppschedden; enspikjren
oppspoaren (schw.T.; sp: spoaren opp) toopspoaren; toophoolen fa sikj toom lota brucken
oppspoolen (schw.T.; sp: spoolen opp) spoolen; vespoolen
oppsprenjen (schw.T.; sp: sprenjen opp) sea haustich ooda wilt oppjoagen
oppstalen (schw.T.; sp: stalen opp) reed moaken; trajcht stalen; hanstalen daut et steit; eenem to eene Wol aunjäwen; sikj loten to eene Wol aunjäwen
Oppstaunt (H. m., -) een Wadastaunt jäajen de Rejierunk
oppsteeten (st.T.; sp: steeten opp) Loft toom Mul ute Moag loten
oppsternotsch (Isw.) jäajenaun
oppstetten (schw.T.; sp: stetten opp) waut met eene Stett enne Hecht hoolen
oppstieen (schw.T.; sp: stieen opp) oppklautren; enne Hecht stieen; opp waut noppstieen
oppstoaken (schw.T.; sp: stoaken opp) met de Forkj Goawen ooda Hei wieda saten
oppstonen
oppstonen (st.T.; sp: stonen opp) to stonen komen; utem Bad rutkomen un dän Dach aunfangen
oppstopslen (schw.T.; sp: stopslen opp) oppflieen
oppstreepen (schw.T.; sp: streepen opp) äwastreepen
oppt (präp + Jsw.) opp et, opp daut
opptäajlen (schw.T.; sp: täajlen opp) oppbinjen; huach aunbinjen
Opptäkj (H. f., -en) Droggstua; een Jeschaft toom Medizien kjeepen
opptalen (schw.T.; sp: talen opp) tooptalen
oppteemen (schw.T.; sp: teemen opp) een Pieet dän Toom oppsaten
opptieekjnen (schw.T.; sp: tieekjnen opp) een Tieekjen opp eene jewesse Städ moaken; goot to seenen sennen
opptoo (Isw.) doahan; en dee Rechtunk
oppträden (schw.T.; sp: träden opp) väakomen; sikj wiesen
opptrakjen (st.T.; sp: trakjen opp) bejeistat moaken; de Fada aunholen, soo aus bie eene Klock ooda Spältich
opptritzen (schw.T.; sp: tritzen opp) bosich waut enne Hecht häwen; tranen
oppusten (schw.T.; sp: pusten opp) voll pusten; voll Loft moaken; waut groot moaken met nuscht doabennen; too väl von sikj denkjen
oppverieescht (Isw.) toom Aunfank; ea aus aundret
Oppwadaseenen (H. n., -) Aufscheet
oppwakjen (st.T.; sp: wakjen opp) waka woaren vom Schlop; biltlich: enwoaren waut waut bediet
oppwauschen (st.T.; sp: wauschen opp) Teetich un Jescherr wauschen nom äten
Oppwauschkodda (H. f., -dren) een Kodda toom Teetich un Jescherr wauschen
Oppwauschkomm (H. f., -en) eene Komm wua Wota un Teetich nenjesat woaren toom oppwauschen
Oppwauschwota (H. n., -) Wota toom Teetich oppwauschen
oppwaussen (st.T.; sp: waussen opp) groot woaren; mindich woaren
oppweelen (schw.T.; sp: weelen opp) derchweelen; orriemsch moaken
oppwekjlen (schw.T.; sp: wekjlen opp) to een Kluen moaken; waut langet, soo aus een Baunt, opprollen
oppweschen (schw.T.; sp: weschen opp) wajch weschen; oppzoppen
oppwieekjen (schw.T.; sp: wieekjen opp) wieekj moaken; derch naten; mäa kjnäden
Oppwies (H. m., -) eene Sach ooda eene Zeij dee waut faust stalt
oppwiesen (st.T.; sp: wiesen opp) to seenen sennen; wua hankomen
oppwippen (schw.T.; sp: wippen opp) oppräajen; bejeistat moaken
oppwoamen (schw.T.; sp: woamen opp) woam moaken; hetten
oppwrablen (schw.T.; sp: wrablen opp) dän Drot von waut jekjnettet ruttrakjen
oppzoppen (schw.T.; sp: zoppen opp) oppweschen; een Puddel oppweschen
oprieten (st.T.; sp: rieten op) haustich opmoaken; onväasechtich opmoaken
opschluten (st.T.; sp: schluten op) een Schlott opmoaken
opschnieden (st.T.; sp: schnieden op) met een Massa ooda Schea waut opmoaken
opschruwen (st.T.; sp: schruwen op) de Schruw von een Glaus loos schruwen
opspekjen (schw.T.; sp: spekjen op) tweispekjen; derchspekjen; met eene schoape Spetz en waut nenschnieden daut et een opnet Loch jeft
opsploaren (schw.T.; sp: sploaren op) groot opmoaken; breet opdakjen
opspoolen (schw.T.; sp: spoolen op) enspoolen un wiesen waut doa bennen es
opspreeden (schw.T.; sp: spreeden op) breet oplajen
opstetten (schw.T.; sp: stetten op) met eene Stett ophoolen
opstonen (st.T.; sp: stonen op) opbliewen; op sennen
opwrablen (schw.T.; sp: wrablen op) dän Drot von waut jekjnettet ruttrakjen
Orda (H. n., -dasch) eene bestalen; daut waut eene bestalt
Ordninj (H. f., -ngen) een deel Räajlen toop; eene Erfoarunk wua de Räajlen jehoolen woaren
Ordnungszol (H. f., -en) een Numma daut wiest wua daut enne Rieej ooda Ordnunk steit, ieeschte, tweede, dredde, usw
Orjel (H. f., -jlen) een Instrument met Finja Spläten toom Leeda spälen
orrajcht (Isw.) nich rajcht; schlajcht; faulsch
orrein (Isw.) onrein; nich rein; schwiensch
Orrest (H. m., -) eena dee wizhrich es; eena dee emma beschafticht es
orriemsch (Isw.) veriemt; nich krakjt; nich oppjeriemt
Orru (H. m.) eene Ontofrädenheit en eenem ooda uk em Volkj
orruich (Isw.) onruich; nich ruich; bewäacht
Ort (H. n., -) waut aufjeit; waut wajchjeschmäten woat
Ortografie (H. f., -n) de Räajlen woo eene Sproak jeschräwen woat; Schriewwies
Os (H. n., -) vekomne Ätwoaren; vekomne doodje Tieren
oschuldich (Isw.) nich veauntwuatlich; zimpel; nich schuldich
Oschult (H. m., -s) eena dee oschuldich es; eena dee nich sea derchjedocht es
Oshaka (H. m., -sch) een grootet Voagel daut Fleesch von doodje Tieren frat
osich (Isw.) soo aus Os; vekomen
Oss (H. m., -en) een utjeschnädnet Rint
Ossenfleesch (H. n., -) Fleesch von Ossen
Ossenjespaun (H. n., -s) een Tiem Ossen; een Tiem Ossen aunjespaunt
Otboa (H. m., -ren) een grootet wittet Voagel en Europa
Overals (H. mz.) Schlaubbekjsen; auldoagsche Bekjsen fa een Maun, dee eene Schlaub un Droagbenja haben
Owada (H. n., -) schlajchtet Wada; orrujet Wada; Storm ooda Wint
owellich (Isw.) nich wellich; onwellich; jäajenaun
Owen (H. m., -es) een koak Hieet; een Heiza
Owent (H. m., -s) de latste poa Stund verem Schlopengonen; ojjefäa von Klock 5 bat Schlopengonen
Owentkost (H. n., -) de latste Moltiet em Dach
Owentmol (H. n., -s) eene besondre Kjoakj ooda Aundacht wua daut Owentmol jefieet woat soo aus de Bibel daut väaschrift
Owentroot (H. f., -s) de dacha Himmel em Wasten jrod ver un no däm daut de Sonn unjajeit
Owesied (H. f., -en) jeweenlich de Hinjakaunt vom Staul aunjebut met een plautret Dak
owool (Isw.) nich jesunt; schaubich
Ozean (H. m., -s) daut groote Wota tweschen Lenda
|
