|
läach (Isw.) meist unjen; nich huach; (läach, läaja, läachste)
Läacht (H. f., -en) läajet Launt wua leicht Wota steit ooda rant; eene Rie
Läajna (H. m., -) eena dee Läajes vetalt
lachen (schw.T.) sikj freien un een Jelud moaken toom daut utdrekjen
lachrich (Isw.) spossich; toom lachen; fonnich
Lada 1) (H. n., -sch) Hut; de Hut ooda daut Fal von een Tia 2) een Stekj Jereetschoft daut jebrukt woat toom oppstieen wua nich eene Trap es
Ladajoawa (H. m., -sch) eene dee Lada joaft; eena dee reiwet Lada von een Tia nemt, un daut soo beoabeit, daut et brukboaret Lada es daut nich vekjemt
Ladalusch (H. f., -en) eene Lusch von Lada jemoakt
ladane (Isw.) soont von Lada; soo aus Lada
Ladasachen (H. mz.) Sachen dee von Lada jemoakt sent
Ladatausch (H. f., -en) eene Tausch von Lada jemoakt
Ladawoagen (H. m., -ges) een Woagen met een Heirekj toom Hei un Stroo fieren
ladich (Isw.) met nuscht bennen [een ladja Sak]
ladren (schw.T.) aufladren; daut Lada loos schnieden von een Tia
ladrich (Isw.) soo aus Lada
lädwieekj (Isw.) soo aus sea wieekjet Lada; soo wieekj daut et meist aum uteneen komen es, tB een Buak
Lagrits (H. f., -) eene Sort Kende, jeweenlich schwoat un nich hoat
Lajchakomm (H. f., -en) eene Siekomm; eene Komm met Lajcha toom waut aufsieen
lajchrich (Isw.) met Lajcha
lajen (st.T.; laj, lajchst, läd, läden, jelajcht) waut hansaten; waut oppe Sied lajen; von Heena, een Ei lajen
Lak (H. f., -) Farnitz; derchsechtich kloare Foaw
laken (schw.T.) met Lak bestrikjen
Lakj (H. f., -en) Drepp; de kjlanste Mot Wota dee opp eemol vom Ama felt
Lakjatän (H. f., -en) eena dee mäakjlich es biem äten
lakjen (schw.T.) dreppen; en Dreppen ooda Lakj faulen
lakjsch (Isw.) soont waut doa lakjt, soo aus een Ama
Lamel (H. m., -s) daut Stekj aune Brell, vom Glaus no daut Ua
lämen (schw.T.; dit Wuat woat bloos en de foadje Tietformen jebrukt: jelämt) vedrieejde Musklen
lamren (schw.T.) 1) kjliene Lama to Welt brinjen; 2) waut liemjet, soo aus Äten, aulawäajen hankjrieen wua daut nich hanhieet [Daut Kjint haft sikj gaunz belamat met de Jrett]
Län (H. f., -en) daut hinjaschte Poat von een Stool ooda eene Benkj aun waut eena sikj länt
länen (schw.T.) biem setten sikj äwarigj stetten aun eene Län ooda soo waut aus eene Waunt
lang (Isw.; lang, lenja, lenjste; lang dieren; langa Dach, lange Stund, langet Joa) met väl Tiet; waut eenem no eene lange Tiet väakjemt
langen (schw.T.) de Haunt no waut utstrakjen; no waut rieekjen; waut wieda rieekjen
langsom (Isw.) mässich; medassen; sacht; nich bosich
lank (Isw.; lank, lenja, lenjste; daut Brat es lank; een langa, eene lange, een langet) eene groote Mot; de jratre Mot, von ‘lank un breet’
Lankfooda (H. n., -) Veefooda soont aus Hei, Stroo, ooda Alfalfa daut nich jehakselt es
lankmeiwich (Isw.) met lange Meiwen
lankwielen (schw.T.) waut loten eenoolent woaren; nich jenuach to doonen haben
lankwielich (Isw.) soont waut eenem eenoolent woat
Läpel (H. m., -s) daut Jescherr daut eena brukt toom Supp ooda Moos nom Mul nämen
läpeln (schw.T.) met eenen Läpel waut wuahan brinjen; met een Läpel äten
Läsa (H. m., -sch) eena dee väl last; eena dee jieren last
läsboa (Isw.) soon Toostaunt daut et to läsen jeit
Läsbuak (H. n., -bieekja) een Buak daut jebrukt woat toom läsen lieren
laschen (schw.T.) wajchmoaken; utmoaken, soo aus een Fia
läsen (st.T.; läs, last, laus, lausen, jeläst) waut Jeschräwnet beseenen un venämen waut daut sajcht, soo aus een Breef ooda Buak läsen
lastalich (Isw.) met lastren; woat uk jebrukt aus ‘sea’
lastren (schw.T.) jemeen moaken von soont waut Iea haft
Lastrunk (H. f., -ngen) een lastren; een jemeen moaken waut soont waut Iea haft
Lata (H. f., -tren) eene Buakstow; eene von de 26 dee daut ABC oppmoaken
latiensch (Isw.) eene oole Sproak; eene Sproak dee von latiensch aufstaumt, soone aus spaunisch, italienisch, fraunzeesich
Latoarn (H. f., -en) Laump; een Laump dee eena metdroagen kaun ooda wua opphenjen toom Licht jäwen
latst (Isw.) korz; nich lang trigj
latsta (Isw.) dee aum Enj; dee, no däm kjeent mea kjemt ooda es
Laum (H. n., Lama) een junget Schop
Laump (H. f., -en) een Jereetschoft daut Licht jäwen kaun; Latoarn
Laumpeneelj (H. f., -) Eelj daut fa Laumpen jeieejent es; denne Eelj dee en Laumpen jebrent woat
Laumpenhoola (H. m., -sch) een Desch ooda Jestal toom Laumpen hoolen
Laumpenschorm (H. m., -s) de Schorm äwa een elektrischet Licht, daut et nich too dach enne Uagen es
Laumpenzellinda (H. m., -) daut Glaus rom de Flaum en eene Laump; de glausna Schorsteen rom eene Flaum
launden (schw.T.) aum Launt komen, soo aus von opp een Wota; oppe Ieed komen, soo aus von flieejen
Launen (H. mz.) waut eenem dan noch mol äwakjemt; Enstalungen; woo eena jestemt es
Launt (H. n., Lenda) de Ieed; daut waut eena akat; eene Stap ooda een Flekj; eene Nazion, tB Mexiko, Kanada, Paraguay
Launtkoat (H. f., -en) een grootet Biet Papia met de Launtschoft aufjemolt; dee wiest eenem wua Städen, Wäaj usw sent
Launtloosa (H. m., -se) eena dee nich Launt haft toom akren, soo aus mank een Volkj bie dee Launt akren daut hechste Ziel es
Launtmäta (H. m., -sch) eena dee daut Launt mat; een Worm dee emma wada dän Rigjen opphäft un daut hinjaschte Enj verwoats brinjt, un dan daut väaschte Enj wieda no väaren sat
Launtoabeit (H. f., -en) de Oabeit oppem Launt toom eene Arnt kjrieen
Launtschoft (H. f., -en) een Jäajent; woo daut eene Jäajent lat, tB boajich, plaut, steenrich, usw
Launtstekj (H. n., -a) een Biet Launt; eene Stap ooda Hoff
Launtstriep (H. f., -en) eene lange schmaule Stap ooda Launtstekj
Launtwajch (H. m., -wäaj) een Wajch oppem Launt, wua meist bloos de Lied foaren dee doa wonen
Laupen (H. m., -es) een Kodda; een Stekj daut een bät aufsteit, soo aus vonne Läwa
Laupesenja (H. m., -) eena dee em wirtschoftlichen nuscht von sikj moakt; eena dee nich väl romjeft
Laups (H. m., -en) Hollunk; Domkopp; Fulenza
laupsen (schw.T.) gaundren; schumlen; nich gaunz ierlich wajchnämen
laupsich (Isw.) soo aus een Laups; nich krakjt
Lausch (H. f., -en) de Rigjen un Groow aun de Kaunt von een Brat, soo daut de Bräda dicht aun eenaunda jesat kjennen
lauschen (schw.T.) twee Stekja krakjt toopsaten, soo daut doa kjeen Loch tweschen blift
Lausta (H. m., -) eene Liedenschoft; eene Aunjewanheit, soo aus schmieekjen, dee nich goot fa eenem es un eena kaun sikj dee schlajcht aufwanen
Laut (H. m., -en) een Kjneppel
Lauz (H. f., -en) daut wua de Bekjsen väaren gonen opp to moaken
lauzhuarich (Isw.) langsom un jelaussen; soo aus wan eena nuscht romjeft
Läwa (H. f., -sch) een Jlett em Kjarpa
Läwaworscht (H. f., -) Worscht met fatjet Fleesch un Läwa doabennen
Läwen (H. n., -s) daut waut läwen haft, soo aus een Mensch, Tia ooda Kjniepa; dee Tiet dee eena läft
läwen (schw.T.) Läwen en sikj haben; nich doot sennen
läwendich (Isw.) biem Läwen; soo aus met Läwen; sea bejeistat
läwenlank (Isw.) see: läweslank
Läwensjefoa (H. f., -ren) soont waut jefäadlich fa daut Läwen es
Läwensmeddel (H. n., -) Äten; Noarunk; waut eena brukt toom äten
läwenssaut (Isw.) saut von läwen; soo kjrenkjlich daut dee nich mea Moot haft toom läwen
Läwenstiet (H. f., -den) de Tiet dee eena läft; de Tiet en dee eena läft
läweslank (Isw.) soo lang aus eena läft; emma
lebren (schw.T.) sea sacht waut drinkjen; sea langsom waut äten
Leedabuak (H. n., -bieekja) een Buak voll Leeda
leeden (schw.T.) met eene Flaum ooda een heeta Leedhoma daut Tenn oppdeiwen un Sachen toop leeden ooda een Loch too leeden
Leedhoma (H. m., -sch) Jereetschoft toom Metol soo heet moaken daut eena daut leeden kaun; daut eena daut met jeschmoltnet Tenn toopbaken kaun
leef (Isw.) väl räakjnen; goot sennen [See es am leef]
Leefkjint (H. n., -kjinja) een Kjint daut eena besondasch goot es
leefsta (Isw.) dee, däm eena daut mieeschte räakjent
leeftolich (Isw.) soo aus wan eena dän aundren nich steeten well; nat un aunjenäm; soo aus Elren to een kjlienet Kjint
Leem (H. m., -) eene Sort Ieed, dee sea hoade Kjlieta jeft wan daut drieech es, sea bakrich es wan naut, un sea jlipsich wan wotrich naut
leemich (Isw.) soo aus Leem; bakaje un jlipsje Ieed
Leemtieejel (H. f., -n) een Tieejel von Leem
Leemtopp (H. m., -tap) een Topp von Leem jemoakt; een Topp dee von een Leemstrikja jemoakt es
Leena (H. f.) Helena; een Mejales un Frues Nomen
leenen (schw.T.) wäm aunnämen; eenem een Loon jäwen
leesen (schw.T.) eenen Knoppen opmoaken; een Rotsel de rechtje Auntwuat jäwen; eene goode Auntwuat fa een Probleem finjen
Leest (H. f., -en) eene schmaule Striep Holt ooda Metol toom eene Kaunt bedakjen
Leet (H. n., Leeda) Wieed dee jesungen woaren; een Leet em Jesankbuak
leet (Isw.) schod sennen; bereijent; aufprachrent: “mie deit daut leet”
Leew (H. f., -) de Toostaunt ooda daut Jefeel von wäm väl räakjnen; sea goot sennen
leewen (schw.T.) goot sennen
leewren (schw.T.) aufjäwen; rutjäwen; brinjen [De Borm leewat scheenet Wota]
leften (schw.T.) fresche Loft nenloten; aundre Loft moaken
leftich (Isw.) met väl fresche Loft; windich
Lei (H. f.) waut eena em Taulch un Schmolt nenrieet toom Seep moaken; wan daut nich vedempelt es, kaun daut Lajcha en Kjleeda ooda de Hut fräten
lei (Isw.) knaup; mau afens; weinich [lei woam]
Leiche (H. f., -n) een Dooden
leicht (Isw.) nich schwoa en Wicht; nich schwoa to doonen (leicht, leichta, leichste; een leichtra, de leichsta)
leichtfoadje (Isw.) met weinich Jewessen; eendoontich
Leida (H. m., -sch) eena dee doa leit; eena dee veropp jeit; eena dee dän Wajch wiest; eena dee äwa een Kommitee aunjestalt es
leida (Isw.) daut es eenem schod [leida wia doa nuscht]
leiden (schw.T.) 1) veropp gonen; een Toopkomen (eene Mietinj) aun Haunt haben; dän Wajch wiesen; daut hechste Aumt haben, soo aus en een Kommitee; 2) enrechten wua Wota ranen saul
Leidunk (H. f., -ngen) see: Leitinj
leis (Isw.) nat, soo aus een Jelud ooda uk een aunfoten; eenjemoten stell; nich hunjsch
leiselkjes (Isw.) leis [daut schniet leiselkjes]
leisten (schw.T.) sikj waut jennen; em Staund sennen sikj waut tootoieejnen
Leitinj (H. f., -en) de Enrechtunk toom Wota ooda eenen Stroom leiden
Leiw (H. m., -s) eene groote wille Kaut, bie 3 Schoo huach aum Rigjen, jälbrun, met eenen Kaum em Jenekj
Leiwent (H. f.) schwoaret Boomwoll Zeich; Bekjsenzeich
leiwoam (Isw.) knaup woam; Buck woam; nich gaunz soo woam aus de Kjarpa es
lekjen (schw.T.) mete Tung waut schmakjen; met de Tung waut em Mul nämen
lekjmulen (schw.T.) äten waut eenem nich scheen schmakjt
Lekzion (H. f., -en) eene Oppgow
Lelje (H. f., -s) eene Sort Bloomen
Lemp (H. f., -en) daut Poat von de Bekjsen, wua daut Been bennen es
Lendarie (H. f., -en) eene Launtschoft; een Launtstekj
Lenj (H. f., -en) de Sied vom Kjarpa
lenja (Isw.) see: lank
Lenjd (H. f., -en) de Mot eenmol delenjd
lenjdhan (Isw.) de gaunze Lenjd; aulawäajen delenjd
lenjst (Isw.) lang trigj [daut es aul lenjst foadich]
lenkjen (schw.T.) leiden; fieren; mäajlich moaken [De Mensch denkjt un Gott lenkjt]
Lenkjraut (H. n., -räda) een Stia aun een Foatich
lenklich (Isw.) eene Mot haben dee eenen Wajch lenja es aus de breed, tB, soo aus een Ei (lenklich, lenkelja, lenklichsta)
Leopard (H. m., -en) eene groote wille Kaut met runde Plaken em Fal, nich gaunz soo groot aus een Leiw
Lepp (H. f., -en) de Raunt von daut Mul; de bowaschte Kaunt von daut Mul; de unjaschte Kaunt von daut Mul
Leppefoaw (H. f., -en) Foaw toom Leppen foawen
Leppstock (H. n, -) eene Plaunt von dee de Bläda aus Medizien jebrukt woaren
Lepra (H. m., -) eena dee de Leprakrankheit haft
leprakrank (Isw.) de Leprakrankheit haben
Leprakrankheit (H. f.) eene Krankheit dee sea sacht aum Kjarpa frat un mea un mea Jefeel wajchnemt
Lest (H. f.) Schlauheit; Hinjarigjschet; hinjat Licht fieren
lesten (schw.T.) jankren loten
lestich (Isw.) hinjarigjsch; schlau; met de haulwe Woarheit
Letra (H. m., -) en Mexiko, een Schriewen daut eena waut schuldich es
Lets (H. f., -en) daut schmaule Stekj Zeich wua de Belt, ooda de Pojauss, derch jetrocken woat
Lia (H. f., Lieren) daut waut unjarecht woat; daut waut jelieet woat; een Gloowen
Liabuak (H. n., -bieekja) een Buak toom eene School läsen un lieren
Liadeenst (H. m., -en) de Lierasch enne Jemeent aula toop
Licht (H. n., -a) daut waut de Stow dach moakt; eene Laump; een Jereetschoft daut dachen deit
licht (Isw.) nich dunkel; met nich sea väl Foaw
lichten (schw.T.) dachen; Licht schienen moaken; blitzen
Lichtrinkj (H. m., -rinj) opp Bilda von heilje Menschen, de dacha Rinkj oppem Kopp
Lichtstrol (H. m., -en) Blitz
Lichttorm (H. m., -s) een Torm met een Licht bowen, soo aus aum Mäa, toom dän Howen wiesen
liebkoosen (schw.T.) goot drekjen; omoarmen; kussen; schmunjen
Lieblinkj (H. n.) dee, däm eena daut scheenste es
Lied (H. mz.) Menschen
lieden (schw.T.) waut schwoaret uthoolen; Weedoag haben
Liedenschoft (H. f., -en) daut met waut eena sikj bemieecht, uk wan daut nich betolt ooda wan daut schlajcht fa de Jesuntheit es
liedenschoftlich (Isw.) waut nogonen, uk wan daut schätlich fa eenem es; met väl ganos
Lieej (H. f., Läajes) soont sajen waut nich soo es; een Faulschheit
lieejen (st.T.; lieej, lichst, luach, luagen, jeloagen) nich de Woarheit sajen; soont sajen waut nich soo es
lieejenda (Isw.) eena dee doa licht, nich de Woarheit sajcht
lieen (schw.T.) borjen; eenem sient brucken opp trigjäwen; pachten; eenem sient brucken un doafäa betolen un doch trigjäwen
Lief (H. m.) een Jlett en een Frumensch; de Mutta
Liefschniedinj (H. f., -en) Weedoag em Buck
Liem (H. f., -s) Stoff toom Sachen toopbaken
liemen (schw.T.) met Liem waut aunbaken; aunbaken; toopbaken
liemich (Isw.) soo aus Liem; bakrich (liemich, liemja, liemichsta)
Lien (H. f., -en) een stoakja Baunt, soo aus toom Wausch opphenjen, ooda toop Pieed lenkjen
Lienje (H. f., -s) een jlikja Strich; een Wajch
Lienjebrat (H. n., -bräda) Zollbrat; Meetabrat; een Brat toom jlikje Lienjes moaken, ooda toom Sachen mäten
Lienzeich (H. n.) eene Sort Zeich daut von de Strälen en Flaushalma jemoakt es, daut es nich emma sea wieekj oba kaun sea väl Wota opptrakjen
lienzeichna (Isw.) soont von Lienzeich
Liera (H. m., -sch) eena dee unjarechten deit; dee wäa de Kjinja enne School unjarecht; een Prädja
Lierarinn (H. f., -en) een Frumensch dee enne School unjarecht
Lierasche (H. f., -s) däm Liera siene Fru
lieren (schw.T.) vestonen lieren; sikj waut em Kopp nenpräajen
Lieskje, Liesje (H. f.) een Mejales ooda Frues Nomen, Elisabet
Lieta (H. n., -) eene Mot fa Wota; 4 Kuffel; een kjlien bät weinja aus een Kwoat
ligjen (st.T.; ligj, lach, lagen, jeläajen) oppe Sied ligjen; nich stonen; met eene Lenjd oppe Ieed/Flua
ligjent (Isw.) biem ligjen
likjnen (schw.T.) äwareen loten; meist äwareen loten; en eenje Wäaj äwareen loten
lind (Isw.) nich strenj met Räajlen derchfieren; nat; [wan daut Wada em kolden Winta scheen woat, dan es daut lind]
lindren (schw.T.) leichta moaken, soo aus daut waut schwoa es; Weedoag leichta moaken
linkja (Isw.) dee aune linkje Sied; dee, jäajenäwa von de rajchte Sied
Linkjpoot (H. m., -s) eena dee linkjsch es
linkjsch (Isw.) jäajendeel von rajchtsch; met de linkje Haunt; met de linkje Sied
Lint (H. f., -en) rom de medd vom Buck
Lintbekjsen (H. mz.) Bekjsen dee vonne Feet bat de Lint komen
List (H. f., -en) eene Rieej von Sachen eent nom aundren oppjeschräwen
Literatua (H. f.) Jeschichten Bieekja; jelieede Bieekja
Loa (H. f., -ren) een jemoldet Jesecht daut eena ver sien Jesecht helt
Loag (H. f., -en) een Toostaunt; woo daut eemol es
Loaga (H. n., -sch) 1) bie eene Maschien, eene Enrechtunk daut de Wal nich utschieet wua dee aun daut aunkjemt, daut nich metdreit; 2) een Loaga es eene Grupp Zelten wua eene reisende Grupp äwanacht blift; 3) een Bad
loagren (schw.T.) sikj berujen to Nacht; een Loaga oppstalen
Loaken (H. n., -kes) daut zeichne Spreed äware Madrauz; een grootet plautet Zeich, met de Kaunten beseemt
loamen (schw.T.) schellen; grunsen; weeten loten wäajen waut eena nich tofräd es
Loarm (H. m.) een grootet Jelud
Loch (H. n., Lajcha) eene Städ wua eena waut nenpaussen kaun; eene ladje Städ; waut eena kjricht wan eena waut utgroft
locka (Isw.) nich faust jepakt, tB soo aus Stroo; leicht eent opp daut aundre sennen; [leichtet Jebaknis es locka] (locka, lokra, lokrichste)
Locken (H. mz) Walen eene Hoa; Rinjels enne Hoa
locken (schw.T.) tobren; met wiesen ooda met scheene Wieed wäm kjrieen dichtbie to komen; met scheene Wieed wäm äwaräden
lockent (Isw.) soont waut lokt
Lod (H. f., -en) eene Fua; een Woagen voll; soo väl aus eena opp eemol droagen ooda fieren kaun; eene Schuflod; soowaut aus eene Däa aun een Fensta toom Wint un Licht buten hoolen
loden (schw.T.) een Woagen voll moaken; een Trockbaks voll moaken toom wiedafieren
Loft (H. f., -) daut waut eena odemt; de Wint wan dee stelhelt
Lofthimmel (H. m.) de Loft oppe Ieed; de Loft rom de Ieed; doa wua Väajel flieejen
lokren (schw.T.) locka moaken; derch rieren; opplokren
lom (Isw.) met een schlemmet Been; soo aus met een Been daut nich stoakj es; hinkjent
Lomm (H. f., -en) een kjlienet Schepp; een langet hollet Dinkj toom opp Wota foaren
looden (schw.T.) waut tolood brinjen; doano seenen daut waut nich boajauf steit
Loodiesa (H. n., -sch) Jereetschoft toom wiesen auf waut tolood ooda boajauf es
Loof (H. n.) aule Bläda toom aun een Boom; daut Jreens aun eene Plaunt
loofich (Isw.) met väl Bläda
looj (Isw.) nich bewäacht; stell; kjrenkjlich
Loon (H. m.) waut eena betolt woat fa Oabeit; waut eena kjricht fa waut eena jedonen haft; dän Wieet dän eena en waut sitt
loonen (Isw.) Wieet haben, soo aus eene Oabeit; wan een Aunstrenjen een Wieet haft, dan loont sikj daut; fa Oabeit betolen
Loop (H. f., -en) daut Rua aun eene Flint ooda Scheetiesa
Loos (H. m.) soo aus daut fa mie utkjemt; waut mie jetroffen haft
loos (Isw.) nich faust jepakt; locka
loosfoaren (sch. v.) wajch foaren; looslajen; eene Reis aunfangen; en Bewäajunk saten
loosgonen (schw.T.) loos komen; eenen Moota aum ranen kjrieen
Looskjeepa (H. m., -sch) eena dee dän näakjsten ut daut rutkjaft, waut dee schuldich es
looskjeepen (schw.T.) Jelt jäwen toom wäm frie moaken von waut hee schuldich es; eenen aundren siene Schult betolen soo daut hee frie es
looskomen (schw.T.) frie woaren
looslajen (schw.T.) aunfangen; eene Reis aunfangen
looslajen (st.T.; sp: lajen loos; laj loos, lajchst loos, läd loos, loosjelajcht) aunfangen; aunfangen to gonen ooda foaren
loosloten (st.T.; sp: loten loos) nich mea faust hoolen; gonen loten; frie loten
loosrieten (st.T.; sp: rieten loos) frie moaken; aufrieten
looswoaren (st.T.; sp: woaren loos) opphieren met waut en eenem siene Macht haben, derch velieren, vekjeepen, vejäten, ooda wajchjenomen sennen
Loot (H. n., Lood) Gruntloot
Loss (H. n., Lessa) de Zadel dee daut wiest daut du berechticht best waut to jewennen
lossen (schw.T.) Nomen trakjen; väle loten eene Jeläajenheit kjeepen daut see waut jewennen kjennen, oba bloos eena kjricht daut
Lost (H. f.) [Lost haben] wellich sennen to waut; sikj to waut freien; jleewen waut wudd scheengonen
lostich (Isw.) schaftich; met väl Bewäajungen
lot (Isw.) nich tiedich; no waut aundret
loten (st.T.; lot, latst, leet, leeten, jeloten) 1) erlauben; Frieheit jäwen; nich opphoolen; 2) loten (st.T.; passiv) woo waut sitt, woo eena waut vesteit, waut eena von waut denkjt [daut lat no dikjet Zeich; daut lat no scheen gonen]
lowen (schw.T.) goot von räden; sajen wooväl Wieet waut es
lowenswieet (Isw.) wieet to lowen
Luag (H. f., -en) stoakj seepjet Wota
Luak (H. n.) daut jreens aun eene Zippel
luaren (schw.T.) wachten; waut Tiet loten
Luck (H. f., -en) eene Däa enne Flua nenn, soo aus eene Kjalaluck; eene kjliene Däa, tB wua de Heena derch gonen
lud (Isw.) met väl Jelud; nich stell ooda leis
Lumpen (H. mz.) Kodren; proste Kjleeda
lumpich (Isw.) en proste Kjleeda; Kjleeda dee nich goot paussen, ooda veräten ooda jetrant sent
Lung (H. f., -en) daut enne Brost wua eena de Loft enodemt
lungren (schw.T.) wiesen daut eena waut haben well, met Jedonten ooda Wieed dee doa nich direkjt no froagen
Lunz (H. n., -en) een Kodda
Lus (H. f., Lies) een sea kjliena Kjniepa, dee manke Hoa läft
Lusch (H. f., -en) Tut; Sakje
lusen (schw.T.) Lies wajch moaken; bat opp daut latste aules wajchnämen
lusich (Isw.) voll Lies; soo aus met Lies
Luskjekjnekja (H. m., -sch) de Dumen [Kjliena Finja, Golt Rinja, Lankhauls, Bottalekja, Luskjekjnekja]
luta (Isw.) gaunzungoa; bloos; rein; daut Wuat kjemt von reinet Metol, tB Golt, oba woat uk jebrukt: luta Trubbel
Lutsch (H. f., -en) Nuckel; daut opp waut een Bäbe lutscht
lutschen (schw.T.) suen; waut een Bäbe aun eene Buddel deit
|
