|
Klock
Wi musten d´t Juo mul wada de Klock omstale.
Enn sö aus dout uck jida Juo es, stund wi mot mine Frü mul wada fer ne schwuere fruag.
Dese fruag tjemt 2 mull d´t Juo ver´m dach, enn de ountwuet ess emma seuja schwua.
Mot wi nü de Klock ne Stund ver oda ewaruasch schüwen?
Wout wi d´m Huawst jedunne haben ha wi oullang vejeten.
Dann must wi mull wada onse wenje grewe Zellen ounstrenje (oda es dua doch mu Gloms emm Kopp?):
Wann wi opstunde t´m op Uobet te gune wie et aul emma dach, nu dem omstale wuet´et dista senne.
Also mot wi de Klock doch eune Stund ewaruesch schüwe.
Dout deud etj donn uck. Easch en´ne Wuhnstuw 2 Klocke, dann en´ne Tjetj, Gang, 3 Tjinjastuwe, Tjala enn Handy
(Auto enn Videorecorder houd etj vejeten).
Seuwenst koum de Nuba ne onst.
"Wi moten noch de Klock omstale"- sacht´a.
"Etj hab oul"- saj etj -"eune Stund ewaruesch jeschuwen".
"Wi moten uba verop schüwe" - sacht Houns.
"Nee, ewaruasch".
Nü wie wi beid emm twiewlen. Uba tjeuna gouf nu.
De Nacht schleup etj orüjech.
Op´n Dach Stund etj gouns tiedich op, wi wulle je uck nich te lut te Tjeutj kumme,
enn schoul fuatz d´m TV enn om
te tjetje wout nü de Klock ess.
Enn wout sach etj? - Houns houd racht!
Dann must etj de Klocken wada oulla omstalen - enn dout wieren veel.
Duobi hab etj uba wout jeliet:
D´t Farja mot wi de Klock eune Stund ewaruesch enn dann tweu Stund verop schüwen - dann poust dout!
Enn wout dö wi d´m Huawst?
Op dese Fruag tjrich etj enn Pua Ountwuete. Hermann schreuf etj sull doch de halft Klocke fem Somma, enn de oundre halft fem Winta enstalen.
Onkel App schreuf dout et oulles nich wichtig es. Eunt soul mann sich muetjen: Wann de Schoubelsup gua es - es Medach.
(Viktor Sewautztje, Nr.7)
|
