|
Kachelowen (H. m., -wes) een Koakowen met jlisieene Sieden
kajinkjren (schw.T.) een bestendjet hielajet Jelud; julen
Kajote (H. m., -s) een willet Tia, kjlanda aus een Wulf, biejlikj soo groot aus een Foss
Kak (H. n.) Stoolgank
Kakau (H. n.) brunet Pulwa toom eenen jewessen Jeschmak bie Malkj ooda aundret Äten bie moaken
kaken (schw.T.) Stoolgank moaken
Kaktus (H. m., -en) eene Plaunt dee sea hoatlich es en drieeje Jäajenden, jeweenlich haft dee sea schoape Spekja
Kalenda (H. m., -sch) een Papia met de Dotems fa aule 12 Moonat en een Joa, jeweenlich met een Bilt, toom aune Waunt henjen
Kalia (H. f., -lieren) eene Foaw soo aus root, bleiw ooda jreen
kalieren (schw.T.) tuschen; kalierich moaken
Kameel (H. m., -en) een grootet Tia daut enne Wuste tus es, un jebrukt woat toom rieden un Fracht droagen
kanadische (Isw.) soont von Kanada
Kandidot (H. m., -en) eena dee väajeschloagen woat to eene Wol; eena dee sikj lat oppstalen to eene Wol fa een Aumt
Kanienkje (H. n., -s) een Hoskje
Kanol (H. m., -s) een Growen dee toom Wota aufleiden jemoakt woat
Kanol (H. m., -s) een Growen toom Wota aufleiden
Kanoon (H. f., -en) eene sea groote Flint opp Räda, dee em Kjrich jebrukt woat
Kapitän (H. m., -s) de Bauss ooda de Väaschta opp een Schepp, ooda uk enne Armee
Kapitel (H. n., -s) Bieekja sent jeweenlich en Kapitels enjedeelt
Kaptol (H. n., -) de Somm von Jelt, Sachen un Launt dee eena ieejent
kaputt (Isw.) tweijegonen; nich schaufen von Jereetschoft
Karakta (H. m., -sch) eenem sien Benämen; de Ieejenschoften von eenem sien Benämen
Karawan (H. f., -en) eene Grupp Mana opp Kameelen dee von een Launt no daut aundre reisen un äa Woa schachren
Karbaräta (H. m., -sch) de Enrechtunk aun een Moota daut de Gasolien no de Pistons endeelt
kastrieren (schw.T.) utschnieden, soo aus een Tia
Kataloo (H. m., -en) een Buak von een Stua ooda Jeschaft en daut see aul de Sachen wiesen dee see toom vekjeepen haben
Katekjisem (H. m., -s) een Buak met Biblische Froagen un Auntwuaten
katoolsch (Isw.) soo aus de katoolsche Kjoakj
kaublen (schw.T.) zanken, jeweenlich äwa soont waut nich väl wieet es; strieden
Kaulf (H. f., Kjalwa) een junget Beest mank daut Vee
Kaulkj (H. n.) Kjried oatjet Pulwa daut met Wota enjerieet woat toom waut witt bekaulkjen
Kaulkja (H. m., -sch) eena dee met Kaulkj schauft
kaulkjen (schw.T.) met Kaulkj beschmäaren
kaulkjich (Isw.) soo aus Kaulkj
Kaulkjsteen (H. n., -a) daut Steen daut jeschroot woat toom Kaulkj moaken
kaulwen (schw.T.) een Kaulf haben, soo aus eene Koo; een Kaulf to Welt brinjen
Kaum (H. m., Kjam) een Jereetschoft toom de Hoa en ordninj brinjen; de selpje Hoa opp een Pieet sien Jenekj
kaum (Isw.) knaup; meist; meist nich
Kaumf (H. m., Kjamf) eene Schlacht en eenen Kjrich; een Striet; dee Oabeit dee eena sikj moakt toom waut schwoaret to jewennen
Kaumfatsaulw (H. f.) eene Saulw, dee sea strenj rikjt, un oppe Brost jebrukt woat wan eena sikj vekjilt haft; daut Jeroch kjemt von daut Holt von een Kaumfaboom
Kaun (H. f., -en) een Behelta met een Dakjsel, jeweenlich helt dee miere Lieta, soo aus eene Malkjkaun
Kaunkje (H. n., -s) see: Kauntje
Kaunt (H. f., -en) eene Sied; doa wua soo waut aus een Desch ooda eene Plot opphieet [Schuw daut nich bat äware Kaunt]
kauntich (Isw.) met Kaunten; met väl Kaunten
Kauntje (H. n., -s) een Behelta met ne Jräp un eene Spetz toom jeeten, jeweenlich een Lieta ooda kjlanda
Kaunzel (H. f., -n) de huaga Desch hinja däm de Prädja steit toom kjoakjen; daut Kommitee daut en Kanada de Minisipaul rejieet
Kaunzla (H. m., -sch) eena dee enne Minisipaul Kaunzel nenjewält es
Kaup (H. f., -en) de Enja von een Broot
Kaupsel (H. f., -en) eene Pell de Medizien en eene Schluw haft
Kaus (H. f., -en) eene Doos toom Jelt oppbewoaren; daut Jelt daut een Kjoakj ooda een Jeschaft haft
Kaussenfiera (H. m., -sch) eena dee daut Jelt talt un vewieeten deit
Kausten (H. m., -tes) eene heltane Doos
Kaut (H. f., -en) een natet Tia daut leicht tom jemoakt woat. Kauten kjennen Mies jriepen un fräten, un kjennen fa de Kjinja toom spälen sennen
Kautenplaken (H. mz.) de kole Plaken aun eene Kaut äa Buck; de Plak wua een junget Malkj sut
kauzbauljen (schw.T.) zanken; strieden; soo rauzen aus Kauten
Kebus (H. f., -en) een toojebuda Schläden
Keifkje (H. n.) waut eena em Mul aul vekeift haft
keiwen (schw.T.) met de Tänen waut fien moaken; bieten
Kemalentee (H. m.) Tee von Bloomenbläda von ne Kemalen Plaunt
Kende (H. f., -) een hoadet Stekj Zocka, jeweenlich met een Jeschmak von Frucht, daut eena em Mul oppdeiwen lat toom scheenschmakjen
Kerneel (H. m., -) eene Sort Kjriedarie von de Baust von Kerneelbeem, daut woat en seetet Jebaknis ooda en Malkjeries jebrukt
Kerosien (H. n.) eene Sort Eelj toom en Laumpen
Kertun (H. n.) Boomwoll Zeich
Kilo (H. n., -) see: Kilograum
Kilograum (H. n., -) 1000 Graum; de Wicht von Wota 10 cm x 10 cm x 10 cm; 2 1/5 Punt
Kilomeeta (H. m., -) 1000 Meeta; 3280.8 Schoo; onjefäa 5/8 Miel
Kjäakj (H. f., -en) de Stow wua Äten jemoakt woat
Kjäakjendesch (H. m., -en) een Desch enne Kjäakj ooda Ätstow wua de Famielje Moltieden at
Kjäakjeschaup (H. n., -s) een Schaup enne Kjäakj toom Teetich un Kommen un Gropes wajchstalen
Kjäakjsche (H. f., -s) een Frumensch dee Äten moakt
Kjäd (H. f., -en) eene lange Rieej toopjehoakte Kjädenjelenkja, dee biejlikj soo aus een Strank jebrukt woat
kjäden (schw.T.) met een Kjäd waut faust moaken
Kjädenjelenkj (H. n., -a) een Jelenkj von eene Kjäd
Kjal (H. f., -en) Jereetschoft biem mieren toom daut Zement Menjsel hauntieren
Kjala (H. m., -sch) de Stow ooda Stowen enne Ieed unja een Jebied
Kjalaluck (H. f., -en) eene Däa enne Flua äwa eene Kjalatrap
Kjalatrap (H. f., -en) eene Trap ooda Lada em Kjala nenn
Kjamel (H. f., -n) eene Barscht toom Woll kjamlen
kjamen (schw.T.) de Hoa met eenen Kaum en Ordninj brinjen
Kjamfa (H. m., -) eena dee kjamft; eene en eenen Kaumf
kjamfen (schw.T.) en eenen Kaumf fa waut sennen; sea aunstrenjen waut to kjrieen
Kjamla (H. m., -sch) eena dee Woll kjamelt
kjamlen (schw.T.) met Jereetschoft Woll uteneen trakjen toom daut locka moaken; jewoschne Woll veoabeiden toom en Dakjen enneien
kjanen (schw.T.) bekaunt met wäm ooda waut sennen; omweeten
kjanenlieren (schw.T.; sp: lieren kjanen) bekaunt met woaren
Kjantnis (H. n., -en) een omweeten; waut goot kjanen
Kjarpa (H. m., -sch) de fiesischa Mensch, von Knoakes, Fleesch, Hut un aundre Kjarpadeelen
Kjarpadeel (H. n., -en) een Poat ooda Jlett vom Kjarpa, soo aus de Oarm, daut Hoat usw
kjarpalich (schw.v) soo aus aum ooda em Kjarpa
Kjarps (H. m., -) de jälroode Frucht aun Bestaun, de Frucht schmakjt nich no väl un woat en Amerika em Hoafst fa Kjarpspei jebrukt
Kjarscht (H. f., -en) de hoade Schal aun Broot; de Schal opp een Schlems; eene drieeje Sied
kjarschtich (Isw.) soo aus eene Kjarscht; met eene drieeje, veleicht schorwje, Kaunt
kjarta (Isw.) see: kort
kjarten (schw.T.) waut kjarta moaken
Kjast (H. f., -en) daut Fast wan een Poa Lied sikj befrieen
Kjastinjsdach (H. m.) de Dotem wan de Kjast aufjehoolen woat
Kjätel (H. f., -s) Trekjta; een Daumpkjätel; een Gropkje toom Wota ooda Koffe heet moaken, met een Bäajel un een Jeetrua
Kjätelsteen (H. n., -) de Steen dee utem Wota rutkoakt un unjen em Kjätel ooda em Rua sat; Wotasteen
Kjätkje (H. n., -s) eene kjliene Kjäd
kjeel (Isw.) een bät kolt; nich woam
Kjeela (H. m., -sch) Jereetschoft ooda Enrechtunk toom waut kjeelen
kjeelen (schw.T.) waut kjeel moaken; waut kolt moaken
kjeen (Isw.) nich eena; nich emol eena; es uk een onbestemdet Jeschlajchtswuat
Kjeeneelj (H. f., -) Eelj daut toom Foaw dennen jebrukt woat
kjeenmol (Isw.) nienich; kjeen mol; niemols
Kjeepa (H. m., -sch) eena dee doa kjaft
kjeepen (schw.T.) Jelt fa waut jäwen un sikj daut soo tooieejnen
Kjees (H. m., -en) daut Produkt von Malkj veoabeiden
Kjeesvebrikj (H. f., -en) een Jeschaft toom Kjees moaken un Malkj veoabeiden
Kjeew (H. f., -en) daut hinjaschte Poat vom Unjamul
Kjeisa (H. m., -sch) de hechst aunjestalde en een Launt, biejlikj soo aus Kjennich ooda Präsident
Kjeisahus (H. n., -hiesa) däm Kjeisa siene Woninj
kjeiwlen (schw.T.) faulen; äwa rollen
kjemmalich (Isw.) met schlajchte Jesuntheit
kjemren (schw.T.) sikj om waut bemieejen; no waut seenen ooda oppaussen
Kjenn (H. f., -en) daut Poat vom Jesecht unja daut Mul
kjennen (st.T., kaun, kaust, kunn, kust, kunnen, haben kunt; Helpatietwuat) em Staunt sennen waut to doonen; mäajlich sennen; Frieheit to waut haben
Kjennich (H. m., -s) en eenje Lenda es de Kjennich de hechst aunjestalda em Launt
Kjennichrikj (H. n., -s) aul daut Launt un de Menschen dee een Kjennich rejieet
Kjennichsän (H. m., -s) eenen Kjennich sien Sän
Kjennichsaumt (H. n., -s) daut Aumt von een Kjennich; de Tiet en dee een Kjennich rejieet
Kjennichsdochta (H. f., -dajchta) däm Kjennich siene Dochta
Kjennichsfru (H. f., -es) däm Kjennich siene Fru
Kjennichshoff (H. m., -hoffstäden) de Hoff wua de Kjennich siene Rejierunk fieet
Kjennichshus (H. n., -hiesa) däm Kjennich siene Woninj
Kjennichsiea (H. f., -) de Iea dee eenen Kjennich traft
Kjennijin (H. f., -en) een Frumensch dee daut Aumt von een Kjennich haft
Kjensla (H. m., -sch) eena dee sikj met eene Konst vesteit, soo aus schnitzen, Bilda foawen, Instrumenten spälen, usw
kjenstlarisch (Isw.) soo aus een Kjenstla; met Konst
Kjessen (H. n., -ses) een Sak voll Fadren ooda aundret wieekjet toom dän Kopp doa to Nacht nopplajen
Kjessenbia (H. f., -ren) eene Bia äwa een Kjessen; een Schluw äwa een Kjessen daut jeit rauf to nämen toom wauschen
kjestlich (Isw.) wieetvoll; waut eena ieet; waut eena sea väl räakjent
kjichren (schw.T.) eenem sien Lachen proowen stell to hoolen; soo lachen aus wan Kjinja met eenaunda spälen
Kjieedel (H. m., -s) een stoakja Maun; een jestukta Maun; een Maun see een bät een Leida es
kjieenrich (Isw.) soo aus Kjieena; met väl Kjieena; grotrich
Kjiel (H. f., -en) een kjlienet Stekj Iesa daut een Raut faust moakt opp enne Wal; een Stekj Holt ooda Iesa toom eenen Stäl em Homa faust moaken; eene kjliene Pogg
kjielen (schw.T.) sea schlonen; met eenen Stock ooda Homa waut schlonen
Kjielkje (H. f., -) eene Kost, von denn jerolda Dieech un en fiene Strämels jeschnäden un dan en Wota jekoakt woat
Kjielpogg (H. f., -en) eene junge Pogg dee noch nich Been haft
kjienen (schw.T.) utloten, von Sot; Kjiensels kjrieen
Kjiensel (H. m., -s) de Stenjel dee daut ieeschte ut een Sot waust
Kjiep (H. f., -en) een Korf; een leichta Behelta, eenjemol von denne Asta ooda sea denne Bräda, jeweenlich toom drieeje Sachen droagen ooda hoolen
kjieren (schw.T.) no waut horchen un nogonen; acht opp waut jäwen
Kjieskaulf (H. n., -kjalwa) een see Kaulf
Kjietaama (H. m., -sch) een Ama enne Kjäakj fa de Sachen dee rutjeschmäten woaren; een Drankama
Kjietawota (H. n., -) Wauschwota; Oppwauschwota
kjietren (schw.T.) kjliene beskjes Wota velieren [Soo aus hee dän Ama drajcht, kjietat hee sea. Eene naute Wund kjietat.]
kjietrich (Isw.) soont waut leicht kjietat
Kjiewitz (H. m., -en) een Voagel en Nuad Amerika dee sien Nast oppe plaute Ieed moakt un bleiwe Städen opp een wittet Ei haft
Kjikja (H. m., -sch) daut meddelste schwoate em Uag
Kjikjel (H. n., -) een junget von Väajel un Heena
kjikjen (schw.T.) beseenen; beuagen; waut met de Uagen venämen
Kjikjloch (H. n., -lajcha) een Loch, soo aus en eene Däa, toom kjikjen wäa doa kjemt
Kjikjut (H. f., -en) eene Dakspetz met een Fensta een een steilet Dak nenjesat
Kjill (H. f., -) de Krauft vom kolden
Kjinjabrie (H. n., -) daut Äten fa een kjlienet Kjint
Kjinjakrankheit (H. f., -en) wankende Krankheiten de Kjinja kjrieen, soone aus Mauslen, Dollahoost, Kjinjalämunk, usw
Kjinjalämunk (H. f., -) eene wankende Krankheit derch dee Kjinja kjennen jelämt woaren
Kjinjamejal (H. f., -es, Kjinjamäakjen (H. n., -jes) Mejales dee Kjinja besorjen un bewoaken
Kjinjariemsel (H. n., -s) een kortet Jedicht ooda eene Saj, dee auljemeen to Kjinja jesajcht woaren, tB Kjenn Entje, Mul menkje, Spetz Näskje, Uagbronkje, Schiep, schiep mien Honkje
Kjinjastool (H. m., -steela) een huaget Stoolkje met een Desch doaraun fa een kjlienet Kjint
Kjinjawoagen (H. m., -ges) een Woachkje met eene Dakj doabennen soo daut een Kjint doabennen schlopen ooda setten kaun
kjinjrich (Isw.) soo aus een Kjint waut doonen
Kjint (H. n., -nja) een Mensch dee noch nich utjewossen es
Kjintheit (H. f., -) de Tiet wan eena een Kjint es
kjintlich (Isw.) met soon toovetruen aus een Kjint; soo onbenomen aus een Kjint
kjirzlich (Isw.) korz; nich lang trigj
Kjist (H. m., -en) een dichta Kausten met een dichtet Dakjsel toom Kjleeda wajch lajen
kjitlen (schw.T.) daut Jefeel wan eenem leicht waut aune Hut aunschieet
kjitlich (Isw.) leicht waut kjitlen loten
Kjitt (H. n., -) dikjet bakajet Stoff toom Fenstren dicht moaken
kjitten (schw.T.) met Kjitt veschmäaren
kjiwinkjren (schw.T.) hekjren; ontofräd sennen un leicht roaren
Kjläajarie (H. f., -n) een kloagen un beschuldjen
kjlakjren (schw.T.) väl Lakjen un Kjlakjasch velieren
kjlakjrich (Isw.) met kjlakjren; soo aus met kjlakjren
Kjlakjs (H. m., -) eene Lakj ooda eene Drepp oppe Flua ooda opp een Desch; daut waut opp een Desch ooda Flua jekjlakjst es
Kjlam (H. f., -em) Jereetschoft toom waut faust kjlamen; eene Städ wua eena sikj nich goot weet to roden
Kjlama (H. m., -sch) eene Kjlam toom Wausch aune Wauschlien faust moaken
kjlamen (schw.T.) en eene Kjlam hoolen; sea drekjen, jeweenlich tweschen twee Dinja; sea faust hoolen
kjlämen (schw.T.) too kolt sennen; ommaklich kolt sennen
Kjlampna (H. m., -sch) eena dee met Blajch schauft un doa Sachen von moakt
kjlämrich (Isw.) soo aus toom kjlämen
kjlanda (Isw.) see: kjlien
kjlansta (Isw.) see: kjlien
kjlaten (schw.T.) sikj väl Mieej moaken met jewesse Dinja wiedabrinjen
kjlätren (schw.T.) väle hoade Stekja opp waut schmieten ooda faulen; daut Jelud moaken von Hoagel opp een Dak
kjlebrich (Isw.) bakrich; soont waut aunbaken well
Kjleeda (H. mz.) aul de veschiedne Sachen dee eena sikj auntrakjt, soo aus Stremp, Bekjsen, Rock, Hamd, usw
Kjleedaschaup (H. n., -s) een Schaup toom Kjleeda opphenjen ooda wajchlajen
Kjleedastow (H. f., -en) eene Stow wua Kjleeda oppbewoat woaren
kjleeden (schw.T.) Kjleeda auntrakjen
Kjleedie (H. f., -) Kjleeda; daut waut Menschen toom auntrakjen brucken
Kjleedunk (H. f., -) Kjleedie; Kjleeda; waut Menschen toom auntrakjen brucken
kjleesindoagsch (Isw.) soone Tracht waut eena nich aum Sindach, un uk nich toom besorjen ooda enne Schmäd drajcht, oba toom spazieren ooda no Staut foaren
Kjleet (H. n., Kjleeda) waut een Frumensch sikj auntrakjt, vom Hauls bat äware Kjneeen; (dim.) Kjleetje, -s
kjleewen (schw.T.) baken; aunbaken, soo aus met Liem
Kjlemp (H. f., -en) eene oole Koo; eene veachte Koo
Kjlie (H. m., -) growe Weitschluwen
kjlieekja (Isw.) see: kluak
Kjliema (H. n., -) daut Wada daut gaunze Joa derch
kjlien (Isw.) nich groot; nat; (kjlien, kjlanda, aum kjlansten; de kjliena, kjlandra, kjlansta)
Kjlienakje (H. n., -s) een Kjliena
Kjlienichkjeit (H. f., -en) eene Sach de leicht jedonen ooda jeleest es
Kjliest (H. n., -) daut Meddelste von Broot daut nich jenuach jebakt es; stiew dieechja Dagat
kjliestrich (Isw.) dieechich; kjlebrich; soo aus daut meddelste von Broot daut nich jenuach jebakt es
Kjlieta (H. mz.) hoade Stekja, tB Ieed; Mest Stekja aun de Hinjaschinkjes von Vee
Kjlietamoos (H. f., -) Malkjmoos met Stekj Dieech doabennen
kjlietren (schw.T.) schmieten; soo aus Bieta no wäm schmieten om däm to trafen
kjlimpren (schw.T.) oppe Piano spälen; oppe Piano spälen oba nich rajchtschuldich een Leet spälen
Kjlinja (H. m., -sch) biejlikj soo waut aus een blajchnet Kuffel äwakopp un doa een Klaupa bennen henjen
kjlinjren (schw.T.) met eenen Kjlinja een Jelud moaken; soon Jelud moaken aus wan leichte Stekja Iesa eent äwa daut aundre faulen
Kjlinkj (H. f., -en) daut Jereetschoft toom eene Däa krakjt toohoolen, un wada opmoaken
kjlinkjen (schw.T.) enne Kjlinkj foten; eene Kjlinkj opmoaken
kjnäakjsch (Isw.) schwak; meist aum toopbräakjen; meist aum omfaulen
kjnäden (schw.T.) väl mol met de Fust doldrekjen, soo aus Dieech
Kjnajcht (H. m., -s) een Deena; eena dee utschauft fa Loon
Kjnäp (H. f., -) de Mot rom däm Buck; de Lint
Kjnäwel (H. m., -s) een Kjieedel; waut grootet
Kjnechel (H. m., -s) de butaschte Akjen von eene Fust
kjnedren (schw.T.) met een kjnikjren toopbräakjen, soo aus Blajch
Kjnee (H. f., -en) daut Jelenkj tweschen Schinkjen un daut unjaschte Poat vom Been
Kjneebekjsen (H. f., -) Bekjsen dee mau jrod bat äwa de Kjnee komen
kjneeen (schw.T.) opp Kjneeen sennen
kjneepen (schw.T.) een Knoop en een Knooploch nenn fädmen
Kjneeschiew (H. f., -en) een plauta Knoaken oppe Kjnee
kjnekjen (schw.T.) een kjlien bät enjebroaken, von een Been ooda Foot
kjnekjrich (Isw.) meist aum kjnekjen
Kjnekjs (H. m., -) eene enjebroakne Städ aun een Haulm ooda Aust; eene Städ opp een Wajch wua daut kort rajchtsch (ooda linkjsch) bicht, un dan wada en dee Rechtunk aus ea
Kjnepje Kjnepkje (H. f., -) een jehäakjelda Raunt aun Kjleeda
Kjneppel (H. m., -s) een Tota; een dikja Aust; een dikja veakauntja Stenda
kjneppen (schw.T.) Knoppes moaken; een leichta toophank moaken
Kjnetnotel (H. f., -n) eene Notel toom Kjnetten
kjnetten (schw.T.) met Notlen un een (Woll) Drot een Stekj kjnetten soont aus eene Dakj, Binj, ooda Swetta
Kjnettich (H. n., -) eene Kjnett Oabeit; daut waut eena kjnett
Kjnibla (H. m., -/sch) een Trajchtmoaka; eena dee aum Kjarpa kjnibbelt toom Sachen trajchtmoaken
kjniblen (schw.T.) goot faust mete Finjasch waut befeelen; trajchtmoaken aum Kjarpa
Kjnief (H. n., -s) Kjnipsmassa
Kjniepa (H. m., -sch) een kjlienet sass beenjet Tia daut oppe un enne Ieed läft, eenje kjennen uk flieejen
kjniepen (schw.T.) Hut tweschen de Finjasch drekjen bat daut wee deit; leicht kjlamen
kjnieprich (Isw.) jiezich; soo väl fa sikj hoolen aus mäajlich; nich jenstich sennen
kjniepsch (Isw.) jiezich;
Kjnieptang (H. f., -en) eene Tang toom waut sea faust hoolen; een Pleier
kjniewlen (schw.T.) schnitzen; kjoawen; met een Massa een Stekj Holt to een besondren Jeschekj moaken
kjniffich (Isw.) sondaboa; butajeweenlich; spossich
Kjnifkje (H. n., -s) een Spos
kjnikjren (schw.T.) kjnistren; leicht knakren
Kjnipsa (H. m., -sch) soo waut aus een Knoop, dee von toopdrekjen faust woat un bloos uteneen jeräten brukt toom opmoaken
Kjnipsbrat (H. n., -s) een Spell toom oppem Desch; daut Brat opp woont twee ooda vea Kjnipsbrat spält
kjnipsen (schw.T.) met eenen Finja haustich waut wieda schuwen; met eenen Finja haustich aun waut naun steeten, soo aus toom horchen auf eene Rebus riep es; eenen Kjnipsa opp ooda too moaken
Kjnipsmassa (H. n., -sch) een Massa daut tooptolajen jeit soo daut de Schnied nich to seenen es, daut woat väl enne Fupp jedroacht
Kjnirps (H. m., -en) een Jung kjlien von Jewaus
kjnirr (Isw.) meed; krank; sea schwak toom gonen
kjnirschen (schw.T.) de Tänen tooprublen daut et to hieren es; waut knuspajet tweibieten soo daut et to hieren es; daut Jelud von waut hoadet tweibieten; daut Jelud moaken von opp hoaden kolden Schnee gonen
kjnistren (schw.T.) kjnikjren, soo aus biem Holt bräakjen ooda brennen; ruschlen, soo aus biem Papia toopknutschen
Kjoakenbenkj (H. f., -en) eene Benkj enne Kjoakj
Kjoakj (H. f., -en) daut Jebied wua Kjoakj aufjehoolen woat; daut Jebied wua de Jemeent toopkjemt
Kjoakjeleet (H. n., -leeda) soon Leet aus jeweenlich enne Kjoakj jesungen woat; een Leet daut toom Gloowen buen deent
kjoakjen (schw.T.) Kjoakj aufhoolen; prädjen
Kjoakjenlied (H. mz.) de Lied dee sikj to eene jewesse Kjoakj hoolen
Kjoakjenvoda (H. m., -sch) eena dee de Kjoakj besorcht un rein helt
Kjoakjhoff (H. m., -häw) Graufhoff; de Hoff wua de Jestorwne begroft woaren
kjoakjsch (Isw.) soo aus enne Kjoakj; soo aus vonne Kjoakj velangt es
kjoanich (Isw.) jesunt un stoakj, soo aus een Boom ooda eene Stud
Kjoasch (H. f., -en) eene runde, foaken roode, Frucht met een Steen von een Kjoaschenboom
Kjoaschenboom (H. m., -beem) Boom dee Kjoaschen drajcht
Kjoaschensteen (H. m., -a) de Steen von en eene Kjoasch
kjoawen (schw.T.) schnitzen; kjoawen; met een Massa eene Form moaken soo aus von Holt
kjräajlen (schw.T.) nerkjen; vesieekjen wäm aum lachen to kjrieen
kjräajlich (Isw.) eena dee leicht kjräajelt
Kjräft (H. m., -) een schlemme Krankheit dee irjentwua em Kjarpa oppkomen kaun, un dän Jebruck von daut Poat vom Kjarpa vedoawen
kjraftich (Isw.) stoakj; met Krauft
Kjräpel (H. m., -s) eena dee nich jesunde Been ooda Oarms haft; eena dee nich jlei gonen kaun
kjrapen (schw.T.) krakjt omlajen; een Enj dikj moaken ooda ombieejen, soo aus daut Enj von een Rua soo daut et dicht jemoakt kaun woaren
kjräplich (Isw.) soo aus een Kjräpel; nich met stoakje Jläda; nich schmeissich ooda jeschekjt
kjrasch (Isw.) een strenjet Jeschmak, soo daut et em Hauls brent; lud un kloa, en eene Stemm
Kjrät (H. f., -en) een Tia daut eena nich lieden kaun, daut eena nuscht räakjent
Kjreatua (H. f.) aules waut Gott jemoakt haft von Ieed un Himmel un Stierns
Kjrebb (H. f., -en) een Troch ver daut Vee toom daut Fooda hanschedden
kjrechen (schw.T.) waut eena deit toom een Hoost väabieejen; dän Hauls rein moaken met stoakj utodmen
Kjreemel (H. m., -s) een Bietje von waut, soo aus een Brootkjreemel ooda Zockakjreemel
kjreemlen (schw.T.) en Kjreemels vefaulen; en fiene Bieta bräakjen; sea leis schnieen
kjreemlich (Isw.) soont waut leicht kjreemelt; met Kjreemels bestreit doabennen
kjreenen (schw.T.) eenen nieen Kjennich ensaten met däm eene Kroon oppsaten; wäm sea huach ieren
kjreien (schw.T.) waut een Hon deit wan hee sien Jelud moakt
Kjreis (H. m., Kjrens) eene gaunze Rund; eene Jäajent
Kjrekj (H. f., -en) Stakja vonne Ieed bat unjarem Oarm opp dee eena sikj stetten kaun toom gonen wan een Been nich jesunt es
kjrellen (schw.T.) aune Akjen opprollen
kjremmen (schw.T.) en Weedoag sikj äwabieejen un stänen
kjremplen (schw.T.) toopkjnedren; onen sikj to wäaren hanfaulen; sikj de Meiwen opprollen
kjrenjlen (schw.T.) eenen kjrenjeljen Stich ooda Wajch gonen; sikj derch een natet Loch wrunschen
kjrenjlich (Isw.) sea kromm; kruss, kruslich; sea han un trigj jewongen, soo aus een Wajch
kjrenkjlen (schw.T.) Krank woaren
kjrenkjlich (Isw.) nich jesunt; foaken Krank
Kjresbäa (H. f., -ren) de suare Frucht von Kjresbäastruck, jeweenlich woat dee jreen jejäten
Kjrich (H. m., Kjriej) een Launt jäajen daut aundre kjamfen om daut, ooda een Poat von daut, en äare Jewault to nämen
Kjrichsarmee (H. f., -en) aul de Soldoten met Jereetschoft toom een aundret Launt ooda Volkj ennämen un unjadon moaken
Kjrichsdeenst (H. m., -) de Tiet de daut Jesaz von eenen Mensch velangt daut see enne Armee deenen
Kjrichsfiera (H. m., -sch) een aunjestalda Leida enne Armee
Kjrichshoot (H. m., -heed) een hoada Hoot dee een Soldot brukt soo daut sien Kopp nich soo leicht veschloagen woat
Kjried (H. f., -) eene wieekje Sort Steen dee sea leicht vekjreemelt, dee woat jebrukt toom aun eene Waunttofel schriewen un jeit leicht auftolaschen
Kjriedarie (H. f., -) waut een Koch brukt toom Jeschmak em Äten to moaken, soont aus Dell, Päpakrut, Peetaselje usw
kjriedich (Isw.) met Kjried bestreit ooda beschmäat; soo aus Kjried, sea drieech
Kjrieejaklock (H. f., -en) een Rusche Wauntua met langen Paupeldikja, dee wort bie Kjrieejasch jemoakt
kjrieen (st.T., kjrie, kjrichst, kjricht, kjrieech, kjrieejen, jekjräajen) jejäft woaren; tohoolen kjrieen [Hast du de Post jekjräajen]; foadich moaken [Wie haben de Oabeit jekjräajen]; erlangen
Kjrieja (H. m., -) eena dee kjriejen deit; een Soldot; een Präsident dee leicht eenen Kjrich aunfangt
kjriejen (schw.T.) Kjrich fieren; kjamfen
Kjriejeshäa (H. n., -ren) eene groote Armee
Kjriejeshelt (H. m., -lden) eena dee sikj sea utjetieekjent em Kjrich bewiest
Kjriejesvolkj (H. n., -velkja) Kjriejeshäa; aul de Menschen dee toom Kjrich gonen
Kjriekje (H. n., -s) een Strus von Bloomen; aufjeplokne Bloomen en een Glaus ooda aune Kjleeda jespalt
kjrieschen (st.T., kjriesch, kjrieschst, kjrieschen, kjreesch, kjreeschen, jekjräschen) sea huachstemmich schrieen, soo aus ut Weedoag, Angst ooda Wutt
kjrieschent (Isw.) met kjrieschen
Kjriesel (H. m., -s) Wirbelwint; een huaget Jestal met een Kjriesel, ooda eene Mäl, bowen soo daut dee em Wint dreien woat, soo aus toom Wota pompen; de Mäl met Flichten daut em Wint enne rund dreit
Kjrieselstorm (H. m., -s) Wirbelwint; Kjrieselwint; Winthunt; Tornado
kjrieslen (schw.T.) onbeholpen enne rund dreien; onen Enj enne rund dreien
Kjriez (H. n., -en) de Medd vom Rigjstrank; een huaga Pol met een Stekj meist bowen dedwäa aunjemoakt, soo aus daut opp woont Jesus storf
kjriezen (schw.T.) dedwäa een Sträakj äwa waut moaken; een Kjriez opp sikj tieekjnen, soo aus katoolsch es
kjriezjen (schw.T.) aum Kjriez noaglen, soo aus Jesus wort
Kjriezlienje (H. f., -s) de Akj von twee Wäaj; eene Lienje ooda Wajch dee eenem sien Wajch kjriezt
kjriezuagich (Isw.) wan eenem siene Uagen nich beid no daut selwje kjikjen
Kjriezwajch (H. m., -wäaj) een Wajch dee eenen aundren Wajch kjriezt
Kjrinjel (H. f., -) een ooltkolonieschet Jebaknis von eene denne Roll Dieech; (dim.) Kjrinjelkje, -s
kjrippieren (schw.T.) langsom kranka woaren; äwa eena lenjre Tiet emma dolla Jesuntheit un Krauft velieren bat aum Doot
kjristieren (schw.T.) kjlistieren; Auffiameddel von hinjen enjäwen
kjristlich (Isw.) soo aus Christen; soo aus de Bibel daut velangt
kjritslen (schw.T.) see: kjritzlen
kjritzlen (schw.T.) pienich waut schriewen daut nich to vestonen es
kjrizhlen (schw.T.) leicht kjitlen; jäakjen; enne Näs jäakjen
Kjwäakj (H. n., -) Graus oatjet Krut daut sea schlajcht ut eenen Goaden ruttokjrieen es
Kjwal (H. f., -en) de Städ von wua waut kjemt, soo aus Gruntwota
Kjwälarie (H. f., -n) een Toostaunt wua Menschen jekjwält woaren, daut es, ommenschlich lieden motten
kjwälen (schw.T.) too sea oabeiden; dän Kjarpa too sea aunstrenjen
kjwalen (schw.T.) Wota ut waut rutkomen, soo aus ut eene Kjwal ooda een Sprinkj
Kjwälkoma (H. f., -sch) eene Stow de enjerecht es toom Menschen kjwälen
kjwatschen (schw.T.) toopdrekjen, soo daut et bennaschte rut well
kjwidren (schw.T.) Wota vescholkjren; kjietren
kjwidrich (Isw.) lakjsch; kjietrich
kjwielen (schw.T.) spieen; kwoakjsen; daut Kjwiel ooda Spuck von em Mul utspieen
kjwielich (Isw.) soo aus Kjwiel; naut von Kjwiel
Kjwinjschläaj (H. mz.) Uträd; proste Uträd
kjwinkjlieren (schw.T.) huach stemmich sinjen
kjwirkjsen (schw.T.) daut Jelud von een Jehenj, kjlienet Raut ooda Schirkj
Kjwitsch (H. m., -) Blott; Dagat
Kjwittunk (H. f., -ngen) een Riesiet; Oppwies daut waut betolt es
kjwitschen (schw.T.) een Jelud moaken soo aus wan eena en Blott nenn ooda rut sticht
kjwitschich (Isw.) naut un derchjesupt; soo dikj/denn aus Blott
Klaks (H. m., -en) een kjlienet bätje von waut flissendjet; een Läpelvoll ooda weinja; soone Mot von waut flissendjet oppe Flua ooda oppem Desch
Klank (H. m., -) eene kloare schaulende Stemm
klaum (Isw.) feicht; nich soo naut aus ‘feicht’
Klauma (H. m., -sch) biem schriewen soone Tieekjen aus ( ), [ ]
Klaup (H. f., -en) een Dakjsel äwa een Loch; daut Lada ver een Pieet sien Uag; “Flieejenklaup”: eene Klaup aun een Stock toom Flieejen dootschlonen
Klaupa (H. m., -sch) eene Klaup; een Stekj daut een Loch tooklaupt; Kjinja Spältich daut klaupat
Klaupaschlang (H. f., -en) eene Schlang dee eenen Klaup aum Zoagel haft, dee doa klaupat ea see toofoat
Klaupbad (H. n., -en) een Bad daut toop to klaupen jeit
klaupen (schw.T.) eene Luck, Klaup ooda Däa op ooda too moaken; “Daut haft jeklaupt”: daut haft goot jeschauft
klaupren (schw.T.) een Jelud von een looset Biet aun eene Maschien
Klaups (H. m., -) een mete plaute Haunt schlonen
klaupsen (schw.T.) mete plaute Haunt ooda eene Klaup schlonen
Klaupstool (H. m., -steela) een Stool dee toop to klaupen jeit
Klaus (H. f., -en) eenen Liera siene Schiela; eene Grupp dee irjentwoo toophieet
klautren (schw.T.) opp waut nopp stieen, soo aus eene Lada ooda een Boom
Klautsch (H. m., -en) eemol met de plaute Haunt aum Kjarpa schlonen
klautschen (schw.T.) met de plaute Henj toopschlonen; met de plaute Haunt schlonen
Klawia (H. f., -ieren) Piano
Kleiw (H. f., -en) een Heena ooda Tieren Foot; eene Haunt; een Hoaken aun een Stock toom waut wieda kleiwen
kleiwen (schw.T.) krauzen; met eenen growen Hoaken waut enhoaken, soo aus een Kleiwhoma
Kleiwhoma (H. m., -sch) een Homa met eene Kleiw toom Näajel utrieten
kloa (Isw.) dietlich, to vestonen; rein, nich beschmäat; onen Wolkjen, soo aus de Bleiwahimmel; derchsechtich, soo aus Glaus; (kloa, kloara, kloaschte)
Kloagbreef (H. m., -breew) een Breef dee eenem beschulcht
kloagen (schw.T.) jaumarieren; eene Kloag brinjen; beschuldjen
kloaren (schw.T.) kloa woaren, beides soo aus waut vestonen, un soo aus de Wolkjen enne Loft
kloaroot (Isw.) dach root
Klock (H. f., -en) een Jereetschoft daut eenem sajcht waut de Tiet es, un woo lang eene Tiet es
Klockenhus (H. n., -hiesa) daut meddelste vom Aupel wua de Kjieena bennen sent
Klockentiet (H. f., -den) de Stund em Dach no Meddanacht ooda no Meddach
Kloffen (H. f., mz.) Schlorren; leichtet Footich
kloffen (schw.T.) schwoafalich gonen; schwoafootich gonen; schlorren
Klommua (H. m., -sch) een Wirwoa von Menschen un Jelud; een derchenaunda
Klommua (H. n., -sch) een bestendjen ludet Jelud vom Menschen dee sikj sea bewäajen
klommuaren (schw.T.) een grootet Opphäfsel moaken daut miere Menschen met entrakjt un lud häajeit
Klompen (H. m., -pes) een Hupen ooda Hupkje; eene Saumlunk von toopjeschmätne Sachen; (dim.) Klomkje, -s
Kloosta (H. n., -sch) een Hoff fa Mana dee äa Läwen de Katoolsche Kjoakj jejäft haben, see befrieen sikj nich, see bäden väl, un ranen eene Wirtschoft om dän Hoff to besorjen
kloppen (schw.T.) schlonen
klopportich (Isw.) schwoa to doonen; väl opp sikj haben
klopren (schw.T.) miere mol enne Rieej leicht schlonen
Klotje (H. n., -s) eene Doos ooda Kausten met Loftlajcha wua eene Han ooda een Voagel bennen setten kaun
Klotjedroaga (H. m., -) eena dee aulem aules vetalt; eena dee waut vetalt daut haud sult stell bliewen
Klots (H. m., Kjlats) een Stekj Holt
Klotsch (H. f., -en) de Enrechtunk en een Foatich tweschen däm Moota un Jiabaks, doamet kaun eene de Krauft vom Moota nom Jiabaks schekjen ooda trigjhoolen
klotsen (schw.T.) een Klots opp een aundren saten; een Dinkj opp een aundren saten
Klotz (H.m., Kjlats) see: Klots
kluak (Isw.) jewizt; leichtlierich; derchjedocht; väl weeten; (kluak, kjlieekja, kjlieekjste)
Kluakheit (H. f., -en) de Toostaunt von kluak sennen
Klubb (H. f., -en) een natet ooda prostet Hus
Kluck (H. f., -en) eene Han dee brooden well
Kluen (H. m., -es) oppjewekjelda Baunt ooda Drot kjricht eene en eenen Kluen
Kluft (H. f., -en) eene sea deepe un breede Ran ooda Growen, soo aus von een Riefa
klukren (schw.T.) daut Jelud daut eene Kluck fa äare Kjikjel moakt; wäm soo behaundlen aus wan dee nich väl weet un help fält
Klunj (H. f., -en) een jugentlicha Daunz em Owent no de Kjast
klunjen (schw.T.) dän Foot oppsaten, soo aus biem gonen; daunzen
Klunt (H. f., -en) eene dikje Mejal
Kluten (H. m., -tes) een hoadet Stekj Ieed
knaken (schw.T.) daut Jelud von waut bräakjen
knakoam (Isw.) sea oam; wirtschoftlich schlajcht auf
knakren (schw.T.) väl mol hinjarenaunda knaken
knakrich (Isw.) soo aus knakren
Knaks (H. m., -en) daut Jelud von knaken; een Maun; een oola kjräpelja Maun
Knaksot (H. f., -) Sonnenbloomen Sot
knaulen (schw.T.) een schoapet kortet Jelud moaken
knaup (Isw.) weinich; oam; mau afens; mau jrod; meist nich [Hee kunn mau knaup gonen]
Knaupheit (H. f., -en) de Toostaunt von knaup sennen
Knoaken (H. m., -kes) de hoade Bieta em Kjarpa dee eenem sien Jeschekj jäwen
knoakich (Isw.) soo aus Knoakes; met Knoakes; soo daut de Knoakes sea to seenen sent
knoaren (schw.T.) soon Jelud moaken aus wan eene strufe Däa sacht opjemoakt woat; goot brennen
knoojen (schw.T.) wrunschen; sikj en eent wajch rieren, soo aus een Kjint daut nich maklich es
Knoop (H. m., Kjneep) een hoadet runde Kulla met twee ooda vea Lajcha enne Medd toom aun Kjleeda neien, de Knoop paust en een Knooploch soo daut Hamd too blift
Knoop (H. m., Kjneep) een Peklatje met een poa kjliene Lajcha enne Medd toom aun Kjleeda neien un en een Knooploch nenpaussen toom dee Kjleeda aunhoolen
Knooploch (H. n., -lajcha) een jeneidet Loch aun Kjleeda, jäajenäwa von een Knoop
Knoppen (H. m., -pes) twee Benja ooda Dräd kjennen toopjebungen woaren met een Knoppen; een vezoddada Drot ooda Baunt
knoppich (Isw.) met väl Knoppes; soo aus met Knoppes
Knoss (H. m., -en) een Foot von Tia ooda uk Mensch
knostren (schw.T.) daut Jelud von een Holtfia; daut Jelud von Holt daut jeboagen woat
Knubbel (H. m., -s) eene jeschwolne Städ; eene Städ dee hecha es aus daut doarom
knublich (Isw.) voll Knubbels; soo aus Knubbels
knuffen (schw.T.) met de Fust eenem schlonen
knullen (schw.T.) goot äten; bosich äten
Knupps (H. m., -en) kjliena Knubbel
knusprich (Isw.) met soon Jelud bräakjen aus eene Reeschkje
knutschen (schw.T.) kjnedren; waut Papia ooda Zeich toopnämen un nich oppaussen daut et nich Folden kjricht
Koa (H. f., -ren) een Foatich met Moota toom Menschen fieren
Koagel (H. m., -s) een langet schmaulet Stekj Launt hinjarem Hoff, un soo breet aus de Hoff; eene lange schmaule Stap
koaken (schw.T.) von Wota, soo heet sennen daut et rolt; Äten moaken
koakent (Isw.) meist soo aus wan daut koakt; sea heet
koaklen (schw.T.) kwakren, soo aus Heena
Koakowen (H. m., -wes) een Owen enne Kjäakj toom koaken
Koaksel (H. n., -s) de Mot dee opp eemol jekoakt woat
Koakstow (H. f., -en) Kjäakj; de Stow wua jekoakt woat
koasch (Isw.) jesunt; stoakj un jesunt; restich
Koat (H. f., -en) een stiewet Biet Papia, jeweenlich nich sea groot; Spälkoaten
Kobbel (H. f., Koblen) een see Pieet
kobbossen (schw.T.) onen oppaussen waut hanschmieten; kofoojen
kockhaulsen (schw.T.) sikj bräakjen wan eena meist bat kolkjen es
Kodda (H. n., -dren, -sch) een Stekj Zeich daut toom aufweschen ooda aufwauschen jebrukt woat
Koddapopp (H. f., -en) eene Popp von Zeich; eene wieekje Popp
kodrich (Isw.) soo aus een Kodda; von Kjleeda: veräten ooda derchjeschieet; veflert
Koffa (H. m., -sch) Schimmedaun; een Behelta toom Kjleeda oppe Reis nämen
Koffe (H. m., -s) een Drinkj, jeweenlich heet, von jereeschte un jemolne Koffe Kjieena
Koffegrunt (H. n.) de jemolna Koffe unjen em Kjätel ooda em Kuffel
Koffekjätel (H. m., -s) een Kjätel en däm Koffe jemoakt woat
Koffemäl (H. f., -en) eene Mäl toom Koffe Kjieena molen
kofoojen (schw.T.) hanschmieten; wajch hasren
Kol (H. f., -en) schwoatet Brenmateriol daut ute Ieed jegroft woat; schwoatet Brenmateriol wan von Holt, Kolen jebrent woaren
kol (Isw.) nich bedakjt; onen irjent waut toom bedakjen [kole Hut; kole Stap]; onen Hoa [Groospau haft eenen kolen Kopp]
kolbäakjren (schw.T.) wadaholt schrieen, soo aus Peihons
Kold (H. f.) de Toostaunt von kolt sennen
Koleelj (H. f.) Kerosien
Kolenama (H. m., -sch) een Ama toom Kolen nenbrinjen
Kolenfia (H. n., -sch) een Fia en daut Kolen jebrent woaren
kolfräten (st.T.) aules auf fräten, soo aus wan too väl Kjieej sent fa eene Weid
Kolkj (H. n.) Kotz; waut eena biem kolkjen utspicht
kolkjen (schw.T.) kotzen; wan eenem sien Äten trigj rut kjemt nom äten
kolkjrich (Isw.) sikj soo feelen aus wan eena kolkjen woat
Kolkopp (H. m., -kjap) een Kopp opp däm nich Hoa waussen
kolkoppich (Isw.) onen Hoa oppem Kopp
Kolla (H. f., -sch) de Kaunt romem Hauls aun een Kjleet ooda Hamd
Kollakjta (H. m., -sch) eena dee Jelt ooda Sachen kollakjt fa eenen Zwakj
kollakjten (schw.T.) saumlen; Sachen toophoolen; Jeläajenheit jäwen eene Sach met Jelt to unjastetten
Kolledetz (H. f., -) Wota von Fleesch koaken, daut jeronnen es
Kolonie (H. f., -n) daut Flekj Launt daut gaunz von eene Grupp Menschen jeieejent woat, wua see oba jieda äa ieejnet Stekj ieejnen un beoabeiden
kolt (Isw.) nich woam ooda heet; iesich; (kolt, kolda, koltste)
koltblootich (Isw.) soo aus wan eena kjeen Jewessen haft
Koltiwäta (H. m., -sch) eene Krauz toom Launt oabeiden; Jereetschoft toom Launt koltiwätren ooda derch Krauzen
koltiwätren (schw.T.) Launt oabeiden met een Koltiwäta
Koma (H. f., -mren) een Stofkje biesied de Kjäakj, wua Koakjescherr un Äten wajchjestalt woaren wan dee nich em jebruck sent
Kombein (H. m., -s) eene Draschmaschien dee oppem Flekj delenjd daut Schwaut foat un drascht
komen (st.T.; kom, kjemst, kjemt, kjeem/kaum, kjeemen, jekomen) nodren; een Ziel nodren
komende (Isw.) soone waut komen
Komkje (H. n., -s) eene kjliene Komm, soont aus een Mensch brukt toom siene Supp enschapen
Komm (H. f., -en) een Behelta toom Äten moaken ooda oppdeschen
kommandieren (schw.T.) väasajen; strenj velangen; leiden
Kommarod (H. m., -en) een Frint; een Frint bie de Oabeit
Kommitee (H. n., -s) eene Grupp dee aunjestalt sent toom eene Sach räajlen
Kommvoll (H. f., -) soo väl aus en eene Komm nenjeit
Komood (H. n., -en) Kjleedaschaup met Schufloden
komparativ (Isw.) em vejlikj; von Adjektiven wan twee vejlikjt woaren, tB: jrata, ella, kolda
komplizieet (Isw.) sea vebungen ooda vekjnept; schwoa to vestonen
Komprescha (H. m., -sch) een Jereetschoft toom met väl Druck Loft pusten; een Jereetschoft daut Loft, ooda aundret, toopprast, soo aus uk de Gaus en eene Fridj, Friesa ooda Ärkondischen
Komputa (H. m., -sch) een elektronischet Jereetschoft toom schriewen, räakjnen, Breefwakjsel fieren äwa Iemäl, opp Internet waut nosieekjen, ooda uk drekjen loten
Komst (H. f., -) eene Sort Jekjäakjs; een faustet Heeft von Bläda, dee em Borscht jebrukt woaren
Komstblaut (H. n., -bläda) een Blaut von een Komstheeft
Komstheeft (H. n., -a) de Kopp ooda Baul en woont Komst waust
Konferens (H. f., -en) een toopkomen von miere Jemeenten toom Sachen tweschen sikj beräden; eene Grupp von Kjoakjen dee sikj toopstetten en eene Konferens
Konjuktiv (H. m., -en) en Gramatikj, een Wuat daut twee Jedanken toopschlitt, soo aus: un, oba, ooda; een Binjwuat
Konsonant (H. n., -en) see: Metlud
Konst (H. f., -en) daut vestonen waut schmocket to moaken, soo aus kjoawen, sinjen, molen, buen
konstfäje (Isw.) eena dee sikj met eene Konst vesteit
Konststekj (H. n., -a) daut waut met Konst jedonen woat
Kontakt (H. m., -s) een Toopkomen
kontakten (schw.T.) toopkomen; en Vebindung komen; wäm oppsieekjen
Kontrakt (H. m., -s) een Unjaschriewen ooda een beräden woo twee Menschen ooda Gruppen wellen toop foadich woaren
Kontroll (H. f., -en) Macht äwa waut haben; een Schwenjel ooda Knups met däm eena waut en Kontroll haft
kontrollen (schw.T.) en Macht haben; rejieren; volle Veauntwuatunk haben
kontrollieren (schw.T.) en Macht haben; rejieren; volle Veauntwuatunk haben
Konwarkj (H. m., -s) see: Kwarkj
Koo (H. f., Kjieej) eene see mank daut Vee
Koofoot (H. m., -s) eene (bat een Zoll) dikje Iesastang; eene Stang toom waut ducken
Koohoad (H. m., -s) Veehoad; eena dee daut Vee heet
Koolada (H. n., -sch) daut Lada von eene Koo
Koolkje (H. f.) Kraump em Kjarpa soo aus de Moag ooda Doarm
koomisch (Isw.) fonnich; toom lachen; butajeweenlich; nich leicht to vestonen
Koopmaun (H. m., -mana) eena dee Sachen toom vekjeepen haft
Kopie (H. f., -n) een Buak ooda Zadel daut krakjt daut sajcht aus een aundret Buak ooda Zadel
Kopiekje (H. n., -s) een kjlienet ruschet Jeltstekj
Koplinj (H. f., -en) de Städ wua waut toopjekoppelt es; daut Jereetschoft daut twee Walen toopkoppelt
Koplinj (H. f., -s) daut waut twee Stekja toopkoppelt, soo aus twee Walen ooda twee Woages
Kopp (H. m., Kjap) daut Poat vom Kjarpa wua de Bräajen un daut Jesecht sent; een Knups aum Enj von eene Stang ooda een Stock; daut met waut eena denkjt
Koppa (H. m., -sch) een Rootzent; een kjlienet Jeltstekj en Nuad Amerika
Koppa (H. n., -) eene Sort brunet wieekjet Metol
koppana (Isw.) von Koppa
Koppaschmett (H. m., -s) eena dee Koppa schmelt un jitt, ooda trajchtschnitt un Sachen von moakt
Koppbinj (H. f., -en) eene Binj toom romem Kopp binjen, soo aus daut en arabische Lenda mood es
Koppduak (H. n., -dieekja) een Duak von schmocket Zeich toom äwarem Kopp binjen
Koppelboom (H. m., -s) daut Holt ver een Tiem Pieed waut an helt von uteneen gonen
Koppkjessen (H. n., -ses) een Kjessen; een Kjessen toom dän Kopp nopplajen
Koppknoaken (H. m., -kes) de runda Knoaken em Kopp en woont de Bräajen es
Kopploch (H. n., -lajcha) een Loch, soo aus en een Kjleet, wua de Kopp derchkjemt
Kopprietinj (H. f., -en) Weedoag em Kopp
Koppstekj (H. n., -a) daut Stekj äwa eene Däa ooda een Fensta
Kopptich (H. n.) waut eena oppem Kopp drajcht
koppveropp (Isw.) met dän Kopp daut ieeschte
Kopweedoag (H. m., -) Kopprietinj; Weedoag em Kopp
Kordon (H. n.) stiewet Papia von Doosen
Korf (H. m., Kjarw) eene Kjiep; een leichta Behelta foaken met een Bäajel, von Stroo ooda leichtet Holt
Korfvoll (H. m., -) soo väl aus en een Korf nenjeit
Korint (H. f., -en) eene Frucht met fiene Kjieena vom Korintenbosch
Korkj (H. n., -) de Baust von eene Sort von tropische Ieekjen
Korkjestopsel (H. n., -s) een Stopsel von Korkj; een Stekj daut krakjt en daut Loch von eene Buddel nenpaust, toom dee toostoppen
Korn (H. m., -) eene groote Plaunt vonne Graus Famielje; daut Sot von Kornplaunten daut noarhauftet Fooda un Mäl moakt
Kornelius (H. m.) een Nomen, foaken Kjnals jesajcht
Kornfläks (H. n., -) een Freestikj Äten, jeweenlich met Malkj un Zocka enjerieet
Kornmäl (H. m., -) fien jemolna Korn, daut toom Äten moaken jebrukt woat
Kornoa (H. f., -ren) eene Oa von Korn, met Strunk un Kjieena
Kornspikja (H. m., -sch) een Spikja met ooda fa jedraschta Korn
Korozh (H. f., -) de Toostaunt von brow sennen, sikj waut woagen
Korral (H. m., -en) een grootet Veehock von Kjneppels jebut
kort (Isw.) nich lank; (kort, kjarta, kjartste)
kortloftich (Isw.) kort aun Loft sennen
kortmeiwich (Isw.) met korte Meiwen; soo aus met korte Meiwen
kortsechtich (Isw.) een Toostaunt met de Uagen wua eena dichtbie goot seenen kaun, oba wieda auf nich kloa
korz (Isw.) nich lang trigj; enne latste poa Doag
Kos (H. f., -en) een tomet Tia, kjlanda aus een Burra, dee gonen to malkjen
Kosenbock (H. m., -bakj) een hee Kos
Kosenmalkj (H. f., -) Malkj von eene Kos
Kost (H. f.) Pries; woo dia waut es; Kwatia; Bad un Moltieden fa betolen
kostboa (Isw.) dia; väl wieet; een Schauz
kosten (schw.T.) waut/wooväl eena fa waut jäwen mott; wooväl Onkosten daut jeft
kostfrie (Isw.) onen Onkosten
Kostjenja (H. m., -) eena dee bie eenem enne Kost es
kostspielich (Isw.) dia; väl opp sikj haben
Kot (H. f., -en) een kjlienet prostet Hus
Kota (H. m., -sch) een hee manke Kauten
Kotadaunz (H. f., -) een Wirwoa von strieden
Kotlett (H. f., -en) Klops; fienet Fleesch toopjedrekjt un jebrot
kotsen (schw.T.) see: kotzen
Kotsje (H. f., -) see: Akozje
Kotta (H. m., -sch) een Schläden toom Menschen fieren
Kottaluag (H. m., -en) een Buak von een Stua rutjejäft met Beschriewungen von aules waut see to vekjeepen haben
Kotz (H. n., -) Kolkj
Krach (H. m., -s) wan waut grootet lud hanfelt; Rummel
Kracheel (H. m., -s) een grootet Opphäfsel; Klommua; een grootet derchenaunda
krachen (schw.T.) een sea grootet Jelud, tB soo aus wan een Boom felt
krakjt (Isw.) jeneiw [krakjt doa]; schmock rein [een krakjtet Hus]
Kral (H. f., -en) een Baul von de kjliene Bala aun een Baunt dee romem Hauls jedroacht woaren
krank (Isw.) nich jesunt; nich restich; met eene Krankheit jeploacht sennen
Krankheit (H. f., -en) de Toostaunt von krank sennen; eene von veschiedne Krankheiten dee Menschen de Jesuntheit vedoawen
Krauft (H. f., -) Macht; waut eena haft wan eena stoakj es
krauftloos (Isw.) onen Krauft; schwak
Krauj (H. f., -en) een natgrootet schwoatet Voagel
Kraujefoot (H. m., -feet) de Foot ooda Kleiw von eene Krauj; een utenaunda spreeden en miere Rechtungen; een Spell met Dominos
Kraujengrul (H. f., -s) eene Hieezhgrul; Voagelgrul; een Jestal toom Kraujen wajchenjsten
Kraump (H. f.) Weedoag von Musklen aunholen, onen daut eena daut well
kraumpen (schw.T.) eene sea hoade Muskel, jeweenlich em Been, met väl Weedoag
Kraumpoda (H. f., -dren) dikje bleiwe Odren aune Been
Kraunz (H. m., Kjrens) eene gaunze Rund von Kjinja, Beem, Bloomen usw
krauslen (schw.T.) kjritzlen; soo schriewen daut et meist nich to läsen jeit
krauslich (Isw.) von waut jeschräwnet, soo krus daut et meist nich uttomoaken es; von een Wajch, dee emma wada wenjt
Krauza (H. m., -sch) waut toom krauzen
krauzen (schw.T.) kleiwen; sikj met waut schoapet schobben; daut Launt met eene Krauz oabeiden
Kraweel (H. m., -s) Kracheel; Klommua; een grootet Jeweel
kreiwlen (schw.T.) tB von Kjinja, Eemskje ooda Warm, wan doa väl sent un dee sikj aule bewäajen
Krenkjscheft (H. f., -en) de groote Wal em Moota daut von de Pistons jedräwen woat
Krint (H. f., -en) see: Korint
Kroaga (H. m., -sch) een Aumt enne Ooltkolonische Jemeent; dee wäa toom Donnadach kroagen mott
kroagen (schw.T.) enloden
Krokodiel (H. f., -en) een langet läajet Tia daut em Wota läft oba Loft odmen mott, met eene sea stoakje Frät
Kroll (H. f., -en) een Drot ooda Hoa daut kort enne rund jedreit es; waut oppjeroldet; oppjeroldet Jebaknis; (dim.) Krolkje, -s
Krom (H. m.) de Toostaunt von orriemsch sennen; Klommua
kromen (schw.T.) mank waut sieekjen; mank väle Sachen opp eemol oabeiden
kromm (Isw.) nich jlikj; jeboagen; veboagen
Kron (H. m., -s) eene Wotaschitz; de Enrechtunk toom een Rua op ooda too schitzen
Kronkje (H. n., -s) een lank beenjet, lank haulsjet Voagel
Kroon (H. f., -en) de schmocka Kraunz, jeweenlich met diere Steena besat, dee een Kjennich en sien Aumt drajcht
Kroonoda (H. f., -dren) eene groote Oda rom daut bowaschte vom Hoat
Kroos (H. n., Kjreesa) een grootet Kuffel, eenjemol met een Dakjsel
Kropp (H. f., -en) de tweede Moag en eene Han ooda Voagel
Krota (H. m., -sch) een prosta Woagen
Kruck (H. f., -en) eene groote Buddel von Glaus ooda jebaktet Leem jemoakt, jeweenlich met een schmaula Hauls, eenjemol met een Ua ooda een Bäajel; (dim.) Kruckje, -s)
kruglich (Isw.) krus; krauslich; nich jlikj, soo aus een Wajch
krupen (st.T.; krup, kjripst, kjript, kroop, kroopen, jekropen) opp Henj un Kjneeen sikj bewäajen
krupende (Isw.) eene de kjript
Krupunja (H. f., -) een Dak daut Schutz vom Räajen jeft; een prostet Hus
krus (Isw.) fien krauslich, vekjnept, sea kruglich [kruse Hoa]; von een Mensch: nich tofräd, nich goot aunjelajcht, vestieet [kruset Jesecht]
Kruschkje (H. n., -s) de Frucht von een willa Bäarenboom; eene kjliene Mejal
krusen (schw.T.) waut krus moaken, soo aus Hoa
Kruskopp (H. m., -kjap) een Mensch met kruse Hoa
Krut (H. n., -) Onkrut; eene Plaunt wua eena dee nich haben well; soone Sorten Plaunten dee sikj selfst veseien un mank Jeträajd ooda em Goaden oppkomen
Krutflekj (H. n., -a) een Flekj daut sea krutich es
krutich (Isw.) met Krut; met väl Krut
Kruzhel (H. n., -s) daut Kjnepkje aum Raunt von een Kjleet ooda eene Dakj
Kruzhelmetz (H. f., -en) eene schwoate Fruesmetz toom enne Kjoakj ooda een Kjoakenfast droagen; eene Metz met väl Kruzhels
kruzhlich (Isw.) krus; met Kjnepje; met soo väl Zeich daut et walich henjt
Kua (H. m., -sch) eene groote Grupp enje-eewde Senja
Kuak (H. f., -en) een kjlienet seetet Jebaknis
Kualeida (H. m., -sch) de Leida von een Kua
Kuan (H. n., Kjieena) see: Kuarn
Kuarn (H. n., Kjieena) een Sotkuarn; een Meddelstekj; de wichtichsta Jedanken en een Buak ooda en eene Lia; (dim.) Kuarnkje, -s
Kuckuck (H. m., -s) een Voagel
Kuff (H. f., -en) daut Holt opp woont een Schläden ooda een Schlätje oppem Schnee rant
Kuffel (H. n., -s) een Taus; de bekaunda Behelta met een Ua ut däm Menschen Koffe ooda Tee drinkjen; (dim.) Kuffelkje, -s
Kugel (H. m., -s) Scheetich; daut Blie daut eene Flint schitt
Kujel (H. m., -s) een hee Schwien
Kul (H. f., -en) een Wotaloch; eene läaje Städ opp eene Stap; (dim.) Kulkje, -s
Kull (H. f., -en) een groota Kluen Baunt
Kulla (H. n., -sch) eene runde Form
kullarunt (Isw.) soo runt aus een Kulla
kulren (schw.T.) rollen
kulrich (Isw.) met väl Kullasch; runt
Kultua (H. f., -ren) soo aus een Volkj läft, daut een bät aundasch es aus een aundret Volkj
kummavoll (Isw.) kjemmalich; met schlajchte Jesuntheit
Kun (H. f., -en) een Voagel, jrata aus eene Han, dee nich flieejen kaun un toom schlachten jehoolen woaren; Truthan
Kund (H. f., -en) eena dee en een Stua ooda Jeschaft jeit om waut to kjeepen
Kunhon (H. m., -s) Truthon; Kun
Kunkel (H. m., -s) eene sompje Städ
Kunta (H. m., -sch) een utjeschnädnet Pieet
Kurbel (H. f., -n) eene Stang dee nich enne Medd vonne Wal es
kurblen (schw.T.) eene Städ dee nich enne Medd von een Raut es, dee kurbelt wan daut Raut dreit
Kurrei (H. m., -) eene Sort Krut, daut em Hoafst een dree schooja Baul jeft un äwa daut Launt rolt
kurren (schw.T.) daut Jelud von eene Duw; daut Jelud daut eene Mutta to een kjlienet Kjint moakt
kurrich (Isw.) vestieet; ontofräd; leicht jäajenaun
Kuss (H. m., -) met de Leppen däm aundren em Jesecht drekjen
kussen (schw.T.) een Kuss jäwen; met de Leppen aun däm aundren sien Jesecht ooda wua aune Hut drekjen
Kuta (H. m., -sch) en Russlaunt, eene sea groote Wirtschoft wua de Oabeida uk äare Woninjen haben
kutahonsch (Isw.) waut sea onjeschekjt doonen; sea onkloa räden
Kutsch (H. f., -en) een Foatich
Kutscha (H. m., -sch) eena dee dän Woagen foat
kwakren (schw.T.) daut Jelud von Enten
kwaksen (schw.T.) een Bät haustich hansaten
Kwarkj (H. m., -) daut Schluwsel fa een Breef toom de Adrass nopp schriewen un enne Post lajen
Kwatia (H. f., -tieren) eene Schlopstäd un Moltieden haben ooda jäwen
kwaublich (Isw.) nich goot sien Jeschekj hoolen, soo aus eene Koddapopp ooda een aufjeschaldet jekoaktet Ei
kwaulmen (schw.T.) sea rieekjren; sea väl Ruak aufjäwen
Kwaulsta (H. m., -sch) een gumjet Stekj Kjwiel von em Hauls, besonda wan eena sikj vekjilt haft
kwaulstren (schw.T.) een Kwaulsta utspieen
Kwoada (H. n., -sch) de tweede Kjenn; de loose Hut unjare Kjenn
kwoakjsen (schw.T.) kjwielen; spieen; eene sea proste Oabeit doonen
Kwoat (H. een Glaus daut dicht too to schruwen jeit; eene Mot, een kjlien bät jrata aus een Lieta
Kwol (H. f., -en) eene sea schwoare Erfoarunk; een sea schwoara Toostaunt; Kjwälarie
kwolvolle (Isw.) met Kwol
kwosen (schw.T.) sea spendobel sennen; onneedich vebrucken
Kwotsch (H. f., -en) eene groote wieekje Benkj; een Soofa
|
