|
Iea (H. f.) sea väl Wieet räakjnen un sea väl Respakjt fa wäm haben
Ieaforcht (H. f.) sea väl räakjnen un doch Forcht haben wiels eena sikj schämt ooda angst haft daut eena nich em Staund es met däm waut to doonen
Ieajiez (H. f.) nich wellens sennen eenem siene ieejne Iea von sestwäm tosied jesat haben
Ieda (H. n., -sch) daut Poat tweschen de Hinjabeen aun eene Koo von wua de Malkj kjemt
Iedee (H. f., -en) een Jedanken
iedren (schw.v) de Tiet wan eene Koo äa Ieda jrata woat ea see een Kaulf haft
ieeboa (Isw.) iernst; nich spossich; bie de Sach
Ieedbäa (H. f., -ren) de seete Frucht von eene Ieedbäa Plaunt
Ieedbäben (H. n., -s) wan de Ieed scheddat
Ieedboddem (H. m., -s) de Ieed opp de wie läwen; de gaunze Ieed
Ieedhunt (H. m., -hunj) een Tia, soo groot aus eene nate Kaut, daut enne Ieed groft
ieedich (Isw.) schwiensch; met Ieed bedakjt ooda enjeschwient
Ieedkjoasch (H. f,. –en) de runde, jäle Frucht von eene Ieedkjoaschen Plaunt
Ieedkluten (H. m., -kjlieta) een hoadet Stekj Ieed
Ieednät (H. f,. –en) Pienats; eene lenkjelje runde kjliene Nät dee aune Wartlen von eene Ieednät Plaunt waust
Ieedrikj (H. n.) de gaunze Welt ooda Ieed; aule Menschen oppe Ieed
Ieedschock (H. f., -en) de Frucht de aune Wartlen von eene Ieedschocken Plaunt waust
Ieedschwien (H. n., -) een dunkelbrunet Tia, veleicht 2 Schoo lank, meist een Schoo breet un ½ Schoo huach
Ieedseelemaunda (H. m., -sch)
ieejen (schw.T.) väl wieet sennen [Waut sien Voda säd es am ieejen]
Ieejendeema (H. m., -/sch) dee waut daut ieejent; de Wieet
Ieejendom (H. n., -s) daut waut eena ieejent
Ieejenkopp (H. m., -kjap) eena dee sikj nich beräden lat; dee bloos opp sien Stekj faust helt
ieejenkoppich (Isw.) ieejensennich; bloos sienen ieejnen Wajch waut doonen wellen; sikj nich leicht schekjen loten
Ieejennutz (H. f., -en) fa sien ieejnen Jenotten
ieejennutzich (Isw.) waut bloos fa sikj selfst hoolen un nich aundre dän Jenotten doavon jäwen
Ieejenschoft (H. f., -en) daut met waut een Dinkj ooda Person to beschriewen jeit, soo aus Moten, Kalia, Jefeel
Ieejenschoftswuat (H. n., -wieeda) een Wuat daut de Ieejenschoft von een Hauptwuat (tB een Dinkj) ooda een Tietwuat (waut doa passieet) jeft, tB: groota Maun, gonen langsom
ieejensennich (Isw.) ieejenkoppich; bloos aun sikj denkjen
ieejentlich (Isw.) soo aus daut jeplont ooda jeieejent wia
ieejiezich (Isw.) jiezich seenen met eenem siene Iea; eena dee aunerkjant well sennen fa waut hee kaun ooda jedonen haft
ieejna (Isw.) Ieejendeema
ieejnen (schw.T.) haben; besetten; waut aus sient talen; jekoft ooda jekjräajen haben
Ieekj (H. m., -en) see: Ieekjenboom
Ieekjekota (H. n., -sch) een Tia, veleicht soo groot aus eene Stapmus, met eenen huagen buschjen Zoagel, dee kaun sea goot Beem klautren
Ieekjenboom (H. m., -beem) eene Sort Beem met sea hoadet Holt
Ieekjenholt (H. n., -) daut Holt von een Ieekjenboom
Ieekjenomen (H. m., -mes) Bienomen; een Nomen dän de Jesalschoft eenem jeft
ieeschte (Isw.; Ordnungszol) kjeen aundret es ea [Dit wia daut ieeschte]; väaschte [En dee Rieej best du daut ieeschte]
ieeschtemma (Isw.) lang trigj; too eene Tiet; eene Tiet dee de junge sikj nich denkjen kjennen
ieeschtjebuarna (Isw.) de elsta; de elsta Sän; enne Biblische Tiet meend daut ‘de Oaw’ ooda ‘de wichtichsta’
Ieeschtjeburtsrajcht (H. n.) een besondren Rajcht daut eenje Velkja, ooda Famieljes, fa dän elsten Sän haben
Ieetschocken see: Ieedschock
ieremol (Isw.) foaken; mieremol; emma wada
ieren (schw.T.) Iea jäwen; Aunerkjanunk jäwen; besondasch väl räakjnen
ierlich (Isw.) met Iea; soo aus met Iea; jäajendeel von ‘veachtlich’
iernst (Isw.) nich em Spos; bie de Sach
Ies (H. n., -) jefroarnet Wota
Iesa (H. n., -sch) hoadet Metol daut väl jebrukt woat toom Jereetschoft moaken
iesana (Isw.) von Iesa; soo aus Iesa
Iesarinkj (H. m., -rinj) een Rinkj von Iesa
Iesasoag (H. f., -en) eene Soag toom Iesa soagen
Iesaspoon (H. n., -speena) de Speena dee von Iesa soagen ooda fielen komen
Iesastang (H. f., -en) eene Stang von Iesa
Iesboa (H. m., -ren) een groota witta Boa dee wiet em Nuaden oppem Ies läft
Iesboach (H. m., -boaj) een sea grootet Stekj Ies, bat een poa hundat Meeta lank, daut em See schwamt
iesich (Isw.) met Ies bedakjt, beiest; soo aus Ies
Iespunkt (H. m., -s) de Groden bie woone Wota enfrist un Ies oppdeift; bie Celsius es 0 Grod de Iespunkt
Iesrinkj (H. m., -rinj) een Sportplauz met eene Flua von Ies, un jeweenlich een läaja Tun runtom, wua Menschen met Schlietschoo skäten un Hockie spälen
Iesschaup (H. n., -s) een Schaup toom enne Kjäakj en woont eena Äten kaun kolt hoolen
Iesschmaunt (H. f.) Eiskriem; seeta jefroarna Schmaunt
Iestaupen (H. m., -pes) een Taupen von Ies, foaken aune Kaunt vom Dak wan daut Schnee oppem Dak oppdeift
Iewa (H.m., -) Drief, sea hinjaraun no waut sennen; bejeistat sennen
iewren (schw.T.) sea hinjaraun no waut sennen; sea no waut opptoo oabeiden
iewrich (Isw.) sea bejeistat; sea hinjaraun no waut
Immanuel (H. m.) noch een Nomen fa Messias; dee bediet: Gott met ons
impfen (schw.T.) unjaspretzen, enspretzen; Medizien ooda soowaut met eene Notel em Kjarpa nenspretzen
Indien (H. f.) een Launt tweschen Afrika un China
Indjekjta (H. m., -sch) daut Jereetschoft daut dän Diesel ooda de Gasolien em Pistonloch nensprezt
Indjen (H. m., -s) Moota
infinitiv (Isw.) de Hauptform von Tietwieed, tB: gonen, komen
Insel (H. f., -n) een natet Stekj Launt daut meddem em Mäa licht
Inselbewona (H. m., -) eena dee opp eene Insel wont/läft
Instrument (H. n., -en) Jereetschoft toom Musikj moaken
intiem (Isw.) unja vea Uagen; waut sea perseeneljet; gaunz opp ‘du’ met wäm
intransitiv (Isw.) en Gramatikj, een Tietwuat daut nich een Hauptwuat brukt toom dän Jedanken foadich to moaken, daut brukt een Ieejenschoftswuat ooda een Partizip, [Ekj sie groot. Hee schauft sea.]
intressaunt (Isw.) waut eenem intressieet; wua eena jieren mea von weeten mucht
intressieren (schw.T.) jieren mea von waut weeten wellen; sikj waut to Sach moaken daut bäta kjanen to lieren
Inzhen (H. m., -s) see: Indjen
irdisch (Isw.) soo aus Sachen oppe Ieed gonen
irjent (Isw.) eendoont wäa/waut/woo/wua/wanea
Isaak (H. m.) een Nomen fa een Jung ooda Maun; dee bediet: lachen
Israel (H. n.) de Juden äa Launt
Israelit (H. m., -en) eena dee en Israel tus es; em Oolen Tastament, Abraham, Isaac un Jakob äare Nokomen; Hebräa
Italien (H. f.) een Launt em Sieden Europa; de Papst wont en Italien
|
