|
häa (Isw.) no eenem opptoo; disen wajch; hia han
Häad (H. f., -en) eene Grupp von Vee; aulet Vee daut eena ieejent
Häakjelhoaken (H. m., -kes) een Hoaken toom häakjlen
Häakjeltich (H. n.) eene Häakjel oabeit; waut eena häakjelt
häakjlen (schw.T.) nich krakjt soo aus kjnetten, jehäakjelt woat met een Hoaken un Drot
Häakunft (H. f., -) de Jeschicht von wua eena kjemt
häastalen (schw.T.) towäaj brinjen; moaken
haben (st.T., hab, hast, haft, haud, hautst, hauden, jehaut) ieejnen; eenem eene Macht sennen; (Helpatietwuat)
Hachel (H. m., -s) een Spekja; eent von de drotne Spekjasch dee en Hacheldrot nenjedreit sent
Hacheldrot (H. n., -) Drot met Hachels doa nenjedreit, daut woat jebrukt toom een Tun fa Vee moaken
Hachelstruck (H. n., -s) Struck daut Spekjasch ooda Hachels haft
Hadrikj (H. n., -) Sampkrut; jälbloomschet Krut met fienet rundet Sot
Hak (H. f., -en) Jereetschoft toom Krut haken em Goaden ooda oppe Stap; de hinjaschte unjaschte Akj vom Foot
haken (schw.T.) met een Biel ooda eene Akjs Bieta aufmoaken ooda spoolen; met waut schoapet aun waut naunschlonen
Hakj (H. f., -en) eene dichte Rieej, jeweenlich aunjeplaunt, von boschje Beem
Hakjentun (H. f., -s) een Brädatun met haulwäa dichte Bräda nopp un rauf, jeweenlich jeforwen
Hakjs (H. f., -en) eena de met beese Jeista to doonen haft
Hakjsarie (H. f., -n) de Oabeit von eene Hakjs
Haksel (H. n., -) fien jehaktet Stroo
Hakselmaschien (H. f., -en) eene Maschien toom Stroo fien schnieden to Haksel
hal (Isw.) sea dach
Haleluja (H. m., -) ekj preis däm Harn
halewata (Utdruck wan eena sikj vefieet)
Halft (H. f., -en) een Poat von waut enne Medd derchjeschäden woat
Halpa (H. m., -sch) eena dee doa halpt
halpen (st.T., halp, holp, holpen, jeholpen) waut fa eenen aundren doonen soo daut dee nich aules brukt selfst doonen; biestonen; jäwen; waut leichta moaken fa wäm
halploosa (Isw.) eena dee sikj nich selfst halpen kaun, dee sikj nich weet
Hamd (H. n., -en) de Kjleedie dee een Mensch vone Lint batem Hauls un aune Oarms drajcht
Hamdsmeiw (H. f., -en) de Meiw von een Hamd; daut Poat vom Hamd daut däm Oarm bedakjt
Han (H. f., Heena) een see Voagel; (dim.) Hankje, -s
han (Isw.) von eenem wajch; jäajendeel von ‘häa’
Hana (H. f., -s) een Mejales un Frues Nomen; daut bediet: Jnod
handieden (schw.T.) no waut dieden; een bät schmeissich no waut zielen
hanewada (Isw.) bloos eenjemol; auf un too; nich sea räajelmässich
hanfaulen (st.T.) dolfaulen
hanfoaren (st.T.) wuahan foaren; no waut foaren
hangonen (st.T.) wuahan gonen; no waut gonen
hanhoolen (st.T., hoolen han) uthoolen; lieden
hanjäwen (st.T., sp: jäwen han) enweljen; sikj loten
hanjäwenda (Isw.) eena dee sikj hanjeft, enwellicht, ooda waut lat
hankabaussich (Isw.) nich goot paussen, von Kjleeda
hankefoojen (schw.T.) hanschmieten met Jewault
hanlangen (schw.T.; sp: langen han) hanrieekjen; hanstrakjen
hannämen (st.T., nämen han) no eene Städ nämen ooda droagen; uthoolen, derchmoaken
hanrechten (schw.T.) vom Jerecht een Uadeel kjrieen
hanspetzen (schw.T., sp: spetzen han) eene Räd no waut han zielen; proowen no een jewesset Teema to komen
Hanwies (H. m., -) daut waut wuahan wiest
hanwiesent (Isw.) soo daut et no waut wiest
Har (H. m., -en) eena dee daut rajcht haft äwa wäm to jebeeden
harlich (Isw.) wunda scheen; soo scheen aus em Himmel ooda bie Gott
Harlichkjeit (H. f., -en) een harlicha Toostaunt
Harmonie (H. f., -n) de Toostaunt von toopstemmen, auf en Musikj ooda en Iedeeen
harmonieren (schw.T.) meastemmich sinjen
Harscha (H. m., -/sch) eena dee doa harscht; Har
Harschajewault (H. f., -en) de Macht ooda Jewault von de Rejierunk ooda däm bowaschten enne eene Jesalschoft
harschen (schw.T.) rejieren; strenj leiden
Harschoft (H. f., -en) een Har; daut Aumt von eene de rejieren saul; eena dee Macht haft toom rejieren; de Tiet de een Mensch rejieet
harzhoft (Isw.) sea; von Hoaten; utdrekjlich
haslich (Isw.) sea schlajcht; nich jewessenhauft
hasren (schw.T.) stankren; mete Feet schlonen
Haube (H. f., -n) de ooltkoloniesche Metz fa eene Fru
haujen (schw.T.) sea nat aunschieren un strikjen
haulf (Isw.) een Poat wan waut enne Medd jedeelt woat
Haulfbrooda (H. m., -breeda) een Brooda dee mau eent von miene Elren aus siene rajchte Elren haft
haulfdoot (Isw.) sea veschloagen; soo sea veschloagen daut dee en Läwesjefoa es
Haulfinsel (H. f., -n) een schmaulet Stekj Launt daut em Mäa nenn rieekjt
haulfjebakt (Isw.) nich goa; nich lang jenuach jebakt
Haulfmon (H. f., -en) eene Mon dee mau haulfrunt to seenen es; de Halft von een runda Kraunz
Haulfsesta (H. f., -tren) eene Sesta dee mau eent von miene Elren aus äare rajchte Elren haft
Haulm (H. m., Halma) de Staum von eene Jeträajd Plaunt
Hauls (H. m., Halsa) daut Poat am Mensch vom Kopp batem Kjarpa
Haulskjäd (H. f., -en) eene schmocke Kjäd toom romem Hauls droagen aus Schmuck; (dim.) Haulskjädkje, -s
Haulsloch (H. f., -lajcha) daut Loch aun Kjleeda fa däm Hauls
Haulstaupen (H. m., -pes) de Taupen dee hinjen em Mul schlakat
haulwäaj (Isw.) enjemoten; soo soo; nich too schlajcht
Haundelslied (H. f., mz.) Lied de haundlen; Hendla
Haundelsmaun (H. m., -mana) een Hendla
Haundelsplauz (H. m., -plaza) de Städ wua jehaundelt woat
Haundelsvieedel (H. f., -s) de Jäajent enne Staut wua väl Hendla sent
haundlen (schw.T.) schachren; Pries beräden toom waut kjeepen
Haundlunk (H. f., -ngen) de Oat woo waut jehaundelt ooda bedeent woat
Haunduak (H. f., -dieekja) een Stekj Zeich daut jeieejent es toom Henj ooda aundre Dinja aufdrieejen
Haunschkje (H. f., -) waut eena äware Haunt trakjt toom de Henj woam hoolen
Haunt (H. f., Henj) daut Poat aum Kjarpa aum Enj Oarm, met fief Finjasch; daut waut aum Hauntjelenkj es; (dim.) Hauntje, Henjkjes
Hauntbewäajunk (H. f., -ngen) de Haunt opphäwen toom een Tieekjen jäwen; eenem siene Haunt wiesen aus een Gruss biem vebie foaren
Hauntbreet (H. f., -d) de Breed von eene Haunt; onjefäa 2-3 Zoll
hauntieren (schw.T.) enne Henj haben un waut doamet doonen
Hauntjelenkj (H. n., -a) daut Jelenkj tweschen Haunt un Oarm
Hauntlanga (H. m., -/sch) eena däm siene Oabeit es die Sachen to rieekjen
Hauntmäl (H. f., -en) eene Mäl dee bie Haunt jedreit woat; Jereetschoft toom bie Haunt waut fien molen
Hauntoabeida (H. m., -) eena dee utschauft un bie de Stund betolt kjricht; eena dee fa een Loon schauft
Hauntoabeit (H. f., -en) de Oabeit dee eena mete Haunt deit
hauntrieren (schw.T.) eena dän aundren enne Haunt foten biem bejreessen
Hauntsans (H. f., -en) een langet schoapet Massa aum enj von een Stock toom Graus schnieden ooda sansen
Hauntua (H. f., -ren) Oarmua; eene Klock dee aum Oarm jedroacht woat
hauntvoll (Isw.) soo väl aus en eene Haunt nenjeit; een Deel; eenjemoten schwoa to doonen
Hauptmaun (H. m., -mana) eena dee een aunjestaldet Aumt äwa Soldoten haft
Haupträajel (H. f., -jlen) de wichtichste Räajel
Haupträdna (H. f., -) dee wäa opp een Fast de lenjste ooda de wichtichste Räd helt
Hauptsach (H. f., -en) daut Wichtichste
Hauptstaut (H. f., -städa) de Staut em Launt wua de Rejierungsmana toopkomen un schaufen
Hauptwuat (H. n., -wieeda) een Wuat daut een Dinkj ooda eene Sach betieekjent, tB: de Dakj, de Tiet, de Famielje; see uk Tietwuat un Ieejenschoftswuat
Hauptzol (H. f., -en) een Numma; eene Kardinal Zol, soo aus sikj daut von eene Ordnungszol unjascheeden deit
Hausp (H. f., -en) een Noagel en de Form von een ‘u’ toom een Drot aunnoaglen
Hauspel (H. f., -n) de groote Fläajel veren aun Jereetschoft toom Jeträajd heiwen, daut secha moakt daut et Jeträajd em Jereetschoft nenfelt
Hausselnät (H. f., -en) eene Sort Nät
haustich (Isw.) schwind; met een Tekjs; sikj nich Tiet loten
Häwelbenkj (H. f., -en) een Descha siene Oabeitsbenkj; de Desch opp däm een Descha oabeit
Häwelspoon (H. n., -) de Spoon de een Häwel moakt; de denne Stekja Holt de biem häwlen oppe Flua faulen
häwen (st.T., häw, häfst, häft, hoof, hoowen, jehowen) waut enne Hecht bewäajen
häwlen (schw.T.) met eenen Häwel een Brat glaut moaken ooda denna moaken
Häwmenjsel (H. n., -) een Menjsel von Häw un woamet Wota, daut dan met Mäl toopjerieet woat toom Broot baken
Hebräa (H. m., -) noch een Nomen fa eenen Israelit em Oolen Tastament
Hebron (H. n.) eene Staut en Israel, un uk en aundre Lenda
hecha (Isw.) Comparativ von ‘huach’: huach, hecha, aum hechsten
hechstens (Isw.) nich mea aus; oppet mieeschte
Hecht (H. f., -en) de Mot von ungen bat bowen
Hedd (H. m., -s) daut Dakjsel von een Moota, daut de Pistons bedakjt
hee (pron. m.ez.) dee Maunsmensch
heeden (schw.T.) no daut Vee oppe Weid oppaussen
Heeflichkjeit (H. f., -en) de Oat von wäm respakjtvoll aunräden, dan sajcht eena nich ‘du’ oba ‘jie’
Heeft (H. n., -a) Komst waust em Goaden en Heefta
Heel (H. f., -en) een Loch aum Eewa ooda enne Ieed wua eena nenkrupen ooda gonen kaun
heel (Isw.) jesunt; gaunz; veholt
heelen (schw.T.) jesunt woaren; bäta woaren von Krankheit ooda Wunden
heelendet (Isw.) soont waut doa heelt
Heelmeddel (H. n., -) Medizien; Meddel toom waut veheelen halpen
heelsom (Isw.) waut doa halpt toom heelen
Heelungswunda (H. n., -) een wundaboaret veheelen; wan derch een Wunda jeheelt woat
heemlich (Isw.) mootwelles von aundre wajchjehoolen; plietsch
Heenafloak (H. f., -en) eene Floak fa Heena; een Jestal em Heenastaul wua de Heena kjennen oppkruppen
Heenamest (H. n., -) Mest von Heena
Heenastaul (H. f., -s) een Staul fa Heena; een Jebied fa Heena
Heenasupp (H. f., -en) de Supp von Heenafleesch
Heenavee (H. n., mz.) aule tome Väajel toop, soo aus Heena, Kunen, Enten usw.
heesch (Isw.) soo aus eene Stemm dee nich kloa es, tB wan eena vekjilt es)
heet (Isw.) voll Hett; sea woam; oppjehett; jäajendeel von kolt
heeten (schw.T.) eenen Nomen haben
Hei (H. n., -) drieejet Graus toopjebrocht toom Vee foodren
heichlarisch (Isw.) soo aus wan jeheichelt woat
heichlen (schw.T.) eenem waut väamoaken waut nich soo es; eenen Endruck moaken dee nich soo es
Heidraulikj (H. f., -en) eene Enrechtunk met jepomptet Schmäa toom eenen Piston lenja un kjarta moaken un doamet Jereetschoft opphäwen
Heifeeda (H. n., -sch) eene Fua Hei; een Woagen voll Hei
Heihupen (H. f., -pes) een Hupen Hei; een Klompen Hei daut soo besorcht es daut et nich enräajent
Heil (H. f., -) Evangelium; de Norecht von woo eena seelich woat
Heilant (H. m.) Jesus, dee daut Heil brinjt
heilich (Isw.) soo aus Gott es
Heilichtum (H. n., -s) de Städ (em Oolen Tastament) dee heilich es; de Tempel
heiljen (schw.T.) em Oolen Tastament worden Sachen jeheilicht, ooda heilich jemoakt met eene besondre Zeremonie vom Priesta
heilloos (Isw.) goastrich; schlajcht
Heim (H. n., -a) een Tus; daut Jebied ooda de Hoff wua eena tus es
heistakopp (Isw.) äwakopp; omjefollen
Heitsa (H. m., -sch) Jereetschoft toom hetten; een Owen
heiwen (schw.T.) 1) schlonen, soo aus met de Haunt ooda een Stock; 2) aufschnieden, soo aus Graus ooda Jeträajd
Heiwklotz (H. m., -kjlaz) een Klotz opp däm Heena on Hons de Kjap aufjeheift woaren
hekjren (schw.T.) nich sea lud roaren un tweschenenn opphieren un wada roaren, un sikj nich beschwichten loten
Heljedach (H. m., -doag) een besondra Dach em Kjoakenjoa, soo aus Wienachten, Oostren ooda Himmelfoat; een Dach aun däm de Rejierunk eenem daut Oabeiden aufsajcht un eena aunjekroacht woat toom aun eene besondre Sach denkjen
heljedoagsche (Isw.) soone toom Heljedach
Heljeowent (H. m., -s) de Owent, ooda de Dach, ver een Heljedach
Help (H. f., -) soont waut halpt
Helpa (H. f., -/sch) eena dee doa halpt
Helpatietwuat (H. n., -wieed) een Tietwuat daut met een aundret Tietwuat toop steit, tB: ekj kaun, mucht, woa, doaf, saul ooda mott setten
helploos see: halploos
Heltabless (H. n., -en) eena dee sikj nich leicht väasajen lat; eena dee sea no siene ieejne Meeninj haundelt
heltablessich (Isw.) soo aus een Heltabless; hoatnakich; ieejenkoppich; soona waut sikj nich leicht leiden lat
heltana (Isw.) von Holt
Hempel (H. m., -s) een groota Klompen; een sea kjliena Boajch
hendich (Isw.) toom pauss; praktisch; behelplich
Hendla (H. m., -sch) een Haundelsmaun; eena dee Sachen toom vekjeepen haft
henjen (st.T., henj, honk, hongen, jehongen) bowen aun waut faust sennen un raufschoklen
henjflichtich (Isw.) onbeholpen; schlajcht eefache Dinja doonen kjennen; nich hendich
henjopphäwen (st.T., sp: häwen Henj opp) wälen; met de Haunt wiesen fa wäm eena wält
Henjopplajen (H. n.) eene Form von ensäajnen bie woont de Eltesta de Henj opp däm Kandidat lajcht fa daut Jebäd
henjopplajen (st.T., sp: lajen Henj opp) eenen Prädja bestädjen
Henjsel (H. n., -s) daut waut doa henjt; daut waut toophenjt
hepkjeshoa (Isw.) sea afens, von Tiet; sea knaup; mau jrod
herfa (Isw.) sea driest, mootich, ooda omhäa
Hersch (H. m., -) Ree
Herschkoo (H. f., -kjieej) Reekoo
hetskoppich (Isw.) leicht doll ooda vedrislich
hetten (schw.T.) heet moaken; waut woam moaken; Hett jäwen
Hettinj (H. f., -en) de Enrechtunk toom hetten; daut waut de Heitsa brent
Hettowen (H. m., -wes) een Owen toom een Hus hetten
hetzich (Isw.) leicht vedrislich ooda doll; hetskoppich
hia (Isw.) opp dise Städ; nich doa;
hiahäa (Isw.) hia opptoo; en dise Rechtunk; hiahan
hiahan (Isw.) hia opptoo; en dise Rechtunk
hiamet (Isw.) met dit; opp disen Wajch; soo
hiarenn (Isw.) en dit
hiarom (Isw.) en dise Jäajent; hia dichtbie
Hieet (H. n., -s) de Städ wua de Hett rut kjemt
Hieezh (H. f.) fien blädajet un fien sotjet Graus ooda Jeträajd
Hieezhbassem (H. m., -s) een Bassem von Hieezh Stroo jemoakt
Hieezhgrul (H. f., -en) Voagelgrul; een Jestal em Goaden toom Väajel enjsten, enne Form von een Mensch met Oarms un Kjleeda
hiejlich (Isw.) boajich; nich jlikje Stap
hielen (schw.T.) roaren; ziplen; hekjren
hielrich (Isw.) meist aum hielen
hiepen (schw.T.) Ieed aun eene Plaunt, soo aus Ieetschocken, naun brinjen
hieren (schw.T.) waut mete Uaren venämen
hierende (Isw.) soone waut hieren kjennen
Hiescha (H. n., -sch) een kjinjajet Wuat fa Pieet
hiesje (Isw.) dee von dise Jäajent
Hiestje (H. n., -s) Zekjreet; Bekjhus; Auftrett
Hieter (H. m., -s) de Enrechtunk en een Foatich toom doabennen hetten
Himbäa (H. f., -ren) de Frucht von Himbäastruck; eene seetsuare kjieenaje Frucht
himlisch (Isw.) sea scheen; utnoms scheen; soo aus eena sikj daut väastalt daut et kunn em Himmel sennen
Himmel (H. m., -s) de Städ wua Gott un de Enjel sent; daut waut huach bowa ons es, soo aus de Wolkjenhimmel, de Lofthimmel, de Stiernhimmel
Himmelfoat (H. f., -s) de Heljedach fa Jesus sien nom Himmel foaren nodäm daut hee vom Doot oppstunt
himmelhuach (Isw.) sea huach; butajeweenlich huach; soo huach aus de Himmel
Himmelrikj (H. f.) daut Veheltnis tweschen Menschen un tweschen Gott un Menschen daut Gott ons wenscht
Himmelsdäa (H. f., -ren) daut derch waut eena nom Himmel kjemt
Himmelsstenda (H. m., -sch) een sea groot jewosna Mensch
Hindanis (H. n., -en) soont waut hinjat; soont waut emwäaj es
hindren (schw.T.) see: hinjren
hinja (Isw.) en dee Rechtunk von waut, wua eena nich jrod hankjikjen kaun; aun de aundre Sied
Hinjabeen (H. n., -) een Been hinjen aum Tia
Hinjadäa (H. f., -ren) eene Däa aune Hinjakaunt
Hinjafoot (H. m., -feet) de Foot aun een Hinjabeen von een Tia
Hinjafupp (H. f., -en) eene Fupp hinjen aune Bekjsen
Hinjahoff (H. m., -häw) de Hoff hinjarem Hus
Hinjajedanken (H. m., -) een Jedanken dee nich sea wichtich es, ooda dee mau wietleftich waut met däm Hauptjedanken to doonen haft
Hinjakaunt (H. f., -en) de hinjaschte Kaunt; de hinjaschte Sied; von hinjen
hinjalestich (Isw.) hinjarigjsch; lestich; met Lest
Hinjanomen (H. m., -mes) Famielje Nomen
hinjarenaunda(Isw.) eent nom aundren; eena hinja dän aundren
Hinjarenj (H. n., -s) daut Poat vom Kjarpa opp waut eena sett; Moazh
hinjarigjsch (Isw.) lestich; mootwelles waut vestoaken hoolen; toom aunschmäaren
Hinjaschinkjen (H. m., -jes) de hinjaschte Schinkjes aun een Tia
Hinjasett (H. f., -en) de hinjaschte Sett en een Foatich
hinjastalich (Isw.) nich nojekomen; hinjenjebläwen
Hinjastow (H. f., -en) eene Stow aun hinjakaunt Hus; eene Schlopstow
hinjawäajes (Isw.) tweschen hia un doa; oppem Wajch
hinjen (Isw.) aun ooda bie daut latste Enj; nich väaren; nich aun de väaschte Sied
hinjren (schw.T.) trigj hoolen; em Wajch sennen; ommaklich sennen
Hinjst (H. m., -en) een hee Pieet daut nich utjeschnäden es
hinkjen (schw.T.) lom gonen; soo aus eena jeit wan nich beid Been äwareen goot kjennen
Hitsch (H. f., -en) de Enrechtunk toom een Woagen ooda Jereetschoft aun een Trekjta ooda Semmie aunhoaken
hitzen (schw.T.) dän Hunt schekjen daut dee balen ooda joagen saul
Hoa (H. f., -) waut eenem oppem Kopp, un uk aundaswäajes aum Kjarpa waust
Hoabreet (H. n.) eene äwadräwen kjliene Mot; de Mot von woo dikj een Hoa es
Hoad (H. m., -s) eene dee Vee heeden deit
Hoadskot (H. f., -en) eenem Hoad sien Wonhus
Hoadsstock (H. m., -stakja) een Hoad sien Stock toom Vee heeden
Hoadstausch (H. f., -en) een Hoad siene Tausch
Hoafst (H. m.) de Joarestiet tweschen Somma un Winta
Hoagel (H. m.) jefroarna Räajen; Ies Bala em Räajen
Hoagelstekj (H. n., -a) een Ies Stekj vom Hoagel
hoaglen (schw.T.) wan Hoagel, runde Stekja Ies, vonne Wolkjen faulen, jeweenlich met eenen gooden Räajen
Hoaken (H. m., -kes) eene Spetz dee vom Enj wajchjedreit es, soone Spetz von Holt ooda aundret; een schoap jeboagna Drot ooda Stang soo daut de biem trigj trakjen hoakt
hoaken (schw.T.) aun Hoaken faust woaren; trigj trakjen met een Hoaken
Hoakj (H. f., -en) Jereetschoft toom hoakjen
hoakjen (schw.T.) met eene Hoakj Sachen, Stroo ooda Schunt toopkleiwen; knubbelje Ieed met eene Hoakj jlikj strikjen
Hoakjsel (H. n., -s) een toopjehoakjta Klompen
Hoanat (H. n., -s) een Nat toom de Hoa hoolen von wajchfaulen
Hoap (H. f., -en) een musicalischet Instrument
Hoapenspäla (H. m., -) eena dee de Hoap spält
Hoapenspell (H. n., -) de Musikj von eene Hoap
hoaren (schw.T.) Hoa velieren
hoarich (Isw.) voll Hoa; met Hoa bestreit
Hoaschnieda (H. m., -sch) eena dee Hoa schnitt
Hoat (H. n., -en) 1) de Bloot Pomp en een Kjarpa; 2) de deepste Städ en eenem sien denkjen un vestonen; (dim.) Hoatje, -s
hoat (Isw.) daut jäajendeel von wieekj; soont waut nich entodrekjen ooda to bieejen jeit; hoat, hoada, hoatste
hoatlich (Isw.) väl vedroagen un uthoolen
hoatlierich (Isw.) nich leicht waut lieren, soo aus enne School
hoatnakich (Isw.) sikj nich leicht leiden ooda beräden loten
Hock (H. n., -s) 1) eene aufjetiende Städ soo aus fa Vee; 2) Hock, -en: eene Städ wua Goawen toopjestalt sent
Hocka (H. n., -sch) een Veakaunt von Zeich, soo aus toom Dakjen neien
hockich (Isw.) met väl Hocks
hockrich (Isw.) met väl Hocks
Hoff (H. m., Häw) daut Stekj Launt opp woont eena siene Jebieda un Jereetschoft haft
Hofkje (H. f., -s) een Voagel, 15-30 cm lank, daut Mies frat
Hofkjedonst (H. n.) een Utdruck fa soont waut nuscht meent
Hoft (H. f., -en) daut Jelenkj wua Been un Kjarpa toopkomen
Hoklinkj (H. n., -nja) junget Vee
holen (schw.T.) wua hangonen un waut trigj brinjen
holkjeren (schw.T.) holl moaken; daut bennaschte rut nämen
Holkjs (H. m., -en) een natet Loch met oneegole Kaunten
holkjsen (schw.T.) een Holkjs moaken; een natet Loch moaken daut oneegole Kaunten haft
holl (Isw.) ladich von bennen; een grootet Loch enne Medd haben
Hollaunt (H. n.) een Launt em nuadwasten en Europa, wasten von Dietschlaunt
Hollenda (H. m., -) eena von Hollaunt
Hollinj (H. f., -en) eene Städ dee utjeholt es; een jleiet Loch nich sea deep
Hollopzee (H. n.) eene Kost von Fleesch un Ries en Komstbläda jerolt
Hollunk (H. m., -en) eene dee een bät veacht es
Holt (H. n.) daut bennaschte von een Boom Staum
Holthaka (H. m., -sch) eena dee Holt hakt
holtich (Isw.) soo aus Holt; soo aus von Holt
Holtklompen (H. m., -pes) een Klompen Holt
Holtoabeida (H. m., -) eena dee met Holt oabeit toom Meebel ooda Hiesa moaken
Holtoabeit (H. f. –en) met Holt schaufen
Holtwach (H. f.) een Errwajch
Homa (H. m., -sch) een Jereetschoft toom Näajel en schlonen un aundre Holtoabeit doonen
Hommel (H. m., -s) eene groote Flieej ooda Bie
Hon (H. m., -s) een hee mank de Heena
Honnich (H. m.) daut seete Zieropp daut Bieen saumlen
honnichseet (Isw.) soo seet aus Honnich
Hooden (H. f., mz.) de Bala aum Maunsjlett
Hoofiesa (H. n., -sch) daut Iesa daut unjen aum Pieetshooft naunpaust
Hooft (H. n., Heefta) de hoade Tee aun eene Koo ooda Pieet
hoojoonen (schw.T.) daut Mul opmoaken un deep enodmen wan eena meed ooda schleeprich es
hoolen (st.T., hool, helst, helt, hilt, hilden, jehoolen) nich loten wajchkomen; met de Henj soo doonen daut die waut nich wajchkjemt; oppbewoaren; fa waut oppkomen; veauntwuatlich sennen
Hoospitol (H. n., -s) eene Enrechtunk toom Kranke besorjen
Hoost (H. m.) eene wankende Krankheit; eene Enzindunk enne Wintpiep; daut Jebal wan eena hoost
hoosten (schw.T.) wan de Lungen haustich met Macht utodmen om daut loos to woaren waut em Hauls kreiwelt
Hoot (H. m., Heed) eene Metz dee rutom een Schilt haft
hopen (schw.T.) sikj opp waut spetzen; stoakj wenschen, met eenen Gloowen daut et komen kaun
Hopninj (H. f., -en) de Toostaunt en däm eena waut en utsecht haft; een hopen
horchen (schw.T.) hieren; oppaussen waut jesajcht woat, ooda no een Jelud; de Uaren loten äare Oabeit doonen;
Horizont (H. m.) doa wua daut soo lat aus wan de Ieed un de Lofthimmel toopkomen
Hos (H. m., -en) een natet Tia met wieekjet Fal un lange Uaren
Hoseschoa (H. m.) een Jeburtsfäla met eene jespoolde Bowalepp, Bowamul ooda beides
hoseschoarich (Isw.) soo aus eena dee met eene jespoolde bowaschte Lepp jebuaren es
Hosiana (H. m., -) een Utdruck toom Gott danken fa waut hee jeholpen haft
Hotel (H. n., -s) een Jeschaft wua eena eene Stow to Äwanacht pachten kaun; een väl stockjet Motel
Howa (H. m., -) eene Sort Jeträajd, dee väl aus Fooda fa Vee jebrukt woat; Howajrett es von Howa jemoakt
Howajrett (H. f.) jerolda aufjeschlowna Howa, daut met Wota jekoakt woat, sea bekaunt aus to Freestikj
Howawopp (H. f., -en) daut Poat von eene Howa Stud met de Kjieena; eene Howa Stud haft nich eene Oa, de Kjieena waussen bowen aum Staum jieda, jieda aun eenen Stenjel
Howen (H. m., -s) de Enrechtunk wua een Schepp aum Launt komen kaun
Hua (H. f., -ren) eene Fru dee de Ehe brakjt; dee sikj utjeft toom Jeschlajchtsvekjia jäwen
huach (Isw.) enne Hecht; nich läach; bowen; (een huaget; huach, hecha, aum hechsten)
huachaunjeseenen (Isw.) väl wieet sennen; väl jeräakjent sennen
huachaunjestalt (Isw.) groote Veauntwuatunk haben; een huaget Aumt haben
huachbeaumt (Isw.) een huaget Aumt haben
Huachdietsch (H. f.) de Dietschlendsche Sproak
huachhoolen (Isw.) väl räakjnen
huachjeschazt (Isw.) eenen grooten Wieet haben; väl wieet sennen
Huachlaunt (H. n., -lenda) Launt daut eenjemoten huach licht
Huachlenda (H. m., -) eena dee opp Huachlaunt wont
Huachmoot (H. f.) de Oat von äwamootich sennen; sikj väl tootruen
huachmootich (Isw.) sea mootich sennen; väl von sikj hoolen
huachnäsich (Isw.) prauzich; väl von sikj denkjen
Huachschool (H. f., -en) eene School fa naunwaussende Jugent dee aul derche Darpschool sent
Huachwajch (H. m., -wäaj) goot oppjebuda Wajch
Huachwota (H. n., -) eene Äwaschwamunk
Huararie (H. f., -n) een Väahaben daut de Ehe brakjt
huaren (schw.T.) ehebräakjen
Huarn (H. f., -s) een aufjespeztet Rua daut oppem Kopp von eene Koo ooda aundret Vee waust
huarnja (Isw.) eena met Hieena
hubren (schw.T.) wan een Mensch soo kolt es daut hee aunfangt to zetren
hubrich (Isw.) wan eenem soo kolt es daut dee meist aunfangt to hubren ooda tekjren
Huck (H. f., -en) Hinjarenj; Sett
hucken (schw.T.) setten; oppe Huck setten
hundat (H. f.,-ade) 100; Ordnungszol: 100., hundatste
Hunga (H. m.) velangen no Äten
Hungakoolkje (H. f.) een Aunfaul to däm eene fuaz äten saul
Hungaschnoot (H. f.) nich jenuach to äten haben; eene Tiet en dee een Volkj nich jenuach to äten haft
hungrich (Isw.) Hunga haben; daut ennaliche Jefeel haben daut eena waut äten mucht
hunjsch (Isw.) ruchet väahaben; roff; nich oppaussen
Hunt (H. m., Hunj) een natet Tia daut aus een Wajchta jebrukt woat ooda toom met de Kjinja spälen; (dim.) Huntje, Hunjkjes
huntmeed (Isw.) sea meed
Hupen (H. m., -pes) een Klompen; (dim.) Hupkje, -s
huppasch (Isw.) bosich; hupsrich bosich
Hups (H. m., -) een Sprunk
hupsen (schw.T.) sikj mete Feet enne Loft schmieten
hupsren (schw.T.) välmol hupsen
hupsrich (Isw.) met hupsren; soo aus hupsren; em galupp
hurtich (Isw.) bosich; schwind (een hurtja; hurtich, hurtja, aum hurtichsten)
Hus (H. n., Hiesa) een Wonjebied; een Jebied
Husbu (H. m., -) de Oabeit von een Hus buen
huschen (schw.T.) met vefieren vejoagen
Husdäa (H. f., -ren) eene Däa em Hus nenn
husen (schw.T.) wonen; een Hus ooda eene Städ bewonen
Hushault (H. m., -s) de Wirtschoft von een Wonhus
Husjemeent (H. f., -en) een Jemeent dee en een Wonhus toopkomen to Kjoakj
Huskjnajcht (H. m., -s) een Oabeida em Hus; een Kjnajcht em Hushault
Husoabeit (H. f., -en) de jeweenelje Oabeit em Hus
Husvewaulta (H. m., -/sch) Huswieet; eena dee de Jelträakjninj fieet
Husvoda (H. m., -sch) de Voda von de Famielje; Huswieet; de Oppsechta en een Jebied
Huswieet (H. m., -s) de Wieet von een Hus; Husvoda; de Ieejendeema von een Hus; de Oppsechta en een Hus
Hut (H. f., -) de Schal aum Kjarpa; de Schicht opp oolen Schmaunt
Hutkrankheit (H. f., -en) eene Krankheit aune Hut; eene Krankheit bie dee eenem de Hut utbrakjt
hutschen (schw.T.) see: hutschlen; een Bäbe sea enne Oarms wieejen toom daut stell moaken
Huttatola (H. m., -sch) een Hutra
Huw (H. f., -en) eene Oolt Koloniesche Fruesmetz
|
