Dee Goldne Tjast steat vere Dea Daut tjemmt vendoag nich foaken ve Goldne Tjast, dit es ne ritje Jie brucke junt bloos auntetjitje Jletjlich noch no 50 Joa Gottes Jnod es wondaboa Gottes Jnod es doch soo ritj Dann schient daut Lewe aus Musitj Jletjlich we dit junge Poa Uck ohne Gold ver 50 Joa See sochte enn see funge sich Fonk aules aun aus een Jedicht Dit Lewe schreef de Melodie Dee Joare rande schwind vebie Dee Harmonie moatjt maun von wiet Doat Leet word beta mete Tiet Na welle bloos nich ewadriewe Emma kun daut nich soo bliewe Hia es nu kratjt opp dise Sted Nich onbedinjt von junt dee Red Dit gauf doch groote Unjascheede Wo see uck emma muchte heete Doft en Nut, ooda Hauns en Liese See muste aula derche Krise Muste sich escht toop jewane Sache wo dee Joare rahne Dee Maun, dee gauf vel eea nu We nich soo stur aus siene Fru Hee hoad dochwol een Hoat ut Gold Enn see auswan ut hoadem Holt Dee Tjnja wisste daut jenau Enn dise Hinsejcht send se schlau Soont moatje see sich seea schwind Von woone Sied hia pust de Wind Dee Tjnja worde soo schwind groot Dann Groottjinja aul oppe Schoot Dit Lewe schreef daut ejne Leet Ahn deat nu uck nuscht meea Leed Noch eenmol tridj nu disem Poa Eent es mie emma noch nich kloa Wo kaun maun bloos soo lange Tiet Soo jletjlich sene Leewe Lied? Verrud ons dit Jehemnis doch Enn vlejcht een bestje meea noch Daut meea Mensche oppe Ed Toop jletjlich lewe enn tefred ……………………………….. Waut nutzt daut gaunze Gold dee Welt? Wann Du dit Jletj nich hast Dann leewa noch soo wenig Jelt Enn Jletjlich oppe Goldne Tjast
Etj dank aulem, deu mi jeholpe haben diese Sied te buje. Etj dank uck aulem wea mi Jedichta, Jesichte Leuda .... toojeschetjt haft. Sool hie ne Sach bene sene, deu unja Copyright steht, dann schrift mi daut. Etj nem daut dann rüt.
