|
Galoon (H. f., -en) eene Mot von Wota ooda aundret flissendjet; eene Mot von 4 Kwoat ooda 4 ½ Lieta
galupp (Isw.) woo een Pieet rant wan dee omzajcht met de Hinjabeen un de Väabeen oppkjemt
galuppen (schw.T.) sea bosich met een Pieet ranen
Gank (H. m., -s) eene schmaule Haul; een Stich tweschen twee Wenj; woo eene jeit es eenem sien Gank
garantie (H. n., -s) biem Haundel een Vespräakjen daut de Sachen goot sent, un gonen trigj to brinjen wan eena nich tofräd es
Gardien (H. f., -en) daut waut äwa ooda rom een Fensta jehongen woat; eene Gardien kaun uk eene zeichne Waunt sennen
Gasolien (H. f., -en) Brennstoff fa een Moota
Gaufel (H. f., -flen) een Jescherr met Tinjen toom Äten oppspekjen un äten; eene groote Gaufel kaun uk eene Forkj sennen
Gaul (H. f., -en) eene Fupp em Kjarpa wua Gaulsua toopjespoat woat
Gaulesteen (H. m., -a) Steen daut bie eenje Menschen enne Gaul saumelt von vezockadet Gaulsua
Gaulj (H. f., -en) een Jestal wua een Vebräakja jehongen woat
gaulmen (schw.T.) lud schrieen un omhäagonen
gaulstrich (Isw.) de Jeschmak von oolet Fat ooda Botta
Gaulsua (H. n.) flissendjet Stoff daut vonne Läwa kjemt un enne Doarm halpt daut Äten vedeiwen
gaundren (schw.T.) waut von wäm nämen onen daut dee gaunz enjewellicht haft; wäm äwaräden daut hee eenem waut jäwen saul
Gaunta (H. m., -sch) een hee Gaunz
Gaunz (H. f., Jans) een grootet Voagel
gaunz (Isw.) aules opp eemol; nuscht utjeloten; [Hee neem dän gaunzen Klompen. Daut Hus es gaunz foadich. Wie sent daut Darp nu gaunz vebie.]
gaunzungoa (Isw.) gaunz, sea [See kjeem gaunzungoa onverhofs.]
gaupen (schw.T.) sea odmen; kort loftich sennen
Gaus (H. f., -en) de Lienje wua Woages un Foatieja foaren; besondre Loft, soo aus Propän, Oksiecheno, usw
Gaussenakj (H. f., -en) de Akj wua twee Gaussen toopkomen ooda kjriezen
Gaussenmumkje (H. f., -s) eene Mumkje dee väl oppe Gaus romjeit un nich pinkjlich äa Hus besorcht
Gaussenschria (H. m., -sch) eene de delenjd de Gaus gonen saul un fa aule de latste Norecht schrieen
Gaust (H. m., Jast) eena dee spazieren kjemt; eena dee en een Hus es wua hee nich tus es
gaustfrie (Isw.) wellich Jast oppnämen; oppnäment sennen
Gausthus (H. n., -hiesa) een Jeschaft wua eena fa Jelt äwanacht bliewen kaun
Gaustjebott (H. n., -s) een Toopkomen wua uk noch eene Moltiet jejäft woat, soo aus eene Kjast ooda Bejrafnis
Gaustmol (H. n., -s) eene Moltiet to dee eena aundre jekroacht haft
Gauststow (H. f., -en) eene Stow fa Nachtjast
Gess, Gessolien (H. f.) denne Eelj dee en een Moota jebrent woat
Gesstenk (H. f., -en) eene Tenk (Tank) toom Gessolien hoolen
Glaunz (H. m.) Schien; een Aufdachen von waut
Glaus (H. n., Jläsa) een Materiol daut sea hoat un sea brosch es, jeweenlich derchsechtich, ooda daut lat waut Licht derch; een Kuffel onen Ua von Glaus jemoakt; (dim.) Glauskje, Glauskjes, Jläsakjes
glausnet (Isw.) von Glaus
glaut (Isw.) nich ruch; sea jlikj
glautmul (Isw.) eena dee sea schmeissich räden kaun oba nich bie de Woarheit blift; een Heichla
gloaren (schw.T.) doll wäm aunkjikjen
Glodies (H. m.) een haulf enjefroarna Räajen; daut Ies daut opp aules frist wan daut glodiest
glodiesen (schw.T., i.) Räajen de haulf jefroaren es un fuaz aun aules aunfrist
Gloms (H. f., -en) de witte Bala dee en Dikjemalkj komen wan dee een bät jehett woat
Gloot (H. f.) rootheete Ausch dee noch nich gaunz utjebrent es
Glootpaun (H. f., -en) eene Paun toom Gloot oppnämen unja een Fia
Gloowen (H. m., -wes) waut eena jleeft; waut eena von Gott un de Bibel jleeft; waut eena von de Jeistawelt jleeft
Gloowensbekjantnis (H. n., -e) waut eena von sien Gloowen zeicht; waut eena auflajcht von sienen Gloowen; waut de Kjoakj von Jugentliche velangt ver de jedeept woaren
Gloowenskaumf (H. f., -kjamf) sikj derch Twiewel derchfinjen äwa Froagen em Gloowen
Gloowenskrauft (H. f., -en) Krauft dee eena derch sienen Gloowen kjricht
Gloowenslia (H. f., -lieren) de Lia von eenem sien Gloowen
glotzen (schw.T.) glupen, gloaren, too sea kjikjen
Glowensjeschwista (H. n.) Lied met dee eene dän selwjen Gloowen haft
Gluaje (H. f., -) Gloot; wäm sea domm sajen
glupen (schw.T.) glotzen, gloaren
gnaubren (schw.T.) gnoagen; aun waut sea hoadet bieten
Gnauts (H. n., -) een utbräakjen aune Hut von jewesse Plaunten aunschieren
Gnoakj (H. n., -) äwajebläwne Bieta dee to nuscht to brucken sent
gnoaren (schw.T.) brumlen; weeten loten daut eena sikj stieet
gnodren (schw.T.) daut Jelud wan de Jieesch nich krakjt toop paussen
gnorren (schw.T.) een Hunt sien gnoaren
gnorrich (Isw.) brumlich; onwellich; eenjemoten jäajenaun
gnorschen (schw.T.) daut Jelud von Tänen toop rublen
gnupsen (schw.T.) aufjleppen; schlajcht aun waut hoolen
Gnurpel (H. n., -) daut witte ooda derchsechtje waut eena en een Jelenkj finjt
gnurplich (Isw.) soo aus Gnurpel; vewossen un hoat, nich to brucken
gnuwlen (schw.T.) met een stompet Massa vesieekjen to schnieden
goa (Isw.) derchjekoakt, derch jebakt ooda derch jebrot un reed toom äten
Goaden (H. m., -des) eene jeoabeide Plak oppem Hoff wua Jekjäakjs, Bloomen un Fruchtbeem jeplaunt un jefläacht woaren
Goadenflekj (H. n., -a) daut Flekj daut to Goaden jebrukt woat
Goadenschnigj (H. m., -en) een Kjniepa met eene hoade Schal un mau een wieekja Foot
Goadentun (H. m., -s) een Tun rom een Goaden
goanich (Isw.) nich; äwahaupt nich; opp kjeenen Wajch
goanuscht (Isw.) nuscht; äwahaupt nuscht
goaschtrich (Isw.) schlajcht; onjehuarsom; jäajenaun
Goastaumel (H. m., -s) een niedatrajchtja Jung; een goastaja Jung
Goaw (H. f., -en) een Wesch aufjeschnädne riepe Jeträajd Plaunten de met een Baunt toopjebungen sent; een Binja moakt Goawen
golden (Isw.) soone Kalia aus Golt; soo aus Golt; soo scheen aus Golt
Golt (H. f., -) eene Sort jälet, nich sea hoadet, dieret Metol
Goltschmett (H. m., -ts) eena dee Golt schmäden deit
gonen (st.T.; go, jeist, jeit, jinkj, jinjst, jinkj, jinjen, jegonen) tofoot gonen; mäajlich sennen; verwoats ooda enne Hecht bewäajen
Gonst (H. f., -en) een goot aunseenen
Gonstock (H. f., -stakja) een Stock dän eena enne Haunt helt un toom gonen halpt, jeweenlich haft dee bowen eene Kroll toom aunfoten
goodalatst (Isw.) daut latste; een ojjeduldjet latste
goodjenuach (Isw.) wellens sennen waut prostet auntonämen
Goondach (H. m., -s) met dit bejrees wie Menschen äwadach jeweenlich
goot (Isw.) fein; scheen; aunjenäm; nich schlajcht; nich orrajcht; nich onjehuarsom
gootachten (schw.T.; sp: achten goot) aufschazen aus goot
gootaunjeseenen (Isw.) denkjen daut waut goot es
gootdenkjen (st.T.; sp: denkjen goot) von waut denkjen daut et goot es; waut räakjnen
gootdrekjen (schw.T.; sp: drekjen goot) eenem siene Oarms rom wäm drekjen wiels eena däm/dee väl räakjent
gootgonen (schw.T.; sp: gonen goot) scheen gonen
gootheeten (schw.T., sp: heeten goot) sajen daut et goot es; tofräd met sennen
Gootmaun (H. m., -mana) eena dee vonne Jemeent ooda vom Weisenaumt aunjestalt woat toom de wirtschoftliche Sachen räajlen
gootmeenent (Isw.) met eene goode Meeninj; leeftolich;
gootsennen (st.T.; sp: sent goot) Leew fa wäm haben; perseenlich sea väl räakjnen
Gorjel (H. m., -s) Hauls; Schlucka
Gort (H. m., -s) en dee Tiet aus Menschen nich Bekjsen brukten, druagen see eenen Gort rome Lenjen
gotlich (Isw.) paussent; behelplich; maklich
Gott (H. m.) dee wäa Himmel un Ieed jemoakt haft un aules rejieet
Gottesdeenst (H. m., -en) waut de Jemeent Sindach zemorjes enne Kjoakj haft
Gottesgow (H. f., -en) de Gow met woone Gott eenem beschenkjt haft
Gotteshus (H. n., -hiesa) eene Kjoakj; Kjoakjenjebied
Gotteskaus (H. f., -en) eene Kaus fa Gott sien Woakj
Gotteskausten (H. m., -tes) een Kausten wua de Gotteskaus nenjeschmäten woat
Gottesrikj (H. n.) Gott sien Rikj
Gottessän (H. m.) Gott sien Sän, Jesus Christus
Gottesstaut (H. f.) em Oolen Tastament de Staut wua de Tempel wia
Gotteswuat (H. n.) Gott sien Wuat; de Bibel
gottloos (Isw.) onen Gott; schlajcht; kjeen Jewessen
Gow (H. f., -en) Jeschenkj; waut eena jeft; waut eenem jejäft woat
Gowernia (H. m., -nieren) de hechst aunjestalda em Estado
Gramatikj (H. f., -en) de veschiedne Räajlen dee eene Sproak rejieren toopjenomen
Granat (H. n.) eene Sort Steen
Grauf (H. f., Jräwa) een Loch enne Ieed toom eenen Dooden begrowen
Graufhoff (H. m., -häw) een Hoff wua Doodes begroft woaren
Graufsteen (H. m., -a) een Steen dee opp Enj von een Grauf oppjestalt woat, jeweenlich met Nomen un Doten von däm Vestorwnen
Graum (H. n., -) eene Mot von Jewicht; 1/1000 von een Kilo
Graum (H. n., -) eene Mot von Wicht; 1/1000 von een Kilo ooda Kilograum; unjefäa 1/3 von een Unz
Graunt (H. f., -) Saunt; fiene Steena
graupsen (schw.T.) fipsen; haustich nämen; haustich enfoten
Graus (H. f.) lange schmaule Bläda dee ute Ieed waussen un Fooda fa Vee es
Graushoppa (H. m., -sch) een Kjniepa met lange Hinjabeen toom wiet hupsen, un Flichten toom flieejen, dee frat Graus
grausom (Isw.) sea schlemm; sea schlajcht; sea vedorwen
Grausschnieda (H. m., -sch) Jereetschoft toom Graus schnieden
greiw (Isw.) eene licht schwoate Kalia
greiwhoarich (Isw.) greiwe Hoa haben
Griech (H. m., -en) eena von Griechenlaunt
Griechenlaunt (H. n.) een Launt em sieden Europa, oosten von Italien
griechisch (Isw.) soo aus en Griechenlaunt
Grill (H. f., -en) de väaschte Sied von eene Koa ooda Trock, jeweenlich met fiene Lajcha toom Loft derchloten
Grod (H. f., -en) 1) eene Mot von woo woam ooda kolt waut es; 2) fiena Knoaken en een Stekj Feschfleesch; 3) de Mot opp een Winkjelmäta
Grodglauss (H. n., -jläsa) Jereetschoft toom Groden aunjäwen
groff (Isw.) groot kjieenrich; schlemm; sea butajeweenlich
Groffbroot (H. n., -brood) Broot daut Kjlie bennen haft
Groll (H. m.) Wadawellen; Oaja; nich togood hoolen
grollen (schw.T.) sikj äwa waut/wäm oajren; wäm waut nich togood hoolen;
grolrich (Isw.) met eenen Groll; soo aus wan am waut grolt
Groosmame (H. f., -s) Groosmutta; eenem sien Voda siene Mutta ooda eenem siene Mutta äare Mutta
Groosmutta (H. f., -sch) Groosmame; eenem sien Voda siene Mutta ooda eenem siene Mutta äare Mutta
groosoatich (Isw.) grootsch; sea dia un schmock; sea
Groospape (H. m., -s) Groosvoda; eenem sien Voda sien Voda, ooda eenem siene Mutta äa Voda
Groospau (H. m., -s) Groosvoda; Groospape
Groosvoda (H. m., -sch) Groospape; Groospau; eenem sien Voda sien Voda, ooda eenem siene Mutta äa Voda
groot (Isw.) growe Moten haben [Daut es een grootet Kjint.]; utjewossen [Hee doaf daut nich bat hee groot es.]
Grootdochta (H. f., -dajchta) eenem sien Sän siene Dochta ooda eenem siene Dochta äare Dochta
Grootelren (H. mz.) Groosvoda un Groosmutta toop
Grootfrät (H. m., -en) eena dee sea driest rät; eena dee sea väl von sikj meent un jleeft
grootfrätich (Isw.) driesta un browa räden aus waut eena werkjlich es; grootmulich; ‘grootfrätich’ deit dolla veachten aus ‘grootmulich’
Grootkjint (H. n., -kjinja) eenem sien Kjint sien Kjint
Grootmul (H. m., -s) Grootfrät
grootmulich (Isw.) driesta un browa räden aus waut eena werkjlich es; grootfrätich
Grootmutta (H. f., -sch) Groosmutta; Groosmame
Grootsän (H. m., -s) eenem sien Kjint sien/äa Sän; (dim.) Grootsänkje, -s
grootsch (Isw.) groosoatich; een bät bäta aus aundre
grootsindoagsch (Isw.) soo aus too eenen grooten Sindach; butajeweenlich krakjt un schmock
Groow (H. f., -en) eene flake Ran
Gropen (H. m., -es) een Behelta jeweenlich met een Stäl ooda een Bäajel, toom bennen Äten koaken
grosen (schw.T.) soo aus Vee, Graus vonne Weid fräten
grotren (schw.T.) räajnen met jefroarnen Räajen
Grotta (H. m., -) jefroarna Räajen
Growen (H. m., -es) eene groote Groow; eene Ran toom Wota aufleiden oppem Launt
growen (st.T.; grow, grofst, groft, groof, groowen, jegroft) soo aus enne Ieed een Loch moaken; met een Spodem schaufen toom een Loch moaken; mank Sachen waut sieekjen
grulen (schw.T.) angst haben; soo angst haben daut eena sikj nich weet
grulich (Isw.) soo aus toom grulen
Grumaussen (H. f., -) sikj tieren met daut Jesecht vedreien; reagieren met Jesecht veschruwen
grumlich (Isw.) soo aus Grummel; jeronnen;
Grummel (H. n., -) soowaut aus de Koffe unjen em Kjätel; jeronnene Malkj
grumsaujen (schw.T.) grunsen; kloagen; jaumarieren; wetren; schellen; soo räden aus wan nuscht goot es
Grunsa (H. m., -sch) eena dee doa grunst; eena dee väl to kloagen haft
grunsich (Isw.) vegrunst; schelrich; soo aus wan nuscht toom pauss es
Grunt (H. f., -) fausta Boddem
Gruntloag (H. f., -en) Grunt; Boddem
gruntloos (Isw.) onen Grunt; onen Uasoak
Gruntloot (H. n., -s) een Bumeista sien Jereetschoft toom bestemmen auf waut jlikj nopp un rauf, ooda auf waut aufschossich es
Grunträajel (H. f., -jlen) eene Räajel dee von Grunt opp jehoolen es, un nich leicht to endren jeit
Gruntsteen (H. m., -a) Fundament; een Steen opp däm een Jebied jebut woat
Gruntwota (H. f., -) Wota daut von enne Ieed kjemt; Wota von enne Grunt
Grupp (H. f., -en) een poa; miere dee irjentwoo toop jehieren
Gruppenleida (H. m., -sch) de Leida von eene Grupp
Grus (H. f., -) fienet hoadet Mell; Iesaspoon
gruslen (schw.T.) schudren; grulrich; daut Jefeel wan eenem waut sea jäajenaun es
gruslich (Isw.) toom grulen; sea jäajenaun
Gruss (H. f.) waut eena auflajcht wan eena wäm jreest
Gumbaunt (H. m., -benja) eene gumne Seid toom rom waut nämen un toophoolen
Gumm (H. n.) wieekjet Materiol daut sikj bieejen un toopdrekjen lat un dan trigj kjemt no daut Jeschekj waut et ea wia, daut woat väl en Reifen un Schoo jebrukt
gummich (Isw.) soo aus Gumm; bakrich; eenjemoten wieekj
Gumreif (H. f., -en) eene Reif von Gumm jemoakt rom een Raut von een Woagen ooda Foatich, de Reif jeft sikj wan doa een Stuks es
Gumschoo (H. f., -) Äwaschoo; eene Schoo dee von Gumm un nich von Lada jemoakt es;
gurjlen (schw.T.) daut Jelud daut een sea kjlienet Kjint em Hauls moakt
Gurkj (H. f., -en) jreene lange denne Frucht von Bestaun, nich seet
gurren (schw.T.) daut Jelud von eene Duw
Guss (H. n., -) jegotnet Iesa
Gussiesa (H. n., -sch) see Guss
|
