|
Freja
Freja we daut aules beta,
Freja gauf daut tjeen Computa.
Tjenja spelde meeja oppem Hof,
Junges holpe erem Voda,
hackte Holt enn holde Wota
enn rannde hinjrem Baul plautboft em Stoff.
Daut were jesunde Tjedels.
Em Winta jintjet los met Schledes.
Enn de Metjes leet daut schmoak
Met dem ditjen langen Zopp.
Haude feine roode Backe,
koone scheen Ketlette backe,
Riebelplautz enn Pereschtji.
Were emma voll dobie.
Sote tus enn spelde Alwa (11er).
Rannde nich auls junge Tjalwa.
Were emma schmock jetjamt
Enn loode bat de Frija tjemmt.
Enn woat es vendogschen Dach?
Bute es daut ahn te dach.
Diese Tied verm Internet
Wo eena met dem aundren chat.
„Ich bin drin“, sajcht Boris Becker.
Junges tjane tjeenen Trecker.
Metjes droge kortet Hoa.
Fohre met de ejne Koa.
Vom Schmintje ha´se roode Backe.
Tjine nich mol Tweeback backe
Gone escht mol go nich rut
Ohne Schmitntje ute Koat.
Derwe daut nich, doone doch
Enn we weet waut aules noch.
Freja we daut aules beta,
Freja gauf daut tjeen Computer.
Enn woat es vendogschen Dach?
Peeta Motes
|
