Aus du jinjst

Aus du jinjst, de klock we 12
De Tiet, de blewt nich stone
Etj roopt noch hinjaroan: „Vetal,
Woo soal doat wieda gone“?
Wie hoade onst mest toopjewant
Dit we je kratjt doat Scheene
En nich soo rejchtich veejestalt
Doat niemols wada seene
Doat were goode Doag doabie
En vleijcht uck wenja goode
En doch sach etj tjeen Grond fe die
Op eenmol soo to spoode
Denn jieda Dach vebrocht etj jirn
En’ne Jejenwot en diene
Woo dankboa sie etj mienem Stern
De nich ophed mie to schiene
Aus een Expess ruschsd du vebie
Goafst noch mol rejchtich Gas
Nu es’et ut, dit es vebie
Mien Joa 2006
 -               -               -                 -
En floatad noch lang die een Bloat hinjaroan
De Kalenda es ladijch jeblewe
Nu frajcht sich een jiedra en Moskau uck Bonn
Woat brinjt onst 2000 en 7

Peeta Muates

Hiemet ertjlea etj uetdretjlich: Aule Rachschriewfehler send min, oda de Autoren ere  Jestlichea Ejentuma.
© by Webmaster: Viktor Sewautztje (Viktor, von Sewen)