|
De Jedanke fon plautdietsche Radiosendinjunge kaum doaderch, daut Dorothea en Rüdiger Klaue 1998 en Bolivien tu gaust weare. Unjaweajes trofe see eenen Mensch, woona sich tu de Ooltkolonisste held. Hee fetald ahn feel vonne Kolonie. Fen diese Tiet aun haude Klaues den Wensch de Kolonien en Bolivien met christlicheRadiosendinje te deene.
Lota funge Hermann en Irene Schirmacher eenen Deenst en Quito/ Ekuador bi de Mission HCJB aun. Uk see heade fen Viktor Unger Vorträge ewa dee Ooltkoloniste en Bolivien. Dan naume see sich fea, plautdietsche Senda fe det Jebiet to fördern, om de Mennonite te deene. Aus de Familje Schirmacher ne Quito kaume, tjreje see de Mejlichkjeit, een haulfstundjit Prograum ewa korte Walle to schetje.
Emmi Salmon halbt tu dise Tiet de Hiererpost te beontwoode en de Grußsendinje opteneme. See uobet uk bi de Ewaoabeidinj fen de plautdietsche Bibel met. Dee kunn see uk fe de Sendenje nutze. Aus de easchte plautdietsche Sendenje reed weare, kaum uk Armin en Sigrid Eitzen te Halp. See moake eenen Einsatz fe een Joa en de dietsche Obdeelinj en Armin ewanaum de technische Beobeedinj fone Sendinje.
Nu kun uk Esther Niefeld ere Muttersprok ensate. See tjemt ut Paraquay en schrift jearn Breef aun de Heara. Martha de Montenegro es eene einheimische Equadorianorin en uobeit em Büro met.
Oba waut es daut besondre aune plautdietsche Sendinje ut Quito? Uk en Kanada, USA, Bolivien, Mexico, Paraguay woare aul plautdietsche Sendinje utjestrolt. Aul dise Senda sent mau lokal ewa UKW en Mittelwelle tu heare. De Sendinje von Quito heat maun ewa Korte Wall ene gaunze Welt.
Gott sorcht to rechte Tiet fe de nedeje Oabeida. Em neachsten Joa kome Esther en Edwin Rampel ut Paraguay, om de Oabeid met de plautdietsche Sendenje wieda tu feare. Oba nich aule Metobeida leawe en Equador. Wi tjrije uk Beiträge ut Kanada von Ed Moates, Jacob Funk, John Ditj en John Hiebert. En dann ut Paraguay fon Paul Klosse, Frieda Derksen, Benny Bergen en Elwin Enns. Elmar Reima halpt ut de USA met. Wie sent dankboa daut onse Heara ons schriewe. Bet nute tjrej wie meea aus 500 Breew. Soone Maldunge moake ons Moot met de Radiooabeit wiedatumoake.
|
